월인석보 12권
모로매 劫을 디내야 부텨 供養ᄒᆞᅀᆞᄫᆞ며 菩薩道 行ᄒᆞ야
所以廓其大心成就萬德。
큰 ᄆᆞᄉᆞᄆᆞᆯ 너펴 萬德을 일우오ᇙ디니
萬德圓備乃成十號具足之佛。
萬德이 ᄀᆞ자ᅀᅡ 十號 ᄀᆞᄌᆞ신 부톄 ᄃᆞ외시ᄂᆞ니
非自性天真之佛比矣。
自性天眞佛의 가ᄌᆞᆯ비ᅀᆞᄫᅩᇙ 디 아니라
若此頓教所謂過無量不思議劫者。
頓敎론 無量 不思議 劫 디나다 호ᄆᆞᆫ
直約正智。頓斷無明
바ᄅᆞ 正智 無明을 다 그처 ᄇᆞ려
頓圓種智。
種智 다 두려ᄫᅳ면
則無邊劫迷一時頓滅。
無邊 劫엣 迷惑이 一時^예 다 업스리니
是謂過無邊劫成佛。
이ᄅᆞᆯ 니ᄅᆞ샨 無邊 劫을 디나 成佛ᄒᆞ리라 ᄒᆞ샤미라
國名離垢，
나랏 일후믄 離垢ㅣ오
離垢ᄂᆞᆫ ᄠᆡᄅᆞᆯ 여흴씨라
其土平正，清淨嚴飾，
그 ᄯᅡ히 平正ᄒᆞ고 淸淨히 싁싀기 ᄭᅮ미며
安隱豐樂，
安隱ᄒᆞ고 豊樂ᄒᆞ며
安隱은 便安ᄒᆞᆯ씨오
豊ᄋᆞᆫ 가ᅀᆞ멸씨오
樂ᄋᆞᆫ 즐거ᄫᅳᆯ씨라
天人熾盛。
天人이 盛ᄒᆞ며
琉璃為地，
瑠璃 ᄯᅡ히 ᄃᆞ외오
有八交道，黃金為繩以界其側。
여듧 거릿 길헤 黃^金으로 노ᄒᆞᆯ ᄭᅩ아 그 ᄀᆞᅀᅢ 느리고
其傍各有七寶行樹，常有華菓。
그 겨틔 各各 七寶行樹에 샤ᇰ녜 곳과 여름괘 잇거든
華光如來亦以三乘教化眾生。
華光如來 ᄯᅩ 三乘ᄋᆞ로 衆生ᄋᆞᆯ 敎化ᄒᆞ리니
「舍利弗！彼佛出時，雖非惡世，
舍利弗아 뎌 부텻 時節은 모딘 뉘 아니언마ᄅᆞᆫ
以本願故，說三乘法。
本願 젼ᄎᆞ로 三乘法을 니^르리라
其劫名大寶莊嚴。
그 劫ㅅ 일후믄 大寶莊嚴이니
何故名曰大寶莊嚴？
엇뎨 일후믈 大寶莊嚴이라 ᄒᆞ거뇨
其國中以菩薩為大寶故。
그 나라해셔 菩薩로 큰 보ᄇᆡᄅᆞᆯ 삼논 젼ᄎᆡ라
劫國莊嚴皆因行依報也。
劫과 나라콰ᄋᆡ 莊嚴은 다 因行ᄋᆡ 依報ㅣ라
依ᄂᆞᆫ 브틀씨니
브터 냇ᄂᆞᆫ ᄯᅡᄒᆞᆫ 依報ㅣ오
ᄃᆞ외야 냇ᄂᆞᆫ 모ᄆᆞᆫ 正報ㅣ라
身子因行以大智為本。
舍利弗이 因行애 大智로 미틀 사ᄆᆞᆯᄊᆡ
故國名離垢。
나랏 일후미 ᄠᆡᄅᆞᆯ 여희다 ᄒᆞ고
因行發明教菩薩法。
因行애 菩薩 ᄀᆞᄅᆞ치시논 法을 發明ᄒᆞᆯᄊᆡ
故劫名大寶莊嚴。
劫 일후미 大寶莊嚴이라
清淨嚴飾則無諸穢土。
淸淨히 싁싀기 ᄭᅮ미면 더러ᄫᅳᆫ ᄒᆞᆯ기 업고
安隱豐樂則無三災苦。
安隱豊樂ᄒᆞ면 三災苦ㅣ 업고
天人熾盛則無三惡道。
天人이 盛ᄒᆞ면 三惡道ㅣ 업스리라
有八交道等者。八正道之所會也。
여듧 거릿 길ᄒᆞᆫ 八正道ᄋᆡ 모도미오
七寶行樹等者。七覺支之所生也。
七寶行樹는 七覺支의 내요미니
凡諸佛依報皆然。
諸佛ㅅ 依報ㅣ 다 그러ᄒᆞ시니
葢因行所同也。
因行이 ᄀᆞᄐᆞ실ᄊᆡ니라
若眾生依報則國名堪忍。
衆生의 依報ᄂᆞᆫ 나랏 일후믄 堪^忍이오
堪忍은 어루 ᄎᆞᆷ다 혼 마리니
娑婆世界 衆生이 三毒과 녀나ᄆᆞᆫ 煩惱ᄅᆞᆯ 잘 ᄎᆞ마 受ᄒᆞᆯᄊᆡ 忍土ㅣ라 ᄒᆞᄂᆞ니라
劫名五濁。
劫 일후믄 五濁이오
其土坑坎沙礫為地。亦因行所同也。
그 ᄯᅡ해 굳과 沙礫이 ᄯᅡ히 ᄃᆞ외니 ᄯᅩ 因行이 ᄀᆞᄐᆞᆯᄊᆡ니라
反而求之
도ᄅᆞᅘᅧ 求ᄒᆞ면
離垢清淨之相。皆即心地
離垢淸淨ᄒᆞᆫ 相이 다 곧 心地며
安隱豐樂之事。無非性德。
安隱豊樂ᄒᆞᆫ 이리 性德 아니니 업서
染淨轉變常存乎人。
더러ᄫᅳ며 조호ᄆᆡ 올마 變호미 샤ᇰ녜 사ᄅᆞᄆᆡ게 잇ᄂᆞ니
使眾生不為堪忍苦。
衆生이 堪忍苦ᄅᆞᆯ ᄒᆞ디 아^니ᄒᆞ며
不起五濁業
五濁業을 니르왇디 아니ᄒᆞ며
不行邪諂行。
邪諂行ᄋᆞᆯ 行티 아니ᄒᆞ면
則真離垢平正安隱豐樂之國矣。
眞實ㅅ 離垢平正 安隱豊樂ᄒᆞᆫ 나라히리라
彼諸菩薩，無量無邊，不可思議，
뎌 菩薩ᄃᆞᆯ히 無量無邊 不可思議라
算數譬喻所不能及，
算數譬喩의 몯 미츠ᇙ 배니
非佛智力無能知者。
부텻 智力 아니면 能히 알 리 업스리라
若欲行時，寶華承足。
ᄃᆞᆮ뇨려 ᄒᆞᇙ 저긔 보ᄇᆡ옛 고지 바ᄅᆞᆯ 바ᄃᆞ리니
此諸菩薩，非初發意，
이 菩^薩ᄃᆞᆯ히 첫 發意 아니라
皆久殖德本，
다 德 根源을 오래 심거
於無量百千萬億佛所淨修梵行，
無量 百千萬億 부텨ᄭᅴ 梵行을 조히 닷가
恒為諸佛之所稱歎。
長常 諸佛이 일ᄏᆞ라 讚歎ᄒᆞ샤미 ᄃᆞ외야
常修佛慧，
샤ᇰ녜 佛慧ᄅᆞᆯ 닷가
具大神通，
큰 神通이 ᄀᆞ자
善知一切諸法之門，
一切 法門ᄋᆞᆯ 잘 아라
質直無偽，
고다 거츤 줄 ^ 업스며
志念堅固。
ᄠᅳᆮ 念이 구더
如是菩薩，充滿其國。
이런 菩薩이 그 나라해 ᄀᆞᄃᆞᆨᄒᆞ리라
「舍利弗！華光佛壽十二小劫，
舍利弗아 華光佛ㅅ 목수믄 열두 小劫이리니
除為王子未作佛時。
王子 ᄃᆞ외야 부텨 몯 ᄃᆞ외야 이시ᇙ 저근 더니라
其國人民，壽八小劫。
그 나랏 사ᄅᆞᄆᆡ 목수믄 여듧 小劫이리라
華光如來過十二小劫，
華光如來 열두 小劫 디나
授堅滿菩薩阿耨多羅三藐三菩提記。
堅滿菩薩ᄋᆞᆯ 阿耨多羅三藐三菩提記ᄅᆞᆯ 授ᄒᆞ야
告諸比丘：
比丘ᄃᆞᆯᄃᆞ려 닐오ᄃᆡ
『是堅滿菩薩次當作佛，
이 堅滿菩薩이 버거 부톄 ᄃᆞ외야
號曰華足安行、多陀阿伽度、阿羅訶、三藐三佛陀，
號ᄅᆞᆯ 華足安行多陀阿伽度阿羅訶三藐三佛陀ㅣ라 ᄒᆞ리니
其佛國土，亦復如是。
그 부^텻 나라토 ᄯᅩ 이 ᄀᆞᆮᄒᆞ리라
法華妙道本於燈明。
法華妙道ㅣ 燈明ᄭᅴ 根源ᄒᆞ야
傳於妙光繼於然燈。
妙光ᄭᅴ 傳持ᄒᆞ야 然燈ᄭᅴ 니ᅀᅥ
佛佛授手
부텨와 부텨왜 소ᄂᆞᆯ 심기시며
光光相續。
光明과 光明괘 서르 니ᅀᆞ실ᄊᆡ
故身子得之而記號華光。
舍利弗이 得ᄒᆞ야 記號ᄅᆞᆯ 華光이라 ᄒᆞ니
葢發明是道。使有目者共覩也。
이 道ᄅᆞᆯ 發明ᄒᆞ야 눈 뒷ᄂᆞ니 모다 보게 ᄒᆞ니라
堅滿得之又號華足安行。
堅滿이 得ᄒᆞ야 ᄯᅩ 號ᄅᆞᆯ 華足安行이라 ᄒᆞ면
則率循是道使有趾者共由也。
이 道ᄅᆞᆯ 조차 발 뒷ᄂᆞ니 모다 녀게 ᄒᆞ니라
至於其國菩薩。
그 나랏 菩薩行애 니르러
行則寶華承足。則從其化者。莫不由是道也。
보ᄇᆡ옛 고지 바ᄅᆞᆯ 바ᄃᆞ면 그 敎化 조ᄎᆞᇙ 사ᄅᆞ미 이 道애 ^ 녀디 아니ᄒᆞ리 업스니라
抑記號華足安行。取其帶果行因也。
ᄯᅩ 記號ㅣ 華足安行ᄋᆞᆫ 果ᄅᆞᆯ 가져셔 因 行호ᄆᆞᆯ 取ᄒᆞ고
取ᄂᆞᆫ 가질씨니 ᄇᆞ리디 아니ᄒᆞ논 ᄠᅳ디라
菩薩寶華承足。
菩薩이 보ᄇᆡ옛 고지 발 바도ᄆᆞᆫ
取其藉因趍果也。
因을 브터 果애 가ᄆᆞᆯ 取ᄒᆞ니
因果互為始終。
因果ㅣ 서르 처ᅀᅥᆷ 乃終이 ᄃᆞ외야
展轉不離是道。
올맘 이 道애 여희디 아니호ᄆᆞᆫ
欲續而不泯。
니ᅀᅥ 긋디 아니케 코져 ᄒᆞ실ᄊᆡ
故有轉記。
옮겨 記ᄒᆞ샤미 잇ᄂᆞ니라
「舍利弗！
舍利弗아
是華光佛滅度之後，正法住世三十二小劫，
華光佛 滅度ᄒᆞᆫ 後^에 正法이 世間애 이쇼ᄆᆞᆫ 셜흔두 小劫이오
像法住世亦三十二小劫。」
像法이 世間애 이숌도 셜흔두 小劫이리라
法初盛行。人能以現量體悟為正。
法이 처ᅀᅥᆷ 盛히 行ᄒᆞᇙ 저긘 사ᄅᆞ미 能히 現量ᄋᆞ로 體得ᄒᆞ야 아로미 正이오
相宗明三種量。
量이 세 가지니
一現量。唯約佛果起
ᄒᆞ나ᄒᆞᆫ 現量이니 佛果ᄅᆞᆯ 자바 니ᄅᆞ니라
後得智見實相理有二。