월인석보 12권
若生天上，及在人間，
ᄒᆞ다가 天上애 나거나 人間애 잇거나 ᄒᆞ야도
貧窮困苦、
貧窮困苦와
貧ᄋᆞᆫ 艱難ᄒᆞᆯ씨오
窮ᄋᆞᆫ 호ᇙ 術이 다ᄋᆞᆯ씨라
愛別離苦、
愛別離苦와
愛^別離ᄂᆞᆫ ᄃᆞᆺ오니 여흴씨라
怨憎會苦，
寃憎會苦와
寃憎會ᄂᆞᆫ 寃讎 믜ᄫᅳᆫ 거시 모ᄃᆞᆯ씨라
如是等種種諸苦。眾生沒在其中，
이러틋 ᄒᆞᆫ 種種 苦애 衆生이 ᄌᆞ마 이셔
歡喜遊戲，不覺不知、
즐겨 노녀 아디 몯ᄒᆞ며
不驚不怖，
두리디 아니ᄒᆞ며
亦不生厭，
슬히 너기디 아니ᄒᆞ며
不求解脫。
버서나ᄆᆞᆯ 求티 아니ᄒᆞ야
於此三界火宅東西馳走，
이 三界 火宅애 東西로 ᄃᆞᆮ녀
雖遭大苦，不以為患。
비록 큰 受苦^ᄅᆞᆯ 맛나도 시름 아니ᄒᆞᄂᆞ니라
此備舉三界火宅苦狀。
三界 火宅ᄋᆡ 受苦ㅅ 야ᇰᄌᆞᄅᆞᆯ ᄀᆞ초 드러 니ᄅᆞ샤
該三世六道因果也。
三世 六道ㅅ 因果ᄅᆞᆯ ᄀᆞ초 니ᄅᆞ시니
生老病死憂悲苦惱為果
生老病死 憂悲苦惱ᄂᆞᆫ 果ㅣ니
業。屬前因。五欲財利追求等苦為因
業이 前因에 븓고 五欲財利와 미조차 求ᄒᆞ논 苦ᄃᆞᆯᄒᆞᆫ 因이니
業。屬後果。
業이 後果애 브트니
畜生餓鬼天上人間。即緣上因果成六道業。
畜生 餓鬼 天上 人間ᄋᆞᆫ 우흿 因果ᄅᆞᆯ 브터 六道業이 이니
化為異類淪替不停。實可警怖。
다ᄅᆞᆫ 類 ᄃᆞ외야 ᄭᅥ듀미 머므디 아니호미 實로 놀라 두리염직ᄒᆞ거늘
彼且喜而不厭
뎌ᄂᆞᆫ 깃거 슬히 아니 너겨
遭而不患。
맛나도 시름 ^ 아니ᄒᆞ니
實癡暗所蔽也。
어리여 어드ᄫᅮᄆᆡ ᄀᆞ리요미라
「舍利弗！
舍利弗아
佛見此已，便作是念：
부톄 이ᄅᆞᆯ 보고 너교ᄃᆡ
『我為眾生之父，
내 衆生ᄋᆡ 아비 ᄃᆞ외야 잇노니
應拔其苦難，與無量無邊佛智慧樂，令其遊戲。』
苦難애 ᄲᅡᅘᅧ 無量無邊 佛智慧樂ᄋᆞᆯ 주어 노니게 호리라
「舍利弗！
舍利弗아
如來復作是念：
如來 ᄯᅩ 너교ᄃᆡ
『若我但以神力及智慧力，捨於方便，
ᄒᆞ다가 내 다ᄆᆞᆫ 神力과 智慧力으로 方^便 ᄇᆞ리고
為諸眾生讚如來知見、力無所畏者，
衆生 爲ᄒᆞ야 如來ㅅ 知見과 力과 無所畏ᄅᆞᆯ 讚歎ᄒᆞ면
眾生不能以是得度。
衆生이 일로 得度 몯ᄒᆞ리라
無邊佛慧樂。即一乘法樂。
無邊 佛慧樂ᄋᆞᆫ 곧 一乘法樂이오
如來知見力無所畏。即一乘法體。
如來ㅅ 知見力 無所畏ᄂᆞᆫ 곧 一乘法體니
雖足以拔苦。然非凡夫事故。
비록 足히 受苦애 ᄲᅡᅘᅧ나 凡夫의 이리 아닐ᄊᆡ
不能以是得度。
일로 得度 몯ᄒᆞ리라 ᄒᆞ시니라
所以者何？
엇뎨어뇨 ᄒᆞ란^ᄃᆡ
是諸眾生，未免生老病死、憂悲苦惱，
이 衆生ᄃᆞᆯ히 生老病死 憂悲苦惱ᄅᆞᆯ 免티 몯ᄒᆞ야
而為三界火宅所燒；
三界 火宅ᄋᆡ ᄉᆞᆯ요미 ᄃᆞ외얫거니
何由能解佛之智慧？』
엇뎨 能히 부텻 智慧ᄅᆞᆯ 알리오
「舍利弗！
舍利弗아
如彼長者，雖復身手有力而不用之，
뎌 長者ㅣ 비록 몸과 손괘 히미 이셔도 ᄡᅳ디 아니ᄒᆞ고
但以慇懃方便勉濟諸子火宅之難，然後
오직 브즈러니 方便으로 ^ 아ᄃᆞᆯᄃᆞᆯᄒᆞᆯ 火宅難애 힘 ᄡᅥ 거리츤 後에ᅀᅡ
各與珍寶大車。
各各 珍寶大車 주미 ᄀᆞᆮᄒᆞ야
如來亦復如是，
如來 ᄯᅩ 이 ᄀᆞᆮᄒᆞ야
雖有力、無所畏而不用之，
비록 力과 無所畏ᄅᆞᆯ 두어도 ᄡᅳ디 아니ᄒᆞ고
但以智慧方便，於三界火宅拔濟眾生，
오직 智慧方便으로 三界 火宅애 衆生ᄋᆞᆯ ᄲᅡᅘᅧ 거리처
為說三乘——聲聞、辟支佛、佛乘，
三乘 聲聞 ^ 辟支佛 佛乘을 爲ᄒᆞ야
而作是言：
닐어 이 마ᄅᆞᆯ 호ᄃᆡ
『汝等莫得樂住三界火宅，
너희ᄃᆞᆯ히 三界 火宅애 즐겨 잇디 말며
勿貪麁弊色聲香味觸也。
멀텁고 헌 色 聲 香 味 觸ᄋᆞᆯ 貪티 말라
若貪著生愛，則為所燒。
ᄒᆞ다가 貪著ᄒᆞ야 ᄃᆞᆺ온 ᄠᅳᆮ 내면 ᄉᆞᆯ요미 ᄃᆞ외리라
色等五欲俗以為軟美。
色 等 五欲ᄋᆞᆯ 世俗이 보ᄃᆞ랍고 이든 것만 너기건마ᄅᆞᆫ
為皆幻惑濁惡能發業苦。
實로 블 닐위ᇙ ᄀᆞᅀᆞ미라
汝速出三界，
네 三界예 ᄲᆞᆯ리 나면
當得三乘——聲聞、辟支佛、佛乘。
三乘 聲聞 辟支佛 佛乘을 반ᄃᆞ기 得ᄒᆞ리니
我今為汝保任此事，』
내 이제 너 爲ᄒᆞ야 이 이ᄅᆞᆯ 믿비 니르노니
終不虛也。
乃終내 虛티 아니ᄒᆞ리라
汝等但當勤修精進。』
너희ᄃᆞᆯ히 오직 브즈러니 닷가 精進ᄒᆞ라 ᄒᆞ야
如來以是方便誘進眾生，
如來 이 方便으^로 衆生ᄋᆞᆯ 달애야 나ᅀᅩ고
復作是言：
ᄯᅩ 닐오ᄃᆡ
『汝等當知
너희 알라
此三乘法，皆是聖所稱歎，
이 三乘法은 다 聖人ㅅ 일ᄏᆞ라 讚歎ᄒᆞ시논 거시라
自在無繫，
自在ᄒᆞ야 ᄆᆡ인 ᄃᆡ 업스며
無所依求。
브터 求호미 업스니
乘是三乘，
이 三乘을 ᄐᆞ면
以無漏根、力、覺、道、禪定、解脫、三昧等
漏 업슨 根과 力과 覺과 道와 禪과 定과 解脫와 三昧^ᄃᆞᆯᄒᆞ로
而自娛樂，便得無量安隱快樂。
제 즐겨 그지업슨 便安코 快樂호ᄆᆞᆯ 得ᄒᆞ리라
示以三乘而讚其法。
三乘을 뵈샤 그 法을 讚歎ᄒᆞ샤
使向慕也。
向ᄒᆞ야 ᄉᆞ라ᇰ케 ᄒᆞ시니라
此三乘法聖所稱歎者。諸佛共尊也。能離生死故自在無繫。
三乘法이 能히 生死ᄅᆞᆯ 여흴ᄊᆡ 自在ᄒᆞ야 ᄆᆡ인 ᄃᆡ 업고
異有為法故無所依求。
有爲法에 다ᄅᆞᆯᄊᆡ 브터 求호미 업스니라
없음
爲ᄂᆞᆫ ᄒᆞᆯ씨니 有爲法은 ᄒᆞ논 일 잇ᄂᆞᆫ 法이라
得是乘者。
이 乘 得ᄒᆞᆫ 사ᄅᆞ미ᅀᅡ
斯得無漏五根五力。七覺支八正道。四禪九次第定。八解脫諸三昧法。
漏 업슨 五根 五力 七覺支 八^正道 四禪 九次第定 八解脫 諸三昧法을 得ᄒᆞ야
足以娛樂脫三界苦。
足히 즐겨 三界苦ᄅᆞᆯ 버스리라
想念之心。麤曰尋。細曰伺。
想念 ᄆᆞᄉᆞ미 멀터ᄫᅳ닌 尋이라 ᄒᆞ고 ᄀᆞᄂᆞ닌 伺ㅣ라 ᄒᆞᄂᆞ니
初禪二天兼之。大梵無尋唯伺。
初禪 二天은 兼ᄒᆞ고 大梵은 伺ᄲᅮ니오
二禪無尋伺有喜樂。
二禪은 尋伺ㅣ 업고 喜樂이 잇고
三禪離喜樂。有出入息。
三禪은 喜樂ᄋᆞᆯ 여희오 나듨 수미 잇ᄂᆞ니
尋伺感火。喜樂感水。出入息感風。。
尋伺ᄂᆞᆫ 브를 感코 喜樂ᄋᆞᆫ 므를 感코 나듨 수믄 ᄇᆞᄅᆞᄆᆞᆯ 感커든
四禪并離之。不為三災所動。
四禪이 다 여희여 三災ᄋᆡ 뮈우미 아니 ᄃᆞ^욀ᄊᆡ
名不動地。
일후미 不動地라
沙門瞿曇有九次第定，入三摩拔提：一者、初禪；二者、二禪；三者、三禪；四者、四禪；五者、空處；六者、識處；七者、不用處；八者、非有想非無想處；九者、入滅盡處
九次第定은 初禪 二禪 三禪 四禪 空處 識處 無所有處 非非想處 滅盡定이라
「舍利弗！
舍利弗아
若有眾生，內有智性，
ᄒᆞ다가 衆生이 안해 智性이 이셔
從佛 世尊聞法信受，
佛 世尊ᄋᆞᆯ 조차 法 듣고 信受ᄒᆞ야
慇懃精進，
브즈러니 精進ᄒᆞ야
欲速出三界，
三界예 ᄲᆞᆯ리 ^ 나고져 ᄒᆞ야
自求涅槃，是名聲聞乘，
제 涅槃 求ᄒᆞᄂᆞ닌 이 일후미 聲聞乘이니
如彼諸子為求羊車出於火宅；
뎌 아ᄃᆞᆯᄃᆞᆯᄒᆡ 羊車 求ᄒᆞ야 火宅애 나미 ᄀᆞᆮᄒᆞ니라
內有智性者。謂正因信種。
안해 智性 잇ᄂᆞᆫ 사ᄅᆞᄆᆞᆫ 正因信種ᄋᆞᆯ 니ᄅᆞ시니
揀非闡提也。
闡提 아닌 고ᄃᆞᆯ 分揀ᄒᆞ시니라
不信因果，無有慚愧，
因果 信티 아니ᄒᆞ야 붓그륨 업스며
不信業報，不見現在及未來世，
業報 信티 아니ᄒᆞ야 現在와 未來 世ᄅᆞᆯ 보디 몯ᄒᆞ며
不親善友，不隨諸佛所說教誡。如是之人
어딘 벋 親히 아니ᄒᆞ야 諸^佛 니ᄅᆞ샨 敎戒 좃ᄌᆞᆸ디 아니ᄒᆞᄂᆞᆫ 사ᄅᆞᄆᆞᆯ