삼강행실도
忠臣圖
龍逄諫死_夏
桀鑿池爲夜宮
桀이 못 ᄑᆞ고 夜宮 ᄆᆡᇰᄀᆞ라
夜宮은 每常 어드ᄫᅥ 밤 ᄀᆞᆮᄒᆞᆫ 지비라
男女雜處 三旬不朝
남진 겨지비 섯거 이셔 ᄒᆞᆫ ᄃᆞᄅᆞᆯ 朝會 아니커늘
關龍逢諫曰
關龍逄이 諫호ᄃᆡ
人□□恭敬信 節用愛人 故天下安而社稷宗廟固
없음
今君用財□無窮 殺人若不勝
님금이 쳔랴ᇰᄋᆞᆯ 그지업시 ᄡᅳ시며 사ᄅᆞᄆᆞᆯ 몯내 주겨 ᄒᆞ실ᄊᆡ
民惟恐君之後亡矣
없음
人心已去 天命不祐
百姓과 하ᄂᆞᆯ쾌 돕디 아니ᄒᆞ시ᄂᆞ니
盍少悛乎
고티쇼셔 ᄒᆞ니
不聽
듣디 아니커늘
龍逢立不去 桀殺龍逢
셔고 나가디 아니ᄒᆞᆫ대 桀이 주기니라
夏桀荒淫毒下民 弗親朝政至三旬
輕生極諫言詞切 得似龍逢有幾人
庭立敶辭冀小悛 如何不聽殺忠賢
民言曷喪眞堪畏 自道予生命在天
欒成鬪死_晉
曲沃武公伐翼
曲沃 武公이 翼을 텨아
翼ᄋᆞᆫ 晉ㅅ 녯 都邑이니 晉國이 어즈러ᄫᅥ 둘히 ᄃᆞ욀ᄊᆡ
翼과 曲沃과로 ᄀᆞᆯᄒᆡ니라
殺哀侯 止欒共子曰
哀侯를 주기고 欒公子ᄃᆞ려 닐오ᄃᆡ
無死
죽디 말라
吾以子爲上卿 制晉國之政
내 그듸를 爲頭ᄒᆞᆫ 卿 사마 晉國 政事ᄅᆞᆯ ᄀᆞᅀᆞᆷ알에 호리라
辭曰
欒公子ㅣ ᄀᆞ로ᄃᆡ
成聞之 民生於三
사ᄅᆞ미 세 고대 사ᄂᆞ니
事之如一
ᄒᆞᆫ가지로 셤기ᅀᆞᄫᅩᇙ디니
父生之 師敎之 君食之
아비 나ᄒᆞ시고 스스ᅌᅵ ᄀᆞᄅᆞ치시고 님금이 머기시ᄂᆞ니
非父不生 非食不長 非敎不知
아비옷 아니면 나디 몯ᄒᆞ리며 음담곳 아니면 ᄌᆞ라디 몯ᄒᆞ리^며 ᄀᆞᄅᆞ춈곳 업스면 아디 몯ᄒᆞ리니
生之族也
없음
故一事之 唯其所在 則致死焉 報生以死
그럴ᄊᆡ ᄒᆞᆫ가지로 셤기ᅀᆞᄫᅡ 주구ᄆᆞ로 恩惠ᄅᆞᆯ 갑ᄉᆞᆸᄂᆞ니라 ᄒᆞ고
報賜以力 人之道也 成敢以私利 廢人之道
없음
遂鬪而死
싸호아 주그니라
武公伐翼殺哀侯 止死欒成待欲優
縱受上卿專國政 其如不共戴天讐
君師自古生之族 所在唯應以死酬
大義胸中曾識得 肯將私利爲身謀
石碏純臣_衛
州吁弑桓公而立 未能和其民
州吁ㅣ 桓公 잡고 셔아 百姓을 和킈 몯ᄒᆞ더니
石碏子厚 問定君於石碏
石碏ᄋᆡ 아ᄃᆞᆯ 石厚ㅣ 아ᄇᆡ그ᅌᅦ 님금 一㝎호ᄆᆞᆯ 무른대
碏曰
石碏이 닐오ᄃᆡ
王覲爲可
王 뵈ᅀᆞᄫᅩ미 ᄒᆞ리라 ᄒᆞ야ᄂᆞᆯ
曰何以得覲
石厚ㅣ 닐오ᄃᆡ 엇뎨 뵈ᅀᅳᄫᆞ리ᅌᅵᆺ고
曰陳桓公方有寵於王 陳衛方睦
아비 닐오ᄃᆡ 陳 桓公이 王ᄭᅴ 有勢ᄒᆞ니
若朝陳使請 必可得也
그를 브트면 어루 뵈ᅀᆞᄫᆞ리라 ᄒᆞ야ᄂᆞᆯ
厚從州吁如陳
石厚ㅣ 州吁 조차 陳에 니거늘
碏使告于陳曰
石碏이 陳에 사ᄅᆞᆷ 브려 닐오ᄃᆡ
衛國褊小 老夫耄矣 無能爲也
없음
此二人者 實弑寡君
이 두 사ᄅᆞ미 우리 님금을 주기ᅀᆞᄫᆞ니
旋卽圖之
ᄭᅬ ᄡᅳ고라 ᄒᆞ야ᄂᆞᆯ
陳人執之
陳ㅅ 사ᄅᆞ미 ^ 자바 주어늘
而請涖于衛
없음
衛人使右宰醜 이殺州吁于濮
衛예셔 右宰 醜ᄅᆞᆯ 브려 州吁ᄅᆞᆯ 보아 주기라 ᄒᆞ고
碏使其宰獳羊肩 涖殺厚于陳
石碏이 獳羊肩 브려 石厚ᄅᆞᆯ 보아 주기라 ᄒᆞ니라
君子曰 石碏純臣也
君子ㅣ 닐오ᄃᆡ 石碏ᄋᆞᆫ 純ᄒᆞᆫ 臣下ㅣ로다
惡州吁而厚與焉
없음
大義滅親 其是之謂乎
큰 義로 제 아ᄃᆞᄅᆞᆯ 주기도다
家兒黨賊致紛紜 來問和民與定君
國小無能身亦老 勸令王覲是奇勳
陳人討賊是誰因 老子謀謨動四隣
大義滅親如欲識 請看靑史記純臣
王蠋絶脰_齊
燕樂毅破齊 聞畫邑人王蠋賢
樂毅 齊ᄅᆞᆯ 이긔오 王蠋이 어디다 듣고
令軍中 環畫邑三十里無入
軍中에 出令ᄒᆞ야 王蠋ᄋᆡ ᄀᆞ올 둘어 ᄒᆞᆫ 즘게ᄅᆞᆯ 드디 말라 ᄒᆞ고
使人請蠋 蠋謝不往
사ᄅᆞᆷ 브려 請ᄒᆞ야ᄂᆞᆯ 아니 나거ᄂᆞᆯ
燕人曰
없음
不來吾屠畫邑
아니 오면 네 ᄀᆞ옰 사ᄅᆞᄆᆞᆯ 다 주규리라 ᄒᆞ니
蠋曰 忠臣不事二君 烈女不更二夫
王蠋이 닐오ᄃᆡ 忠臣ᄋᆞᆫ 두 님금 아니 셤기고 烈女ᄂᆞᆫ 두 남진 아니 얻ᄂᆞ니
齊王不用吾諫 故退而耕於野國破君亡 吾不能存 而又欲劫之以兵
없음
吾與其不義而生不若死
義 아닌 일로 사로미 주그니만 몯ᄒᆞ니라 ᄒᆞ고
遂經其頸於樹枝 自奮 絶脰而死
나못 가지예 목 ᄆᆡ야 ᄃᆞ라 주그니라
燕人圍畫欲屠城 節士安能枉己行
不事二君當日語 凜然千載樹風聲
君亡國破不能存 非義而生豈足論
經死樹間方自慊 千秋地下作忠魂
紀信誑楚_漢
項羽圍滎陽
項羽ㅣ 滎陽ᄋᆞᆯ 圍把ᄒᆞ얫거늘
王請和 割滎陽以西爲漢 范增勸羽 急攻榮陽
없음
王患之
漢王이 시름ᄒᆞ야 ᄒᆞ더시니
將軍紀信曰 事急矣
將軍 紀信이 닐오ᄃᆡ 이리 時急ᄒᆞ니
臣請誑楚 則王可以間出於是
내 楚ᄅᆞᆯ 소교리ᅌᅵ다 ᄒᆞ야ᄂᆞᆯ
陳平夜出女子滎陽東門二千餘人
그저긔 陳平이 바ᄆᆡ 겨집 二千을 東門ᄋᆞ로 내야ᄂᆞᆯ
楚因四面摯之信乃乘王車黃屋左纛曰
楚ㅣ 四面으로 티더니 紀信이 王ㅅ 술위 타아 누른 집 ᄒᆞ고 왼녀긔 纛 곳고 나아 닐오ᄃᆡ
城中食盡 漢王降楚
城中에 바비 업서 漢王이 楚애 降ᄒᆞ시ᄂᆞ다 ᄒᆞ야ᄂᆞᆯ
楚皆呼萬歲 之城東觀
楚ㅣ 다 萬世 브르고 城ㅅ 東녀긔 가아 보더니
以故 王得與數十騎 從西門出
그 ᄉᆞᅀᅵ예 漢王이 스므나ᄆᆞᆫ ᄆᆞᆯ 더블오 西門ᄋᆞ로 나니거시ᄂᆞᆯ
走成皐
없음
羽燒殺信
項羽ㅣ 紀信이ᄅᆞᆯ ᄉᆞ라 주기니라
漢王當日被重圍 事急何人解指麾
不有將軍謀誑楚 陳平雖智計無施
攀龍附鳳幾英雄 黃屋生降爲沛公
帝業綿綿基此擧 蕭何不是漢元功
蘇武杖節_漢
中郞將蘇武 使凶奴
中郞將 蘇武ㅣ 凶奴애 使者로 갯더니
凶奴ᄂᆞᆫ 이젯 다대라
會虞常謀殺衛律
마초아 虞常이 衛律이ᄅᆞᆯ 주규려 ᄒᆞ더니
單于使律治之
單于ㅣ 알오 衛律이 ᄒᆞ야 져주라 ᄒᆞ야ᄂᆞᆯ
□引武副張勝知謀
虞常이 닐오ᄃᆡ 蘇武의 버근 張勝이도 아니라 ᄒᆞ야ᄂᆞᆯ
召武受辭
蘇武를 블러 말 받거늘
武引刀自剌 律驚 自抱□之武氣絶
갈ᄒᆞ로 제 모ᄀᆞᆯ 디ᄅᆞᆫ대 衛律이 놀라아 손ᅀᅩ 아나 이시니
半日復息
半 나래ᅀᅡ ᄭᆡ어늘
律謂武曰 副有罪 當相坐
衛律이 닐오ᄃᆡ 버그늬 罪ㄹᄊᆡ 조차 니브리라
武曰 本無謀又非親 何謂相坐
蘇武ㅣ 닐오ᄃᆡ 本來 ᄭᅬ 업스며 ᄯᅩ 아ᅀᆞᆷ 아니어니 엇뎨 서르 니브리랏 말오 ᄒᆞ야ᄂᆞᆯ
擧劒擬之
갈ᄒᆞ로 튜려 ᄒᆞ□ᄂᆞᆯ
蘇武ㅣ 아ᄆᆞ라토 아니코 잇거늘
武不動
乃幽武大窖中 絶不飮食
큰 구데 가도고 飮食 아니 주더니
武齧雪與旃毛 幷咽之 徙北海上
蘇武ㅣ 눈과 시욱과 먹고 잇거ᄂᆞᆯ 北海ㅅ ᄀᆞᅀᅢ 보내야 닐오ᄃᆡ
海ᄂᆞᆫ 바ᄅᆞ리라
使牧羝
수羊이 삿기 나하ᅀᅡ 돌아 보내요리라 ᄒᆞ야ᄂᆞᆯ
掘野鼠 去草實而食 杖漢節牧羊
묏쥐 ᄑᆞ며 픐 여름 ᄠᅡ 먹고 누ᄫᅳ며 니로매 漢ㅅ 節^을 노티 아니코
節ᄋᆞᆫ 브리샨 사ᄅᆞᄆᆡ 가져 가ᄂᆞᆫ 거시라
臥起操持
羊ᄋᆞᆯ 치니
節旄盡落
節ㅅ 터러기 다 ᄠᅥ러디옛더니
單于使李陵置酒 謂曰
單于ㅣ 李陵이ᄅᆞᆯ 브려 수울 머기고 닐오ᄃᆡ
足下兄弟 皆坐事自殺 太夫人已不幸 婦亦更嫁
그딋 兄弟 다 罪 니버 죽고 어마님도 ᄒᆞ마 죽고 겨집도 다ᄅᆞᆫ 남진 어□니
人生如朝露
人生이 아ᄎᆞᇝ 이슬 ᄀᆞᆮᄒᆞ니