월인석보 11권
以未了 不變隨緣隨緣不變之義。
變티 아니호ᄃᆡ 緣을 조ᄎᆞ며 緣을 조초ᄃᆡ 變티 아니ᄒᆞᄂᆞᆫ ᄠᅳ들 ᄉᆞᄆᆞᆺ 몯 아라
而生二執。
두 가짓 執着ᄋᆞᆯ 내ᄂᆞ니라
없음
起信論애 닐오ᄃᆡ
心生滅者，依如來藏 故有生滅心，
ᄆᆞᅀᆞᄆᆡ 生滅은 如來藏ᄋᆞᆯ 브틀ᄊᆡ 生滅心이 잇ᄂᆞ니
謂不生滅心。因無明風。動作生滅。故
生滅 아니ᄒᆞᄂᆞᆫ ᄆᆞᅀᆞ미 無明ㅅ ᄇᆞᄅᆞᄆᆞᆯ 因ᄒᆞ야 뮈여 生滅이 ᄃᆞ욀ᄊᆡ
說生滅心。依不生滅心。
닐오ᄃᆡ 生滅心이 生滅 아니ᄒᆞᄂᆞᆫ ᄆᆞᅀᆞᄆᆞᆯ 븓다 ^ ᄒᆞ니라
然此二心。竟無二體。
그러나 이 두 ᄆᆞᅀᆞ미 乃終내 두 體 업건마ᄅᆞᆫ
但約二義 以說相依。
오직 두 ᄠᅳ들 자바 서르 브투믈 니ᄅᆞ니
如不動之水。為風所吹 而作動水。
아니 뮈ᄂᆞᆫ 므릐 ᄇᆞᄅᆞᆷ 부러 뮈ᄂᆞᆫ 믈 ᄃᆞ외요미 ᄀᆞᆮᄒᆞ야
動靜雖殊 而水體是一。
動靜이 비록 다ᄅᆞ나 므릐 體ᄂᆞᆫ ᄒᆞ나히며
亦得說言 依靜水故。有其動水。
ᄯᅩ 닐오ᄃᆡ 靜水ᄅᆞᆯ 브틀ᄊᆡ 動水 잇ᄂᆞ니
當知 此中理趣 亦爾。宜可思之。
이 理도 이 ᄀᆞᆮᄒᆞ니 ᄉᆞ라ᇰᄒᆞ야 보라
謂自性清淨心。名如來藏。
自性 淸淨心은 일후미 如來藏이니
因無明風 動作生滅。故
無明ㅅ ᄇᆞᄅᆞᄆᆞᆯ 因ᄒᆞ야 뮈여 生滅이 ᄃᆞ욀ᄊᆡ
云 依如來藏 有生滅心也。
닐오ᄃᆡ 如來藏ᄋᆞᆯ 브터 生滅心이 잇다 ᄒᆞ니라
所謂 不生不滅 與生滅 和合，
니ᄅᆞ논 不生 不滅이 生滅와 和合ᄒᆞ야
【疏】不生滅與生滅合者。是上如來藏自性清淨心。
不生 不滅은 우흿 如來藏 自性 淸淨心이니
動作生滅。不相離故。故云和合。
뮈여 生滅이 ᄃᆞ외야 서르 여희디 아니ᄒᆞᆯᄊᆡ 和合이라 ᄒᆞ니
非謂別有生滅。來與真如合。
各別ᄒᆞᆫ 生滅이 와 眞如에 合혼 디 아니라
謂生滅之心。心之生滅。無二相故。
生滅心과 心의 生滅이 두 相이 업슬ᄊᆡ
【疏】心之不生滅。因無明成。生滅之心。
ᄆᆞᅀᆞᄆᆡ 生滅 아니호미 無明을 因ᄒᆞ야 生滅心이 ᄃᆞ외ᄂᆞ니
從本覺起。而無二體。不相捨離。故
本覺ᄋᆞᆯ 從ᄒᆞ야 니러 두 體 업서 서르 여희디 아니ᄒᆞᆯᄊᆡ
下文云。如大海水。因風 波動。
아래 닐오ᄃᆡ 大海水 ^ ᄇᆞᄅᆞᄆᆞᆯ 因ᄒᆞ야 믌겨리 뮈ᄃᆞᆺ ᄒᆞ야
水相風相。不相捨離。
水相 風相이 서르 여희디 아니ᄒᆞᄂᆞ니라 ᄒᆞ며
乃至廣說。
너비 닐오매 니르러
此中 水之動。是風相。
므리 뮈유미 이 風相이며
動之濕。是水相。
뮈유믜 축축호미 이 水相이니
以水舉體動故。
므리 體 오로 뮐ᄊᆡ
水不離於風相。
므리 風相애 여희디 아니ᄒᆞ며
無動而非濕故。
뮈ᄂᆞᆫ 거시 축축디 아니ᄒᆞ니 업슬ᄊᆡ
動不離於水相。
뮈유미 水相애 여희디 아니ᄒᆞᄂᆞ니
心亦如是。
ᄆᆞᅀᆞᆷ도 이 ᄀᆞᆮᄒᆞ야
不生滅心 舉體動故。
生滅 아니ᄒᆞᄂᆞᆫ ᄆᆞᅀᆞ미 體 오로 뮐ᄊᆡ
心不離於生滅之相。
ᄆᆞᅀᆞ미 生滅相애 여희디 아니ᄒᆞ며
生滅之相 莫非神解故。
生滅相이 神解 아니니 업슬ᄊᆡ
없음
神解ᄂᆞᆫ 神奇히 알씨라
生滅 不離於心相。
生滅이 心相애 여희디 아니ᄒᆞᄂᆞ니
如是不離。名為和合。
이ᄀᆞ티 여희디 아니호미 일후미 和合이라
非一非異，
ᄒᆞ나 아니며 다ᄅᆞ디 아니호미
真如全體動故。心與生滅非異。
眞如 온 體 뮐ᄊᆡ ᄆᆞᅀᆞᆷ과 生滅왜 다ᄅᆞ디 아니ᄒᆞ며
而恒不變真性故。與生滅不一。
時常 眞性에 變티 아니ᄒᆞᆯᄊᆡ 生滅와 ᄒᆞᆫ가지 아니라
【疏】依楞伽經。以七識染法 為生滅。
棱伽經에 七識 染法으로 生滅을 삼고
以如來藏淨法 為不生滅。
如來藏 淨法^으로 不生滅을 사ᄆᆞ니
此二和合 為阿棃耶識。
이 둘히 和合ᄒᆞ야 阿梨耶識이 ᄃᆞ외니
以和合故。非一非異。
和合ᄒᆞᆯᄊᆡ ᄒᆞ나 아니며 다ᄅᆞ디 아니ᄒᆞ니라
【疏】非異門者。有三種。
다ᄅᆞ디 아니호미 세 가지 잇ᄂᆞ니
一。以本從末 明不異。
ᄒᆞ나ᄒᆞᆫ 本ᄋᆞ로 末 從ᄒᆞ요ᄆᆞ로 不異ᄅᆞᆯ ᄇᆞᆯ기니
없음
不異ᄂᆞᆫ 다ᄅᆞ디 아니ᄒᆞᆯ씨라
經云。如來藏 是善不善因。
經에 닐오ᄃᆡ 如來藏이 이 善不善因이니
能徧興造一切趣生。
能히 一切 趣生ᄋᆞᆯ 다 니르와다 짓ᄂᆞ니라 ᄒᆞ며
乃至下云。若生若滅等。
아래 닐오매 니르러 若^生 若滅이라 홈 ᄃᆞᆯ히라
又經云。佛性隨流 成別味等。
ᄯᅩ 經에 닐오ᄃᆡ 佛性이 流를 조차 各別ᄒᆞᆫ 마시 이ᄂᆞ니라 홈 ᄃᆞᆯ히라
二。攝末歸本 明不異。
둘흔 末ᄋᆞᆯ 거두자바 本애 가ᄆᆞ로 不異ᄅᆞᆯ ᄇᆞᆯ기니
經云。眾生即如也。
經에 닐오ᄃᆡ 衆生이 곧 如ㅣ라 ᄒᆞ며
又涅槃云。十二因緣。即佛性故。
ᄯᅩ 涅槃애 닐오ᄃᆡ 十二因緣이 곧 佛性이라 ᄒᆞ며
又十地論云。三界唯一心者。第一義諦也。
ᄯᅩ 十地論애 닐오ᄃᆡ 三界 오직 ᄒᆞᆫ ᄆᆞᅀᆞᄆᆞᆫ 第一義諦라 ᄒᆞ며
又此論下文云。四相本來平等。同一覺故。
ᄯᅩ 이 論 아래 닐오ᄃᆡ 四相이 本來 平等ᄒᆞ니 ᄒᆞᆫ가지로 ᄒᆞᆫ 覺 전ᄎᆡ라 ᄒᆞ며
又前即末之本。
ᄯᅩ 알ᄑᆡ 末애 나ᅀᅡ가 本애 가ᇙ뎬
本無別本故。
本^이 各別ᄒᆞᆫ 本이 업슬ᄊᆡ
唯有生滅。
오직 生滅이 잇고
更無別法可相異也。
ᄂᆞ외야 各別ᄒᆞᆫ 法이 어루 서르 달오미 업스며
後即本之末。
後에 本애 나ᅀᅡ가 末애 가ᇙ뎬
末無別末故。
末이 各別ᄒᆞᆫ 末이 업슬ᄊᆡ
唯有不生滅。
오직 不生滅이 잇고
亦無別法可相異也。
ᄯᅩ 各別ᄒᆞᆫ 法이 어루 서르 달오미 업스니라
三。本末平等 明不異。
세ᄒᆞᆫ 本末이 平等ᄒᆞ요ᄆᆞ로 不異ᄅᆞᆯ ᄇᆞᆯ기니
經云。甚深如來藏。而與七識俱。
經에 닐오ᄃᆡ 甚深 如來藏이 七識과 ᄒᆞᆫᄃᆡ 잇ᄂᆞ니라 ᄒᆞ며
又經云。阿棃耶識。名如來藏。
ᄯᅩ 經에 닐오ᄃᆡ 阿梨耶識이 일후미 如來藏이니
而與無明七識 共俱。如大海波。常不斷絕。
無明 七識과 ᄒᆞᆫᄃᆡ 이쇼미 ^ 바ᄅᆞᆳ 믌겨리 샤ᇰ녜 긋디 아니호미 ᄀᆞᆮ다 ᄒᆞ니라
又論云。
ᄯᅩ 論애 닐오ᄃᆡ
唯真不生。
ᄒᆞᆫ갓 眞이면 나디 아니코
單妄不成。
ᄒᆞᆫ갓 妄이면 이디 아니ᄒᆞᄂᆞ니
真妄和合。方有所為。
眞妄이 和合ᄒᆞ야ᅀᅡ ᄒᆞ욜 이리 잇ᄂᆞ니라 ᄒᆞ니
此則本末際限不分。故云不異也。
이ᄂᆞᆫ 本末 ᄀᆞᆺ그지 ᄂᆞᆫ호디 아니ᄒᆞᆯᄊᆡ 다ᄅᆞ디 아니타 니ᄅᆞ니라
【疏】不一義者。
ᄒᆞ나 아닌 ᄠᅳ든
即以前攝末之本。唯不生滅故。
곧 알ᄑᆡᆺ 末ᄋᆞᆯ 거두자바 本애 가미 오직 生滅이 아닐ᄊᆡ
與彼攝本之末。唯生滅法。而不一也。
뎌 本ᄋᆞᆯ 거두자바 末애 가미 오직 生滅法과 ᄒᆞ나 아니라
依是義故。經云。
이 ᄠᅳ들 브틀ᄊᆡ 經에 닐오ᄃᆡ
如來藏者。不在阿棃耶中。
如來藏ᄋᆞᆫ 阿梨耶 中에 잇디 아니ᄒᆞ니
是故 七識 有生有滅。
이럴ᄊᆡ 七識^ᄋᆞᆫ 有生 有滅ᄒᆞ고
如來藏者 不生不滅。
如來藏ᄋᆞᆫ 不生 不滅이라 ᄒᆞ야ᄂᆞᆯ
解云。
사겨 닐오ᄃᆡ
此中唯生滅 是七識。
이 中에 오직 生滅은 이 七識이오
唯不生滅 是如來藏。
오직 不生滅은 이 如來藏이니
二義既分。遂使棃耶 無別自體。故
두 ᄠᅳ디 ᄒᆞ마 ᄂᆞᆫ호아 梨耶ㅣ 各別ᄒᆞᆫ 제 體 업슬ᄊᆡ
云 不在中。
中에 잇디 아니타 ᄒᆞ니
此約不一義說。
이ᄂᆞᆫ ᄒᆞ나 아닌 ᄠᅳ들 자바 니ᄅᆞ디ᄫᅵ
非謂不和合。
和合디 아니타 ᄒᆞ야 니ᄅᆞ논 디 아니라
何以故。
엇뎨어뇨 ᄒᆞ란ᄃᆡ
此中 如來藏不生滅。即七識生滅之不生滅。故
이 中에 如來藏 不生滅이 곧 七識 生滅에 不生滅일ᄊᆡ
與自生滅 不一也。
自生滅와 ᄒᆞ나 아니며
七識生滅。即如來藏不生滅之生滅。故
七識 生^滅이 곧 如來藏 不生滅엣 生滅일ᄊᆡ
與自不生滅 亦不一也。
自不生滅와 ᄯᅩ ᄒᆞ나 아니라
此中 非直 不乖不異 以
이 中에 ᄒᆞᆫ갓 어긔디 아니ᄒᆞ며 다ᄅᆞ디 아니호ᄆᆞ로
明不一。