월인석보 11권
開佛知見莫先於此。
부텻 知見을 여르샤ᇙ뎬 이ᅌᅦ셔 앏셔니 업스시니
餘各表此經之一德也。
년근 各各 이 經의 ᄒᆞᆫ 德을 表ᄒᆞ니라
表ᄂᆞᆫ 밧기니 나토다 혼 ᄠᅳ디라
觀音助智行悲。
觀音은 智ᄅᆞᆯ 도ᄫᅡ 悲ᄅᆞᆯ 行ᄒᆞ시고
大勢具大德用。
大勢ᄂᆞᆫ 큰 德用이 ᄀᆞᄌᆞ시고
精進念不退轉。
精進ᄋᆞᆫ 念이 므르디 아니ᄒᆞ시고
不息億劫勤修。
不息은 億劫을 브^즈러니 닷ᄀᆞ시고
寶掌掌握法寶。
寶掌ᄋᆞᆫ 法寶ᄅᆞᆯ 소ᇇ바다ᇰ애 쥐시고
藥王應機發藥。
藥王은 機ᄅᆞᆯ 조차 藥ᄋᆞᆯ 내시고
勇施一切能捨。
勇施ᄂᆞᆫ 一切ᄅᆞᆯ 能히 ᄇᆞ리시고
寶月覺體明淨。
寶月은 覺體 ᄇᆞᆯ가 조ᄒᆞ시고
月光能除癡闇。
月光은 어린 어두ᄫᅮᄆᆞᆯ 잘 더ᄅᆞ시고
滿月兼上二德。
滿月은 웃 두 德을 兼ᄒᆞ시고
大力負荷大法。
大力은 큰 法을 지여 메시고
無量力對境不動。
無量力은 境을 對ᄒᆞ야셔 뮈디 아니ᄒᆞ시고
越三界不現身意。
越三界ᄂᆞᆫ 身意ᄅᆞᆯ 現티 아니ᄒᆞ시고
跋陀羅善護正見。
跋陀羅ᄂᆞᆫ 正見을 이대 護念ᄒᆞ시고
彌勒以慈續佛。
彌勒은 慈로 부텨ᄅᆞᆯ 니ᅀᅳ시고
寶積能聚能利。
寶績은 能히 모도고 能히 利^ᄒᆞ시고
導師導邪入正。
導師ᄂᆞᆫ 邪ᄅᆞᆯ ᅘᅧ 正에 드리시니
此八萬之上首一經之表法也。
이 八萬 菩薩ㅅ 上首ㅣ ᄒᆞᆫ 經엣 表法이라
蓋由大智開佛知見。
大智로 부텻 知見 여로ᄆᆞᆯ 브터
而助智以悲歷備眾德。
智ᄅᆞᆯ 도ᄫᅩᄃᆡ 悲로 ᄒᆞ며 여러 德을 ᄀᆞ초 디내야
乃至導邪入正。
邪ᄅᆞᆯ ᅘᅧ 正에 드료매 니를면
則一乘之體具萬行之用全矣。
一乘의 體 ᄀᆞᄌᆞ며 萬行ᄋᆡ 用이 올리라
不列普賢者。自觀音已下皆普賢之行。
普賢을 아니 버료믄 觀音ᄋᆞ롯 아래 다 普賢行이어신마ᄅᆞᆫ
但初且以智立體開佛知見。
오직 처ᅀᅥ믄 아직 智로 體ᄅᆞᆯ 셰여 부텻 知見을 열오
終至以行成德。乃見普賢
乃終애 行ᄋᆞ로 德 일우메 다ᄃᆞ라ᅀᅡ 普賢을 나토니
各專表也。
各各 오로 表ᄒᆞ니라
爾時釋提桓因，與其眷屬二萬天子俱。
그^제 釋提桓因이 眷屬 二萬 天子 ᄃᆞ려 와 이시며
復有名月天子、普香天子、寶光天子、四大天王，
ᄯᅩ 名月天子와 [ᄃᆞ리라] 普香天子와 [벼리라] 寶光天子와[ᄒᆡ라] 四大天王이
與其眷屬萬天子俱。
眷屬 萬 天子 ᄃᆞ려 와 이시며
自在天子、大自在天子，
自在天子와 [化樂天 主ㅣ라] 大自在^天子ㅣ[他化天 主ㅣ라]
與其眷屬三萬天子俱。
眷屬 三萬 天子 ᄃᆞ려 와 이시며
娑婆世界主梵天王——尸棄大梵、
娑婆世界 主梵天王 尸棄大梵과
尸棄ᄂᆞᆫ 大梵天王ㅅ 일후미니 初禪 三天 王이라
二禪으롯 우흔 말ᄊᆞ미 업슬ᄊᆡ 大梵天王이 娑婆世界ᄅᆞᆯ ᄀᆞᅀᆞᆷ아ᄂᆞ니라
光明大梵等，
光明大梵ᄃᆞᆯ히
二禪 三千 王이니
오직 ^ 無量心을 더 닷가
果報ㅣ 어디러
王이 ᄃᆞ외디ᄫᅵ ᄀᆞᅀᆞᆷ아논 ᄃᆡᆫ 업스니라
無量ᄋᆞᆫ 慈悲喜捨 四無量이라
與其眷屬萬二千天子俱。
眷屬 萬 二千 天子 ᄃᆞ려 와 이시며
有八龍王——難陀龍王、跋難陀龍王、娑伽羅龍王、
여듧 龍王 難陀龍王과 跋難陀龍王과 娑伽羅龍王과
和脩吉龍王、德叉迦龍王、阿那婆達多龍王、
和修吉龍王과 德叉迦龍王^과 阿那婆達多龍王과
摩那斯龍王、優鉢羅龍王等，各與若干百千眷屬俱。
摩那斯龍王과 優鉢羅龍王ᄃᆞᆯ히 各各 若干 百千 眷屬 ᄃᆞ려 와 이시며
難陀此云喜。
難陀ᄂᆞᆫ 깃브다 혼 마리오
跋云賢。
跋ᄋᆞᆫ 어디다 혼 마리니
以時雨喜物有賢德故。
時節ㅅ 비로 萬物을 깃겨 어딘 德이 잇다 혼 ᄠᅳ디라
二龍乃目連所降者。
이 두 龍이 兄弟니 目連의 降服ᄒᆡ온 龍이라
娑伽羅云海。
娑伽羅ᄂᆞᆫ 바ᄅᆞ리라 혼 마리^오
和修吉云多頭。
和修吉ᄋᆞᆫ 머리 하다 혼 마리오
德叉迦云現毒。
德叉迦ᄂᆞᆫ 毒 내ᄂᆞ다 혼 마리오
阿耨達池名。
阿那婆達多ᄅᆞᆯ 그르 닐어 阿耨達이라 ᄒᆞᄂᆞ니 熱惱ㅣ 업다 혼 마리니 못 일후미라
其餘諸龍，受快樂時，即有熱沙，墮其身上，
녀느 龍ᄋᆞᆫ 快樂 受ᄒᆞᇙ 時節에 더ᄫᅳᆫ 몰애 몸 우희 ᄠᅥ러디거든
彼等諸龍，皆失天形色，
뎌 龍ᄃᆞᆯ히 하ᄂᆞᆳ 形色ᄋᆞᆯ 일코
現蛇形色，
ᄇᆡ야ᄆᆡ 形色ᄋᆞᆯ 現ᄒᆞ며
所有諸龍，遊戲樂時，金翅鳥王，飛入其宮，
ᄯᅩ 노녀 즐기ᇙ 時節에 金翅鳥ㅣ ᄂᆞ라 宮의 들어든
以恐怖故，即失天色，
두리여 하ᄂᆞᆳ 形色 일코
現蛇形色，
ᄇᆡ야ᄆᆡ 形色^ᄋᆞᆯ 現ᄒᆞᄂᆞ니
阿耨達多龍王不爾
阿耨達龍王ᄋᆞᆫ 이 이리 다 업스니라
若金翅鳥，生如是心：『我今欲入阿耨達多龍王宮殿。』
ᄒᆞ다가 金翅鳥ㅣ 阿耨達龍王宮의 들오져 ᄒᆞ면
時彼金翅，以報劣故即自受苦，
즉자히 제ᅀᅡ 受苦ᄒᆞᄂᆞ니라
摩那斯云大身。
摩那斯ᄂᆞᆫ 큰 모미라 혼 마리오
優鉢羅云青蓮池。
優鉢羅ᄂᆞᆫ 이 龍이 靑蓮 모새 이실ᄊᆡ 일훔 지흐니라
若干即不定數。謂不勝數也。
若干ᄋᆞᆫ 一定티 아니ᄒᆞᆫ 數ㅣ니 몯 니르혤씨라
有四緊那羅王——法緊那羅王、妙法緊那羅王、
네 緊那羅王 法緊那羅王과 妙法緊那羅王과
大法緊那羅王、持法緊那羅王，
大法緊那^羅王과 持法緊那羅王이
各與若干百千眷屬俱。
各各 若干 百千 眷屬 ᄃᆞ려 와 이시며
緊那此云疑神。似人而有角可疑。亦云歌神。隨佛說法皆能歌之。故
緊那羅ㅣ 부톄 說法ᄒᆞ신다마다 다 能히 놀애 브를ᄊᆡ
皆名法也。
다 일후ᄆᆞᆯ 法이라 ᄒᆞ니
法緊歌四諦。
法緊ᄋᆞᆫ 四諦ᄅᆞᆯ 브르고
妙緊歌十二緣。
妙緊ᄋᆞᆫ 十二 因緣을 브르고
大緊歌六度。
大緊ᄋᆞᆫ 六度ᄅᆞᆯ 브르고
持緊歌一乘。
持緊ᄋᆞᆫ 一乘ᄋᆞᆯ 브르ᄂᆞ니라
有四乾闥婆王——樂乾闥婆王、
네 乾闥婆王 樂乾闥婆^王과
樂音乾闥婆王、美乾闥婆王、美音乾闥婆王，
樂音乾闥婆王과 美乾闥婆王과 美音乾闥婆王이
各與若干百千眷屬俱。
各各 若干 百千 眷屬 ᄃᆞ려 와 이시며
樂謂歌舞等伎。
樂ᄋᆞᆫ 푸ᇰᄅᆔ니 놀애 춤 等엣 ᄌᆡ죄라
樂音謂鼓節絃管。
樂音은 푸ᇰ륫 소리니 붑 티ᄂᆞᆫ ᄆᆞᄃᆡ며 시우대ᄅᆞᆯ 니르니라
美即伎中勝者。
美ᄂᆞᆫ 아ᄅᆞᆷ다ᄫᆞᆯ씨니 푸ᇰ륫 ᄌᆡ좃 中에 ᄆᆞᆺ 잘 ᄒᆞᆯ씨라
美音音中勝者。
美音은 푸ᇰ륫 소릿 中에 ᄆᆞᆺ 됴ᄒᆞᆯ씨라
有四阿修羅王——婆稚阿修羅王、
네 阿^脩羅王 婆稚阿脩羅王과
佉羅騫馱阿修羅王、毘摩質多羅阿修羅王、羅睺阿修羅王，
佉羅騫馱阿脩羅王과 毗摩質多羅阿脩羅王과 羅睺阿脩羅王이
各與若干百千眷屬俱。
各各 若干 百千 眷屬 ᄃᆞ려 와 이시며
婆稚云有縛。
婆稚ᄂᆞᆫ 얽ᄆᆡᅇᅵ다 혼 마리니
好鬬戰故。
싸호ᄆᆞᆯ 즐겨
없음
제 軍 알ᄑᆡ 가다가 帝釋^손ᄃᆡ ᄆᆡᅇᅵᄂᆞ니라
佉羅云廣肩。
佉羅騫馱ᄂᆞᆫ 엇게 넙다 혼 마리니
涌海水者。
바ᄅᆞᆳ 므를 소사오ᄅᆞ게 ᄒᆞᄂᆞ니라
毗摩質多云海水波音。
毗摩質多ᄂᆞᆫ 바ᄅᆞᆳ 믌겴 소리라 혼 마리니
擊海波者。
바ᄅᆞᆳ 므를 텨 겨를 니르왇ᄂᆞ니라
羅睺云障蔽。
羅睺ᄂᆞᆫ ᄀᆞ리오다 혼 마리니
能障日月。
能히 ᄒᆡ ᄃᆞᄅᆞᆯ ᄀᆞ리오ᄂᆞ니
없음
帝釋의 알ᄑᆡᆺ 軍이 몬져 日光ᄋᆞᆯ 펴아
없음
脩羅ᄋᆡ 누늘 쏘아
없음
天衆을 보디 몯게 ᄒᆞ야ᄃᆞᆫ
없음