월인석보 8권
月印千江之曲第八
釋譜詳節第八
其二百十二
韋提希 請ᄒᆞᅀᆞᄫᅡ 淨土애 니거지ᅌᅵ다 十方 諸國ᄋᆞᆯ 보긔 ᄒᆞ시니
韋提希 願ᄒᆞᅀᆞᄫᅡ 西方^애 니거지ᅌᅵ다 十六觀經을 듣ᄌᆞᆸ긔 ᄒᆞ시니
其二百十三
보샤미 멀리ᅌᅵᆺ가 善心이 오ᄋᆞᆯ면 안존 고대셔 말가히 보리니
가샤미 멀리ᅌᅵᆺ가 善根이 기프면 彈指ㅅ ᄉᆞᅀᅵ예 반ᄃᆞ기 가리^니
其二百十四
初觀과 二觀ᄋᆞᆫ 日想 水想이시며 三觀ᄋᆞᆫ 地想이시니
四觀과 五觀ᄋᆞᆫ 樹想 八功德水想 六觀^ᄋᆞᆫ 總觀想이시니
其二百十五
七觀ᄋᆞᆫ 花坐想 八觀ᄋᆞᆫ 像想이시며 九觀ᄋᆞᆫ 色身相이시니
觀世音 大勢至 十觀 十一觀이시며 普觀^想이 十二觀이시니
其二百十六
雜想이 十三觀이며 上中下 三輩想이 遲速間애 快樂이 ᄀᆞᆮᄒᆞ리
功德이 기프니ᄂᆞᆫ 上品 三生애 나ᄃᆡ 一日 後에 蓮^ㅅ고지 프리니
其二百十七
功德이 버그니ᄂᆞᆫ 中品 三生애 나ᄃᆡ 七日 後에 蓮ㅅ고지 프리니
功德이 ᄯᅩ 버그니ᄂᆞᆫ 下品 三生애 나ᄃᆡ 七七日 後^에 蓮ㅅ고지 프리니
其二百十八
世尊 神通力에 이 말 니ᄅᆞ시ᇙ 제 無量壽佛이 虛空애 뵈시니
韋提希 恭敬心에 이 말 듣ᄌᆞᄇᆞᇙ 제 西方世界ᄅᆞᆯ ^ ᄉᆞᄆᆞᆺ 보니
其二百十九
莊嚴이 뎌러ᄒᆞ실쎠 快樂이 뎌러ᄒᆞ실쎠 極樂世界ᄅᆞᆯ ᄇᆞ라ᅀᆞᆸ노ᅌᅵ다
輪廻도 이러ᄒᆞᆯ쎠 受苦도 이러ᄒᆞᆯ쎠 娑婆世界ᄅᆞᆯ 여^희야지ᅌᅵ다
時韋提希見佛 世尊。
韋提希夫人이
없음
摩竭陀國 甁沙王ㄱ 夫人이라
自絕瓔珞舉身投地。號泣向佛白言。世尊。唯願佛日教我觀於淸淨業處。
世尊ᄭᅴ ᄉᆞᆯᄫᅩᄃᆡ 淨土애 가아 나고져 ᄒᆞ노ᅌᅵ다
없음
淨土ᄂᆞᆫ 조ᄒᆞᆫ 나라히라
爾時世尊放眉間光。其光金色。遍照十方無量世界。還住佛頂。化爲金臺如須彌山。
世尊이 즉자히 眉間 金色光ᄋᆞᆯ 펴샤 十方 無量 世界ᄅᆞᆯ 차 비취시니
十方諸佛淨妙國土。皆於中現。或有國土七寶合成。復有國土純是蓮花。復有國土如自在天宮。復有國土如頗梨鏡。復有國土如自在天宮。復有國土如頗梨鏡。有如是等無量諸佛國土嚴顯可觀。令韋提希見。
諸^佛 淨土ㅣ 다 그ᅌᅥ긔 現커늘 제 ᄀᆞᆯᄒᆡ라 ᄒᆞ신대
時韋提希白佛言。世尊。是諸佛土。雖復淸淨皆有光明。我今樂生極樂世界阿彌陀佛所。唯願世尊。教我思惟教我正受。
韋提希夫人이 阿彌陀佛國에 나가지ᅌᅵ다 ᄒᆞ야ᄂᆞᆯ
佛告韋提希。汝及衆生。應當專心。繫念一處。想於西方。
부톄 韋提希ᄃᆞ려 니ᄅᆞ샤ᄃᆡ 네며 衆生ᄃᆞᆯ히 ᄆᆞᅀᆞᄆᆞᆯ 오ᄋᆞᆯ와 ᄒᆞᆫ 고대 고ᄌᆞ기 머거 西方ᄋᆞᆯ 想ᄒᆞ라
없음
想ᄋᆞᆫ ᄆᆞᅀᆞ매 스쳐 머글씨라
云何作想。
엇^뎨 호ᄆᆞᆯ 想이라 ᄒᆞ거뇨
凡作想者。一切衆生自非生盲。有目之徒皆見日沒。當起想念。
想ᄋᆞᆯ 호ᇙ딘댄 一切 衆生이 想念을 니르와다
正坐西向諦觀於日。
西ㅅ녁 向ᄒᆞ야 正히 안자 디ᄂᆞᆫ ᄒᆡᄅᆞᆯ ᄉᆞ외 보아
令心堅住。專想不移。
ᄆᆞᅀᆞᄆᆞᆯ 구디 머거 想ᄋᆞᆯ 오ᄋᆞᆯ와 옮기디 아니ᄒᆞ야
見日欲沒狀如懸鼓。既見日已。閉目開目皆令明了。是爲日想。名曰初觀。
ᄒᆡ 디논 야ᅌᅵ ᄃᆞ론 붑 ᄀᆞᆮ거든 눈 ᄀᆞᄆᆞ며 ᄠᅮ메 다 ᄇᆞᆰ게 호미 이 日想이니 일^후미 初觀이라
없음
初觀ᄋᆞᆫ 첫 보미라
次作水想。想見西方一切皆是大水。見水澄淸。亦令明了。無分散意。
버거 水想ᄋᆞᆯ ᄒᆞ야 므릐 ᄆᆞᆯᄀᆞᆫ 주를 보아 ᄯᅩ ᄇᆞᆰ게 ᄒᆞ야 흐튼 ᄠᅳᆮ 업게 ᄒᆞ고
既見水已當起冰想。見冰映徹作琉璃想。
冰想ᄋᆞᆯ ᄒᆞ야[冰ᄋᆞᆫ 어르미라] 어르믜 ᄉᆞᄆᆞᆺ 비취논 고ᄃᆞᆯ 보고 瑠璃想ᄋᆞᆯ ᄒᆞ야
此想成已。見琉璃地內外映徹。
이 想이 일면 瑠璃ᄯᅡ히 안팟기 ᄉᆞᄆᆞᆺ 비취어든
下有金剛七寶金幢。擎琉璃地。
그 아래 金剛 七寶 ^ 金幢이 琉璃ᄯᅡᄒᆞᆯ 바다 이시니
其幢八方八楞具足。一一方面百寶所成。
그 幢 여듧 모해 百寶로 일우고
없음
百寶ᄂᆞᆫ 온가짓 보ᄇᆡ라
一一寶珠有千光明。一光明八萬四千色。
寶珠마다[寶珠는 보ᄇᆡ옛 구스리라] 一千光明이오 光明마다 八萬四千 비치니
映琉璃地。如億千日不可具見。
瑠璃ᄯᅡᄒᆞᆯ 비취요ᄃᆡ 億千日이 ᄀᆞᆮᄒᆞ야 ᄀᆞ초 보ᄆᆞᆯ 몯ᄒᆞ리며
琉璃地上。以黃金繩雜廁間錯。以七寶界分齊分明。
瑠璃ᄯᅡ 우희 黃金 노ᄒᆞ로 섯느리고 七寶 ᄀᆞᆯ비 分明ᄒᆞ고
一一寶中有五百色光。其光如花。
ᄒᆞᆫ 보ᄇᆡ마다 五百 비쳇 光이니 그 光이 곳 ᄀᆞᆮᄒᆞ며
又似星月。懸處虛空成光明臺。
벼ᄃᆞ리 虛空애 ᄃᆞᆯ인 ᄃᆞᆺ ᄒᆞ야 光明臺 ᄃᆞ외오
樓閣千萬百寶合成。
樓閣 千萬이 百寶ㅣ 모다 이렛고
於臺兩邊各有百億花幢無量樂器。以爲莊嚴。
臺ㅅ 두 겨틔 各各 百^億 華幢과 그지업슨 푸ᇰ륫가ᄉᆞ로 莊嚴ᄒᆞ얫거든
八種淸風從光明出。鼓此樂器。
여듧가짓 淸風이[淸風ᄋᆞᆫ ᄆᆞᆰ고 ᄀᆞᆺᄀᆞᆺᄒᆞᆫ ᄇᆞᄅᆞ미라] 光明으로셔 나아 푸ᇰ륫가ᄉᆞᆯ 부러
演說苦空無常無我之音。是爲水想。名第二觀。
苦空 無常 無我ㅅ 소리ᄅᆞᆯ 너펴 니르ᄂᆞ니 이 水想이니 일후미 第二觀이라
此想成時。一一觀之極令了了。
이 想 일 쩌긔 낫나치 ^ 보ᄆᆞᆯ ᄀᆞ자ᇰ ᄆᆞᆯᄀᆞᆺᄆᆞᆯᄀᆞ시 ᄒᆞ야
閉目開目不令散失。唯除食時。恒憶此事。
누늘 ᄠᅳ거나 ᄀᆞᆷ거나 ᄒᆞ야도 일ᄐᆞᆯ 마라 밥 머그ᇙ 덛만뎌ᇰ 長常 이 이ᄅᆞᆯ ᄉᆡᇰ각ᄒᆞ라
名爲粗見極樂國地。
이리 想호미 極樂國 ᄯᅡᄒᆞᆯ 어둘 보논디니
若得三昧。見彼國地了了分明。不可具說。
ᄒᆞ다가 三昧옷 得ᄒᆞ면 뎌 나랏 ᄯᅡᄒᆞᆯ ᄆᆞᆯᄀᆞᆺᄆᆞᆯᄀᆞ시 分明히 보아 몯내 니르리니
是爲地想。名第三觀。
이 地想이니 ^ 일후미 第三觀이라
佛告阿難。汝持佛語。爲未來世一切大衆欲脫苦者。說是觀地法。
부톄 阿難이ᄃᆞ려 니ᄅᆞ샤ᄃᆡ 네 부텻 마ᄅᆞᆯ 디녀 未來世옛 一切 大衆이 受苦 벗고져 ᄒᆞ리 爲ᄒᆞ야 이 ᄯᅡ 보논 法을 니ᄅᆞ라
若觀是地者。除八十億劫生死之罪。捨身他世必生淨國。心得無疑。
이 ᄯᅡᄒᆞᆯ 본 사ᄅᆞᄆᆞᆫ 八十億 劫 生死ㅅ 罪ᄅᆞᆯ 免ᄒᆞ야 다ᄅᆞᆫ 뉘예 淨國^에 一定히 나리니
作是觀者名爲正觀。若他觀者名爲邪觀。
이 보미 正觀이오 다ᄅᆞᆫ 보ᄆᆞᆫ 邪觀이라
佛告阿難及韋提希。地想成已。次觀寶樹。
부톄 阿難이와 韋提希ᄃᆞ려 니ᄅᆞ샤ᄃᆡ 地想이 일어든 버거 寶樹를 보ᇙ디니
없음
寶樹는 보ᄇᆡ옛 즘게 남기라
觀寶樹者。一一觀之作七重行樹想。一一樹高八千由旬。
낫나치 보아 七重行樹想ᄋᆞᆯ ᄒᆞ야 즘게마다 노ᄑᆡ 八千 由旬^이오
其諸寶樹七寶花葉無不具足。一一華葉作異寶色。
七寶花葉이 ᄀᆞ자[花ᄂᆞᆫ 고지오 葉은 니피라] 花葉마다 다ᄅᆞᆫ 寶色이 지ᅀᅥ
없음
寶色ᄋᆞᆫ 보ᄇᆡ옛 비치라
琉璃色中出金色光。頗梨色中出紅色光。
瑠璃色 中에 金色光이 나며 玻瓈色 中에 紅色光이 나며
馬腦色中出車璩光。車璩色中出綠真珠光。
瑪瑙色 中에 硨磲光이 나며 硨磲色 中에 綠^眞珠光이 나며
없음
綠ᄋᆞᆫ ᄑᆞᄅᆞᆯ씨라
珊瑚琥珀一切衆寶
珊瑚 琥珀 一切 衆寶로
없음
珊瑚ᄂᆞᆫ 바ᄅᆞᆳ 미틔 나ᄂᆞᆫ 남기니 가지 거리고 닙 업스니라
없음
琥珀ᄋᆞᆫ 소ᇙ지니 ᄯᅡ해 드러 一千年이면 茯苓이 ᄃᆞ외오 ᄯᅩ 一千年이면 琥珀이 ᄃᆞ외ᄂᆞ니라
없음
衆寶ᄂᆞᆫ 한 보ᄇᆡ라
以爲映飾。妙真珠網彌覆樹上。一一樹上有七重網。
ᄇᆞᅀᆞ와ᄆᆡ에 ᄭᅮ미고 眞珠그므리 즘게 우마다 닐굽 ᄇᆞᆯ 두프니
一一網間有五百億妙華宮殿。
그믌 ᄉᆞᅀᅵ마다 五百^億 妙華宮殿이
없음
妙華ᄂᆞᆫ 곱고 빗날씨라
如梵王宮。諸天童子自然在中。
梵王宮이 ᄀᆞᆮᄒᆞ야 하ᄂᆞᆳ 童子ㅣ 自然히 그 소배 이셔
없음
童子ᄂᆞᆫ 아ᄒᆡ라
一一童子有五百億釋迦毘楞伽摩尼寶以爲瓔珞。
童子마다 五百億 釋迦毗楞伽摩尼로 瓔珞ᄋᆞᆯ ᄒᆞ니
없음
釋迦毗楞伽ᄂᆞᆫ 잘 이긔다 ᄒᆞ논 마리니 됴ᄒᆞᆫ 보ᄇᆡᆺ 일후미라
없음
摩尼ᄂᆞᆫ[{ᄠᅵ}ᄠᆡ]ᄅᆞᆯ 여희다 ᄒᆞ논 마리니 긔 ^ 如意珠ㅣ라
없음
이 구스리 光明이 조ᄒᆞ야 더러ᄫᅳᆫ ᄠᆡ 묻디 아니ᄒᆞᄂᆞ니
없음
이 구스리 龍王ㄱ 頭腦ㅅ 소배셔 나ᄂᆞ니
없음
이 보ᄇᆡ옷 가져 이시면 有毒ᄒᆞᆫ 거시 害ᄒᆞ디 몯ᄒᆞ며 브레 드러도 아니 ᄉᆞᆯ이ᄂᆞ니라
없음
頭腦ᄂᆞᆫ 머리옛 骨髓라
其摩尼光照百由旬。猶如和合百億日月。不可具名。
그 摩尼ㅅ 光이 百 由旬을 비취여 百億 日月 모ᄃᆞᆫ ᄃᆞᆺ ᄒᆞ야 몯내 니르리라
衆寶間錯色中上者。此諸寶樹行行相當。
이 寶樹ᄃᆞᆯ히 行列行列히 서^르 마초 셔며
葉葉相次。於衆葉間生諸妙花。
닙니피 서르 次第로 나고 닙 ᄉᆞᅀᅵ예 고ᄫᆞᆫ 곳ᄃᆞᆯ히 프고
花上自然有七寶果。一一樹葉。縱廣正等二十五由旬。
곳 우희 七寶여르미 여느 니닙마다 너븨와 길왜 다 스믈다ᄉᆞᆺ 由旬이오
其葉千色有百種畫。如天纓珞。
그 니피 즈믄 비치오 온가짓 그리미 이쇼ᄃᆡ 하ᄂᆞᆳ 瓔珞이 ᄀᆞᆮ고
有衆妙華作閻浮檀金色。
한 고ᄫᆞᆫ 고지 閻浮檀金ㅅ 비치오
如旋火輪。宛轉葉間踊生諸果。如帝釋瓶。有大光明。化成幢幡無量寶蓋。
여르^미 소사나ᄃᆡ 帝釋甁이 ᄀᆞᆮᄒᆞ야 큰 光明이 幢幡과 無量寶蓋 ᄃᆞ외오
是寶蓋中。映現三千大千世界一切佛事。十方佛國亦於中現。
三千大千世界옛 一切 佛事와[佛事ᄂᆞᆫ 부텻 이리라] 十方 佛國이 다 寶蓋 中에 비취여 뵈ᄂᆞ니
見此樹已。亦當次第一一觀之。觀見樹莖枝葉華果。皆令分明。
이 즘게 보고 ᄯᅩ 次第로 즘겟 줄기와 가지^와 닙과 곳과 果實와 낫나치 보아 다 分明케 호ᇙ디니
是爲樹想。名第四觀。
이 樹想이니 일후미 第四觀이라
次當想水。欲想水者。極樂國土有八池水。一一池水七寶所成。
버거 므를 想호리니 極樂國土애 여듧 모시 이쇼ᄃᆡ 못믈마다 七寶로 일워 잇ᄂᆞ니
其寶柔軟從如意珠王生。分爲十四支。
그 보ᄇᆡ 믈어 보ᄃᆞ라ᄫᅡ 如意珠王ᄋᆞᆯ 브터셔 갈아 나^ᄃᆡ 열네 가ᄅᆞ리니
一一支作七寶色。黃金爲渠。
가ᄅᆞ마다 七寶 비치오 黃金 돌히니
渠下皆以雜色金剛以爲底沙。
돐 미틔 다 雜色 金剛ᄋᆞ로 몰애 ᄃᆞ외오
一一水中有六十億七寶蓮花。
믈마다 六十億 七寶蓮花ㅣ 잇ᄂᆞ니
一一蓮華團圓正等十二由旬。其摩尼水流注華間尋樹上下。