월인석보 9권
ᄒᆞ나ᄒᆞᆫ 自覺이니 性이 眞常ᄒᆞᆫ ᄃᆞᆯ 아ᄅᆞ시고 惑이 虛妄ᄒᆞᆫ ᄃᆞᆯ 아ᄅᆞ실씨라
二者覺他。運無緣慈度有情界。
둘흔 覺他ㅣ니 無緣慈ᄅᆞᆯ 뮈워 有情世界^ᄅᆞᆯ 濟渡ᄒᆞ실씨라
三者覺行圓滿。窮原極底。行滿果圓故。
세ᄒᆞᆫ 覺行圓滿이니 根源을 다ᄒᆞ며 미틔 다ᄃᆞ라 行이 차 果ㅣ 두려ᄫᅳ실씨라
華嚴云。一切諸法性無生。亦無滅。奇哉大導師。自覺能覺他。
一切 諸法性이 無生亦無滅ᄒᆞ니 奇哉 大導師ㅣ 自覺ᄒᆞ시고 能覺他ᄒᆞ시놋다
奇哉ᄂᆞᆫ 奇特다 혼 마리라
導ᄂᆞᆫ 길 자ᄇᆞᆯ씨니 大導師ᄂᆞᆫ 크신 길 앗외시ᄂᆞᆫ 스스ᅌᅵ라 혼 마리라
此云知者覺者。對迷名知。對愚說覺。
知ᄂᆞᆫ 모ᄅᆞᄂᆞ니ᄅᆞᆯ 對ᄒᆞ야 니ᄅᆞ고 覺ᄋᆞᆫ 어리니ᄅᆞᆯ 對ᄒᆞ야 니ᄅᆞ니라
佛地論云。具一切智一切種智。
一切智와 一切 種智 ᄀᆞᄌᆞ시며
一切智ᄂᆞᆫ 모도아 니ᄅᆞ고 一切 種智ᄂᆞᆫ 各別히 니ᄅᆞ니라
離煩惱障及所知障。於一切法一切種相。能自開覺。
煩惱障과 所知障ᄋᆞᆯ 여희샤 一切 法과 一切 種相애 能히 ᄌᆞ걔 아ᄅᆞ시고
亦能開覺一切有情。如睡夢覺。如蓮華開。故名為佛。
ᄯᅩ 能히 一切 有情을 여러 알에 ᄒᆞ샤미 ᄭᅮᆷ ᄭᅮ다가 ᄭᆡᄃᆞᆺ ᄒᆞ며 蓮ㅅ고지 여ᄃᆞᆺ ᄒᆞ실ᄊᆡ 佛이시다 ᄒᆞ니라
佛者何也。蓋窮理盡性。大覺之稱也。
佛은 理ᄅᆞᆯ 다ᄒᆞ며 性을 다ᄒᆞ신 大覺ᄋᆞᆯ ᄉᆞᆯᄫᆞ니
없음
그 道ㅣ 뷔여 기퍼 ^ 샤ᇰ녯 境界예 微妙히 그츠실ᄊᆡ
없음
ᄆᆞᅀᆞᄆᆞᆯ 智로 아디 몯ᄒᆞ며 얼구를 像ᄋᆞ로 아디 몯ᄒᆞᅀᆞᄫᆞ리니
없음
萬物의 ᄒᆞ논 이리 ᄒᆞᆫ가지샤ᄃᆡ ᄒᆞ디 아니ᄒᆞᄂᆞᆫ ᄯᅡ해 겨시며
없음
말ᄊᆞᆷᄒᆞ며 혬 혜ᄂᆞᆫ 안해 겨샤ᄃᆡ 말ᄊᆞᆷ 업슨 ᄯᅡ해 겨샤
없음
有ㅣ 아니로ᄃᆡ 無ㅣ 아니 ᄃᆞ외시며 無ㅣ 아니로ᄃᆡ 有ㅣ 아니 ᄃᆞ외샤
없음
寂寞히 뷔여 萬物이 能히 아디 몯ᄒᆞ야 일훔 지호ᄆᆞᆯ 모ᄅᆞᆯᄊᆡ
없음
구틔여 닐오ᄃᆡ 覺이시다 ᄒᆞ니라
成論云。具上九號。為物欽重。故曰世尊。天上人間所共尊故。
天上이며 人間이며 모다 尊히 너기ᅀᆞᄫᆞᆯᄊᆡ 世尊이시다 ᄒᆞ니라
曼殊室利彼世尊藥師琉璃光如來本行菩薩道時
뎌 藥師瑠璃^光如來 菩薩ㅅ 道理 行ᄒᆞ실 쩌긔
發十二大願令諸有情所求皆得。
열두 大願을 ᄒᆞ샤 有情ᄃᆞᆯ히 求ᄒᆞ논 이ᄅᆞᆯ 다 得긔 호려 ᄒᆞ시니라
第一大願。願我來世
第一 大願은 내 來世예
來世ᄂᆞᆫ 오ᄂᆞᆫ 뉘라
得阿耨多羅三藐三菩提時。
阿耨多羅三藐三菩提 得ᄒᆞᆫ 時節에
自身光明熾然照曜無量無數無邊世界。
내 모맷 光明^이 無量 無數 無邊 世界ᄅᆞᆯ 盛히 비취여
以三十二大丈夫相八十隨好莊嚴其身。
三十二相 八十種好로 모ᄆᆞᆯ 莊嚴ᄒᆞ야
令一切有情如我無異。
一切 有情이 나와 다ᄅᆞ디 아니케 호리라
第二大願。願我來世得菩提時。
第二 大願은 來世예 菩提 得ᄒᆞᆫ 時節에
身如琉璃內外明徹淨無瑕穢
모미 瑠璃 ᄀᆞᆮᄒᆞ^야 안팟기 ᄉᆞᄆᆞᆺ ᄆᆞᆯ가 허므리 업고
光明廣大功德巍巍
光明이 크며 功德이 놉고 커
身善安住焰網莊嚴過於日月。
모미 이대 便安히 住ᄒᆞ며 븘비ᄎᆞ로 莊嚴호미 日月라와 느러
幽冥衆生悉蒙開曉隨意所趣作諸事業。
어드ᄫᅳᆫ ᄃᆡᆺ 衆生도 다 ᄇᆞᆯ고ᄆᆞᆯ 어더 ᄆᆞᅀᆞᆷ 조초 이ᄅᆞᆯ ᄒᆞ긔 호리라
第三大願。願我來世得菩提時。
第三 大願은 내 來世예 菩提 得^ᄒᆞᆫ 時節에
以無量無邊智慧方便令諸有情皆得無盡所受用物莫令衆生有所乏少。
無量無邊 智慧 方便으로 有情ᄃᆞᆯᄒᆡ 無盡ᄒᆞᆫ ᄡᅮᇙ 거시 다 낟ᄇᆞᆫ 줄 업긔 호리라
第四大願。願我來世得菩提時。
第四 大願은 내 來世예 菩提 得ᄒᆞᆫ 時節에
若諸有情行邪道者。
ᄒᆞ다가 有情이 邪曲ᄒᆞᆫ 道理 行ᄒᆞ리 잇거든
悉令安住菩提道中。
다 菩提道 ^ 中에 便安히 住킈 ᄒᆞ며
若行聲聞獨覺乘者。
ᄒᆞ다가 聲聞 辟支佛乘ᄋᆞᆯ 行ᄒᆞᇙ 사ᄅᆞ미 잇거든
聲聞 辟支佛乘ᄋᆞᆫ 小乘 中乘이라
皆以大乘而安立之。
다 大乘ᄋᆞ로 便安히 셰요리라
大乘은 菩薩ㅅ 乘이라
第五大願。願我來世得菩提時。
第五 大願은 내 來世예 菩提 得ᄒᆞᆫ 時節에
若有無量無邊有情於我法中修行梵行。
ᄒᆞ다가 無^量無邊 有情이 내 法 中에 조ᄒᆞᆫ ᄒᆡᇰ뎍 닷ᄀᆞ리 잇거든
一切皆令得不缺戒。具三聚戒。
다 이저디디 아니ᄒᆞᆫ 戒ᄅᆞᆯ 得ᄒᆞ며 三聚戒ᄅᆞᆯ ᄀᆞᆺ게 호리라
三更明三聚戒法者。瓔珞經云。律儀戒。
三聚戒ᄂᆞᆫ 세헤 뫼호온 戒니 ᄒᆞ나ᄒᆞᆫ 攝律儀戒니
攝은 자ᄇᆞᆯ씨오 律儀ᄂᆞᆫ 法이라
攝律儀ᄂᆞᆫ 法을 자ᄇᆞᆯ씨라
所謂不殺不盜不婬。不兩舌
殺生 아니ᄒᆞ며 도ᄌᆞᆨ 아니ᄒᆞ며 婬亂 아니ᄒᆞ며 두 가짓 말 아니ᄒᆞ며
不惡口不妄言不綺語。
모딘 말 아니ᄒᆞ며 거즛말 아니ᄒᆞ며 綺語 아니ᄒᆞ며
綺ᄂᆞᆫ ᄭᅮ며 實에셔 너믄 正티 몯ᄒᆞᆯ씨라 語는 마리라
遠離貪嫉欺詐諂曲瞋恚邪見。
貪嫉 欺詐 諂曲 嗔恚 邪見을 머리 여흴씨라
嫉ᄋᆞᆫ ᄂᆞᄆᆞᆯ ᄭᅴ여ᄒᆞᆯ씨오 欺詐ᄂᆞᆫ 소길씨오 曲ᄋᆞᆫ 고ᄇᆞᆯ씨라
攝善。謂八萬四千法門。
둘흔 攝善法戒니 八萬 四千 法門이라
攝生。謂慈悲喜捨。化及眾生。令得安樂。
세ᄒᆞᆫ 攝衆生戒니 慈悲喜捨로 有情을 利樂긔 ᄒᆞᆯ씨라
今明此三。並是菩薩戒法。
이 戒^ᄂᆞᆫ 諸佛菩薩ㅅ 修行ᄒᆞ시논 즈르ᇝ길히라
設有毀犯聞我名已還得淸淨
비록 허러도 내 일후믈 드르면 도로 淸淨을 得ᄒᆞ야
不墮惡趣。
모딘 길헤 아니 ᄠᅥ러디게 호리라
第六大願。願我來世得菩提時。
第六 大願은 내 來世예 菩提 得ᄒᆞᆫ 時節에
若諸有情其身下劣諸根不具醜陋頑愚盲聾瘖啞踤躄背僂白癩癲狂
ᄒᆞ다가 有情ᄃᆞᆯ히 모미 사오나ᄫᅡ 諸根이 ᄀᆞᆺ디 몯ᄒᆞ야 迷惑ᄒᆞ^고
種種病苦
種種 受苦ᄅᆞᄫᆡᆫ 病 ᄒᆞ얫다가
聞我名已一切皆得端政黠慧諸根完具無諸疾苦。
내 일후믈 드르면 다 端正ᄒᆞ고 智慧 잇고 諸根이 ᄀᆞ자 病이 업게 호리라
第七大願。願我來世得菩提時。
第七 大願은 내 來世예 菩提 得ᄒᆞᆫ 時節에
若諸有情衆病逼切無救無歸無醫無藥無親無家貧窮多苦。
ᄒᆞ다가 有情ᄃᆞᆯ히 病ᄒᆞ야 이셔 救ᄒᆞ리 업고 가ᇙ ᄃᆡ 업거든
我之名號一經其耳。衆病悉除身心安樂
내 일후믈 귀예 ᄒᆞᆫ 번 드러도 病이 다 업고
家屬資具悉皆豐足乃至證得無上菩提。
家屬이며 世間애 ᄡᅮᇙ 거시 ᄀᆞᄌᆞ며 無上菩提ᄅᆞᆯ 證호매 니를의 호리라
第八大願。願我來世得菩提時。
第八 大願은 내 來世예 菩提 得ᄒᆞᆫ 時節에
若有女人爲女百惡之所逼惱極生厭離
ᄒᆞ다가 겨지비 겨지븨 온 가짓 어려ᄫᅳᆫ 이리 다와다 ᄀᆞ자ᇰ 싀틋ᄒᆞ^야
願捨女身。
겨지븨 모ᄆᆞᆯ ᄇᆞ리고져 ᄒᆞ거든
聞我名已一切皆得轉女成男具丈夫相乃至證得無上菩提。
내 일후믈 드르면 다 남지니 ᄃᆞ외야 無上菩提ᄅᆞᆯ 證호매 니를의 호리라
第九大願。願我來世得菩提時。
第九 大願은 내 來世예 菩提 得ᄒᆞᆫ 時節에
令諸有情出魔羅網
有情ᄃᆞᆯᄒᆞᆯ 魔 그므레 내야
解脫一切外道纏縛。
一切 外道ᄋᆡ 얽ᄆᆡ요ᄆᆞᆯ 버서나게 호리^니
若墮種種惡見稠林皆當引攝置於正見
ᄒᆞ다가 種種 머즌 보매 ᄠᅥ디옛거든 다 ᅘᅧ 거두워 正ᄒᆞᆫ 보매 두어
漸令修習諸菩薩行。速證無上正等菩提。
漸漸 菩薩ㅅ ᄒᆡᇰ뎌글 닷가 無上正等菩提ᄅᆞᆯ ᄲᆞᆯ리 證케 호리라
없음
至極ᄒᆞᆫ 果ㅣ 因ᄋᆞᆯ 걷내ᄠᅱᆯᄊᆡ 無上이오
없음
正은 中道ᄅᆞᆯ 正히 볼씨오 等은 두 녁 ᄀᆞᅀᆞᆯ ᄒᆞᆫᄢᅴ 비췰씨니 果 우흿 三智라
無上是理。正等覺是智。
無上ᄋᆞᆫ 理오 正等覺ᄋᆞᆫ 智니
正謂正中。即一切種智寂滅相也。
正은 正히 ^ 가온ᄃᆡ니 곧 一切 種智니 寂滅ᄒᆞᆫ 相이라
等謂平等。即行類相貌如實知也。
等은 平等ᄒᆞᆯ씨니 行이며 相이며 實다ᄫᅵ 알씨라
裴相國云。是諸佛所證最上妙道。是眾生所迷根本妙源。
이 諸佛ㅅ 證ᄒᆞ샨 ᄆᆞᆺ 노ᄑᆞᆫ 微妙道理오 衆生의 모ᄅᆞ논 根本앳 微妙ᄒᆞᆫ 根源이니
故凡夫流浪六道。由不發此菩提心故。
그럴ᄊᆡ 凡夫ㅣ 六道애 흘러ᄃᆞᆮ뇨미 菩提心 發티 아니혼 다시니
今得人身。起慶幸意。
이제 사ᄅᆞᄆᆡ 모ᄆᆞᆯ 得ᄒᆞ야 이셔 幸ᄒᆞᆫ ᄠᅳ들 머거 모로매
當須秉心對佛像前燒香散華。
佛像 알ᄑᆡ 對ᄒᆞᅀᆞᄫᅡ 香 퓌우며 곳 비코
三業供養。
몸과 입과 ᄠᅳᆮ과 淸淨이 ᄒᆞ야 供養ᄒᆞᅀᆞᄫᅡ
立四弘誓
四弘誓ᄅᆞᆯ 셰여
眾生無邊誓願度 煩惱無盡誓願斷 法門無量誓願學 佛道無上誓願成 自性眾生誓願度 自性煩惱誓願斷 自性法門誓願學 自性佛道誓願成
衆生無邊誓願度 煩惱無數誓願斷 法門無盡誓願學 佛道無上誓願成 自性衆生誓願度 自性煩惱誓願斷 自性法門誓願學 自性佛道誓願成
發成佛心。
成佛홀 ᄆᆞᅀᆞᄆᆞᆯ 發호ᇙ디니
故華嚴云。菩提心者。名為種子。能生一切諸佛法故。
그럴ᄊᆡ 菩提心을 種子ㅣ라 일훔ᄒᆞᄂᆞ니 一切 諸佛法을 잘 낼ᄊᆡ니라
發此心者。須識其體。
이 ᄆᆞᅀᆞᆷ 發ᄒᆞᇙ 사ᄅᆞᄆᆞᆫ 모로매 體ᄅᆞᆯ 아라ᅀᅡ ᄒᆞ리니
體有二種。一曰當體。二曰所依體。其當體者。所謂悲心智心願心。此三種心。乃是當體。
體 두 가지니 當體ᄂᆞᆫ 悲心과 智心^과 願心괘오
所依體者。自性清淨。圓明妙心。為所依體。
所依體ᄂᆞᆫ 自性이 淸淨ᄒᆞ야 두려ᄫᅵ ᄇᆞᆯᄀᆞᆫ 微妙ᄒᆞᆫ ᄆᆞᅀᆞ미라
性自具足號如來藏。惑不能染。
性이 제 ᄀᆞᄌᆞᆯᄊᆡ 號ᄅᆞᆯ 如來藏이라 ᄒᆞ고 惑이 더러ᄫᅵ디 몯ᄒᆞ며
智無所淨。虛寂澄湛真覺靈明。
智 조ᄒᆡ오미 업서 뷔오 괴외코 ᄆᆞᆯ가 眞實ㅅ 覺이 靈히 ᄇᆞᆯ가
能生萬法。號一大事。
萬法을 잘 낼ᄊᆡ 號ᄅᆞᆯ ᄒᆞᆫ 큰 이리라 ᄒᆞᄂᆞ니라
但由群生久迷此性。唯認攀緣六塵影像。
오직 衆生ᄃᆞᆯᄒᆞᆫ 이 性을 오래 몰라 六塵의 그리메 像 브투믈 아라
乍起乍滅。虛妄之念。以為自心。一迷為心。
자ᇝ간 닐며 자ᇝ간 업서 虛妄ᄒᆞᆫ 念으로 제 ᄆᆞᅀᆞᄆᆞᆯ 사마
決定惑為色身之內。
決定ᄒᆞ야 惑ᄒᆞ야 色身 안ᄒᆞᆯ 삼고
不知色身外。洎山河虛空大地咸是妙明真心中物。
色身이 밧그로 뫼히며 므리며 虛空大^地예 니르리 다 微妙코 ᄇᆞᆯᄀᆞᆫ 眞實ㅅ ᄆᆞᅀᆞᇝ 가온ᄃᆡᆺ 거신 ᄃᆞᆯ 모ᄅᆞᄂᆞ니
此之心體。如肇師云。微妙無相不可為有。
이 ᄆᆞᅀᆞᇝ 體ᄂᆞᆫ 微妙ᄒᆞ야 相 업서 이슈미 ᄃᆞ외디 아니ᄒᆞ며
用之彌勤不可為無。
현마 ᄡᅥ도 업수미 ᄃᆞ외디 아니ᄒᆞᄂᆞ니라
菩提者。無形相無為。云何無形相。不可以六識識故。
菩提ᄂᆞᆫ 六識ᄋᆞ로 아디 몯ᄒᆞᆯᄊᆡ 形相이 업고