월인석보 9권
月印千江之曲第九
釋譜詳節第九
其二百五十一
ᄅᆞᆯ ᄀᆞᆯᄒᆞ야 니ᄅᆞ시니
□□□□□九
其二百六十
藥師十二願에 淨瑠^璃 이러커시니 往生快樂이 달옴 이시리ᅌᅵᆺ가
一時薄伽梵 遊化諸國
부톄 도녀 諸國ᄋᆞᆯ 敎化ᄒᆞ샤
諸國ᄋᆞᆫ 여러 나라히라
至廣嚴城 住樂音樹下 與大苾芻衆八千人
廣嚴城에 가샤 樂音樹 아래 겨샤 굴근 比丘 八千人과 ᄒᆞᆫᄃᆡ 잇더시니
俱菩薩摩訶薩三萬六千 及國王大臣婆羅門居士
菩薩摩訶薩 三萬六^千과 國王과 大臣과 婆羅門과 居士와
居는 살씨니 일훔난 □ᄅᆞᆯ 즐겨 닐어 淸淨으로 제 살씨라
ᄯᅩ 쳔랴ᇰ 만히 두고 가ᅀᆞ며 사ᄂᆞᆫ 사ᄅᆞ미라
天龍夜叉人非人等無量大衆恭敬圍遶
天 龍 夜叉 人 非人 等 無量大衆이 恭敬ᄒᆞ야 圍繞ᄒᆞᅀᆞᄫᅢᆺ거늘
人 非人ᄋᆞᆫ 사ᄅᆞᆷ과 사ᄅᆞᆷ 아닌 것과 ᄒᆞ논 마리니 八部ᄅᆞᆯ 어울워 니르니라
而爲說法。
爲^ᄒᆞ야 說法ᄒᆞ더시니
爾時 曼殊室利法王子 承佛威神 從座而起 偏袒一肩 右膝著地 向薄伽梵 曲躬合掌 白言世尊
그ᄢᅴ 文殊師利 世尊ᄭᅴ ᄉᆞᆯᄫᆞ샤ᄃᆡ
唯願演說如是相類諸佛名號 及本大願殊勝功德
부텻 일훔과 本來ㅅ 큰 願과 ᄀᆞ자ᇰ 됴ᄒᆞ신 功德을 불어 니ᄅᆞ샤
令諸聞者業障消除
듣ᄌᆞᄫᆞᇙ 사ᄅᆞᄆᆡ 業障이 스러디게 ᄒᆞ야
없음
障ᄋᆞᆫ 마ᄀᆞᆯ씨니 聖道와 聖道 方便을 마ᄀᆞᆯ씨니 業障과 煩惱障과 報障괘라
業障者五無間業。
業障ᄋᆞᆫ 五無間業이니
所謂殺母。殺父。殺阿羅漢。破僧。惡心出佛身血。作此業已。
□□ ^ 주기거나 아비 주기거나 阿羅漢 주기거나 쥬ᇰ을 헐어나 부텻 모매 피 내어나 ᄒᆞ욘 業이라
必定次生無間地獄。殺母殺父。棄背恩義故。
웃 둘흔 恩義ᄅᆞᆯ 背叛혼 젼ᄎᆡ오
其餘三種。壞福田故。
세ᄒᆞᆫ 福田을 허론 젼ᄎᆡ라
煩惱障者。謂勤煩惱。及利煩惱。
煩惱障ᄋᆞᆫ 勤煩惱와 利煩惱왜니
勤煩惱者。數行煩惱。
勤煩惱ᄂᆞᆫ ᄌᆞ조 煩惱ᄒᆞᆯ씨오
利煩惱者。增上煩惱現行煩惱。名之為障。
利煩惱ᄂᆞᆫ 더어 가ᄂᆞᆫ 煩惱ㅣ라
報障者。隨所住報。非聖道器。報過惡故。(都字函第二卷)。
報障ᄋᆞᆫ 住ᄒᆞᆫ 果報마다 聖道앳 器具 아닐씨니 果報ㅣ 구즌 젼ᄎᆡ라
없음
煩惱障ᄋᆞᆫ 내라 호ᄆᆞᆯ 자보미오 所知障ᄋᆞᆫ 法이라 호ᄆᆞᆯ 자ᄇᆞᆯ씨니
由煩惱障障心心不解脫。
煩惱障이 ᄆᆞᅀᆞᄆᆞᆯ ᄀᆞ려 ᄆᆞᅀᆞ미 解脫 ^ 몯ᄒᆞ야
造業受生輪轉五道。
業을 지ᅀᅥ 生ᄋᆞᆯ 受ᄒᆞ야 다ᄉᆞᆺ 길헤 輪廻ᄒᆞ며
由所知障障慧慧不解脫。
所知障이 慧ᄅᆞᆯ ᄀᆞ려 慧 解脫 몯ᄒᆞ야
不了自心。不達諸法性相
제 ᄆᆞᅀᆞᄆᆞᆯ ᄉᆞᄆᆞᆺ 몯 알며 諸法의 性相ᄋᆞᆯ ᄉᆞᄆᆞᆺ 몯 아라
縱出三界亦滯二乘。不得成佛故名障也。
비록 三界예 나고도 ᄯᅩ 二乘에 기리 成佛 몯ᄒᆞᆯᄊᆡ 障이라 ᄒᆞ니라
二執若除二障隨斷。為除二執故說此經。二為遮斷種現二疑故。
나와 法과 두 執著ᄋᆞᆯ 덜면 두 障이 조차 그츠리라
像法轉時
像法이 轉ᄒᆞᇙ 時節애
없음
法이 처ᅀᅥᆷ 盛히 行ᄒᆞᇙ 저긔 사ᄅᆞ미 能히 現量ᄋᆞ로 體得ᄒᆞ야 아로미 正法이오
없음
聖人 업거신 디 오라면 사ᄅᆞ미 오직 比^量ᄋᆞ로브터 아로미 像法이라
없음
末法은 쇽졀업시 似量이라 實 업스니라
量者。如度量升斗量物知定也。
量ᄋᆞᆫ 度量升斗로 物을 量度ᄒᆞ야 아라 一定호미 ᄀᆞᆮᄒᆞ니
度ᄂᆞᆫ 기리 견주ᄂᆞᆫ 거시오 量ᄋᆞᆫ 하마 져구믈 되ᄂᆞᆫ 거시라
升은 되오 斗는 마리라
量度ᄋᆞᆫ 혜아릴씨라
比量者。以因由譬喻比度也。如遠見煙必知有火。
比量ᄋᆞᆫ 因由譬喩로 比度ᄒᆞᆯ씨니 미리 ᄂᆡᄅᆞᆯ 보고 블 잇ᄂᆞᆫ ᄃᆞᆯ 아로미 ᄀᆞᆮᄒᆞ니
雖不見火亦非虛妄。
비록 브를 몯 보아도 거츠디 아니ᄒᆞᆯ씨라
因由는 브틀씨라
比度ᄋᆞᆫ 類ᄅᆞᆯ 가ᄌᆞᆯ벼 혜아릴씨라
現量者親自現見。不假推度。自然定也。
現量ᄋᆞᆫ 親히 제 現ᄒᆞ야 뵈야 推尋ᄒᆞ야 혜아리디 아니ᄒᆞ야 自然히 一定ᄒᆞᆯ씨라
佛言量者。以諸經為定也。
佛言量ᄋᆞᆫ 諸經으로 一定ᄒᆞᆯ씨라
없음
似ᄂᆞᆫ ᄀᆞᆮᄒᆞᆯ씨라
現量者。現。謂顯現。
現量ᄋᆞᆫ 現은 顯現ᄒᆞᆯ씨니
即分明證境。不帶名言。
곧 分明히 境을 證ᄒᆞ야 名言을 가지디 아니ᄒᆞ야
無籌度心。親得法體。
혜아룜 업슨 ᄆᆞᅀᆞᄆᆞ로 親히 法體ᄅᆞᆯ 得ᄒᆞ야
離妄分別。名之為現。
거츤 ᄀᆞᆯᄒᆡ오 여흴 씨 일후미 現이오
言量者。量度。是揩定之義。
量□□□오ᄆᆞᆫ 量度호미 一定ᄒᆞᆫ □□니
謂心於境上度量揩定法之自相。不錯謬故。名量。
ᄆᆞᅀᆞ미 境에 量度ᄒᆞ야 □□^의 제 相ᄋᆞᆯ 一定ᄒᆞ야 그르디 아니ᄒᆞᆯᄊᆡ 일후미 量이라
比量者。比謂比類。量。即量度。
比量ᄋᆞᆫ 比ᄂᆞᆫ 類ᄅᆞᆯ 가ᄌᆞᆯ빌씨오 量ᄋᆞᆫ 量度ᄒᆞᆯ씨니
以比類量度而知有故。名為比量。
類ᄅᆞᆯ 가ᄌᆞᆯ벼 量度ᄒᆞ야 잇ᄂᆞᆫ ᄃᆞᆯ 알ᄊᆡ 일후미 比量이라
非量者。謂心緣境時。於境錯亂。
非量ᄋᆞᆫ ᄆᆞᅀᆞ미 境을 緣ᄒᆞᇙ 저긔 境에 錯亂ᄒᆞ야
虛妄分別。不能正知。
거츠리 ᄀᆞᆯᄒᆡ야 正히 아디 몯ᄒᆞ야
境不稱心。名為非量。
境이 ᄆᆞᅀᆞ매 맛디 몯ᄒᆞᆯ씨 일후미 非量이라
없음
錯亂ᄋᆞᆫ 어즈러ᄫᅳᆯ씨라
諸有情故。
有情ᄃᆞᆯᄒᆞᆯ 利樂긔 코져 ᄒᆞ노ᅌᅵ다
利樂ᄋᆞᆫ 됴코 즐거ᄫᅳᆯ씨라
爾時世尊讚曼殊室利童子言善哉善哉曼殊室利
世尊이 니ᄅᆞ^샤ᄃᆡ 됴타 文殊師利여
汝以大悲勸請我說諸佛名號本願功德爲拔業障所纏有情利益安樂像法轉時諸有情故汝今諦聽極善思惟
네 大悲로 니ᄅᆞ고라 請ᄒᆞᄂᆞ니 子細히 드러 이대 ᄉᆞ라ᇰᄒᆞ라
當為汝說曼殊室利言唯然願說我等樂聞。
너 爲ᄒᆞ야 닐오리라
佛告曼殊室利 東方去此過十殑伽沙等 佛土 有世界名淨琉璃
東方ᄋᆞ로 이ᅌᅦ셔 버ᅌᅳ로미 十恒河沙等 佛土 디나가 世界 이쇼ᄃᆡ 일후미 淨瑠璃오
淨은 조ᄒᆞᆯ씨라
佛號藥師琉璃光如來 應正等覺 明行圓滿 善逝世間解 無上丈夫 調御士 天人師佛薄伽梵。
부텻 일후^믄 藥師瑠璃光如來 應供 正遍知 明行足 善逝 世間解 無上士 調御丈夫 天人師 佛 世尊이시니
金剛經云。無所從來。亦無所去。故名如來。此以法身釋。
브터 옴 업스며 ᄯᅩ 감 업슬ᄊᆡ 일후믈 如來라 ᄒᆞ샤ᄆᆞᆫ 法身ᄋᆞ로 사기시니라
轉法輪論云。第一義諦名如。正覺名來。此以報身釋。
第一 義諦 如ㅣ오 正覺이 來라 호ᄆᆞᆫ 報身ᄋᆞ로 사기니라
成實論云。乘如實道。來成正覺。故名如來。此約應身釋。
實다ᄒᆞᆫ 道^ᄅᆞᆯ ᄐᆞ샤 와 正覺 일우실ᄊᆡ 如來시다 호ᄆᆞᆫ 應身ᄋᆞ로 사기니라
摩訶衍云。所言應者隨順根機而不相違。
應은 맛ᄀᆞᆯᄆᆞᆯ씨니 根機ᄅᆞᆯ 조차 서르 다ᄅᆞ디 아니ᄒᆞ샤
隨時隨處隨趣出現。非安樂相故名為應。而此應身周匝千華上復現千釋迦。一華百億國。一國一釋迦。故召釋迦牟尼。名千百億化身也。
時節을 조ᄎᆞ시며 고ᄃᆞᆯ 조ᄎᆞ시며 趣를 조차 나 現ᄒᆞ실씨니 이 化身이라
然則如者。真性之謂也。
如는 眞性을 니ᄅᆞ니
真性所以謂之如者。以其明則照無量世界而無所蔽。慧則通無量劫事而無所礙。
眞性을 如ㅣ라 호ᄆᆞᆫ ᄇᆞᆯ고미 無量 世界ᄅᆞᆯ 비취여 ᄀᆞ린 ᄃᆡ 업고 慧 無量 劫 이ᄅᆞᆯ ᄉᆞᄆᆞ차 마ᄀᆞᆫ ᄃᆡ 업서
能變現為一切眾生而無所不可。是誠能自如者也。
能히 變化로 一切 衆生이 ᄃᆞ외요ᄃᆡ 몯호ᇙ ᄃᆡ 업수미 眞實로 自如호미라
其謂之來者。以真性能隨所而來現。故謂之如來。
來라 호ᄆᆞᆫ 眞性이 能히 所ᄅᆞᆯ 조차 와 現^ᄒᆞ실ᄊᆡ 如來시다 ᄒᆞ니라
真如本無去來。而謂之來者。蓋謂應現於此。而謂之來也。
眞如ㅣ 本來 가며 오미 업거늘 來라 호ᄆᆞᆫ 이ᅌᅥ긔 應ᄒᆞ야 現ᄒᆞ실ᄊᆡ니
若人至誠禱告。則有感應。
아뫼나 至極ᄒᆞᆫ 精誠으로 비ᅀᆞᄫᆞ면 感應이 겨시고
若欲為一切眾生設化。則現色身。皆其來者也。
一切 衆生 爲ᄒᆞ야 敎化 펴려 ᄒᆞ시면 色身ᄋᆞᆯ 現ᄒᆞ샤미 다 來라
此佛所以謂之如來。然則言如如者。乃真性之本體也。言來者。乃真性之應用也。
이러면 如如는 眞性의 根源 體오 來ᄂᆞᆫ 眞性의 應ᄒᆞ시논 用이라
應者應供也。佛結使除盡得一切智慧。應受一切天地眾生供養故曰應也。
應은 맛다ᇰᄒᆞᆯ씨니 一切 天地 衆生ᄋᆡ 供養 바ᄃᆞ샤미 맛다ᇰᄒᆞ시다 혼 마리라
正遍覺。謂言法無差。故言正。
法이 그른 ᄃᆡ 업수미 正이오
智無不周。故言遍。
智 몯 ᄀᆞᄌᆞᆫ ᄃᆡ 업수미 遍이오
出生死夢。故言覺也。
生死ㅅ ᄭᅮ메 나미 覺이라
正遍知。即般若德。真諦也。
正遍知ᄂᆞᆫ 곧 般若ㅣ니 眞諦오
應供。即解脫德。俗諦也。
應供ᄋᆞᆫ 곧 解脫이니 俗諦오
如來即法身德。中諦也。
如來ᄂᆞᆫ 곧 法身이니 中諦라
三乘雖得三明。明不滿足。佛悉滿足。是為異也。
三明을 三乘이 비록 得ᄒᆞ야도 足디 몯거니와 부텨는 다 足ᄒᆞ시니라
萬行真明曰明行足
萬行이 眞實로 ᄇᆞᆯᄀᆞᆯ씨 明行足이라
修伽陀。秦言好去。大論云。於種種諸深三摩提無量智慧中去。或名修伽度。此云善逝。
善逝ᄂᆞᆫ 됴히 갈씨니 種種앳 기픈 三摩提 無量 智慧ㅅ 가온ᄃᆡ 가실씨라
路伽憊。大論云。是名知世間。知二種世間。一眾生。二非眾生。及如實相。
世間解ᄂᆞᆫ 두 가짓 世間ᄋᆞᆯ 알씨니 ᄒᆞ나ᄒᆞᆫ 衆生이오 ᄒᆞ나ᄒᆞᆫ 非衆生과 如實相괘니
知世間果。世間因。出世間滅。出世間道。
世^間果와 世間因과 出世間滅와 出世間道ᄅᆞᆯ 아ᄅᆞ실씨라
大經云。有所斷者。名有上士。無所斷者名無上士。
그추ᇙ 것 잇ᄂᆞ니ᄂᆞᆫ 有上師ㅣ오 그추ᇙ 것 업스시니 無上師ㅣ라
없음
調御는 질드릴씨오 丈夫는 남지니니
大論云。佛以大慈大智故。有時軟美語。有時苦切語。有時雜語。
부톄 大慈大智로 보ᄃᆞ라ᄫᆞᆫ 이든 말도 ᄒᆞ시며 알ᄑᆞᆫ 고ᄃᆞᆫ 말도 ᄒᆞ시며 雜말도 ᄒᆞ샤
令不失道。
道理ᄅᆞᆯ 일티 아니케 ᄒᆞ시ᄂᆞ니
若言佛為女人調御師。為不尊重。若說丈夫一切都攝。
부텨를 女人調御師ㅣ시다 ᄒᆞ면 尊重티 몯ᄒᆞ시릴ᄊᆡ 丈夫를 니르니 一切 다 들리라
化物不暴挺然不屈曰調御丈夫。
萬物을 敎化ᄒᆞ샤ᄃᆡ 모디디 아니ᄒᆞ시며 외ᄠᆞ로 나샤 구피디 ^ 아니ᄒᆞ실씨 調御丈夫ㅣ라
없음
三界예 法이실ᄊᆡ 天人師ㅣ라 ᄒᆞ니라
佛陀。大論云。秦言知者。
佛은 知者ㅣ라 혼 마리니 知者ᄂᆞᆫ 아ᄂᆞᆫ 사ᄅᆞ미라 혼 ᄠᅳ디라
知過去未來現在眾生非眾生數。有常無常等一切諸法。菩提樹下了了覺知。故名佛陀。
過去 未來 現在옛 衆生과 衆生 아닌 數와 有常과 無常 等 一切 諸法을 ᄉᆞᄆᆞᆺ 아ᄅᆞ실ᄊᆡ 佛이시다 ᄒᆞ니라
漢言覺也。覺具三義。
佛은 覺이라 혼 마리니 覺이 세 가짓 ᄠᅳ디 ᄀᆞᄌᆞ니
一者自覺。悟性真常。了惑虛妄。