석보상절 11권
아바니ᇝ 病이 기프시니 엇뎨 ᄒᆞ료
諸臣聞已，心生瞋恚，報太子言：
臣下ㅣ 닐오ᄃᆡ
『王命不久。何以故？欲求妙藥，不可得故，是以當知命去不遠。』
됴ᄒᆞᆫ 藥ᄋᆞᆯ 몯 어들ᄊᆡ 命이 아니 오라시리ᅌᅵ다
太子聞已，心生苦惱，悶絕躄地。
太子ㅣ 듣고 안닶겨 ᄯᅡ해 그우^러디옛더라
「時六大臣卽入靜室，共謀議言：
여슷 大臣이 議論호ᄃᆡ
『忍辱太子不除去者，我等終不得安隱也。』作是念已，
太子ᄅᆞᆯ 더러 ᄇᆞ리디 아니ᄒᆞ면 우리 乃終내 便安티 몯ᄒᆞ리라
第一大臣言：『忍辱太子無事可除。』一臣復言：『我有方便能除去之。』
ᄒᆞᆫ 大臣이 닐오ᄃᆡ 내 方便으로 더로리라 ᄒᆞ고
卽往太子所，報太子言：
太子ᄭᅴ 가 닐오ᄃᆡ
『臣向在外，於六十小國八百聚落中求覓藥草，了不能得。』
내 요ᄉᆞᅀᅵ예 여ᄉᆔᆫ 小國에 가 藥ᄋᆞᆯ 얻다가 몯호ᅌᅵ다
太子問言：『所求藥草爲是何物？』
太子ㅣ 닐오ᄃᆡ 얻는 藥이 므스것고
大臣報言：『太子當知，求藥草者，正是 從生至終不瞋人眼睛及其人髓。若得此藥，得全王命；若不得者，命在不久。於諸國土無有此人。』
大^臣이 닐오ᄃᆡ 나다가며브터 嗔心 아니ᄒᆞᄂᆞᆫ 사ᄅᆞᄆᆡ 누ᇆᄌᆞᅀᆞ와 骨髓왜니ᅌᅵ다
太子聞已，心生憂惱，
太子ㅣ 듣고 닐오ᄃᆡ 내 모미 ᄲᅥ즛ᄒᆞ도다
卽報大臣：『今我身者似是其人。此事亦難。
大臣이 닐오ᄃᆡ 太子ㅣ 그런 사ᄅᆞ미시면 이 이리 어렵도소ᅌᅵ다
何以故？天下所重莫若己身。』
天下애 앗가ᄫᆞᆫ 거시 몸 ᄀᆞᄐᆞ니 업스니ᅌᅵ다
太子言：『不如諸臣所言也。
太子ㅣ 닐오ᄃᆡ 그듸냇 말 ᄀᆞᆮ디 아니호니
但使父王病得損者，假使捨百千身，亦不爲難，況我今日此穢身也？』
오직 아바니ᇝ 病이 됴ᄒᆞ실씨언뎌ᇰ 모ᄆᆞᆯ 百千 디위 ᄇᆞ료민ᄃᆞᆯ 므스기 어려ᄫᅳ료
大臣報言：『如此之事，隨太子意。』
大臣이 닐오ᄃᆡ 그러면 太子ㅅ ᄠᅳᆮ다히 호리ᅌᅵ다
忍辱太子卽入宮中，到其母所，頭面禮足，合掌向母，而作是言：
그ᄢᅴ 忍辱太子ㅣ 깃거 어마니ᇝ긔 드러가 ᄉᆞᆯᄫᅩᄃᆡ
『今者此身，欲爲父王作治病藥。
이제 이 모ᄆᆞ로 아바님 위ᄒᆞ야 病엣 藥ᄋᆞᆯ 지ᅀᅮ려 ᄒᆞ노니
恐其身命不得存立，是故與母共別。
목수미 몯 이실까 너겨 여희ᅀᆞᄫᆞ라 오니
願母莫憂苦，戀慕其子。』
願^ᄒᆞᆫᄃᆞᆫ 어마니미 그려 마ᄅᆞ쇼셔
其母聞是語已，心生悶絕，忘失四方，譬如人噎，又不得咽，不能勸進，又不得吐，不能勸止。卽前抱其太子，悶絕，
어마니미 드르시고 안답ᄭᅵ샤 낫ᄃᆞ라 아ᄂᆞ샤 것ᄆᆞᄅᆞ죽거시ᄂᆞᆯ
以冷水灑面，良久乃穌。
ᄎᆞᆫ 믈 ᄲᅳ리여ᅀᅡ ᄭᆡ시니라
爾時太子卽呼大臣、諸小國王，於大衆中，卽宣此言：
그ᄢᅴ 太子ㅣ 大臣과 小國王ᄃᆞᆯᄒᆞᆯ 블러 大衆 中에 닐오ᄃᆡ
『我身今者與大衆別。
내 이제 大衆과 여희노라 ᄒᆞ야ᄂᆞᆯ
爾時大臣卽呼旃陀羅，
大臣이 즉자히 栴陀羅ᄅᆞᆯ 블러
栴陀羅ᄂᆞᆫ 東土ㅅ 마래 嚴^幟니 모딘 일로 제 보람ᄒᆞ야 ᄒᆞ니ᄂᆞ다 혼 마리라
常例ㅅ 사ᄅᆞᆷ과 닫 사ᄂᆞ니 져재 드ᇙ 저기어든 대ᄅᆞᆯ 두드리거나 드리ᄎᆞ거나 ᄒᆞ면 사ᄅᆞ미 다 두리여 숨ᄂᆞ니라
斷骨出髓，剜其兩目。
ᄲᅧ를 그처 骨髓 내오 두 누ᇆᄌᆞᅀᆞᄅᆞᆯ 우의여 내니라
「爾時大臣卽擣此藥，奉上大王。
그ᄢᅴ 大臣이 이 藥 ᄆᆡᇰᄀᆞ라 大王ᄭᅴ 받ᄌᆞᄫᆞᆫ대
王卽服之，病得除差。病既差已，
王이 좌시고 病이 됴ᄒᆞ샤
王聞是語，心驚毛豎，微聲問諸臣言：『忍辱太子今在何所？』
이 말 드르시고 놀라 臣下ᄃᆞ려 무르샤ᄃᆡ 太子ㅣ 이제 어듸 잇ᄂᆞ뇨
大臣答言：『太子今者在外，身體傷損，命不云遠。』
大臣^이 ᄉᆞᆯᄫᅩᄃᆡ 太子ㅅ 모미 傷ᄒᆞ야 命이 머디 아니ᄒᆞ시ᅌᅵ다
王聞是語，舉聲大哭：『怪哉！怪哉！』
王이 드르시고 ᄯᅡ해 디여 우르샤
自投於地，塵土坌身：『如我今者，實自無情。云何乃能服此子藥？』往到子所，其命已終。
모매 몬ᄌᆡ 무티시고 太子ᄭᅴ 가시니 ᄒᆞ마 命終ᄒᆞ거늘
王及夫人及諸臣民，無量大衆前後圍遶。
王과 夫人괘 臣下와 百姓과 無量 大衆이 앏뒤헤 圍繞ᄒᆞ얫더니
其母懊惱，投身死尸：『以我宿世有諸過惡，今令子身受是苦也。今我身者，何不碎末如塵，乃令我子喪失身命。』
어마니미 太子ㅅ 우희 업더디여 슬^흐시더라
爾時父王及諸小王
그ᄢᅴ 父王과 小王ᄃᆞᆯ히
小王ᄋᆞᆫ 혀근 王이라
卽以牛頭栴檀香木，積以成[卄/積]闍維太子所有身骨，
牛頭栴檀香 남ᄀᆞ로 太子 ᄉᆞᄅᆞ시고
復以七寶起塔供養。」
七寶塔 셰여 供養ᄒᆞ더시니라
爾時世尊告彌勒菩薩善男子等大衆：
世尊이 彌勒菩薩ᄃᆞ려 니ᄅᆞ샤ᄃᆡ
「當知爾時波羅奈大王者，今現我父悅頭檀是；
波羅㮈大王ᄋᆞᆫ 이젯 내 아바님 閱頭檀이시고
爾時母者，今現我母摩耶是；
그ᄢᅴᆺ 어마니ᄆᆞᆫ 이젯 내 어마님 摩^耶ㅣ시고
忍辱太子者，今我身是。
忍辱太子ᄂᆞᆫ 이젯 내 모미라
菩薩於無量阿僧祇劫孝養父母，
菩薩이 無量 阿僧祇 劫에 父母 孝養ᄒᆞᅀᆞᄫᅩᄃᆡ
菩薩ᄋᆞᆫ ᄌᆞ걋 모ᄆᆞᆯ 니르시니라
衣被、飲食、房舍、臥具，
오시며 차바니며 지비며 니블 ᅀᅭ히며
乃至身肉骨髓，其事如是，
모맷 骨髓 니르리 ᄡᅥ 호미 이러호니
以此因緣自致成佛。
이리 혼 因緣으로 成佛호매 니르로니
今此寶塔從地踊出者，卽是我爲其父母捨此骨髓及其身命，
이제 이 塔이 ᄯᅡ해셔 소사나ᄆᆞᆫ ^ 곧 이 내 父母 위ᄒᆞᅀᆞᄫᅡ 목숨 ᄇᆞ려늘
卽於此處起塔供養。
곧 이 ᄯᅡ해 塔ᄋᆞᆯ 셰여 供養ᄒᆞ시더니
我今成佛，卽踊現其前。」
내 이제 成佛ᄒᆞᆯᄊᆡ 알ᄑᆡ 소사냇ᄂᆞ니라
爾時大衆中無量人、天、諸龍、鬼神，聞是語已，悲喜交集，淚下滿目，
그ᄢᅴ 大衆 中에 그지업슨 人 天 龍 鬼神이 이 말 듣ᄌᆞᆸ고 누ᇇ믈 흘리며
異口同音讚歎如來百千功德，
ᄒᆞᆫ 소리로 如來ㅅ 功德을 讚嘆ᄒᆞᅀᆞᆸ고
尋時發於阿耨多羅三藐三菩提心；
즉자히 阿耨多羅三藐^三菩提心ᄋᆞᆯ 發ᄒᆞ며
ᄯᅩ 無量 百千 衆生이 聲聞 辟支佛心ᄋᆞᆯ 發ᄒᆞ며
復有無量人得須陀洹果乃至阿羅漢道；
ᄯᅩ 無量 사ᄅᆞ미 須陀洹果 阿羅漢道애 니르며
復有無量百千萬億菩薩摩訶薩，
ᄯᅩ 無量 百千萬億 菩薩摩訶薩이 아니 오라아
不久當得阿耨多羅三藐三菩提。
阿耨多羅三藐三菩提를 ^ 得ᄒᆞ시리러라
爾時大衆異口同音讚歎摩耶：
그ᄢᅴ 大衆이 ᄒᆞᆫ 소리로 摩耶ᄅᆞᆯ 讚嘆ᄒᆞᅀᆞᄫᅩᄃᆡ
「善哉摩耶！得生如來，天人世間無與等者。」
됴ᄒᆞ실쎠 摩耶ㅣ 如來ᄅᆞᆯ 나ᄊᆞᄫᆞ실쎠 天人世間애 ᄀᆞᆯᄫᆞ리 업스샷다 ᄒᆞ더라
爾時闥婆摩羅卽從座起，偏袒右肩，胡跪合掌，而白佛言：
그저긔 闥婆摩羅ㅣ 座애셔 니러나아 부텨ᄭᅴ ᄉᆞᆯᄫᅩᄃᆡ
「世尊！摩耶夫人修何功德？以何因緣得生如來？」
世尊하 摩耶夫人이 엇던 功德을 닷ᄀᆞ시며 ^ 엇던 因緣으로 如來ᄅᆞᆯ 나ᄊᆞᄫᆞ시니ᅌᅵᆺ고
佛言：「乃往過去久遠不可計劫，有佛出世，
부톄 니ᄅᆞ샤ᄃᆡ 디나건 오란 劫에
像法滅已。爾時有國號波羅奈。
毗婆尸如來ㅅ 像法 後에 나라히 이쇼ᄃᆡ 일후미 波羅㮈러라
去城不遠有山，名曰聖所遊居，
城 아니 머리 뫼히 이쇼ᄃᆡ 일후미 聖所遊居ㅣ러니
聖所遊居는 聖人 노녀 사ᄅᆞ시ᄂᆞᆫ ᄃᆡ라 혼 마리니
百千 辟支佛이 이 뫼해 이시며 無量 五通神^仙이 ᄯᅩ 이실ᄊᆡ 일후믈 지흐니라
其山有一仙人住在南窟，復有一仙住在北窟。
그 뫼해 ᄒᆞᆫ 仙人ᄋᆞᆫ 南녁 堀애 잇고 ᄒᆞᆫ 仙人ᄋᆞᆫ 北녁 堀애 잇거든
二山中間有一泉水，其泉水邊有一平石。
두 山 ᄊᆞᅀᅵ예 ᄒᆞᆫ ᄉᆡ미 잇고 그 믌 ᄀᆞᅀᅢ 平ᄒᆞᆫ 돌히 잇더라
「爾時南窟仙人在此石上，
그ᄢᅴ 南녁 堀앳 仙人이 이 돌 우희 이셔
浣衣洗足已，便還所止。去後未久，有一雌鹿來飲泉水。
옷 ᄲᆞᆯ며 발 싯고 니거늘 ᄒᆞᆫ 암사ᄉᆞ미 와 옷 ᄲᆞ론 므를 먹고
次第到浣衣處，卽飲是石上浣垢衣汁。飲此衣垢汁已，迴頭反顧，自舐小便處。
모ᄀᆞᆯ 도ᄅᆞᅘᅧ 오좀 누는 ᄯᅡᄒᆞᆯ 할ᄒᆞ니
「爾時雌鹿尋便懷妊，月滿產生。鹿產生法，
그 사ᄉᆞ^미 삿기 ᄇᆡ여 ᄃᆞᆯ ᄎᆞ거늘
要還向本得胎處。卽還水邊，住本石上，悲鳴宛轉，產生一女。
그 돌 우희 도라와 슬피 울오 ᄒᆞᆫ 겨지블 나ᄊᆞᄫᆞ니라
爾時仙人聞此鹿悲鳴大喚。爾時南窟仙人聞是鹿大悲鳴聲，心生憐愍，卽出往看，
그ᄢᅴ 南堀앳 仙人이 사ᄉᆞᄆᆡ 우룸 쏘리 듣고 어엿비 너겨 가 보니
見此雌鹿產生一女。爾時鹿母宛轉舐之，見仙人往，便捨而去。
암사ᄉᆞ미 ᄒᆞᆫ ᄯᆞ니ᄆᆞᆯ 나하 두고 할타가 仙人ᄋᆞᆯ 보고 나ᄃᆞᄅᆞ니라
「爾時仙人見此女兒，形相端正，人相具足。見是事已，心生憐愍，卽以草衣裹拭將還，
그ᄢᅴ 仙人이 그 ᄯᆞ니ᄆᆞᆯ 어엿비 너겨 草衣로 슷봇고
草衣ᄂᆞᆫ 프ᅀᅥᇰ귀 오시라
採衆妙果，
뫼ᅀᆞᄫᅡ다가 ^ 果實 ᄠᅡ 머겨 기르ᅀᆞᄫᆞ니
隨時將養，漸漸長大，至年十四。其父愛念，
나히 열네히어시ᄂᆞᆯ 그 아비 ᄉᆞ라ᇰᄒᆞ야
그 아비ᄂᆞᆫ 仙人ᄋᆞᆯ 니르니라
常使宿火，令不斷絕。
샤ᇰ녜 블 부드ᇙ ᄌᆞ비ᄅᆞᆯ 시기ᅀᆞᄫᅢᆺ더니
忽於一日，心不謹慎，便使火滅。
ᄒᆞᆯᄅᆞᆫ 조심 아니ᄒᆞ샤 브를 ᄢᅳ긔 ᄒᆞ야시ᄂᆞᆯ
其父苦責數已，語其女言：
그 아비 그 ᄯᆞ니ᄆᆞᆯ 구짓고
『我長身已來，未曾使此火滅。汝今日云何令滅？北窟有火，汝可往取。』
北녁 堀애 브리ᅀᆞᄫᅡ 블 가져 오라 ᄒᆞ야ᄂᆞᆯ
「爾時鹿女卽隨父教，往詣北窟。
그 ᄯᆞ니미 아ᄇᆡ 말 드르샤 北堀로 가시니
步步舉足皆生蓮華，
거름마다 발 드르신 ᄯᅡ해 ^ 다 蓮花ㅣ 나니
隨其蹤跡，行伍次第，如似街陌。
자최ᄅᆞᆯ 조차 느러니 次第로 길 ᄀᆞᆮ더니
往至北窟，從彼仙人乞求少火。
北堀애 가 블 빌이쇼셔 ᄒᆞ야시ᄂᆞᆯ
爾時仙人 見此女人福德，如是足下 生於蓮華，報言：
그 仙人이 이 ᄯᆞ니ᄆᆡ 福德이 자최마다 蓮花ㅣ 나논 고ᄃᆞᆯ 보고 닐오ᄃᆡ
『欲得火者，汝當右遶我窟，滿足七匝。』
블옷 얻고져 ᄒᆞ거든 네 올ᄒᆞᆫ 녁그로 내 堀ᄋᆞᆯ 닐굽 번 가ᇝ돌라
行伍次第了了分明，隨其舉足，皆生蓮華。遶七匝已，語其女言：『欲得火者，復當在此右邊還歸去者。當與汝火。』「爾時鹿女爲得火故，隨教而去。其女去後未久之間，
그 ᄯᆞ니미 닐온 야ᅌᆞ로 ᄒᆞ고 니거시ᄂᆞᆯ
波羅奈王將諸大臣，百千萬衆，前後圍遶，千乘萬騎，
이ᅀᅳᆨ고 波羅㮈 ^ 王이 한 사ᄅᆞᆷ 더블오
入山遊獵，馳逐群鹿。波羅奈王獨乘名象，往到北窟仙人所，見其
그 뫼해 山行 가샤 北堀애 仙人 잇ᄂᆞᆫ ᄃᆡ 가 보시니
蓮華遶窟行列。
蓮花ㅣ 堀ᄋᆞᆯ 둘어 느러니 냇거늘
爾時大王心生歡喜，歎言：
大王이 과ᄒᆞ샤 讚嘆ᄒᆞ샤ᄃᆡ