삼강행실도
烈女圖
伯姬逮火_宋
伯姬 魯宣公之女
없음
嫁於宋恭公 公卒 嘗遇夜失火
宋恭公 夫人 伯姬ᄂᆞᆫ 바ᄆᆡ 블 븓거늘
左右曰 夫人少避火
左右ㅣ ᄉᆞᆯᄫᅩᄃᆡ 블 避ᄒᆞ쇼셔 ᄒᆞ야ᄂᆞᆯ
伯姬曰 婦人之義 保傅不俱
伯姬 닐오ᄃᆡ 겨지븨 法은 保傅ㅣ ᄀᆞᆺ디 몯ᄒᆞ면 保ᄂᆞᆫ 간슈ᄒᆞᆯ씨라
夜不下堂 待保傅來也
바ᄆᆡ 堂애 ᄂᆞ리디 아니ᄒᆞᄂᆞ니 保傅ᄅᆞᆯ 기드리라
保母至矣 傅母未至也 左右又曰 夫人少避火
保母ᄂᆞᆫ 오고 傅母ᄂᆞᆫ 아니 왯거늘 左右ㅣ ᄯᅩ ᄉᆞᆯ오ᄃᆡ 나쇼셔 ᄒᆞ야ᄂᆞᆯ
伯姬曰 婦人之義 傅母不至
伯姬 닐오ᄃᆡ 겨지븨 法은 傅母ㅣ 아니 왯거든
夜不可下堂
바ᄆᆡ 堂애 ᄂᆞ리디 아니ᄒᆞᄂᆞ니
越義而生 不如□義而死 遂逮於火而死
法 넘거 사로미 義ᄅᆞᆯ 守ᄒᆞ야 주^그니만 몯ᄒᆞ니라 ᄒᆞ고 브레 주그니라
宮中失火正熺熺 煙燄連天半夜時
左右縱言宜少避 夫人豈肯婦儀虧
共姬守禮任捐軀 婦道堅貞孰與儔
聖筆特書賢節義 聲名煥赫至今留
女宗知禮_宋
女宗 鮑蘇之妻
없음
蘇仕衛三年而娶外妻
鮑蘇ㅣ 그위실 가아 다ᄅᆞᆫ 겨집 어러늘
女宗 養姑愈敬因往來者
믿겨집 女宗이 싀어미ᄅᆞᆯ 더욱 恭敬ᄒᆞ야 孝道ᄒᆞ며 가ᇙ 사ᄅᆞᆷ 잇거든
請問其夫 賂遺外妻甚厚
남지늬그ᅌᅦ 安否ᄒᆞ며 곳겨지븨그ᅌᅦ 자ᄇᆞᆫ것 만히 보내더니
女宗姒謂曰 可以去矣
남지늬 누의 닐오ᄃᆡ 나아가라
女宗曰 何故
없음
姒曰 夫人旣有所好 子何留乎
다ᄅᆞᆫ ᄉᆞ라ᇰᄒᆞᄂᆞ니 잇거든 므스므라 잇ᄂᆞᆫ다
女宗曰 婦人 一醮不改
女宗이 닐오ᄃᆡ 겨지비 ᄒᆞᆫ 독자 바ᄃᆞ면 가ᄉᆡ디 아니ᄒᆞᆯᄊᆡ
夫死不嫁
남지니 죽거든 다ᄅᆞ니 아니 얻ᄂᆞ니
執麻枲 治絲繭 織紝組紃 以供衣服 澈漠酒醴 羞饋食
질삼ᄒᆞ며 고티 ᅘᅧ며 뵈 ᄧᅡ 옷 ᄆᆡᇰᄀᆞᆯ며 수을 비즈며 차반 ᄆᆡᇰᄀᆞ라
以事舅姑 以專一爲貞 以善從爲順
舅姑ᄅᆞᆯ 셤겨 專一호ᄆᆞ로 正을 삼고 이대 조초ᄆᆞ로 順을 삼ᄂᆞ니
豈以專夫室之愛爲善哉
엇뎨 젼혀 괴이ᄆᆞ로 어딘 이ᄅᆞᆯ 사ᄆᆞ리오
禮天子十二 諸侯九
禮예 ^ 天子ᄂᆞᆫ 열둘히오 諸侯ᄂᆞᆫ 아호비오
鄕大夫三 士二
卿大夫는 세히오 士ᄂᆞᆫ 둘히니
吾夫士也 有二不亦宜乎
내 남지니 士ㅣ어니 두 겨집 두미 아니 올ᄒᆞ니여
且婦人有七見去 夫無一去義
ᄯᅩ 겨지ᄇᆞᆫ 닐굽 가짓 내티요미 잇고 남지ᄂᆞᆫ ᄒᆞ나토 내티요미 업스니
七去之道 妬正爲首 淫僻 竊盜 長舌
닐굽 가짓 내티요매 새오미 爲頭ᄒᆞ고 淫亂ᄒᆞ며 도ᄌᆞᆨᄒᆞ며 말ᄊᆞᆷ 하며
驕侮 無子 惡病 皆在其後
버릇 업스며 子息 업스며 모딘 病 호미 다 그 後에 잇ᄂᆞ니
吾姒不敎以居室之禮
내 姒ㅣ [姒ᄂᆞᆫ 남지늬 □의라] 禮란 아니 ᄀᆞᄅᆞ치고
而反欲使吾爲見棄之行 將安所用
도ᄅᆞᅘᅧ 내□일 ᄒᆡᇰ뎌글 ᄒᆞ과뎌 ᄒᆞᄂᆞ니 쟈ᇰᄎᆞ 므스게 ᄡᅳ리오 ᄒᆞ고
事姑愈謹
싀어미ᄅᆞᆯ 더욱 조심ᄒᆞ야 셤기거늘
宋公聞之 表其閭 號曰女宗
宋公이 듣고 ᄆᆞᅀᆞᆳ 門ᄋᆡ 表 셰오 號ᄅᆞᆯ 女宗이라 ᄒᆞ니라
君子當年娶外妻 恩情雖隔豈含悽
養姑不懈誠彌切 千古芳名孰與齊
閨門嫉妬是常情 賂遺還能出至誠
稱號女宗非溢美 開陳婦禮甚分明
殖妻哭夫_齊
齊莊公襲莒 杞梁殖戰而死
齊 莊公이 莒ᄅᆞᆯ 티ᇙ 저긔 杞梁殖이 싸호매 주그니라
莊公歸 遇其妻
莊公이 도라오다가 杞梁殖의 겨지블 마조 보아
使使者吊之於路 杞梁妻曰
사ᄅᆞᆷ 브려 길헤 가아 吊問ᄒᆞᆫ대 닐오ᄃᆡ
今殖有罪 君何辱命焉
殖이 罪 잇ᄂᆞ니 님그미 엇뎨 命ᄋᆞᆯ 辱ᄒᆡ시ᄂᆞ니ᅌᅵᆺ고
若令殖免於罪 則賤妾有先人之敝廬在
殖이 罪ᄅᆞᆯ 免ᄒᆞᅀᆞᄫᅩᇙ딘댄 내 어버ᅀᅴ ᄂᆞᆯᄀᆞᆫ 지비 잇ᄂᆞ니
下妾不得與郊吊
ᄆᆡ햇 吊問ᄋᆞᆯ 몯 듣ᄌᆞ오리로소ᅌᅵ다 ᄒᆞ야ᄂᆞᆯ
於是莊公乃還車詣其室 成禮然後去
莊公이 술위 두르ᅘᅧ아 지븨 가아 禮 일운 後에ᅀᅡ 가니^라
杞梁之妻無子 內外皆無五屬之親 旣無所歸
杞梁ᄋᆡ 겨지비 子息 업고 아ᅀᆞᆷ 업서 가ᇙ ᄃᆡ 업더니
乃枕其夫之屍於城下而哭 內誠動人 道路過者莫不爲之揮涕
남지늬 주검 볘여 城 미틔셔 우니거든 디나가ᇙ 사ᄅᆞ미 아니 울리 업더라
旣葬曰 吾何歸矣
묻고 닐오ᄃᆡ 내 어ᄃᆡ 가려뇨
夫婦人必有所倚者 父在則倚父
겨지븐 모로매 브투ᇙ ᄃᆡ 잇ᄂᆞ니 아비 이시면 아ᄇᆡ게 븓고
夫在則倚夫 子在則倚子
남지니 이시면 남지늬게 븓고 아ᄃᆞ리 이시면 아ᄃᆞᄅᆡ게 븓ᄂᆞ니
今吾上則無父 中則無夫 下則無子
없음
內無所依以見吾誠 外無所倚以見吾節
내 안ᄒᆞ로 브터 情誠 나토오ᇙ ᄃᆡ 업고 밧고로 브터 節介ㅣ 나토오ᇙ ᄃᆡ 업스니
吾豈能更二哉
없음
亦死而已 遂赴淄水而死
주글 ᄯᆞᄅᆞ미라 ᄒᆞ고 므레 드러 주그니라
良人不返最堪哀 郊吊焉能偶受廻
城下枕屍終善哭 國人揮涕豈徒哉
依歸何所見吾誠 更二無心愛此生
遂赴淄流輕一死 至今嗚咽帶愁聲
宋女不改_蔡
蔡人妻
없음
宋人之女也 旣嫁而夫有惡疾 其母將改嫁之
宋人ᄋᆡ ᄯᆞ리 남진 어러 그 남지니 모딘 病을 어더늘 어미 다ᄅᆞᆫ 남진 얼유려 커늘
女曰 夫之不幸 乃妾之不幸也 柰何去之 適人之道
一與之醮 終身不改
닐오ᄃᆡ 남지ᄂᆡ 不幸호미 내ᄋᆡ 不幸이니 엇뎨 ᄇᆞ리리ᅌᅵᆺ고
ᄒᆞᆫ 번 ᄒᆞᆫᄃᆡ 독자 바ᄃᆞ면 죽ᄃᆞ록 고티디 아니ᄒᆞᄂᆞ니
不幸遇惡疾 彼無大故又不遣妾
不幸ᄒᆞ야 모딘 病ᄋᆞᆯ 맛날ᄲᅮᆫ뎌ᇰ 큰 연고 업고 마디 아니커니
何以得去 終不聽
엇뎨 ᄇᆞ리리ᅌᅵᆺ고 ᄒᆞ고 乃終내 듣디 아니ᄒᆞ니라
束楚綢繆夜向深 三星燦燦彼蒼臨
良人不幸今罹疾 天只如何欲奪心
翻雲覆雨是人情 況乃慈親計已成
一醮獨能終不改 靑編萬古有高名
節女代死_漢
京師節女 長安人
없음
其夫有仇人 欲報其夫而無道
節女ᄋᆡ 남지ᄂᆡ 怨讐ㅣ 節女ᄋᆡ 아비ᄅᆞᆯ 저혀 제 ᄯᆞᄅᆞᆯ ᄒᆞ야 재아리 ᄒᆞ라 ᄒᆞ야ᄂᆞᆯ
聞其妻之仁孝有義 乃刦其妻之父 使要其女爲中譎
없음
父呼其女告之
아비 제 ᄯᆞᄅᆞᆯ 블러 니ᄅᆞᆫ대
女念不聽則殺父不孝 聽則殺夫不義
節女ㅣ 너교ᄃᆡ 아니옷 드르면 아비 주그리오 드르면 남지니 주그리니
不孝不義 雖生不可以行於世
없음
欲以身當之 乃且許諾曰
내 죽사 ᄒᆞ리로다 ᄒᆞ야 안ᄌᆞᆨ □□호려 ᄒᆞ야 닐오ᄃᆡ
旦日 在樓上 新沐東首臥則是矣 妾請開戶待之
來日 樓 우희 머리 ᄀᆞᆷ고 東녀그로 볘여 누ᄫᅦᆺᄂᆞ니 내 입 여러셔 기드류리라 ᄒᆞ고
還家乃告其夫使臥他所 自沐居樓上東首開戶而臥
지븨 가아 남진ᄃᆞ려 닐어 다ᄅᆞᆫ ᄃᆡ 누ᄫᅳ라 ᄒᆞ고 제 머리 ᄀᆞ마 누ᄫᅦᆺ거늘
夜半仇家果至 斷頭持去
바ᇝ中^에 怨讐ㅅ 노미 와 머리ᄅᆞᆯ 버혀 가아
明而視之 乃其妻之頭也 仇人痛之 以爲有義 遂釋不殺其夫
이틄날 보고 슬피 너겨 남지ᄂᆞᆯ 주기디 아니ᄒᆞ니라
吾聞節女代夫狀 能使仇家不敢傷
計較兩端輕與重 平生孝義一身當
中宵新沐獨含情 白刃加身庶自明
縱釋良人置生地 留芳靑史樹風聲
高行割鼻_漢
高行 梁之寡婦 夫死早寡不嫁 梁貴人爭欲娶之不能得
高行이 남진 일 일코 아니 어렛거늘 어비ᄆᆞᆮ내 ᄃᆞ토아 어로려 호ᄃᆡ 몯ᄒᆞ야 잇더니
梁王聞之 使相聘焉
梁王이 宰相 브려 聘ᄒᆞ야ᄂᆞᆯ [聘ᄋᆞᆫ 무를씨라]
高行曰 妾聞婦人之義 一往而不改
高行이 닐오ᄃᆡ 겨지븨 法ᄋᆞᆫ ᄒᆞᆫ 번 가면 가ᄉᆡ디 아니ᄒᆞ야
以全貞信之節 忘死而趍生是不信也
貞信ᄒᆞᆫ 節个ㅣᄅᆞᆯ 오ᄋᆞᆯ오ᄂᆞ니 주그닐 닛고 산 ᄃᆡ 가면 信이 아니오
貴而忘賤是不貞也
貴ᄒᆞ닐 보아 賤ᄒᆞ닐 니ᄌᆞ면 貞이 아니오
棄義而從利 無以爲人
義ᄅᆞᆯ ᄇᆞ리고 ^ 利ᄅᆞᆯ 從ᄒᆞ면 사ᄅᆞ미 아니ᅌᅵ다 ᄒᆞ고
乃援鏡持刀以割其鼻曰
거우루 보며 고ᄒᆞᆯ 버히며 닐오ᄃᆡ
妾已刑矣 所以不死者 不忍幼弱之重孤也
내 ᄒᆞ마 刑罰호니 죽디 아니호ᄆᆞᆫ 져믄 子息ᄋᆞᆯ 몯 ᄎᆞ마 ᄒᆞ노ᅌᅵ다
王之求妾者以其色也 今刑餘之人 殆可釋矣
王이 날 求ᄒᆞ샤ᄆᆞᆫ 樣子ㅣ니 이제 刑罰ᄒᆞᆫ 사ᄅᆞ미어니 노ᄒᆞ쇼셔 ᄒᆞ야ᄂᆞᆯ
於是相以報 王大其義
없음
高其行 乃復其身 尊其號曰高行
王이 ᄒᆡᇰ뎌글 노피 너겨 제 모ᄆᆞᆯ 完護ᄒᆞ고 號ᄅᆞᆯ 高行이라 ᄒᆞ니라
貴人求娶謾紛爭 千乘侯王聘未行
自道婦人貞信耳 豈容忘死却趍生
持刀割鼻作刑餘 幼穉重孤可忍諸
相以報來終自釋 梁王錫號亦猗歟
穆姜撫子_漢
程文矩妻 字穆姜
없음