월인석보 22권
善友言：『我從生來，未曾妄語。』
善友ㅣ 닐오ᄃᆡ 나ᄂᆞᆫ 난 後로 거즛말 ᄒᆞᆫ 적 업다
婦言：『虛之與實，誰當信之？』
그 ᄯᆞ리 닐오ᄃᆡ 올ᄒᆞᆫ 도ᇰ 왼 도ᇰ 뉘고 다 드르료
婿言：『我若妄語，欺誑汝者，使我一目永不得愈。若實語者，使我一目平復如故，令汝得見。』
善友ㅣ 닐오ᄃᆡ 나옷 그듸ᄅᆞᆯ 소기논디면 ᄒᆞᆫ 누니 乃終내 몯 됴코 올ᄒᆞᆫ 마리면 ᄒᆞᆫ 누니 녜 ᄀᆞᆮᄒᆞ리라 ^ ᄒᆞ니
「善友太子兩目平復，面首端正，人相具足，妙色超絕，世無有比。
즉재 두 누니 다 녜 ᄀᆞᆮᄒᆞ야 고ᄫᆞᆫ 야ᇰᄌᆡ 마지 업더니
其婦見已，心生歡喜，如蒙賢聖，遍體瞻視，目不暫捨。卽入宮中，白父王言：『今我夫者，卽是善友太子。』
그 ᄯᆞ리 깃거 누늘 ᄲᅡᆯ앳다가 드러가 父王ᄭᅴ ᄉᆞᆯᄫᅩᄃᆡ 내 샤니미 善友太子ㅣ러시ᅌᅵ다
王言：『癡人顛狂，鬼魅所著，而作是言。
王이 닐오ᄃᆡ 어린 거시 귓 것 들여 미친 말 ᄒᆞᄂᆞ다
善友太子入海未還，汝今云何名是乞人爲太子也？』
善友太子ᄂᆞᆫ 바ᄅᆞ래 드러가 몯 도라왯ᄂᆞ니 네 엇뎨 빌^머글 싸ᄅᆞᄆᆞᆯ 太子ㅣ라 ᄒᆞᄂᆞᆫ다
女言：『不也。若不信者，可一視之。』
그 ᄯᆞ리 닐오ᄃᆡ 고디옷 아니 듣거시ᄃᆞᆫ ᄒᆞᆫ번 가 보쇼셔
王卽往看，見已便識是善友太子，卽懷恐怖而作是言：『波羅奈王若聞此事，嫌我不少。』
王이 즉재 가 보니 善友太子ᅟᅵᆫ ᄃᆞᆯ 알오 두려 닐오ᄃᆡ 波羅㮏王이 이 일옷 드르시면 날 외오 너기샤미 젹디 아니ᄒᆞ시리라 ᄒᆞ고
卽前懺謝善友太子：『我實不知。』
善友太子ᄭᅴ 곧 나ᅀᅡ^가 懺謝호ᄃᆡ 내 實로 몰라 호ᅌᅵ다
懺謝ᄂᆞᆫ 懺悔ᄒᆞ야 외오 호ᅌᅵ다 ᄒᆞᆯ씨라
太子言：『無苦。
太子ㅣ 닐오ᄃᆡ 므던ᄒᆞ시니ᅌᅵ다
爲我餉致，給與此牧牛人。』
날 爲ᄒᆞ야 쇼 치던 사ᄅᆞᄆᆞᆯ 이받고 주쇼셔
利師跋王卽以金銀、珍寶、衣被、飲食，并與所放五百頭牛。
利師跋王이 즉재 金銀 보ᄇᆡ와 옷과 飮食과 제 맛댓던 五百 쇼ᄅᆞᆯ 조쳐 준대
其人歡喜，稱善無量：『善友太子，而我未有幾許恩分，而能報我如是財賄。』
그 사ᄅᆞ미 깃거 善^友太子ᄅᆞᆯ 몯내 기려 닐오ᄃᆡ 내 언맛 恩分이 잇관ᄃᆡ 이런 쳔랴ᅌᆞ로 갑거시뇨 ᄒᆞ고
時放牛人於大衆中高聲唱言：『夫陰施陽報，布施之事，果報弘廣。』
大衆 中에 된 모ᄀᆞ로 닐오ᄃᆡ 布施ᄒᆞ욘 果報ㅣ 너블쎠 ᄒᆞ야ᄂᆞᆯ
爾時無量大衆心生歡喜，皆發施心，賑濟一切，
그ᄢᅴ 無量 大衆이 기ᄭᅥ 布施홀 ᄆᆞᅀᆞᄆᆞᆯ 發ᄒᆞ야 一切ᄅᆞᆯ 賑濟호ᄃᆡ
賑^濟ᄂᆞᆫ 거리칠씨라
求佛爲本。虛空神天讚歎其人，遂成其言，如是如是。
부텨 求호ᄆᆞ로 根源 사ᄆᆞ며 虛空ㄱ 神天이 讚歎ᄒᆞ야 닐오ᄃᆡ 올타 올타 ᄒᆞ더라
「爾時善友太子未入大海在宮殿時，養一白鴈，衣被飲食，行住坐臥，而常共俱。
善友太子ㅣ 바ᄅᆞ래 아니 가 大闕에 이실 쩌긔 ᄒᆞᆫ ᄒᆡᆫ 그려기ᄅᆞᆯ 츄ᄃᆡ 長常 더브러 ᄃᆞᆫ니더니
爾時夫人往到其所，報其鴈言：
善友太子ㅅ 어마니미 그 그려긔 손ᄃᆡ ^ 가샤 니ᄅᆞ샤ᄃᆡ
『太子在時，常共汝俱。今入大海未還，生死未分，而我不能得知定實。汝今云何不感念太子？』
太子ㅣ 이실 쩌긔 샤ᇰ녜 너와 ᄒᆞᆫᄃᆡ 잇더니 이제 바ᄅᆞ래 드러가 몯 도라왜실ᄊᆡ 주근디 산디 내 一定ᄒᆞᆫ 긔벼를 몰라 ᄒᆞ노니 너는 어ᄯᅥ 太子ᄅᆞᆯ 아니 그리ᄂᆞᆫ다
鴈聞是語，悲鳴宛轉，啼淚滿目，報言：
그 그려기 이 말 듣ᄌᆞᆸ고 슬피 우러 횟돌오 누ᇇ믈 흘려 ᄉᆞᆯᄫᅩᄃᆡ
『大王夫人！欲使求覓太子者，不敢違命。』
夫人하 나ᄅᆞᆯ 브려 太^子ᄅᆞᆯ 얻과뎌 ᄒᆞ시면 命을 거스ᅀᆞᆸ디 아니호리ᅌᅵ다
爾時夫人手自作書，繫其鴈頸。
그ᄢᅴ 夫人이 손ᅀᅩ 글왈 ᄆᆡᇰᄀᆞᄅᆞ샤 그려긔 모ᄀᆡ ᄆᆡ여시ᄂᆞᆯ
其鴈音響問太子大海所在，身昇虛空，飛翔宛轉而去。夫人見已，心生恃賴：
그 그려기 ᄂᆞ라 올아 바회 지ᅀᅥ 가ᇝ도다가 나 니거늘 夫人이 보시고 ᄆᆞᅀᆞ매 미더
『今者此鴈，其必定得我子死活定實消息。』
이 그려기ᅀᅡ 내 아ᄃᆞᄅᆡ 죽거나 살어나 一定ᄒᆞᆫ 긔벼를 아라 ^ 오려다 ᄒᆞ더시다
飛至大海，經過周遍，求覓不見。次第往到利師跋國，
그 그려기 ᄂᆞ라 大海예 드러가 차 얻니다가 몯ᄒᆞ야 次第로 利師跋國에 가니
遙見善友太子在宮殿前。其鴈[僉*殳]身，擁翅往趣，到已悲鳴歡喜。
善友太子ㅣ 宮殿 알ᄑᆡ 잇거늘 ᄇᆞ라고 그 그려기 ᄂᆞ래 가혀 ᄲᅡ디여 가 슬피 울며 반겨 ᄒᆞ거늘
太子卽取母書，頭頂禮敬，發封披讀，
太子ㅣ 어마니ᇝ 글와ᄅᆞᆯ 아ᅀᅡ 머리 조ᅀᅡ 禮^數ᄒᆞᅀᆞᆸ고 封ᄋᆞᆯ ᄠᅥ보아
卽知父母晝夜悲哭，追念太子，兩目失明。「爾時太子卽作手書，具以上事向父母說。復以書繫其鴈頸，
父母ㅣ 나지여 바미여 우르샤 두 눈 몯 보시ᄂᆞᆫ ᄃᆞᆯ 알오 즉재 손ᅀᅩ 글왈 ᄆᆡᇰᄀᆞ라 우ᄒᆡᆺ ᄉᆞ여늘 써 그려긔 모ᄀᆡ ᄆᆡ여늘
其鴈歡喜，還波羅奈。父母得太子書，歡喜踊躍，
그 그려기 기ᄭᅥ 波羅㮏예 도라온대 父母ㅣ 太子ㅅ 글왈 보시고 ᄀᆞ자ᇰ 깃거 몬내 기리샤
父母尋時杻械惡友手脚，枷鎖頸項，閉著牢獄。遣使往告利師跋王：
惡友란 갈메ᅇᅧ 가도시고 使者 브려 利師跋王ᄭᅴ 니ᄅᆞ샤ᄃᆡ
『汝今云何擁遮太子，令我憂苦？』
엇뎨 太子ᄅᆞᆯ 그ᅌᅦ 두어 나ᄅᆞᆯ 시름케 ᄒᆞᆫ다
利師跋王聞是語已，心生恐怖，卽嚴服太子，送著界上。
利師跋王이 두려 즉재 太子ᄅᆞᆯ 빗여 나랏 ᄀᆞᅀᅢ 보내오
太子遣使往白利師跋王：『善友從大海歸。』
太子ㅣ 使者 브려 利師跋王ᄭᅴ 닐오ᄃᆡ 善友 大海로셔 오ᄂᆞ^다 ᄒᆞ야ᄂᆞᆯ
爾時利師跋王作倡伎樂，前後導從，掃灑燒香，懸繒幡蓋，搥鍾鳴鼓，遠迎太子，還至宮中，以女娉之，遣送往詣波羅奈國。
그저긔 利師跋王이 푸ᇰ류ᄒᆞ고 ᄲᅳ려 ᄡᅳᆯ오 香 퓌우고 깁과 幡盖와 ᄃᆞᆯ오 鐘鼓 티고 머리 나와 마자 宮中에 도라가 ᄯᆞᆯ로 얼이고 波羅㮏로 보내야ᄂᆞᆯ
父母聞太子歸，歡喜無量，乘大名象，作倡伎樂，掃灑燒香，懸繒幡蓋，遠迎太子。
父母ㅣ 太子 오ᄂᆞ다 드르시고 몯내 깃그샤 큰 象 ᄐᆞ시고 퓨ᇰ류ᄒᆞ고 ^ ᄲᅳ려 ᄡᅳᆯ오 香 퓌우고 깁과 幡盖와 ᄃᆞᆯ오 머리 나와 맛거시ᄂᆞᆯ
國上人民，男夫女婦，聞太子入于大海，安隱還歸，歡喜無量，亦皆出迎。
나랏 百姓도 다 나와 迎逢ᄒᆞ더라
善友太子前爲父母頭面禮足。王與夫人目瞑，不見太子形容，以手捫摸：
太子ㅣ 父母ᄭᅴ 머리 조ᅀᅡ 禮數ᄒᆞᅀᆞᆸ거ᄂᆞᆯ 王과 夫人괘 눈 어드워 소ᄂᆞ로 ᄆᆞᆫ지시며 니르샤ᄃᆡ
『汝是我子善友非耶？父母念汝，憂苦如是。』
네 내 아ᄃᆞᆯ 善友ᅟᅵᆫ다 어버ᅀᅵ 너 그려 이^리 受苦ᄒᆞ다라
太子問訊父母起居訖竟，舉手高聲報謝諸小國王及諸群臣國土人民一切大衆，而作是言：『苦屈大衆，從是還歸。』
太子ㅣ 父母ᄭᅴ 安否 묻ᄌᆞᆸ고 손 드러 小國王ᄃᆞᆯ히며 臣下ᄃᆞᆯ히며 百姓ᄃᆞᆯᄒᆞᆯ 다 ᅀᅵᆫᄉᆞᄒᆞ고
善友太子白父王言：『我弟惡友今在何處？』
父王ᄭᅴ ᄉᆞᆯᄫᅩᄃᆡ 아ᅀᆞ 惡友는 어듸 잇ᄂᆞ니ᅌᅵᆺ고
王言：『汝不須問訊。如是惡人，
王이 니ᄅᆞ샤ᄃᆡ 이런 모딘 사ᄅᆞᄆᆞᆯ 구틔여 묻디 말라
今在牢獄，不可放也。』
이제 獄애 드러 ^ 잇ᄂᆞ니 몯 노ᄒᆞ리라
善友太子言：『願放惡友，得與相見。』如是言至三，
太子ㅣ ᄉᆞᆯᄫᅩᄃᆡ 노하시ᄃᆞᆫ 보아지ᅌᅵ다 세 버니ᄃᆞ록 ᄉᆞᆯᄫᅡᄂᆞᆯ
「爾時惡友手脚杻械頸項枷鎖，往見善友。
王이 거스디 몯ᄒᆞ샤 獄門ᄋᆞᆯ 여러시ᄂᆞᆯ
兄見如是，上白父母：『爲弟脫於枷鎖。』脫枷鎖已，卽前抱持，
그ᄢᅴ 惡友ㅣ 손 바래 두드레 박고 모ᄀᆡ 갈 메오 솨줄 ᄆᆡᅇᅲᆫ 자히 善友를 가 보아ᄂᆞᆯ
善言誘喻，軟語問訊：『汝極勞苦耶？
善友ㅣ 父母ᄭᅴ ᄉᆞᆯᄫᅡ 다 벗겨 ᄇᆞ리고 나^ᅀᅡ드러 아나 네 至極 受苦ᄒᆞ야다 安否 묻고
汝持我寶珠，今在何處？』如是至三，而方報言：『在彼土中。』
내 寶珠ㅣ 어듸 잇ᄂᆞ뇨 ᄒᆞ니 세 번 무러ᅀᅡ 뎌 ᄯᅡ해 잇ᄂᆞ니라 ᄒᆞ야ᄂᆞᆯ
善友太子還得寶珠，往父母前，跪燒妙香，卽咒誓言：
善友太子ㅣ 도로 寶珠 어더 父母ㅅ 알ᄑᆡ 가 ᄭᅮ러 香 퓌오고 비러 盟誓ᄒᆞ야 닐오ᄃᆡ
『此寶珠是如意寶者，令我父母兩目明淨如故。』作是願已，
이 寶珠ㅣ 如意寶^ᅟᅵᆫ댄 내 父母ㅅ 두 누니 녜ᄀᆞ티 ᄇᆞᆯᄀᆞ시리라 ᄒᆞ니
尋時平復。父母得見其子，歡喜踊躍，慶幸無量。
즉재 녜 ᄀᆞᆮᄒᆞ야 父母ㅣ 아ᄃᆞᆯ 보시고 歡喜 踊躍ᄒᆞ야 吉慶ᄃᆞᄇᆡ며 幸호미 그지 업더시다
「爾時善友太子於月十五日朝，淨自澡浴，著鮮淨衣，燒妙寶香。於高樓觀上，手捉香爐，頭面頂禮摩尼寶珠，立誓願言：
그ᄢᅴ 善友太子ㅣ 보름낤 아ᄎᆞᄆᆡ 조히 沐浴 ᄀᆞᆷ고 조ᄒᆞᆫ 옷 닙고 貴ᄒᆞᆫ 香 퓌우고 노ᄑᆞᆫ ^ 樓 우희 손ᅀᅩ 香爐 바다 摩尼寶珠ᄭᅴ 머리 조ᅀᅡ 禮數ᄒᆞ고 誓願ᄒᆞ야 닐오ᄃᆡ
『我爲閻浮提一切衆生故，忍太辛苦，求是寶珠。』
내 閻浮提 一切 衆生 爲ᄒᆞ야 큰 受苦ᄅᆞᆯ ᄎᆞ마 이 寶珠를 求ᄒᆞ다ᅌᅵ다
爾時東方有大風起，吹去雲霧，
그ᄢᅴ 東方ᄋᆞ로셔 大風이 니러나 雲霧를 부러 ᄇᆞ리^니
虛空之中皎然明淨，并閻浮提所有糞穢、皆令淸淨。
虛空이 ᄀᆞᆺᄀᆞ지 조코 閻浮提옛 더러ᄫᅳᆫ 거시 다 조차 업거늘
以珠威德，於閻浮提遍雨成熟自然粳米，香甘軟細，色味具足，溝渠盈滿，積至于膝；
구슰 威德으로 閻浮提예 골오 自然粳米ᄅᆞᆯ 비호ᄃᆡ 무루피 티긔 싸히고
次雨名衣、上服、珠環、釵釧；
버거 됴ᄒᆞᆫ 옷과 구슬와 골회와 ᄇᆞᇙ쇠와 곳과ᄅᆞᆯ 비코
次雨金銀七寶，衆妙伎樂。
버거 金銀 七寶와 여러 가짓 푸ᇰ류ᄅᆞᆯ 비^흐니
舉要言之，一切衆生所須樂具，皆悉充足。
모도아 니르건댄 一切 衆生ᄋᆡ 맛드논 거시 다 ᄀᆞᄃᆞ기 足ᄒᆞ니라
菩薩修大慈悲，行檀波羅蜜，給足衆生一切樂具，其事如是。」
菩薩이 大慈悲 닷가 檀波羅蜜 行ᄒᆞ야 衆生의게 一切 즐기ᄂᆞᆫ 것 足게 주미 그 이리 이러ᄒᆞ니라
佛告阿難：
부톄 阿難이ᄃᆞ려 니ᄅᆞ샤ᄃᆡ
「爾時波羅奈大王者，今現我父悅頭檀是；爾時母者，今現我母摩耶夫人是；爾時惡友太子者，今提婆達多是；爾時善友太子者，今我身是。
그ᄢᅴ 波羅㮏^大王ᄋᆞᆫ 이젯 내 아바님 閱頭檀이시고 그 ᄢᅴᆺ 어마니ᄆᆞᆫ 이젯 내 어마님 摩耶夫人이시고 그 ᄢᅴᆺ 惡友太子ᄂᆞᆫ 이젯 提婆達多ㅣ오 그 ᄢᅴᆺ 善友太子ᄂᆞᆫ 이젯 내 모미라
阿難！提婆達多過去世時，常懷惡心，毀害於我。
阿難아 提婆達多ㅣ 디나건 뉘예 샤ᇰ녜 모^딘 ᄆᆞᅀᆞᆷ 머거 나ᄅᆞᆯ 헐어든
而我以忍辱力，常念施恩，因乃得濟，況今成佛？」
내 忍辱力으로 샤ᇰ녜 어엿비 너겨 恩惠ᄅᆞᆯ 펴 거리치다니 ᄒᆞᄆᆞᆯ며 이제 부텨 ᄃᆞ외옛ᄂᆞᆫ 저기ᄯᆞ녀
佛說此法時，無量百千人得須陀洹果乃至阿羅漢果；復有無量百千人皆發阿耨多羅三藐三菩提心；乃至無量百千衆生皆發聲聞辟支佛心。
부톄 이 法 니르실 쩌긔 無量 百千 사ᄅᆞ미 須陁洹果ᄅᆞᆯ 得ᄒᆞ며 阿羅漢果애 니를오 ᄯᅩ 無量 百^千 사ᄅᆞ미 阿耨多羅三藐三菩提心ᄋᆞᆯ 發ᄒᆞ고 無量 百千 衆生이 聲聞辟支佛心 發호매 니르니라
提婆達多ㅣ 阿闍世王과 사괴더니 닐오ᄃᆡ
「汝可作新王，我亦欲作新佛。」
네 새 王 ᄃᆞ외아라 나도 새 부텨 ᄃᆞ외오져 ᄒᆞ노라
阿闍世報言：「此事不然。父王存在。」
阿闍世 닐오ᄃᆡ 父王이 겨시거닛ᄃᆞᆫ
提婆達多言：「汝應除之；我亦欲滅佛。
提婆達多ㅣ 닐오ᄃᆡ 더러 ᄇᆞ려라 나도 부^텨를 업게 코져 ᄒᆞ노라
然後新王、新佛教化衆生，不亦快乎？」
그리ᄒᆞᆫ 後에ᅀᅡ 새 王과 새 부텨왜 衆生 敎化호ᄃᆡ 아니 즐거ᄫᅳ녀
時阿闍世卽隨其言，斷父王命，王波羅奈國。
阿闍世 그 말 듣고 父王ᄋᆞᆯ 주기고 波羅㮏國에 王 ᄃᆞ외어ᄂᆞᆯ
阿闍世王이 父王 害코 ᄀᆞ자ᇰ 뉘으처 모매 모딘 瘡이 냇더니
瘡은 癰이니 굴근 朣氣癰이라
世尊 맛나ᅀᆞᄫᅡ 月愛光이 觸ᄒᆞ시니 모맷 瘡이 漸^漸 됴하
부텨ᄭᅴ 오ᅀᆞᄫᅡ 어엿ᄫᅵ 너기쇼셔 ᄒᆞ야 懺悔ᄒᆞᅀᆞᄫᅡᄂᆞᆯ
世尊이 大悲ᄒᆞ샤 즉재 甘露微妙法藥으로 모맷 瘡을 시스시니 至極 重ᄒᆞᆫ 罪 滅ᄒᆞ니라
提婆達多報阿闍世王言：「我欲毀害如來。」
提婆達多ㅣ 닐오ᄃᆡ 내 如來ᄅᆞᆯ 害코져 ᄒᆞ노라
阿闍世言：「如來有大神力，豫知人之所念，汝今云何乃能加害？
阿闍世 닐오ᄃᆡ 如來 큰 神力이 겨샤 ᄂᆞᄆᆡ ᄆᆞᅀᆞᄆᆞᆯ 미리 아ᄅᆞ시거니 네 어드리 害ᄒᆞᇙ다
如來兼有諸大弟子——舍利弗、大目揵連、欽婆羅、阿㝹樓馱等。」
ᄯᅩ 굴근 弟子ᄃᆞᆯ 舍利弗 大目揵連 欽婆羅 阿㝹樓馱 等을 두겨시니라
提婆達多報阿闍世言：「王今助我。」
提婆達多ㅣ 닐^오ᄃᆡ 王이 이제 나ᄅᆞᆯ 도ᄫᆞ쇼셔
阿闍世言：「何所作爲？」
阿闍世 닐오ᄃᆡ 므슷 이ᄅᆞᆯ ᄒᆞᇙ다
答言：「大王！當立制限，不聽施諸比丘衣被飲食。」
對答호ᄃᆡ 大王이 法을 셰샤 比丘ᄃᆞᆯᄒᆡ게 옷 바ᄇᆞᆯ 주디 몯게 ᄒᆞ쇼셔
阿闍世王遍宣令言：「若有施諸比丘衣被飲食者，當斷汝手足。」
阿闍世王이 出令호ᄃᆡ 比丘의게 옷 밥 주니ᄂᆞᆫ 손 바ᄅᆞᆯ 버효리라 ᄒᆞ니
是諸大弟子一切大衆共佛住耆闍崛山，次第乞食，
굴근 弟子ᄃᆞᆯ히며 一切 大衆이 부텨 뫼ᅀᆞᄫᅡ 耆闍崛山애 이셔 次第로 乞食호ᄃᆡ
了不能得，一日乃至七日。舍利弗諸大弟子等皆以神力，而往諸方求衣乞食。
닐웨ᄅᆞᆯ 곧 몯 어더 舍利弗 굴근 弟子ᄃᆞᆯ히 다 神力으로 諸方애 가 옷 밥 얻더니
時提婆達多白阿闍世王言：
그제 提婆達多ㅣ 阿闍世王ᄭᅴ 닐오ᄃᆡ
「佛諸大弟子等，今皆不在。如來單獨一身。王可遣信，往請如來。
부텻 굴근 弟子^ᄃᆞᆯ히 이제 다 잇디 아니ᄒᆞ고 如來 ᄒᆞ오ᅀᅡ 겨시니 王이 사ᄅᆞᆷ 브려 請ᄒᆞ쇼셔
若入宮城，卽當以酒飲五百大惡黑象，極令奔醉。佛若受請來入城者，當放大醉象，而踏殺之。」
宮城에 드르시면 五百 ᄀᆞ자ᇰ 모딘 黑象ᄋᆞᆯ 술 머겨 뒷다가 ᄇᆞᆯᄫᅡ 주교리ᅌᅵ다
時阿闍世王遣使往請如來。
阿闍世王이 使者 브려 如來ᄅᆞᆯ 請ᄒᆞᅀᆞᄫᆞᆫ대
佛與五百阿羅漢卽受王請，前入王舍城。
부톄 五百 阿羅漢 ᄃᆞ리시고 즉재 王 請 바ᄃᆞ샤 王舍城에 와 들어시ᄂᆞᆯ
爾時阿闍世王卽放五百醉象，奔逸唐突，樹木摧折，牆壁崩倒，哮嚇大吼，向於如來。
阿闍世王이 五百 醉象ᄋᆞᆯ 노하 ᄇᆞ린대 ᄢᅳᆯ거 나니 남기 다 것드르며 다미며 지비며 다 므르듣더니 구세 디르고 如來ᄭᅴ로 向ᄒᆞ야 가거ᄂᆞᆯ
時五百阿羅漢皆大恐怖，踊在空中，徘徊佛上。
五百 阿羅漢이 다 두려 ^ 空中에 소사 올아 부텻 우희 머믈어ᄂᆞᆯ
爾時阿難圍遶如來，恐怖不能得去。
阿難잇분 如來ᄅᆞᆯ 圍遶ᄒᆞᅀᆞᄫᅡ 두려 몯 나가더니
爾時如來以慈悲力，卽舉右手，於五指頭出五師子，開口哮吼，五百醉象恐怖躄地。
그ᄢᅴ 如來 慈悲力으로 올ᄒᆞᆫ소ᄂᆞᆯ 드르시니 다ᄉᆞᆺ 소ᇇ가락 머리예 다ᄉᆞᆺ 師子ㅣ 나 입 버려 소리 ᄒᆞ니 五百 醉象이 두려 ᄯᅡ해 업더러디거ᄂᆞᆯ
爾時如來，大衆圍遶，前入王宮。時阿闍世王卽出奉迎，請佛令坐；佛卽坐已，求哀懺悔，白佛言：「世尊！非是我過，提婆達多耳。」
그ᄢᅴ 如來 大衆이 圍遶ᄒᆞᅀᆞᄫᅡ 王宮의 드르신대 阿闍世王이 나 맛ᄌᆞᄫᅡ 안ᄌᆞ쇼셔 ᄒᆞ고 안ᄭᅥ시ᄂᆞᆯ 懺悔ᄒᆞ고 ᄉᆞᆯᄫᅩᄃᆡ 世尊하 내 허므리 아니라 提婆達多ㅣ ᄒᆞ니ᅌᅵ다
「復次，提婆達多惡心不息，而作是念：『我今應當長養十指爪甲，極令長利，於爪甲下塗以毒藥。往如來所，頭面接足禮時，我當以十指甲抓足趺上，毒藥入體，其必喪命。』作是念已，如所思惟，
ᄯᅩ 提婆達多ㅣ 모딘 ᄆᆞᅀᆞ미 긋디 아니 ^ □…□ ᄒᆞ고
往如來所，頭面作禮，以手接足。爾時毒藥變成甘露，於如來身竟無所爲。
긋 야ᇰᄌᆞ로 ᄒᆞ야 □□ᅀᆞᄫᆞᆯ 제 허위티니 모딘 藥이 甘露ㅣ ᄃᆞ외오 如來ㅅ 모ᄆᆞᆫ 아ᄆᆞ라토 아니ᄒᆞ시니라