선가귀감 2권
요 一喝이 곧 이 拈花ᄒᆞ샨 消息ㅣ시며
亦是達摩의 初來底面目ㅣ시니
ᄯᅩ 이 達摩의 처ᅀᅥᆷ 오샨 面目ㅣ시니
吁ㅣ라 此이 臨濟宗之淵源也ㅣ샷다
어와 이 臨濟宗의 淵源ㅣ샷다
杖子一枝無節目ㅣ어ᄂᆞᆯ
殷勤分付夜行人ᄒᆞ샷다
昔에 馬祖 一喝애 百丈이 得大機ᄒᆞ시고
黃蘗이 得大用ᄒᆞ시니
事見傳燈錄ᄒᆞ니라
大凡 祖師 宗途ㅣ 有五ᄒᆞ시니
曰 臨濟宗과 曰 曹洞宗과 曰 雲門宗과 曰 潙仰宗과 曰 法眼宗ㅣ라
臨濟宗
本師 釋迦佛로 至三十三世 六祖 慧能大師下直傳ᄒᆞ시니
曰 南嶽懷讓과 曰 馬祖道一과 曰 百丈懷海과 曰 黃蘗希運과 曰 臨滲義玄과 曰 興化存獎과 曰 南院道顒과 曰 風穴延沼과 曰 首山省念과 曰 汾陽善昭과 曰 慈明楚圓과 曰 楊歧方會과 曰 白雲^守端과 曰 五祖法演과 曰 圓悟克懃과 曰 徑山宗杲禪師等ㅣ니라
曹洞宗
六祖下傍傳ㅣ시니
曰 靑原行思과 曰 石頭希遷과 曰 藥山惟儼과 曰 雲巖曇晟과 曰 洞山良价과 曰 曹山耽章과 曰 雲居道膺禪師等ㅣ니라
雲門宗
馬祖傍傳ㅣ시니
曰 天王道悟과 曰 龍潭崇信과 曰 德山宣鑑과 曰 雪峯義存과 曰 雲門文偃과 曰 雪竇重顯과 曰 天衣義懷禪師等ㅣ니라
潙仰宗
百丈傍傳ㅣ시니
曰 潙山靈祐과 曰 仰山慧寂과 曰 香嚴智閑과 曰 南塔光涌과 曰 芭蕉慧淸과 曰 霍山景通과 曰 無着文喜禪師等ㅣ니라
法眼宗
雪峯傍傳ㅣ시니
曰 玄沙師備과 曰 地藏桂琛과 曰 法眼文益과 曰 天台德韶과 曰 永明延壽과 曰 龍濟紹修과 曰 南臺守安禪師等ㅣ라
臨濟家風
赤手單刀로 殺佛殺祖로다
辨古今^於玄要ㅣ오
驗龍蛇於主賓ㅣ로다
操金剛寶劒ᄒᆞ샤 掃除竹本精靈ᄒᆞ시고
奮獅子全威ᄒᆞ샤 震烈狐狸心膽ㅣ샷다
要識臨濟宗麽아
靑天轟霹靂ㅣ오
平地起波濤ㅣ로다
曹洞家風
權開五位ᄒᆞ샤 善接三根ᄒᆞ시며
橫抽寶劒ᄒᆞ샤 斬諸見稠林ᄒᆞ시고
妙恊弘通ᄒᆞ샤 截萬機穿鑿ㅣ샷다
威音那畔애 滿目烟光ㅣ오
空劫已前에 一壺風月ㅣ로다
要見曹洞宗麽아
佛祖未生空劫外예 正偏不落有無機로다
雲門家風
釰鋒有路ㅣ오
鐵壁無門ㅣ로다
掀飜露布葛藤ᄒᆞ시며
剪却常情見解ㅣ샷다
迅電에 不及思量ㅣ어니
烈熖에 寧容湊泊ㅣ리오
要識雲門宗麽아
柱杖子ㅣ [足+孛]跳上天ㅣ어ᄂᆞᆯ
盞子裏예 諸佛說法ㅣ샷다
潙仰家風
師資唱和ᄒᆞ시며
父子一家ㅣ샷다
脇下書字애 頭角崢嶸ㅣ오
室中驗^人에 獅子腰折ㅣ로다
離四句絶百非一搥 扮碎ᄒᆞ시고
有兩口無一舌九曲珠通ㅣ샷다
要識潙仰宗麽아
斷碑橫古路ㅣ어ᄂᆞᆯ
鐵牛眼少室ㅣ로다
法眼家風
言中有響ㅣ오 句裏藏鋒ㅣ샷다
髑髏ㅣ 常干世界ㅣ오
鼻孔ㅣ 磨觸家風ㅣ로다
風柯月渚ㅣ 顯露眞心ㅣ오
翠竹黃花ㅣ 宣明妙法ㅣ로다
要識法眼宗麽이
風送斷雲歸嶺去ㅣ어ᄂᆞᆯ
月和流水過橋來ㅣ로다
別明臨濟宗旨
大凡 一句中에 具三玄ᄒᆞ고
一玄中에 具三要ᄒᆞ니
一句ᄂᆞᆫ 無文綵印ㅣ오
三玄三要ᄂᆞᆫ 有文綵印ㅣ며
權實ᄋᆞᆫ 玄ㅣ오
照用ᄋᆞᆫ 要ㅣ라
三句
第一句ᄂᆞᆫ 喪身失命ㅣ오
第二句ᄂᆞᆫ 未開口錯ㅣ오
第三句ᄂᆞᆫ 糞箕掃箒ㅣ라
三要
一要ᄂᆞᆫ 照卽大機ㅣ오
二要ᄂᆞᆫ 照卽 大用ㅣ오
三要ᄂᆞᆫ 照用同時ㅣ라
三玄
體中玄ᄂᆞᆫ 三世一念等ㅣ^오
句中玄ᄂᆞᆫ 徑截言句等ㅣ오
玄中玄ᄂᆞᆫ 良久棒喝等ㅣ라
四料揀
奪人不奪境ᄋᆞᆫ 待下根ㅣ오
奪境不奪人ᄂᆞᆫ 待中根ㅣ오
人境兩俱奪ᄋᆞᆫ 待上根ㅣ오
人境俱不奪ᄋᆞᆫ 待出格人ㅣ라
四賓主
賓中賓ᄋᆞᆫ 學人無鼻孔ㅣ니 有問有答ㅣ오
賓中主ᄂᆞᆫ 學人有鼻孔ㅣ니 有主法ㅣ오
主中賓ᄋᆞᆫ 師家無鼻孔ㅣ니 有問在ㅣ오
主中主ᄂᆞᆫ 師家有鼻孔ㅣ니 不妨奇特ㅣ라
四照用
先照後用ᄋᆞᆫ 有人在ㅣ오
先用後照ᄂᆞᆫ 有法在ㅣ오
照用同時ᄂᆞᆫ 驅耕奪食ㅣ오
照用不同時ᄂᆞᆫ 有問有答ㅣ라
四大式
正利ᄂᆞᆫ 少林面壁類ㅣ오
平常ᄋᆞᆫ 禾山打鼓類ㅣ오
本分ᄂᆞᆫ 山僧不會類ㅣ오
貢假ᄂᆞᆫ 達摩不識類ㅣ라
四喝
金剛王寶劒ᄋᆞᆫ 一刀애 揮斷一切情解ㅣ오
踞地獅子ᄂᆞᆫ 發言吐氣예 衆魔腦裂ㅣ오
探竿影草ᄂᆞᆫ 探其有無師承鼻孔^ㅣ오
一喝不作一喝用ᄋᆞᆫ 具上三玄四賓主等ㅣ라
八棒
觸念返玄과 按掃從正과 靠玄傷正과 苦責과ᄂᆞᆫ 罰棒ㅣ오
順宗旨ᄂᆞᆫ 賞棒ㅣ오
有虛實ᄋᆞᆫ 辨棒ㅣ오
盲枷ᄂᆞᆫ 瞎棒ㅣ오
掃除凡聖ᄋᆞᆫ 正棒ㅣ라
此等法ᄋᆞᆫ 非特臨濟宗風ㅣ라
上自諸佛下至衆生皆分上事ㅣ니
若離此說法ㅣ면 皆是妄語ㅣ니라
臨濟喝과 德山棒이
臨濟의 喝과 德山의 棒이
皆徹證無生ᄒᆞ샤
다 無生을 ᄉᆞᄆᆞᆺ 證得ᄒᆞ샤
透頂透底ᄒᆞ샤
우흘 ᄉᆞᄆᆞᄎᆞ시며 아래ᄅᆞᆯ ᄉᆞᄆᆞᄎᆞ샤
大機大用이 自在無方ᄒᆞ샤
大機과 大用이 自在ᄒᆞ야 方所 업스샤
全身出沒ᄒᆞ시며
오ᄋᆞᆫ 모미 나시며 드르시며
全身擔荷ᄒᆞ샤ᄃᆡ
오ᄋᆞᆫ 모미 메시며 지샤ᄃᆡ 므르샤
退守文殊普賢大人境界ᄒᆞ시니라
文殊普賢大人境界ᄅᆞᆯ 디킈시니라
然ㅣ나 據實而論컨댄
그러나 實을 드러 議論컨댄
此二師도 亦不免偸心鬼子ㅣ샷다
이 二師도 ᄯᅩ ᄆᆞᅀᆞᆷ 盜賊ᄒᆞᄂᆞᆫ 귓거슬 免티 몯ᄒᆞ샷다
大機ᄂᆞᆫ 圓應으로 義 삼고
大用ᄋᆞᆫ 直截로 義 사ᄆᆞ니라
煩惱海中爲雨露ㅣ오
無明山上作雲雷ㅣ샷다
大丈夫ᄂᆞᆫ 見佛見祖ᄅᆞᆯ 如冤家ㅣ어다
大丈夫ᄂᆞᆫ 부텨 보ᅀᆞ오며 祖師 보ᅀᆞ오ᄆᆞᆯ 寃讎ᄀᆞ티 홀디어다
若着佛求ᄒᆞ면
ᄒᆞ다가 佛에 着ᄒᆞ야 ^ 求ᄒᆞ면
被佛縛ᄒᆞ고
佛에 ᄆᆡ요ᄆᆞᆯ 닙고
若着祖求ᄒᆞ면
ᄒᆞ다가 祖에 着ᄒᆞ야 求ᄒᆞ면
被祖縛ᄒᆞ리라
祖애 ᄆᆡ요ᄆᆞᆯ 니브리라
有求皆苦ㅣ라
求홈 두미 다 苦ㅣ라
不如無事ㅣ로다
無事만 ᄀᆞᆮ디 몯ᄒᆞ도다
此ᄂᆞᆫ 遠結篇首에 佛祖出世無風起浪ᄒᆞ시니
可謂前後照應ㅣ며 首尾一貫ㅣ로다
有求皆苦ᄂᆞᆫ 結上當軆便是ᄒᆞ시고
不如無事ᄂᆞᆫ 結上動念卽乖ᄒᆞ시니라
凡佛祖出世ㅣ 亂世之英雄ㅣ시며
大平之奸賊ㅣ실ᄉᆡ
丹霞ㅣ 燒木佛ᄒᆞ며
老母ㅣ 不願見佛ᄒᆞ며
雲門ㅣ 打喫狗子호미
皆是摧邪顯正底手段ㅣ로다
畢竟에 有何奇特고
東嶺雲生四嶺白ㅣ오
前山花發後山紅ㅣ로다
先德ㅣ 云神光不昧ᄒᆞ야
先德ㅣ 니ᄅᆞ샤ᄃᆡ 神光ㅣ 昧却디 아녀
萬古徽猷ᄒᆞ니
萬古애 빗나니
入此門來ᄒᆞ린 莫存知解ㅣ어다
이 門에 들리ᄂᆞᆫ 知解ᄅᆞᆯ 두디 마롤디어다
上篇엔 以幻之一字로 終結ᄒᆞ시고
到此ᄒᆞ얀 以知解二字로 終結ᄒᆞ시니
一卷葛藤을 一句에 都破ᄒᆞ샷다
神光不昧ᄂᆞᆫ 結上昭昭靈靈ᄒᆞ시고
萬古徽猷ᄂᆞᆫ 結上不曾生滅ᄒᆞ시고
莫存知解ᄂᆞᆫ 結上不可守名生解ᄒᆞ샷다
門字ᄂᆞᆫ 有凡聖의 出入義ᄒᆞ니
如荷澤의 所謂知之一字ㅣ 衆妙之門ㅣ로다
知解者ᄂᆞᆫ 識解ㅣ니
古云 金屑이 雖貴ㅣ나 落眼成翳ㅣ라 ᄒᆞ시며
又云 不以智로 知ㅣ며 不以識으로 識ㅣ라 ᄒᆞ시니라
如斯擧唱明宗旨ᅟᅵᆫ댄
笑殺西來碧眼僧ㅣ로다