월인석보 11권
이ᄂᆞᆫ 賴耶 業相 ^ ᄠᅳ들 자바 니ᄅᆞ도다
二者、能見相。
둘흔 能見相이니
即是轉相。
곧 이 轉相이라
以依動故 能見；
뮈유믈 브틀ᄊᆡ 能히 보ᄂᆞ니
依前業識。轉成能見。
알ᄑᆡᆺ 業識을 브터 올마 能見이 이니라
不動則無見。
뮈디 아니ᄒᆞ면 보미 업스니라
若依性淨門。則無能見也。
性淨門ᄋᆞᆯ 브트면 能見이 업스리니
反顯 能見。必依動義。
能見이 모로매 動^ᄋᆞᆯ 븓논 ᄠᅳ들 드위ᅘᅧ 나토니
如是轉相。雖有能緣。
이 轉相이 비록 能緣이 이시나
以境界微細故。
境界 微細ᄒᆞᆯᄊᆡ
猶未辨之。
오히려 ᄀᆞᆯᄒᆡ디 몯ᄒᆞ리니
如攝論云。
攝論애 닐오ᄃᆡ
意識 緣三世境。及非三世境。
意識이 三世境과 三世 아닌 境을 緣ᄒᆞᄂᆞ니
是即可知。
이ᄂᆞᆫ 곧 어루 알려니와
此識所緣境。不可知
이 識의 所緣境은 아디 몯ᄒᆞ리라 ᄒᆞ니
故。既云 所緣 不可知。
그럴ᄊᆡ ᄒᆞ마 所緣을 아디 몯ᄒᆞ리라 니ᄅᆞ니
即約能緣 以明本識轉相義也。
곧 能緣을 자바 本識의 轉相意ᄅᆞᆯ ᄇᆞᆯ기니라
三者、境界相。
세ᄒᆞᆫ 境界相이니
即是現相。
곧 이 現相이라
以依能見故 境界妄現；
能見을 브틀ᄊᆡ 境界 거츠리 現ᄒᆞᄂᆞ니
依前轉相。能現境界。
알ᄑᆡᆺ 轉相ᄋᆞᆯ 브터 能히 境界ᄅᆞᆯ 나토ᄂᆞ니라
離見則無境界。
보ᄆᆞᆯ 여희면 境界 업스리라
△ 一 無明為因 生三細。
일록 우흔 無明이 緣이 ᄃᆞ외야 三細 내요미오
△ 二 境界為緣 生六麤。
일록 아랜 境界 緣이 ᄃᆞ외야 六麤 내요미니
【疏】即分別事識也。
곧 分別事識이니
如楞伽經云。
棱伽經에 니ᄅᆞᄃᆞᆺ ᄒᆞ야
境界風所動。
境界 ᄇᆞᄅᆞᄆᆡ 뮈ᅇᅮ미 ᄃᆞ외야
種種諸識浪。此之謂也。
種種^앳 識浪ᄃᆞᆯ히라 호미 이ᄅᆞᆯ 니ᄅᆞ니라
問。
무로ᄃᆡ
三細 屬賴耶。
三細ᄂᆞᆫ 賴耶ᄋᆡ 屬고
六麤 屬意識。
六麤ᄂᆞᆫ 意識에 屬거시니
何故 不說末那識耶。
엇뎨 末那識ᄋᆞᆯ 아니 니ᄅᆞ뇨
答。
對答호ᄃᆡ
有二義意。
두 ᄠᅳ디 잇ᄂᆞ니
一。前既說 賴耶。末那 必執相應。故
ᄒᆞ나ᄒᆞᆫ 알ᄑᆡ ᄒᆞ마 닐오ᄃᆡ 賴耶 末那ㅣ 모로매 자바 서르 應ᄒᆞᄂᆞ다 ᄒᆞᆯᄊᆡ
不說。
니ᄅᆞ디 아니ᄒᆞ며
瑜伽論云。賴耶識起。必二識相應故。
瑜伽論애 닐오ᄃᆡ 賴耶識이 니로ᇙ뎬 모로매 두 識이 서르 應ᄒᆞᄂᆞ다 혼 젼ᄎᆡ라
又由意識 緣外境時。
ᄯᅩ 意識이 外境 緣ᄒᆞᇙ 저긔
必內 依末那 為染污根。方得生起。
모로매 안ᄒᆞ로 末那ᄅᆞᆯ 브터 더러ᄫᅳᆫ 불휘ᄅᆞᆯ 사마ᅀᅡ 니러나ᄂᆞ니
是故 既說六麤。必內依末那故。
이럴^ᄊᆡ ᄒᆞ마 六麤ᄅᆞᆯ 니ᄅᆞ면 다ᇰ다ᅌᅵ 안ᄒᆞ로 末那ᄅᆞᆯ 브틀ᄊᆡ
亦不別說。
ᄯᅩ 各別히 아니 니ᄅᆞ니라
二。以義不便故。略不說之。
둘흔 ᄠᅳ디 편다ᄇᆞᆫ티 아니ᄒᆞᆯᄊᆡ 조려 아니 니ᄅᆞ니
不便相者。
편다ᄇᆞᆫ티 아니ᄒᆞᆫ 相ᄋᆞᆫ
以無明住地。動本淨心。
無明住地 本來 寂靜ᄒᆞᆫ ᄆᆞᅀᆞᄆᆞᆯ 뮈워
令起和合 成棃耶。
니르왇게 ᄒᆞ야 和合ᄒᆞ야 梨耶ᄅᆞᆯ 일우니
末那 既無此義。故
末那ᄂᆞᆫ 이 ᄠᅳ디 업슬ᄊᆡ
前三細中 略不說。
알ᄑᆡᆺ 三細 中에 조려 아니 니ᄅᆞ며
又由外境。牽起事識。
ᄯᅩ 外境이 事識을 잇거 니르왇ᄂᆞ니
末那 無緣外境義。故
末那ᄂᆞᆫ 外境 緣ᄒᆞ논 ᄠᅳ디 업슬ᄊᆡ
六麤中。亦略不說。
六麤 中에 ᄯᅩ 조려 아니 니ᄅᆞ며
亦可計內為我 屬前三細。
ᄯᅩ 안ᄒᆞᆯ 혜여 날 사모ᄆᆞᆫ 前^三細예 屬고
計外為我所。屬後六麤。故
밧ᄀᆞᆯ 혜여 我所 사모ᄆᆞᆫ 後六麤애 屬ᄒᆞᆯᄊᆡ
略不論也。
조려 아니 論ᄒᆞ니라
楞伽經中。亦同此說。
棱伽經 中에 ᄯᅩ 이 마리 ᄀᆞᆮᄒᆞ니
故彼經云。
뎌 經에 닐오ᄃᆡ
大慧。略說 有三種識。
大慧여 조려 니ᄅᆞ면 세 가짓 識이 잇고
廣說 有八種相。
너펴 니ᄅᆞ면 여듧 가짓 相이 잇ᄂᆞ니
何等為三。
므스거시 세코
謂真識。現識。分別事識。
眞識 現識 分別事識이라 ᄒᆞ니
彼經云。
經에 닐오ᄃᆡ
譬如明鏡。持諸色像。
가ᄌᆞᆯ비건댄 ᄆᆞᆯᄀᆞᆫ 거우뤼 여러 가짓 色像 디니ᄃᆞᆺ ᄒᆞ니
現識處現。亦復如是。
現識 現ᄒᆞᆫ ᄯᅡ히 ᄯᅩ 이 ᄀᆞᆮᄒᆞ니라
乃至廣說。 經中
너비 닐온 經中에 니르러
現識。即是三細中現相也。
現識ᄋᆞᆫ 곧 이 三細中엣 現相이오
故 所起現識。行相微細。
니르와돈 現識이 行相이 微細ᄒᆞ니
於中 亦有轉識業識。
그 中에 ᄯᅩ 轉識 業識이 잇건마ᄅᆞᆫ
舉麤顯細。故
麤ᄅᆞᆯ 드러 細ᄅᆞᆯ 나톨ᄊᆡ
但名現識。
오직 일후믈 現識이라 ᄒᆞ니
即是此不相應心也。
곧 이 서르 應티 아니ᄒᆞᆫ ᄆᆞᅀᆞ미라
分別事識。即是下六麤也。
分別事識은 곧 이 아랫 六麤ㅣ라
行相麤顯。成相應心也。
行相이 麤히 나다나 서르 應ᄒᆞᆫ ᄆᆞᅀᆞ미 ᄃᆞ외니라
所以知者。彼經下 釋分別事識中 乃云
아논 고ᄃᆞᆫ 뎌 經 아래 分別事識 사긴 中에 닐오ᄃᆡ
攀緣外境界。起前事識等。故
밧 境界ᄅᆞᆯ ᄇᆞᆮᄃᆞᇰᄀᆡ야 緣ᄒᆞ야 알ᄑᆡᆺ 事識을 니르왇ᄂᆞ다 ᄒᆞᆯᄊᆡ
知事識。非是末那。
事識이 末那 아닌 ᄃᆞᆯ 알리로다
以有境界緣故，復生六種相。
境界緣이 잇논 젼ᄎᆞ로 ᄯᅩ 여슷 가짓 相이 나ᄂᆞ니
云何為六？
므스거시 여스시어뇨
一者、智相。
ᄒᆞ나ᄒᆞᆫ 智相이니
依於境界，心起分別愛與不愛故。
境界ᄅᆞᆯ 브터 ᄃᆞᆺ오며 ᄃᆞᆺ오디 아니호ᄆᆞᆯ ᄆᆞᅀᆞ매 ᄀᆞᆯᄒᆡ요ᄆᆞᆯ 니ᄅᆞ왇논 젼ᄎᆡ라
【疏】於前現識所現相上。
알ᄑᆡᆺ 現識ᄋᆡ 나토온 相 우희
不了自心所現。故
제 ᄆᆞᅀᆞᄆᆡ 現혼 거신 ᄃᆞᆯ 아디 몯ᄒᆞᆯ^ᄊᆡ
創起慧數。
智慧 혜아료ᄆᆞᆯ ᄆᆡᇰᄀᆞ라 니ᄅᆞ와다
分別染淨。
더러ᄫᅳ며 조호ᄆᆞᆯ ᄀᆞᆯᄒᆡ야
執有定性。
자바 一定ᄒᆞᆫ 性을 둘씨라
二者 相續相。
둘ᄒᆞᆫ 相續相이니
依於智故 生其苦樂，覺心起念
智ᄅᆞᆯ 브틀ᄊᆡ 苦樂ᄋᆞᆯ 내야 覺心이 念을 니ᄅᆞ와다
相應不斷故。
서르 맛ᄀᆞᆯ마 긋디 아니ᄒᆞ논 젼ᄎᆡ라
【疏】謂 依前分別。愛境 起樂受覺。
알ᄑᆡᆺ ᄀᆞᆯᄒᆡ요ᄆᆞᆯ 브터 ᄃᆞᆺ온 境界예 樂受覺ᄋᆞᆯ 니르왇고
不愛境 起苦受覺。
ᄃᆞᆺ오디 아니ᄒᆞᆫ 境界예 苦受覺ᄋᆞᆯ 니ᄅᆞ와다
數數起念。相續現前。
ᄌᆞ조 念을 니르와다 서르 니ᅀᅥ 알ᄑᆡ 現ᄒᆞ니
此明自相續也
이ᄂᆞᆫ 제 相續이오
又能起惑潤業。
ᄯᅩ 能히 惑ᄋᆞᆯ 니^ᄅᆞ와다 業을 불어
引持生死。
生死ᄅᆞᆯ ᅘᅧ 가지ᄂᆞ니
即令他相續也。
ᄂᆞ미 相續게 호미라
三者、執取相。
세ᄒᆞᆫ 執取相이니
依於相續 緣念境界，住持苦樂，
서르 니ᅀᅥ 境界ᄅᆞᆯ 브터 念ᄒᆞ야 苦樂ᄋᆞᆯ 住持호ᄆᆞᆯ 브터