월인석보 11권
이 識을 ᄇᆞᆯ기니
是則 前一心 義寬。該收於二門。
이러면 알ᄑᆡᆺ ᄒᆞᆫ ᄆᆞᅀᆞᄆᆞᆫ ᄠᅳ디 너버 두 門애 ᄢᅳ리고
此一識 義陿。局在於一門。
이 ᄒᆞᆫ 識ᄋᆞᆫ ᄠᅳ디 조바 ᄒᆞᆫ 門애 드러 잇ᄂᆞ니라
問。此中本覺。與上真如門 何別。
무로ᄃᆡ 이ᅌᅥ긧 本覺과 우흿 眞如門과 엇뎨 다ᄅᆞ뇨
答。
對答호ᄃᆡ
真如門 約體絕相說。
眞如門ᄋᆞᆫ 體의 相 그추믈 자바 니ᄅᆞ고
本覺 約性功德說。
本覺ᄋᆞᆫ 性功德을 자바 니ᄅᆞ니
謂大智慧光明義等。名本覺相。
大智慧^光明義 等이 일후미 本覺相이니
本者。是性義。覺者。是智慧義。
本ᄋᆞᆫ 性ㄱ ᄠᅳ디오 覺ᄋᆞᆫ 智慧ㅅ ᄠᅳ디니
以此皆為翻妄染顯。故在生滅門中攝。
이 다 거츤 더러ᄫᅮ믈 드위ᅘᅧ 나톨ᄊᆡ 生滅門 中에 잇고
以真如門中。無翻染等義。故與此不同也。
眞如門 中엔 더러ᄫᅮ믈 드위ᅘᅧᆫ ᄠᅳ디 업슬ᄊᆡ 이와 ᄀᆞᆮ디 아니ᄒᆞ니라
是故 體相二大。俱名本覺。
이럴ᄊᆡ 體相 二大 다 일후미 本覺이니
並在生滅門中。故得具三大也。
다 生滅門 中에 이실ᄊᆡ 三大 ᄀᆞᄌᆞ니라
없음
三大ᄂᆞᆫ 體와 相과 用괘라
能攝一切法、生一切法。
能히 一切法을 攝ᄒᆞ며 一切法을 내ᄂᆞ니라
【疏】上二門中 云 皆各總攝。此中 不云各者。
웃 二門 中엔 닐오ᄃᆡ 다 各各 惣攝다 ᄒᆞ고 이ᅌᅦᆫ 各各이라 아니 닐오ᄆᆞᆫ
以此二義。陿於二門。故但明一識。
이 두 ᄠᅳ디 두 門ᄋᆡ 조ᄇᆞᆯᄊᆡ 오직 ᄒᆞᆫ 識을 ᄇᆞᆯ기니
由含二義。故攝一切。
두 ᄠᅳ들 머글ᄊᆡ 攝一切라 ᄒᆞ고
不言 二義各攝一切。
두 ᄠᅳ디 各各 一切ᄅᆞᆯ 攝다 ᄒᆞ야 니ᄅᆞ디 아니ᄒᆞ니라
又上文中。但云攝 而不云生者。
ᄯᅩ 우희ᄂᆞᆫ 오직 攝이라 니ᄅᆞ고 내ᄂᆞ다 아니 닐오ᄆᆞᆫ
以真如門。無能生義故。
眞如門ᄋᆞᆫ 能히 내논 ᄠᅳ디 업슬ᄊᆡ오
此識之中。以不覺熏本覺。故
이 識中엔 不覺ᄋᆞ로 本覺ᄋᆞᆯ ᄧᅬᆯᄊᆡ
生諸染法。
여러 가짓 더러ᄫᅳᆫ 法을 내야
流轉生死。
生死애 그우니며
以本覺熏不覺。故
本覺ᄋᆞ로 不覺ᄋᆞᆯ ᄧᅬᆯᄊᆡ
生諸淨法。
여러 가짓 조ᄒᆞᆫ 法^을 내야
反流出纏。成於始覺。
므레 거스려 ᄆᆡᅇᅭ매 버서나 始覺ᄋᆞᆯ 일우ᄂᆞ니
依此二義。徧生一切染淨法。故
이 두 ᄠᅳ들 브터 一切 더러ᄫᅳ며 조ᄒᆞᆫ 法을 다 낼ᄊᆡ
云能生。
能히 내다 ᄒᆞ니라
非直 相熏能生諸法。
ᄒᆞᆫ갓 서르 ᄧᅬ야 能히 諸法 낼 ᄲᅮ니 아니라
亦乃生諸法已。不離此心。
ᄯᅩ 諸法을 내야도 이 ᄆᆞᅀᆞ매 여희디 아니ᄒᆞ야
為此心所攝。故云攝。
이 ᄆᆞᅀᆞᄆᆡ 攝혼 배 ᄃᆞ욀ᄊᆡ 攝이라 ᄒᆞ니라
없음
起信論애 닐오ᄃᆡ
復次，生滅因緣者，所謂眾生依心．
生滅 因緣은 너균 밧 衆生이 心을 브트니
意．意識轉故。
意와 意識괘 轉ᄒᆞ논 젼ᄎᆡ라
棃耶心體。不守自性。是生滅因。
梨耶 心體 제 性을 守티 몯호미 이ᄂᆞᆫ 生滅因이오
根本無明。熏動心體。是生滅緣。
根本無明이 心體ᄅᆞᆯ 뮈우미 이ᄂᆞᆫ 生滅緣이라
又無明住地。諸染根本。是生滅因。
ᄯᅩ 無明住地 여러 더러ᄫᅳᆫ 것ᄃᆞᆯᄒᆡ 根本이니 이ᄂᆞᆫ 生滅因이오
外妄境界。動起識浪。是生滅緣。
밧ᄀᆡᆺ 거츤 境界 識浪ᄋᆞᆯ 뮈워 니르와도미 이ᄂᆞᆫ 生滅緣이라
없음
浪ᄋᆞᆫ 믌겨리라
依是二義 以顯因緣。
이 두 ᄠᅳ들 브터 因緣을 나토니
諸識生滅 相集而生。故名眾生。
諸識의 生滅이 서르 모다 날ᄊᆡ 일후미 衆生이라
而無別體。唯依心體。故
各別ᄒᆞᆫ 體 업서 오직 心體ᄅᆞᆯ 브^틀ᄊᆡ
言依心。
心을 븓다 ᄒᆞ니
即是棃耶自相心也。
곧 이 梨耶ᄋᆡ 제 相앳 ᄆᆞᅀᆞ미라
能依眾生。是意
能히 븓ᄂᆞᆫ 衆生이 이 意니
意識。依心體起。故云轉。
意識이 心體ᄅᆞᆯ 브터 닐ᄊᆡ 轉이라 ᄒᆞ니
轉者。起也。
轉은 닐씨라
此義云何？
이 ᄠᅳ디 엇뎨오
【疏】此心作眾生義 云何。
이 ᄆᆞᅀᆞ미 衆生 ᄆᆡᇰᄀᆞᄂᆞ다 혼 ᄠᅳ디 엇뎨오
以依阿梨耶識 說有無明
阿梨耶識을 브틀ᄊᆡ 無明이 잇다 니ᄅᆞᄂᆞ니
【疏】棃耶者。是上所說心。
梨耶ᄂᆞᆫ 이 우희 닐온 心이니
即是生滅之因。
곧 이 生滅의 因이오
無明者。於棃耶識二義中。此是不覺義。
無明^은 梨耶識 두 ᄠᅳᆮ 中에 不覺 ᄠᅳ디니
即生滅之緣。
곧 生滅의 緣이니
欲明依此因緣。意意識轉故。
이 因緣을 브터 意와 意識괘 轉ᄒᆞᄂᆞᆫ 다신 ᄃᆞᆯ ᄇᆞᆯ교려 ᄒᆞ야
故言以依等也。
닐오ᄃᆡ 븓다 홈 ᄃᆞᆯ히라
上總中 略指其因。故
우흰 모도아 멀톄 因ᄋᆞᆯ ᄀᆞᄅᆞ쳐 니ᄅᆞᆯᄊᆡ
但言依心。
오직 ᄆᆞᅀᆞᄆᆞᆯ 븓다 ᄒᆞᆯ ᄲᅮᆫ 니ᄅᆞ고
此別釋中 具顯因緣。故
이ᄂᆞᆫ 各別히 사겨 因緣을 ᄀᆞ초 나톨ᄊᆡ
說依心 及無明也。
ᄆᆞᅀᆞᄆᆞᆯ 븓다 ᄒᆞ야 니ᄅᆞ며 無明 조쳐 니ᄅᆞ니라
【疏】問。
무로ᄃᆡ
上說
우희 닐오ᄃᆡ
依覺 有不覺。
覺ᄋᆞᆯ 브터 不覺이 잇ᄂᆞ니
由此不覺力故。動彼心體。
이 不覺力 젼ᄎᆞ로 뎌 心體ᄅᆞᆯ 뮈워
令起滅和合。
起滅이 和合긔 ᄒᆞ야
方有棃耶業相等識。
梨耶 業相 等 識^이 잇ᄂᆞ니라 ᄒᆞ니
何故此中。說依棃耶有無明乎。
엇뎨 이ᅌᅦ 닐오ᄃᆡ 梨耶ᄅᆞᆯ 브터 無明이 잇다 ᄒᆞ뇨
答。
對答호ᄃᆡ
此有三釋。
이 세 가짓 사교미 잇ᄂᆞ니
一。由此棃耶。有二種義故。
ᄒᆞ나ᄒᆞᆫ 이 梨耶ㅣ 두 가짓 ᄠᅳᆮ 이쇼ᄆᆞᆯ 브트니
謂由無明。動彼真心。成此棃耶。
無明이 뎌 眞心을 뮈워 이 梨耶 일우오ᄆᆞᆯ 니ᄅᆞ며
又即此棃耶。還却與彼無明為依。以不相離故。
ᄯᅩ 이 梨耶ㅣ 도ᄅᆞᅘᅧ 뎌 無明과로 브투미 ᄃᆞ외야 서르 여희디 몯ᄒᆞᆯᄊᆡ니
何者。謂依迷起似故。
엇뎨어뇨 ᄒᆞ란ᄃᆡ 迷ᄅᆞᆯ 브터 似ᄅᆞᆯ 니르와ᄃᆞᆯᄊᆡ
없음
似ᄂᆞᆫ ᄀᆞᆮᄒᆞᆯ씨라
即是 動真心 成業識。
곧 이 眞心을 뮈워 業識 일우오미오
迷似為實故。
似애 迷ᄒᆞ야 實이 ᄃᆞ욀ᄊᆡ
即是 依棃耶 而有無明也。
곧 이 梨耶ᄅᆞᆯ 브터 無明 이쇼미라
二云。以棃耶 有二義。
둘흔 닐오ᄃᆡ 梨耶ㅣ 두 ᄠᅳ디 잇ᄂᆞ니
謂覺不覺。
覺과 不覺괘니
前別就本說。故
알ᄑᆡᄂᆞᆫ 各別히 미ᄐᆡ 나ᅀᅡ가 니ᄅᆞᆯᄊᆡ
云依覺有不覺。
覺ᄋᆞᆯ 브터 不覺이 잇다 ᄒᆞ고
今就都位論。故
이젠 都位예 나ᅀᅡ가 論ᄒᆞᆯᄊᆡ
없음
都位ᄂᆞᆫ 모ᄃᆞᆫ 位라
云 依棃耶 有無明也。
닐오ᄃᆡ 梨耶ᄅᆞᆯ 브터 無明이 잇다 ᄒᆞ니라
此即二義中 不覺之義。正在棃耶中。故說依也。
이 곧 두 ᄠᅳᆮ 中에 不^覺 ᄠᅳ디 正히 梨耶 中에 이실ᄊᆡ 븓다 ᄒᆞ니라
三云。此中正意。唯取真心隨緣之義。
세ᄒᆞᆫ 닐오ᄃᆡ 이 中에 正ᄒᆞᆫ ᄠᅳ든 오직 眞心이 隨緣ᄒᆞᄂᆞᆫ ᄠᅳ들 取ᄒᆞ니
此隨緣義。難名目故。
이 隨緣ᄒᆞᄂᆞᆫ ᄠᅳ든 일훔 지호미 어려ᄫᅳᆯᄊᆡ
或就未起說。
시혹 니디 몯ᄒᆞᆫ 저글 나ᅀᅡ가 닐오ᇙ딘댄
依真如 有無明。
眞如를 브터 無明이 잇다 ᄒᆞ고
或約成就起已說。
시혹 니로미 인 後ᄅᆞᆯ 자바 닐오ᇙ딘댄
依棃耶 有無明。
梨耶ᄅᆞᆯ 브터 無明이 잇다 ᄒᆞᄂᆞ니
然此二名。方盡其義。
이 두 일후미라ᅀᅡ ᄠᅳ디 다 들릴ᄊᆡ
是故文中。前後綺互言耳。
앏 뒤헤 서르 니ᄅᆞ니라
不覺而起，
不覺애 니러