월인석보 17권
亦表持法華者能通達異習。和融眾妙而證萬德法身之香歟。
ᄯᅩ 法華經 디니ᄂᆞᆫ 사ᄅᆞ미 다ᄅᆞᆫ 習을 能히 通達ᄒᆞ야 衆妙ᄅᆞᆯ 어울워 萬德法身香 證호ᄆᆞᆯ 表ᄒᆞ시니라
「復次，常精進！若善男子、善女人，受持是經，若讀、若誦、若解說、若書寫，得千二百舌功德。
ᄯᅩ 常精進아 ᄒᆞ다가 善男子 善女人이 이 經 受持ᄒᆞ야 닑거나 외오거나 사겨 니ᄅᆞ거나 쓰거나 ᄒᆞ면 千 二百 舌功德을 得ᄒᆞ리라
若好、若醜，
好^커나 醜커나
없음
好ᄂᆞᆫ 됴ᄒᆞᆯ씨오 醜는 골업슬씨라
若美、不美，及諸苦澁物，在其舌根，皆變成上味，如天甘露，無不美者。
美커나 美티 아니커나 여러 가짓 苦澀ᄒᆞᆫ 거시 [苦ᄂᆞᆫ ᄡᅳᆯ씨오 澀은 ᄠᅥᆯᄫᅳᆯ씨라] 舌根애 이셔 다 變ᄒᆞ야 爲頭ᄒᆞᆫ 마시 ᄃᆞ외야 하ᄂᆞᆳ 甘露ㅣ ᄀᆞᆮᄒᆞ야 美티 아니ᄒᆞ니 업스리라
好醜苦澁皆屬妄塵。於此無染得清淨舌。則苦澁美惡皆成法味。
好醜 苦澀이 다 妄塵에 브트니 이ᅌᅥ긔 더러ᄫᅮ미 업서 淸淨舌을 得^ᄒᆞ면 苦澀 美惡이 다 法味 ᄃᆞ외리라
若以舌根於大眾中有所演說，出深妙聲，能入其心，皆令歡喜快樂。
ᄒᆞ다가 舌根ᄋᆞ로 大衆 中에 불어 닐오미 이시면 深妙ᄒᆞᆫ 소리ᄅᆞᆯ 내야 能히 ᄆᆞᅀᆞ매 드러 다 歡喜 快樂게 ᄒᆞ리라
又諸天子、天女，釋梵諸天，聞是深妙音聲，有所演說言論次第，皆悉來聽。
ᄯᅩ 諸天子天女와 釋梵諸天이 이 深妙ᄒᆞᆫ 音聲이 불어 니ᄅᆞ논 言論^ 次第ᄅᆞᆯ 드르면 다 와 드르리라
及諸龍、龍女，夜叉、夜叉女，乾闥婆、乾闥婆女，阿修羅、阿修羅女，迦樓羅、迦樓羅女，緊那羅、緊那羅女，摩睺羅伽、摩睺羅伽女，為聽法故，皆來親近恭敬供養。
ᄯᅩ 諸龍 龍女 夜叉 夜叉女 乾闥婆 乾闥婆女 阿脩羅 阿脩羅女 迦樓羅 迦樓羅女 緊那羅 緊那羅女 摩睺羅伽 摩睺羅伽^女ㅣ 法 드로ᄆᆞᆯ 爲ᄒᆞ야 다 와 親近ᄒᆞ야 恭敬 供養ᄒᆞ리라
及比丘、比丘尼，優婆塞、優婆夷，國王、王子、群臣、眷屬，小轉輪王、大轉輪王、七寶千子內外眷屬，乘其宮殿，俱來聽法，以是菩薩善說法故。
ᄯᅩ 比丘 比丘尼 優婆塞 優婆夷 國王 王子 群臣 眷屬 小轉輪王 大轉輪王 七寶千子 內外 眷屬이 宮^殿 ᄐᆞ고 다 와 法 드르리라
婆羅門、居士、國內人民、盡其形壽，隨侍供養。
이 菩薩이 됴히 說法ᄒᆞᆯᄊᆡ 婆羅門 居士 國內 人民이 목숨 ᄆᆞᆺᄃᆞ록 조차 뫼셔 供養ᄒᆞ리며
又諸聲聞、辟支佛、菩薩、諸佛，常樂見之。是人所在方面，諸佛皆向其處說法，悉能受持一切佛法，又能出於深妙法音。」
ᄯᅩ 諸聲聞 辟支佛 菩薩 諸佛이 샤ᇰ녜 즐겨 보아 이 사ᄅᆞᆷ 잇논 方面에 諸佛이 ^ 다 그 ᄯᅡᄒᆞᆯ 向ᄒᆞ야 說法ᄒᆞ거시든 다 能히 一切 佛法을 受持ᄒᆞ며 ᄯᅩ 能히 深妙法音을 내리라
「復次，常精進！若善男子、善女人，受持是經，若讀、若誦，若解說、若書寫，得八百身功德。
ᄯᅩ 常精進아 ᄒᆞ다가 善男子 善女人이 이 經 受持ᄒᆞ야 닑거나 외오거나 사겨 니ᄅᆞ거나 쓰거나 ᄒᆞ면 八百^ 身功德을 得ᄒᆞ리니
得清淨身、如淨琉璃，眾生憙見。
淸淨身이 조ᄒᆞᆫ 琉璃 ᄀᆞᆮᄒᆞ야 衆生이 깃거 보리니
其身淨故，三千大千世界眾生，生時、死時，上下、好醜，生善處、惡處，悉於中現。
그 모미 조ᄒᆞᆯᄊᆡ 三千大千世界 衆生ᄋᆡ 生時 死時와 上下 好醜와 됴ᄒᆞᆫ 곧 구즌 고대 나미 다 그 中에 現ᄒᆞ며
淨言不為情塵染蔽也。
조타 ᄒᆞ샤ᄆᆞᆫ ᄠᅳᆮ 드트릐 더러ᄫᅧ ᄀᆞ료^미 아니 ᄃᆞ욀ᄊᆡ니라
不以情塵自蔽。則當體無所不現。
ᄠᅳᆮ 드틀로 제 ᄀᆞ리오디 아니ᄒᆞ면 當ᄒᆞᆫ 體예 아니 現ᄒᆞᇙ 거시 업스리라
及鐵圍山、大鐵圍山、彌樓山、摩訶彌樓山等諸山，及其中眾生，悉於中現。下至阿鼻地獄，上至有頂，所有及眾生，悉於中現。
ᄯᅩ 鐵圍山 大鐵圍山 彌樓山 摩訶彌樓山 等 諸山과 ᄯᅩ 그 中엣 衆生이 다 그 中에 現ᄒᆞ야 아래로 阿鼻地獄애 니를오 우흐로 有頂에 니르리 잇논 것^과 衆生이 다 그 中에 現ᄒᆞ며
若聲聞、辟支佛、菩薩、諸佛、說法，皆於身中現其色像。」
聲聞이어나 辟支佛이어나 菩薩이어나 諸佛說法이 다 모ᇝ 가온ᄃᆡ 色像이 現ᄒᆞ리라
楞嚴云。浮塵幻化虗妄稱相。
楞嚴에 니ᄅᆞ샤ᄃᆡ 浮塵 幻化ᄅᆞᆯ 虛妄ᄋᆞᆯ 相ᄋᆞᆯ 일ᄏᆞᆮ거니와
妙覺明體常自瑩然。含吐十方循業發現。
妙覺明體ᄂᆞᆫ 샤ᇰ녜 제 ᄆᆞᆯ가 十方ᄋᆞᆯ 머구므며 비ᄫᅡ타 業을 조차 發現ᄒᆞᄂᆞ다 ᄒᆞ시니
故得是體者無所不現。
그럴ᄊᆡ 이 體 得ᄒᆞᆫ 사ᄅᆞ미 아니 ^ 現ᄒᆞᇙ 거시 업스니
雖然理則明矣。孰能證耶。
비록 理ᅀᅡ ᄇᆞᆰ거니와 뉘 能히 證ᄒᆞ뇨
昔者。阿難大眾蒙佛開示。身心蕩然得無罣礙。
녜 阿難 大衆이 부텻 여러 뵈샤ᄆᆞᆯ 닙ᄉᆞᄫᅡ 身心이 훤ᄒᆞ야 마ᄀᆞᆫ ᄃᆡ 업서
各各自知心徧十方含容萬有。反觀父母所生之身。
各各 제 아로ᄃᆡ ᄆᆞᅀᆞ미 十方애 ᄀᆞᄃᆞᆨᄒᆞ야 萬有를 다마 父母 나혼 모ᄆᆞᆯ 두르ᅘᅧ 보ᄃᆡ
如太虗一塵巨海一漚。起滅無從了然不礙。此其證也。
큰 虛功앳 ᄒᆞᆫ 드틀 ᄀᆞᆮᄒᆞ며 큰 바ᄅᆞ랫 ᄒᆞᆫ 더품 ᄀᆞᆮᄒᆞ야 닐며 업수미 브튼 ᄃᆡ 업서 훤히 막디 아니호미 이 그 證이라
「復次，常精進！若善男子、善女人，如來滅後、受持是經，若讀、若誦、若解說、若書寫，得千二百意功德。
ᄯᅩ 常精進아 ᄒᆞ다가 善男子 善女人이 如來 滅後에 ^ 이 經 受持ᄒᆞ야 닑거나 외오거나 사겨 니ᄅᆞ거나 쓰거나 ᄒᆞ면 千 二百 意功德을 得ᄒᆞ리니
以是清淨意根，乃至聞一偈一句，通達無量無邊之義，
이 淸淨意根ᄋᆞ로 ᄒᆞᆫ 偈 ᄒᆞᆫ 句 드로매 니르러도 無量無邊ᄒᆞᆫ ᄠᅳ들 通達ᄒᆞ리니
聞一句而達無量義。葢無量之義不出一句。
ᄒᆞᆫ 句 듣고 無量義 通達호ᄆᆞᆫ 無量義 ᄒᆞᆫ 句에 나디 아니ᄒᆞᆯᄊᆡ니라
解是義已，能演說一句一偈至於一月、四月乃至一歲，
이 ᄠᅳᆮ 알오 能히 ᄒᆞᆫ 句 ᄒᆞᆫ 偈ᄅᆞᆯ 불어 닐오ᄃᆡ 一月 四月에 니르며 一歲예 니르러
諸所說法，隨其義趣，皆與實相不相違背。
닐온 法ᄃᆞᆯ히 ᄠᅳ들 조차 다 實相과 서르 어긔디 아니ᄒᆞ리니
若說俗間經書、治世語言、資生業等，皆順正法。
ᄒᆞ다가 俗間 經書 世間 다ᄉᆞ룔 말와 資生ᄒᆞᆯ 業ᄃᆞᆯᄒᆞᆯ 닐어도 다 正法에 順^ᄒᆞ리라
證意實相則諸所說法無非實相。故不相違背。
意實相ᄋᆞᆯ 證ᄒᆞ면 닐온 法ᄃᆞᆯ히 實相 아니니 업슬ᄊᆡ 서르 어긔디 아니ᄒᆞᄂᆞ니
雖說俗事亦順正法。
비록 世俗 이ᄅᆞᆯ 닐어도 ᄯᅩ 正法에 順ᄒᆞ리라
三千大千世界六趣眾生，心之所行、心所動作、心所戲論，皆悉知之。
三千大千世界 六趣 衆生ᄋᆡ ᄆᆞᅀᆞᄆᆡ 行홈과 ᄆᆞᅀᆞᄆᆡ 뮈윰과 ᄆᆞᅀᆞᄆᆡ 戱論ᄋᆞᆯ 다 알리라
由意清淨故他心通也。
意 淸淨ᄒᆞᆯᄊᆡ 他心 通ᄒᆞ니라
所行即循常心也。
行호ᄆᆞᆫ 샤ᇰ녜ᄅᆞᆯ 조ᄎᆞᆫ ᄆᆞᅀᆞ미오
動作即感變心也。
뮈요ᄆᆞᆫ 感ᄒᆞ야 變ᄒᆞᄂᆞᆫ ᄆᆞᅀᆞ미오
戲論即分別心也。
戱論은 分^別ᄒᆞᄂᆞᆫ ᄆᆞᅀᆞ미라
雖未得無漏智慧，而其意根、清淨如此。
비록 無漏智慧ᄅᆞᆯ 得디 몯ᄒᆞ나 意根이 淸淨호미 이 ᄀᆞᆮᄒᆞᆯᄊᆡ
是人有所思惟、籌量、言說，皆是佛法，
이 사ᄅᆞ미 ᄉᆞ라ᇰᄒᆞ야 혜아리며 말 닐오미 다 佛法이라
無不真實，亦是先佛經中所說。」
眞實티 아니ᄒᆞᆫ ᄃᆡ 업스며 ᄯᅩ 몬졋 부텻 經 中에 니ᄅᆞ샨 배라
없음
잇ᄀᆞ자ᇰ 法師功德品 ᄆᆞᆺ고 아래ᄂᆞᆫ 常不輕菩薩品이라
常不輕者。釋迦前身威音王時。精持妙法廣施利導之迹也。
常不輕^은 釋迦ㅣ 前身에 威音王 時예 妙法을 精히 디니샤 너비 施ᄒᆞ샤 利히 引導ᄒᆞ샨 자최라
以佛性義徧記四眾。於善則拜逢恚不怒。一切見敬故號不輕。
佛性義로 四衆을 다 記ᄒᆞ샤 善ᄒᆞᆫ 게ᄂᆞᆫ 절ᄒᆞ시고 怒ᄒᆞᄫᆞᆫ 일 맛나샨 怒티 아니ᄒᆞ샤 一切ᄅᆞᆯ 恭敬ᄒᆞ실ᄊᆡ 號ᄅᆞᆯ 不輕이시다 ᄒᆞ니
不專讀誦以持無相經。確忍罵辱以持無我行。
專히 讀誦티 아니ᄒᆞ샤 無相經을 디니시며 구지저 辱 바툐ᄆᆞᆯ 구디 ᄎᆞᄆᆞ샤 無我行을 디니시니
無相無我所謂精持也。
無相無我 ᄒᆞ샤미 精히 디니샤미라
於萬億歲廣說是經。化萬億眾令住正道。
萬億 歲예 이 經을 너비 니ᄅᆞ샤 萬億 衆을 敎化ᄒᆞ샤 ^ 正道애 住케 ᄒᆞ야
使上慢者信伏隨從。使畢罪者還得道果。所謂廣利也。
上慢ᄒᆞᇙ 사ᄅᆞ미 信ᄒᆞ야 降伏ᄒᆞ야 좃ᄌᆞᄫᆞ며 罪 ᄆᆞᄎᆞᆫ 사ᄅᆞ미 도로 道果ᄅᆞᆯ 得게 ᄒᆞ샤미 너비 利ᄒᆞ샤미라
葢前之持經具五種功雖圓而未精。
알ᄑᆡᆺ 持經은 五種 功이 ᄀᆞ자 비록 圓코도 精티 몯ᄒᆞ며
前之蒙利獲六千德雖勝而未廣。以有人法之緣影存焉。
알ᄑᆡᆺ 利 닙ᄉᆞᄫᅩᄆᆞᆫ 六千 德을 어더 비록 勝코도 넙디 몯ᄒᆞ니 人法의 緣影이 이실ᄊᆡ니라
必靳造於無相無我之妙。其於讀誦不知所專不知所忘。
모로매 無相無我ㅅ 妙애 나ᅀᅡ가 讀誦애 專히 호ᄆᆞᆯ 아디 몯ᄒᆞ며 니조ᄆᆞᆯ 아디 몯ᄒᆞ며
其於四眾不知所敬不知所慢。
四衆의게 恭敬호ᄆᆞᆯ 아디 몯ᄒᆞ며 업시우ᄆᆞᆯ 아디 몯ᄒᆞ야
使妙行徧彰億眾自化。
妙行이 ᄀᆞᄃᆞ기 나다 億 ^ 衆이 절로 化ᄒᆞ야
敬慢之心罪福之迹。凡所謂人法緣影者。皆泳-永+曶然於正徧正等之域。然後為精廣。
敬慢 ᄆᆞᅀᆞᆷ과 罪福 자최 믈읫 人法緣影이라 혼 거시 다 正遍正等ᄒᆞᆫ ᄀᆞᅀᅢ 어우러ᅀᅡ 精코 廣호미 ᄃᆞ외ᄂᆞ니
茲實持經之盡道也。
이 實로 持經의 다ᄃᆞᄅᆞᆫ 道ㅣ라
故勸持之文終於此品。
그럴ᄊᆡ 디늄 勸ᄒᆞ샤미 이 品에 ᄆᆞᄎᆞ니라
其三百十三
威音王如來 像法 오라샤미 四天下앳 微塵^數ㅣ러시니
常不輕比丘ㅣ 업시움 업스실ᄊᆡ 四衆에 長常 절이러시니
其三百十四
常不輕 말ᄊᆞᄆᆞᆫ 너희 菩薩行 닷가 다ᇰ다ᅌᅵ 부톄 ᄃᆞ외리니
모딘 놈ᄋᆡ 말ᄋᆞᆫ 이 比丘ㅣ 智慧 업서 妄量앳 授記라 ᄒᆞ더니
其三百十五
辱ᄋᆞᆯ 드르샤도 怒호ᄆᆞᆯ 모ᄅᆞ샤 다시곰 니ᄅᆞ더시니
매로 티ᅀᆞᄫᅡ도 머리 ᄃᆞ라 가샤 된 모^ᄀᆞ로 니ᄅᆞ더시니
其三百十六
常不輕 업시ᄫᅳᅀᆞᄫᅡ 阿鼻地獄애 드라 즈믄 劫을 몯 나니ᅌᅵ다
常不輕 ᄯᅩ 맞나ᅀᆞᄫᅡ 敎化ᄅᆞᆯ 닙ᄉᆞᄫᅡ 大會예 모ᄃᆞ니ᅌᅵ^다
其三百十七
常不輕比丘ㅣ 년 分이시리ᅌᅵᆺ가 오ᄂᆞᆳ날애 世尊이시니
威音王如來ㅅ긔 法華經 受ᄒᆞ실ᄊᆡ 오ᄂᆞᆳ날애 부^톄 ᄃᆞ외시니
爾時，佛告得大勢菩薩摩訶薩：
그ᄢᅴ 부톄 得大勢菩薩摩訶薩ᄃᆞ려 니ᄅᆞ샤ᄃᆡ
「汝今當知！若比丘、
네 이제 반ᄃᆞ기 알라
比丘尼、優婆塞、優婆夷持法花經者，若有惡口、罵詈、誹謗，獲大罪報，如前所說；
比丘ㅣ어나 比丘尼어나 優婆塞이어나 優婆夷어나 法華經 디니ᇙ 사ᄅᆞᄆᆞᆯ ᄒᆞ다가 모딘 이브로 구지드며 비^우ᅀᅳ면 큰 罪報 어두미 알ᄑᆡ 니ᄅᆞᄃᆞᆺ ᄒᆞ며
其所得功德，如向所說，眼、耳、鼻、舌、身、意清淨。
得혼 功德도 몬져 니ᄅᆞᄃᆞᆺ ᄒᆞ야 眼 耳 鼻 舌 身 意 淸淨ᄒᆞ리라
謗毀之罪。如喻品末與法師品說。
비우ᅀᅳ며 허논 罪ᄂᆞᆫ 喩品ㅅ 귿과 法師品 닐오미 ᄀᆞᆮ고
聞持之禮如法師功德品說。
드러 디니ᄂᆞᆫ 福ᄋᆞᆫ 法師功德品에 닐오미 ᄀᆞᆮᄒᆞ니라
將顯精持先舉此者。所以警眾使知持毀之報不謬。
쟈ᇰᄎᆞ 精持ᄅᆞᆯ 나토샤리라 몬져 이ᄅᆞᆯ 드러 니ᄅᆞ샤ᄆᆞᆫ 한 사ᄅᆞᄆᆞᆯ 警戒ᄒᆞ샤 디니며 허ᄂᆞᆫ 果報ㅣ 그르디 아니ᄒᆞᆫ ᄃᆞᆯ 아라
而深信精持廣利也。
精^히 디녀 너비 利호ᄆᆞᆯ 기피 信케 ᄒᆞ시니라
得大勢。即大勢至也。
得大勢ᄂᆞᆫ 大勢至시니라
「得大勢！乃往古昔，過無量無邊不可思議阿僧祇劫，
得大勢야 디나건 녜 無量無邊 不可思議 阿僧衹 劫 디나
有佛名威音王如來、應供、正遍知、明行足、善逝、世間解、無上士、調御丈夫、天人師、佛、世尊。
부톄 겨샤ᄃᆡ 일후미 威音王如來 應供 正遍知 明行足 善逝 世間解 無上士 調^御丈夫 天人師 佛 世尊이러시니
劫名離衰，國名大成。
劫 일후믄 離衰오 나랏 일후믄 大成이러니
緜歷往古事千億佛。無相無我精持廣利。
녜ᄅᆞᆯ 머리 디내야 千億 佛을 셤기ᅀᆞᄫᅡ 無相無我ᄒᆞ야 精히 디녀 너비 利호미 法力 大勢 ᄀᆞᄌᆞ니
非具法力大勢難勝其任。故告得大勢菩薩也。
아니면 所任을 몯 이긔릴ᄊᆡ 得大勢菩薩ㅅ긔 니ᄅᆞ시니라
威音王者。以大音聲普徧世界。為諸法王說法無畏也。
威音王은 큰 音聲으로 世界예 ᄀᆞᄃᆞᆨ게 ᄒᆞ야 諸法王이 ᄃᆞ외샤 說法無^畏ᄒᆞ실씨라
故不輕既得其道。即能於眾說法心無所畏。
그럴ᄊᆡ 不輕이 道ᄅᆞᆯ 得ᄒᆞ샤 能히 한 사ᄅᆞᄆᆡ게 說法ᄒᆞ샤ᄃᆡ ᄆᆞᄉᆞ미 저픈 ᄃᆡ 업스시니라
劫名離衰。謂世道交興。
劫 일후미 離衰ᄂᆞᆫ 世道ㅣ 서르 닐씨라
國名大成。言正化無缺。
나랏 일후미 大成은 正ᄒᆞᆫ 敎化ㅣ 이즌 ᄃᆡ 업슬씨라
其威音王佛，於彼世中，為天、人、阿修羅說法，
그 威音王佛이 뎌 世中에 天 人 阿脩羅 爲ᄒᆞ샤 說法ᄒᆞ샤ᄃᆡ
為求聲聞者，說應四諦法，度生老病死，究竟涅槃；
聲聞 求ᄒᆞᇙ 사ᄅᆞᆷ 爲ᄒᆞ야 四諦法을 니ᄅᆞ^샤 生老病死ᄅᆞᆯ 度脫ᄒᆞ샤 究竟涅槃케 ᄒᆞ시며
為求辟支佛者，說應十二因緣法；
辟支佛 求ᄒᆞᇙ 사ᄅᆞᆷ 爲ᄒᆞ야 十二 因緣法 니ᄅᆞ시며
為諸菩薩，因阿耨多羅三藐三菩提，說應六波羅蜜法，究竟佛慧。
諸菩薩 爲ᄒᆞ샤 阿耨多羅三藐三菩提ᄅᆞᆯ 因ᄒᆞ샤 六波羅蜜法ᄋᆞᆯ 니ᄅᆞ샤 究竟^佛慧케 ᄒᆞ시니라