석보상절 11권
如來爲何所在。
如來 어듸 겨시니ᅌᅵᆺ고
阿難報曰
阿難이 ᄉᆞᆯᄫᅩᄃᆡ
大王。我亦不知如來所在。
大王하 나^도 如來 겨신 ᄃᆡᄅᆞᆯ 모ᄅᆞᅀᆞ□ᅌᅵ다
優填王波斯匿王。思睹如來遂得苦患。是時王敕國界之內。諸奇巧師匠。而告之曰。我今欲作如來形像。是時優填王。
優塡 王이 世尊 그리ᅀᆞᄫᅡ 病을 ᄒᆞ야 나라해 어딘 匠人 뫼호아
匠人ᄋᆞᆫ 자ᄇᆞᆫ 것 ᄆᆡᇰᄀᆞᄂᆞᆫ 사ᄅᆞ미라
卽以牛頭栴檀。作如來形像高五尺
牛頭栴檀香ᄋᆞ로 世尊ㅅ 像ᄋᆞᆯ ᄆᆡᇰᄀᆞᅀᆞᄫᅡ
노ᄑᆡ 다ᄉᆞᆺ 자히러라
供養ᄒᆞᅀᆞᆸ더니
波斯匿王도 그 말 듣고 紫摩金으로 如來ㅅ 像ᄋᆞᆯ ^ ᄆᆡᇰᄀᆞᅀᆞᄫᆞ니
이도 노ᄑᆡ 다ᄉᆞᆺ 자히러라
閻浮提ㅅ 內예 ᄆᆡᇰᄀᆞᅀᆞᄫᆞᆫ 부텻 像이 이 둘히 始作이시니라
爾時世尊於忉利天。
그ᄢᅴ 世尊이 忉利天에 겨샤
爲衆廣說大有利益。至三月盡將欲還下。命鳩摩羅。
한 사ᄅᆞᆷ 위ᄒᆞ야 說法ᄒᆞ시고 석 ᄃᆞ리 다ᄋᆞ거늘 鳩摩羅ᄅᆞᆯ 브리샤
鳩摩羅ᄂᆞᆫ □ᄂᆞᆳ 大將軍이라
汝今可下至閻浮提語言。
閻浮提예 ᄂᆞ려와 닐오ᄃᆡ
如來不久當入涅槃。
如□□□ 오라 □□^애 드르시리라
于時衆生聞是語已。極大愁惱作如是言。
□□긔 □…□히 이 말 듣고 닐오ᄃᆡ
我等頃來不知大師所在。今者乃在忉利天上。
우리ᄃᆞᆯ히 스□□ 겨신 ᄯᅡᄒᆞᆯ 모ᄅᆞ다니 忉利天에 겨시닷다
又復欲入涅槃。
ᄯᅩ 涅槃애 드로려 ᄒᆞ시니
何其苦哉。世眼將滅。
이리ᄃᆞ록 셜ᄫᅳᆯ쎠 世間앳 누니 업스려다
我等罪身天人殊絕。無由昇天恭敬勸請。
우리ᄂᆞᆫ 罪 지ᅀᅳᆫ 모미라 하ᄂᆞᆯ해 몯 가노니
唯願仁者爲宣啟請。
願ᄒᆞᆫᄃᆞᆫ 仁者ㅣ 請ᄒᆞᅀᆞᄫᅡ
唯願愍念閻浮提人。
仁者ᄂᆞᆫ □ 어엿비 너기ᄂᆞᆫ 사□…□^羅ᄅᆞᆯ 니르니라
時速還下。
어셔 ᄂᆞ려오시게 ᄒᆞ쇼셔
時鳩摩羅還至佛所。具以白佛。爾時世尊聞此語已。放五色光明照耀顯赫。
鳩摩羅ㅣ 올아가 ᄉᆞᆯᄫᅡᄂᆞᆯ 世尊이 드르시고 五色光明을 내야 비취신대
時天帝釋知佛當下。卽使鬼神作三道寶階。
帝釋이 鬼神 브려 세 줈 ᄃᆞ리ᄅᆞᆯ 노ᄒᆞ니
中央閻浮檀金。左用琉璃右用馬瑙。
가온ᄃᆡᆫ 金이오 왼 녀긘 瑠璃오 올ᄒᆞᆫ 녀긘 瑪瑙ㅣ러라
佛語摩耶。
부톄 摩耶ᄭᅴ ᄉᆞᆯᄫᅩ샤ᄃᆡ
生死之法會必有離。
죽사릿 法은 모댓다가도 모ᄃᆡ ^ 여희ᄂᆞ니ᅌᅵ다
我今應下還閻浮提。不久亦當入於涅槃。
내 이제 ᄂᆞ려가면 아니 오라아 涅槃호리ᅌᅵ다
摩耶垂淚說偈。
摩耶ㅣ 우르시고 偈 지ᅀᅥ ᄉᆞᆯᄫᅡ시ᄂᆞᆯ
爾時世尊。與母辭別。下躡寶階
그저긔 世尊이 辭ᄒᆞ시고 그 寶階로 ᄂᆞ려오더시니
寶階ᄂᆞᆫ 보ᄇᆡ옛 ᄃᆞ리니 우희 닐엣ᄂᆞᆫ 세 줈 ᄃᆞ리라
梵天執蓋。及四天王侍立左右。
梵天이 蓋 자바 四天王과 두 녀긔 셔ᅀᆞᆸ고
四部大衆歌唄讚嘆。
四衆이 놀애 블러 讚嘆ᄒᆞᅀᆞᄫᅡ 조ᄍᆞᄫᅡ ^ 오더니
天作妓樂充塞虛空。散花
하ᄂᆞᆳ 푸ᇰᄅᆔ 虛空애 ᄀᆞᄃᆞᆨᄒᆞ야 곳비 비흐며
燒香導從來下。
香 퓌우고 길 잡ᄉᆞᆸ거니 미조ᄍᆞᆸ거니 ᄒᆞ야 ᄂᆞ려오더라
閻浮提王波斯匿等。一切大衆
閻浮提옛 님금 波斯匿王 等 一切 大衆이
集在寶階。稽首奉迎。
寶階 미틔 모다 가 부텨를 마ᄍᆞᆸ더니
時優填王。戀慕世尊鑄金爲像聞佛當下。象載金像來迎世尊。蓮華色比丘尼化作琉璃山。結加趺坐在山窟中。無量供具奉迎世尊。
優塡 王이 ᄆᆡᇰᄀᆞ론 金像ᄋᆞᆯ 象□ 싣ᄌᆞᄫᅡ 가더니
栴檀香ᄋᆞ로 □ᄀᆞᅀᆞᆸ고 □金으로 ᄆᆡᇰ^ᄀᆞᅀᆞᄫᆞ니라
爾時金像。從象上下猶如生佛。
그 金像이 象 우희 오ᄅᆞ락 아래 ᄂᆞ리락 ᄒᆞ야 生佛이 ᄀᆞᄐᆞ시며
生佛은 사라 겨신 부톄시니라
足步虛空
虛空애 올아 거르믈 거르시니
足下雨華。亦放光明來迎世尊。
발 아래셔 곳비 오며 放光 니르리 ᄒᆞ시더라
時鑄金像。合掌叉手爲佛作禮。
그 金像이 世尊 보ᅀᆞᆸ고 合掌ᄒᆞ야 禮數ᄒᆞ시거늘
爾時世尊。亦復長跪合掌向像。
世尊도 ᄭᅮ르샤 合掌ᄒᆞ시니
時虛空中百千化佛。亦皆合掌
虛空애 겨신 ^ 百千 化佛이 다 合掌ᄒᆞ야
長跪向像。
金像 向ᄒᆞ야 ᄭᅮ르시니라
爾時世尊而語像言。
그ᄢᅴ 世尊이 金像ᄭᅴ 니ᄅᆞ샤ᄃᆡ
汝於來世大作佛事。
네 오ᄂᆞᆫ 뉘예 佛事ᄅᆞᆯ ᄀᆞ자ᇰ ᄒᆞ리니
我滅度後。我諸弟子以付囑汝。
나 滅度ᄒᆞᆫ 後에 내 弟子ᄅᆞᆯ 너를 마ᄯᅵ노라 ᄒᆞ야시ᄂᆞᆯ
空中化佛。異口同音咸作是言。
空中엣 百千 化佛이 ᄒᆞᆫᄢᅴ 니ᄅᆞ□ᄃᆡ
若有衆生於佛滅後造立形像。
衆生이 부텨 업스신 後에 부^텻 像 ᄆᆡᇰᄀᆞᅀᆞᄫᅡ
幡花衆香持用供養。是人來世必得念佛淸淨三昧。
種種 □□ᄒᆞ면 그 사ᄅᆞ미 後生애 다ᇰ다ᅌᅵ 念佛淸淨三昧ᄅᆞᆯ 得ᄒᆞ리라 ᄒᆞ더시다
爾時六師徒衆集聚，復作是念：
그ᄢᅴ 六師ᄋᆡ 무리 모다 너교ᄃᆡ
「我等今者衰禍將至。
우리 이제 衰ᄒᆞᆫ 災禍ㅣ ᄒᆞ마 오노소니
災禍ᄂᆞᆫ 머즌 이리라
雖復衆人之中唱說此言而不信受。今當復往天人大衆之中，宣令如是，可知淸白。」爾時六師作是念已，
이제 天人大衆 中에 가ᅀᅡ ᄒᆞ리로다 ᄒᆞ고
與其徒衆八千人俱，前後圍遶，往詣大衆，到已却坐一面。
제 물 八千 사ᄅᆞᆷ 더블오 ^ 大衆 모ᄃᆞᆫ ᄃᆡ 가 ᄒᆞ녀긔 안ᄌᆞ□□
爾時復有一乾闥婆子，名曰闥婆摩羅，彈七寶琴，往詣如來所，頭面禮足，却住一面，鼓樂絃歌
그ᄢᅴ ᄒᆞᆫ 乾闥婆ᄋᆡ 아ᄃᆞᆯ □…□ 闥婆摩羅ㅣ라 호□ □…□琴 놀오 놀애 브르니
□…□라
出微妙音——其音和雅，悅可衆心。
그 소리 和雅ᄒᆞ야 □…□ 즐겁더니
聲聞辟支佛等，不覺動身起舞，須彌山王湧沒低昂。
聲聞辟□…□히 모미 뮈ᄂᆞᆫ ᄃᆞᆯ 몰라 니러□…□ 須彌山도 소ᄉᆞ락 ᄌᆞᄆᆞ□…□ ^ 즐기더니
爾時如來卽入有相三昧，
如來 즉자히 有相三昧예 드르시니
有相ᄋᆞᆫ 相 이실씨라
以三昧力令其琴聲遠聞三千大千世界
三昧力으로 그 琴ㅅ 소리 三千大千世界예 들여
——其音具足演說苦、空、無常、不淨、無我。
그 소리 苦空無常無我ᄅᆞᆯ 물어 니르니
放逸衆生聞此妙音具足演說如來知恩報恩，
게으른 衆生ᄃᆞᆯ히 이 소리 듣고 다 如來 恩惠ᄅᆞᆯ 이ᄅᆞ샤 恩惠ᄅᆞᆯ 가ᄑᆞ샤
久於無量阿僧祇劫孝養父母。
無量 阿^僧祇 劫에 父母 孝養ᄒᆞ시단 고ᄃᆞᆯ 아ᅀᆞᄫᅡ
一切衆生皆隨聲至閻浮提，
一切 衆生이 다 소리 곤가 閻浮提예 와
往到佛所，頭面禮足，却坐一面。
부텨ᄭᅴ 禮數ᄒᆞᅀᆞᆸ고 ᄒᆞ녀긔 안ᄌᆞ니
爾時大衆瞻仰如來，目不暫捨。
그ᄢᅴ 大衆이 如來ᄅᆞᆯ 울워ᅀᆞᄫᅡ 누늘 ᄀᆞᆷᄌᆞᆨ도 아니ᄒᆞ얫더니
如來爾時三昧宴默，
如來 三昧예 드러 괴외ᄒᆞ야 겨실ᄊᆡ
一切大衆亦皆默然。
一切 大衆도 다 ᄌᆞᆷᄌᆞᆷᄒᆞ^얫거늘
於大衆中，有七寶塔從地踊出，住在空中，
大衆 中에 七寶塔이 ᄯᅡ해셔 솟나아 虛空애 머므니
無數幢幡而懸其上，百千寶鈴不鼓自鳴，
無數 幢幡이 그 우희 ᄃᆞᆯ이고 百千 바ᅌᅩ리 절로 울어늘
微風吹動，出微妙音。
ᄀᆞᄆᆞᆫᄒᆞᆫ ᄇᆞᄅᆞ미 부니 微妙ᄒᆞᆫ 소리 나더라
爾時大衆見此寶塔從地踊出，心生疑網：
그ᄢᅴ 大衆이 이 寶塔ᄋᆞᆯ 보고 疑心ᄒᆞ야
「以何因緣，有此寶塔從地踊出？」
因緣으로 이런 寶塔이 ᄯᅡ해셔 소사나거뇨 ^ ᄒᆞ더라
爾時如來出于三昧。
그ᄢᅴ 如來 三昧로셔 나거시ᄂᆞᆯ
爾時彌勒菩薩觀察衆心，咸皆有疑，自亦未了。
彌勒菩薩이 모ᄃᆞᆫ ᄆᆞᅀᆞᄆᆡ 疑心ᄋᆞᆯ 보며 ᄌᆞ걔도 모ᄅᆞ샤
卽從座起，往到佛前，頭面禮足，合掌向佛，而作是言：
座애셔 니러 부텻 알ᄑᆡ 나ᅀᅡ 드르샤 禮數ᄒᆞᅀᆞᆸ고 合掌ᄒᆞ야 ᄉᆞᆯᄫᆞ샤ᄃᆡ
「世尊！以何因緣有此寶塔從地踊出？」
世尊하 엇던 因緣으로 이런 寶塔이 ᄯᅡ해셔 소사나니ᅌᅵᆺ고
佛告彌勒菩薩：
부톄 彌勒菩薩ᄃᆞ려 니^ᄅᆞ샤ᄃᆡ
「乃往過去不可思議阿僧祇劫有佛出世，號毗婆尸如來．應供．正遍知．明行足．善逝．世間解．無上士．調御丈夫．天人師．佛．世尊，出現於世，教化無量百千萬億阿僧祇衆生，皆令堅固阿耨多羅三藐三菩提。其佛滅後，於像法中，有國
디나건 不可思議 阿僧祇 劫에 毗婆尸如來ㅅ 像法 中에 나라히 이쇼ᄃᆡ
名波羅奈。其波羅奈大王聰叡仁賢，常以正法治國，不枉人民。
일후미 波羅㮈러니 波羅㮈 大王이 어디르샤 正法으로 나라ᄒᆞᆯ 다ᄉᆞ리더시니
王主六十小國、八百聚落。
여ᄉᆔᆫ 小國에 위두ᄒᆞ얫더시다
王了無子。王自供養奉事山神、樹神、一切神祇，
王이 아ᄃᆞ리 업스실ᄊᆡ 손ᅀᅩ 神靈을 셤^기샤
經十二年不懈不息，求索有子。
열두 ᄒᆡᄅᆞᆯ 누흙디 아니ᄒᆞ샤 子息ᄋᆞᆯ 求ᄒᆞ더시니
第一夫人便覺有娠，十月足滿生一男兒。
第一 夫人이 아기ᄅᆞᆯ ᄇᆡ여 나ᄒᆞ시니
其子端正，人相具足。生已召諸大臣、諸小國王，占相吉凶，卽爲立字。以其太子性善不瞋，
그 太子ㅣ 端正ᄒᆞ고 性이 됴하 嗔心ᄋᆞᆯ 아니ᄒᆞᆯᄊᆡ
名曰忍辱。
일후믈 忍辱이라 ᄒᆞ시니라
忍辱太子其年長大，好喜布施，
忍辱太子ㅣ ᄌᆞ라아 布施ᄅᆞᆯ 즐기며
聰明慈仁，於諸衆生等生慈心。
聰明ᄒᆞ고 衆生ᄋᆞᆯ 골오 어여ᄲᅵ 너기더^니
爾時大王有六大臣，
그ᄢᅴ 여슷 大臣이 이쇼ᄃᆡ
其性暴惡，奸詭佞諂，枉橫無道，人民厭患。時六大臣自知於行有違，常懷嫉妒，憎惡太子。
性이 모디러 太子ᄅᆞᆯ 새와ᄒᆞ더라
「爾時大王身嬰重病，苦惱憔悴，命在旦夕。
그ᄢᅴ 大王이 重ᄒᆞᆫ 病을 어더 겨시거늘
忍辱太子往告諸臣：
太子ㅣ 臣下ᄋᆡ 그ᅌᅦ 가 닐오ᄃᆡ
『父王困篤，今當奈何？』