주역언해 7권
坎은 陷ᄒᆞ고
離ᄂᆞᆫ 麗也ㅣ오
離^ᄂᆞᆫ 麗ᄒᆞ고
艮ᄂᆞᆫ 止也ㅣ오
艮은 止ᄒᆞ고
兌ᄂᆞᆫ 說也ㅣ라
兌ᄂᆞᆫ 說ᄒᆞ니라
右第七章
乾爲馬ㅣ오
乾이 馬ㅣ 되고
坤爲牛ㅣ오
坤이 牛ㅣ 되고
震爲龍이오
震이 龍이 되고
巽爲鷄오
巽이 鷄 되고
坎爲豕오
坎이 豕 되고
離爲雉오
離ㅣ 雉 되고
艮爲狗ㅣ오
艮이 狗ㅣ 되고
兌爲羊이라
兌ㅣ 羊이 되니라
右第八章
乾爲首ㅣ오
乾이 首ㅣ 되고
坤爲腹이오
坤이 腹이 되고
震爲足이오
震이 足이 되고
巽爲股ㅣ오
巽이 股ㅣ 되고
坎爲耳오
坎이 耳ㅣ 되고
離爲目이오
離ㅣ 目이 되고
艮爲手ㅣ오
艮이 手ㅣ 되고
兌爲口ㅣ라
兌ㅣ 口ㅣ 되니라
右第九章
乾은 天也ㅣ라 故로 稱乎父ㅣ오
乾은 天이라 故로 父ㅣ라 稱ᄒᆞ고
坤은 地也ㅣ라 故로 稱乎母ㅣ오
坤은 地ㅣ라 故로 母ㅣ라 稱ᄒᆞ고
震은 一索而得男이라 故로 謂之長男이오
震은 ᄒᆞᆫ 번 索ᄒᆞ야 男을 得ᄒᆞᆫ디라 故로 長男이라 니ᄅᆞ고
巽은 一索而得女ㅣ라 故로 謂之長女ㅣ오
巽은 ᄒᆞᆫ 번 索ᄒᆞ야 女를 得ᄒᆞᆫ 디라 故로 長女ㅣ라 니ᄅᆞ고
坎은 再索而得男이라 故로 謂之中男이오
坎은 두 번 索ᄒᆞ야 男을 得ᄒᆞᆫ 디라 故로 中男이라 니ᄅᆞ고
離ᄂᆞᆫ 再索而得女ㅣ라 故로 謂之中女ㅣ오
離ᄂᆞᆫ 두 번 索ᄒᆞ야 女를 得ᄒᆞᆫ 디라 故로 中女ㅣ라 니ᄅᆞ고
艮은 三索而得男이라 故로 謂之少男이오
艮은 세 번 索ᄒᆞ야 男을 得ᄒᆞᆫ 디라 故로 小男이라 니ᄅᆞ^고
兌ᄂᆞᆫ 三索而得女ㅣ라 故로 謂之少女ㅣ라
兌ᄂᆞᆫ 세 번 索ᄒᆞ야 女를 得ᄒᆞᆫ 디라 故로 小女ㅣ라 니ᄅᆞ니라
右第十章
乾은 爲天 爲圜 爲君 爲父 爲玉 爲金 爲寒 爲冰 爲大赤 爲良馬 爲老馬 爲瘠馬 爲駁馬 爲木果ㅣ라
乾은 天이 되며 圜이 되며 君이 되며 父ㅣ 되며 玉이 되며 金이 되며 寒이 되며 氷이 되며 큰 赤이 되며 良ᄒᆞᆫ 馬^ㅣ 되며 老ᄒᆞᆫ 馬ㅣ 되며 瘠ᄒᆞᆫ 馬ㅣ 되며 駁ᄒᆞᆫ 馬ㅣ 되며 木果ㅣ되니라
坤은 爲地 爲母 爲布 爲釜 爲吝嗇 爲均 爲子母牛 爲大輿 爲文 爲衆 爲柄이오
坤은 地ㅣ 되며 母ㅣ 되며 布ㅣ 되며 釜ㅣ 되며 吝嗇홈이 되며 均홈이 되며 子母牛ㅣ 되며 輿ㅣ 되며 文이 되며 衆이 되며 抦이 되고
其於地也애 爲黑이라
그 地예 黑^이 되니라
震은 爲雷 爲龍 爲玄黃 爲旉 爲大塗 爲長子 爲決躁 爲蒼莨竹 爲萑葦오
震은 雷ㅣ 되며 龍이 되며 玄과 黃이 되며 旉ㅣ 되며 큰 塗ㅣ 되며 長子^ㅣ 되며 決躁ㅣ 되며 蒼莨ᄒᆞᆫ 竹이 되며 萑葦ㅣ 되고
其於馬也애 爲善鳴 爲馵足 爲作足 爲的顙이오
그 馬애 善히 鳴홈이 되며 馵ᄒᆞᆫ 足이 되며 作ᄒᆞᆫ 足이 되며 的顙이 되고
其於稼也애 爲反生이오 其究ㅣ 爲健이오 爲蕃鮮이라
그 稼애 反ᄒᆞ야 生홈이 되고 그 究ㅣ 健이 되고 蕃ᄒᆞ야 鮮홈이 되니라
巽은 爲木 爲風 爲長女 爲繩直 爲工 爲白 爲長 爲高 爲進退 爲不果 爲臭오
巽은 木이 되며 風이 되며 長女ㅣ 되며 繩이 直홈이 되며 工이 되며 白이 되며 長이 되며 高ㅣ 되며 進ᄒᆞ며 退홈이 되며 果티 아니미 되며 臭ㅣ 되고
其於人也애 爲寡髮 爲廣顙 爲多白眼 爲近利市三倍오 其究ㅣ 爲躁卦라
그 人애 髮이 寡홈이 되며 顙이 廣홈이 되며 白이 多ᄒᆞᆫ 眼이 되며 利예 近홈이 市ㅣ 三倍ㅣ 되고 그 究ㅣ 躁卦ㅣ 되니라
坎은 爲水 爲溝瀆 爲隱伏 爲矯輮 爲弓輪이오
坎은 水ㅣ 되며 溝瀆이 되며 隱伏^이 되며 矯輮홈이 되며 弓과 輪이 되고
其於人也애 爲加憂 爲心病 爲耳痛 爲血卦 爲赤이오
그 人애 더 憂홈이 되며 心의 病이 되며 耳의 痛이 되며 血卦ㅣ 되며 赤이 되고
其於馬也애 爲美脊 爲亟心 爲下首 爲薄蹄 爲曳오
그 馬애 脊이 美홈이 되며 心이 亟홈이 되며 首ㅣ 下홈이 되며 蹄ㅣ 薄홈이 되며 曳ㅣ홈이 되고
其於輿也애 爲多眚이오 爲通 爲月 爲盜ㅣ오
그 輿ㅣ애 眚이 多홈이 되고 通홈이 되며 月이 되며 盜ㅣ 되고
其於木也애 爲堅多心이라
그 木애 堅ᄒᆞ고 心이 多홈이 되니라
離는 爲火 爲日 爲電 爲中女 爲甲冑 爲戈兵이오
離는 火ㅣ 되며 日이 되며 電이 되며 中女ㅣ 되며 甲冑ㅣ 되며 戈兵이 되고
其於人也애 爲大腹이오 爲乾卦 爲鼈 爲蟹 爲蠃 爲蚌 爲龜오
그 人애 큰 腹이 되고 乾卦ㅣ 되며 鱉이 되며 蟹ㅣ 되며 羸ㅣ 되며 蚌이 되며 龜ㅣ 되고
其於木也애 爲科上槁ㅣ라
그 木애 科上의 槁ㅣ 되니라
艮은 爲山 爲徑路 爲小石 爲門闕 爲果蓏 爲閽寺 爲指 爲狗 爲鼠 爲黔喙之屬이오
艮은 山이 되며 徑路ㅣ 되며 쟈근 石이 되며 門闕이 되며 果蓏ㅣ 되며 閽寺ㅣ 되며 指ㅣ 되며 狗ㅣ되며 鼠ㅣ 되며 喙ㅣ 黔ᄒᆞᆫ 屬이 되고
其於木也애 爲堅多節이라
그 木애 堅ᄒᆞ고 節이 多홈이 되니라
兌ᄂᆞᆫ 爲澤 爲少女 爲巫 爲口舌 爲毁折 爲附決이오
兌ᄂᆞᆫ 澤이 되며 少女ㅣ 되며 巫ㅣ 되며 口와 舌이 되며 毁折이 되며 附決이 되고
其於地也애 爲剛鹵ㅣ오 爲妾 爲羊이라
그 地애 剛과 鹵ㅣ 되고 妾이 되며 羊이 되니라
右第十一章