월인석보 11권
成一切種智。
一切 種智ᄅᆞᆯ 일우게 ᄒᆞ더시니
此敘燈明亦於一乘隨宜說三也。初中後者。指三乘之法。
初善 中善 後善은 三乘法을 니르니
皆應機契道無不善也。
다 機ᄅᆞᆯ 應ᄒᆞ야 道애 마자 몯 됴ᄒᆞ니 업슬씨라
藉權顯實故其義深遠。
權을 브터셔 實을 나토실ᄊᆡ 깁고 멀오
方便隨機故其語巧妙。
方便으로 機ᄅᆞᆯ 조ᄎᆞ실ᄊᆡ 工巧코 微妙ᄒᆞ고
本於一乘故純一無雜。
一乘에 根源ᄒᆞᆯᄊᆡ 섯근 것 업고
明菩薩行。故具足清白梵行之相。
菩薩行ᄋᆞᆯ ᄇᆞᆯ기실ᄊᆡ 梵行相이 ᄀᆞᄌᆞ니라
佛為大事出興。本說教菩薩法。故
부톄 큰 일 爲ᄒᆞ야 나샤미 本來 菩薩 ᄀᆞᄅᆞ치시논 法을 닐우리라 ᄒᆞ실ᄊᆡ
不待求
求호ᄆᆞᆯ 기^드리디 아니ᄒᆞ시니라
聲聞厭生死苦取滅諦小果。故進之於究竟涅槃。
聲聞은 生死苦ᄅᆞᆯ 슬히 너겨 滅諦 져근 果ᄅᆞᆯ 가질ᄊᆡ 究竟涅槃애 나ᅀᅩ시고
辟支利智菩薩大根。故成之以一切種智。
辟支ᄂᆞᆫ ᄂᆞᆯ카ᄫᆞᆫ 智오 菩薩ᄋᆞᆫ 큰 불휠ᄊᆡ 一切 種智ᄅᆞᆯ 일우시니
經已唱滅。
一切 種智ᄂᆞᆫ 부톄ᅀᅡ ᄀᆞᄌᆞ시니라
「次復有佛亦名日月燈明，
버거 부톄 겨샤ᄃᆡ ᄯᅩ 일후미 日月燈明이시고
次復有佛亦名日月燈明，
ᄯᅩ 버거 부톄 겨샤ᄃᆡ ᄯᅩ 일후미 日月燈明이러시니
如是二萬佛，皆同一字，號日月燈明，
이ᄀᆞ티 二萬 부톄 ^ 다 ᄒᆞᆫ가짓 字로 號ㅣ 日月燈明이시며
又同一姓，姓頗羅墮。
ᄯᅩ ᄒᆞᆫ가짓 姓이샤 姓이 頗羅墮ㅣ러시니
彌勒當知，
彌勒아 아라라
初佛後佛，皆同一字，名日月燈明，
첫 부텨 後ㅅ 부톄 다 ᄒᆞᆫ가짓 字로 일후미 日月燈明이시고
十號具足。所可說法，初中後善。
열 號ㅣ ᄀᆞᄌᆞ시고 니르시논 法이 初 中 後善이러시^니
其最後佛，未出家時有八王子：
ᄆᆞᆺ 後ㅅ 부톄 出家 아니ᄒᆞ야 겨시ᇙ 저긔 여듧 王子ᄅᆞᆯ 두겨샤ᄃᆡ
一名有意，
ᄒᆞᆫ 일후믄 有意오
二名善意，
둘찻 일후믄 善意오
三名無量意，
세찻 일후믄 無量意오
四名寶意，
네찻 일후믄 寶意오
五名增意，
다ᄉᆞᆺ찻 일후믄 增意오
六名除疑意，
여슷찻 일후믄 除疑意오
七名嚮意，
닐굽찻 일후믄 響意^오
八名法意。
여듧찻 일후믄 法意러시니
是八王子，威德自在，
이 여듧 王子ㅣ 威德이 自在ᄒᆞ샤
各領四天下。
各各 네 天下ᄅᆞᆯ 거느롓더시니
是諸王子，聞父出家，得阿耨多羅三藐三菩提，
이 王子ᄃᆞᆯ히 아바니미 出家ᄒᆞ샤 阿耨多羅三藐三菩提ᄅᆞᆯ 得ᄒᆞ시다 드르시고
悉捨王位亦隨出家，
다 王位ᄅᆞᆯ ᄇᆞ리시고 조^차 出家ᄒᆞ야
發大乘意，
大乘엣 ᄠᅳ들 發ᄒᆞ야
常修梵行，
샤ᇰ녜 조ᄒᆞᆫ ᄒᆡᇰ뎍 다ᄭᅡ
皆為法師，
다 法師ㅣ ᄃᆞ외샤
已於千萬佛所、殖諸善本。
ᄒᆞ마 千萬 부텨ᄭᅴ 믈읫 됴ᄒᆞᆫ 根源을 시므시니라
依燈明有八意。
燈明을 브터셔 여듧 意 겨샤ᄆᆞᆫ
表從妙明真心出妙觀察意。其用有八也。
妙明眞心을 브터셔 妙觀察意 나미 그 用이 여들비 잇ᄂᆞᆫ ᄃᆞᆯ 表ᄒᆞ니라
察은 ᄉᆞᆯ필씨라
妙心本空而能有用故名有意。此妙有也。
微妙ᄒᆞᆫ ᄆᆞᅀᆞ미 本來 뷔유ᄃᆡ 能히 龍이 이실ᄊᆡ 일후미 有意니 이ᄂᆞᆫ 妙有ㅣ라
出乎妙心用無不善故名善意。此妙善也。
微妙ᄒᆞᆫ ᄆᆞᅀᆞ매셔 나아 用이 몯 됴ᄒᆞ니 업슬ᄊᆡ 일후미 善意니 이ᄂᆞᆫ 妙善이라
量不可測名無量意。此妙量也。
量ᄋᆞᆯ 어루 아디 몯ᄒᆞᆯᄊᆡ 일후미 無量意니 이ᄂᆞᆫ 妙量이라
量ᄋᆞᆫ 그르시니 ᄠᅳ디 커 아디 몯ᄒᆞᆯ씨라
對境利用名寶意。此妙寶也。
境을 對ᄒᆞ야 利히 ᄡᅳᆯᄊᆡ 일후미 寶意니 이ᄂᆞᆫ 妙寶ㅣ라
觸類而長名增意。此妙增也。
類ᄅᆞᆯ 觸ᄒᆞ야 길울ᄊᆡ 일후미 增意니 이ᄂᆞᆫ 妙增이라
善能覺了名除疑意。此妙覺也。
이대 能히 알^ᄊᆡ 일후미 除疑意니 이ᄂᆞᆫ 妙覺이라
應物如響名響意。此妙響也。
物을 應호ᄃᆡ 뫼ᅀᅡ리 ᄀᆞᆮᄒᆞᆯᄊᆡ 일후미 響意니 이ᄂᆞᆫ 妙響이라
建立萬法名法意。此妙法也。
萬法을 셸ᄊᆡ 일후미 法意니 이ᄂᆞᆫ 妙法이라
領四天下者。
四天下 거느리샤ᄆᆞᆫ
未出家時未免物累也。
物의 ᄠᆡᄅᆞᆯ 몯 免ᄒᆞ실씨오
聞父得道捨位出家者。
出家ᄒᆞ샤ᄆᆞᆫ
離情去累乃趣正覺之表也。
情을 여희여 ᄠᆡᄅᆞᆯ 아ᅀᅡ 正覺애 가시ᄂᆞᆫ 表ㅣ라
心王出三界家。則八識之子隨出而為諸法師。亦若是矣。
이 心王이 三界 지븨 나면 八識 아ᄃᆞ리 조차 나 法師 ᄃᆞ외요미 ᄯᅩ 이 ᄀᆞᆮᄒᆞ리라
八識은 六識과 第七 末那識과 第八 阿賴耶識괘라
眼 耳 鼻 舌 身 意ᄂᆞᆫ 六根이오
色 聲 香 味 觸 法은 六塵이니
누네 보미 色塵이오
귀예 드로미 聲塵이오
고해 마토미 香塵이오
혀에 맛보미 味塵이오
모매 더러ᄫᅮ미 觸塵이오
ᄠᅳ데 着호미 法塵이니
어울워 十二處ㅣ라
ᄯᅩ 六識은 本來 제 ᄒᆞᆫ ᄆᆞᅀᆞ미로ᄃᆡ
六根ᄋᆞᆯ 다 브터 六識이 ᄃᆞ외ᄂᆞ니
보ᄆᆞᆯ 조차 眼識이 ᄃᆞ외며
드로ᄆᆞᆯ 조차 耳識이 ᄃᆞ외며
마토ᄆᆞᆯ 조차 鼻識이 ᄃᆞ외며
맛보ᄆᆞᆯ 조차 舌識이 ᄃᆞ외며
더러ᄫᅮ믈 조차 身識이 ᄃᆞ외며
分別호ᄆᆞᆯ 조차 意^識이 ᄃᆞ외ᄂᆞ니
根 塵 識이 어우러 十八界 ᄃᆞ외ᄂᆞ니라
識所變相 雖無量種。而能變識類 別唯三。
이 여듧 가짓 識이 세 가짓 能히 變호미 ᄀᆞᄌᆞ니
一謂異熟。
ᄒᆞ나ᄒᆞᆫ 異熟이니
異ᄂᆞᆫ 다ᄅᆞᆯ씨오 熟은 니글씨라
即第八識 多異熟性故。
곧 第八識 異熟性이 할ᄊᆡ니라
二謂思量。
둘흔 思量이니
即第七識 恒審思量故。
곧 第七識이 時常 子細히 思量ᄒᆞᆯᄊᆡ니라
三謂了境。
세ᄒᆞᆫ 了境이니
即前六識 了境相麁故。
곧 알ᄑᆡ 六識이 멀터ᄫᅵ 境을 알ᄊᆡ니라
없음
阿賴耶ᄂᆞᆫ 藏識이라 혼 마리니
없음
諸法 種ᄋᆞᆯ 能히 含藏ᄒᆞᆯᄊᆡ니라
能變 有二種。
能히 變호미 두 가지 잇ᄂᆞ니
一因能變。
ᄒᆞ나ᄒᆞᆫ 因能變^이니
謂第八識中 等流異熟。二因習氣。
第八識 中엣 等流와 異熟과 두 가짓 因엣 習氣ᄅᆞᆯ 니ᄅᆞ니
等流習氣 由七識中 善惡無記 熏令生長。
等流 習氣ᄂᆞᆫ 第七識中엣 善惡 無記 熏ᄒᆞ야 길어 낼씨오
無記ᄂᆞᆫ 아ᄌᆞᆯᄒᆞ야 아로미 업슬씨라
熏은 發ᄒᆞ며 닐윌씨라
異熟習氣 由六識中 有漏善惡 熏令生長。
異熟 習氣ᄂᆞᆫ 六識 中엣 有漏 善惡이 熏ᄒᆞ야 길어 낼씨라
二果能變。
둘흔 果能變이니
謂前二種習氣力故。有八識生 現種種相。
알ᄑᆡ 두 가짓 習氣力으로 八識이 나 種種 相 나토ᄆᆞᆯ 니ᄅᆞ니
等流習氣 為因緣故。八識體相 差別而生。
等流 習氣 因緣 젼ᄎᆞ로 八識 體相이 여러 가지로 나ᄂᆞ니
名等流果
일후미 等流果ㅣ니
果似因故。
果^ㅣ 因과 ᄀᆞᆮᄒᆞᆫ 젼ᄎᆡ라
果ㅣ 因과 ᄀᆞᆮᄒᆞᆯᄊᆡ 等流ㅣ라 ᄒᆞ니
等流는 ᄒᆞᆫ 주비라 혼 마리라
異熟習氣 為增上緣 感第八識。
異熟 習氣ᄂᆞᆫ 增上緣이 ᄃᆞ외야 第八識을 感ᄒᆞ야
酬引業力
引業을 갑논 히미
引ᄋᆞᆫ ᅘᅧᆯ씨니 引業은 아래 잇ᄂᆞ니라
恒相續故
時常 서르 니ᅀᅳᆯᄊᆡ
立異熟名。
異熟 일후믈 지흐니라
感前六識 酬滿業者 從異熟起
알ᄑᆡᆺ 六識을 感ᄒᆞ^야 滿業 갑논 거스란 異熟을 브터셔 닐ᄊᆡ
名異熟生。
異熟生이라 일훔 지코
不名異熟 有間斷故。
異熟이라 일훔 아니 지호ᄆᆞᆫ 긋드루미 이실ᄊᆡ니
即前異熟 及異熟生 名異熟果
異熟과 異熟生ᄋᆞᆯ 異熟果ㅣ라 일훔 짇ᄂᆞ니
果異因故。
果ㅣ 因과 다ᄅᆞᆯᄊᆡ니라
因ᄋᆞᆫ 前生앳 善惡業이라
又第八識 本無阿賴耶名。
ᄯᅩ 第八識이 本來 阿賴耶 일후미 업거늘
由第七 執第八見分 為我。