월인석보 17권
ᄯᅩ 一世界 微塵數菩薩摩訶薩이 百千萬億 無量旋陀羅尼ᄅᆞᆯ 得ᄒᆞ며
於一切法反本還源。
一切 法에 反本還源ᄒᆞ샤
없음
反還ᄋᆞᆫ 다 도라갈씨라
方便利生逆順自在。名百千萬億無量旋陀羅尼。
方便으로 衆生 利케 ᄒᆞ샤 逆順이 自在ᄒᆞ샤미 일후미 百千萬億 無量 旋陀羅尼라 旋陀羅尼ᄂᆞᆫ 아래 사겨 잇ᄂᆞ니라
復有三千大千世界微塵數菩薩摩訶薩，能轉不退法輪；
ᄯᅩ 三千大千世界 微塵數 菩薩摩訶薩이 不退法輪을 能히 轉ᄒᆞ며
入正位說正法。逈超二乘無復退轉。
正位예 드르샤 正法을 니ᄅᆞ샤 二乘^에 머리 걷내ᄠᅱ샤 ᄂᆞ외야 退轉이 업스샷다
復有二千中國土微塵數菩薩摩訶薩，能轉清淨法輪；
ᄯᅩ 二千 中國土 微塵數 菩薩摩訶薩이 淸淨法輪을 能히 轉ᄒᆞ며
即言辭相寂一乘妙法也。
곧 말ᄊᆞᆷ 相이 괴외ᄒᆞᆫ 一乘 妙法이라
從聞持陀羅尼至此。皆地上菩薩之德。
陀羅尼 드러 디니샤ᄆᆞ로 이ᅌᅥ긔 니르리 다 地 우흿 菩薩ㅅ 德이시니라
十地論云。得陀羅尼菩薩在五地。
十地論애 닐오ᄃᆡ 陀羅尼 得ᄒᆞᆫ 菩薩이 五地예 겨시다 ᄒᆞ니라
復有小千國土微塵數菩薩摩訶薩，八生當得阿耨多羅三藐三菩提；
ᄯᅩ 小千 國^土 微塵數 菩薩摩訶薩이 八生애 반ᄃᆞ기 阿耨多羅三藐三菩提ᄅᆞᆯ 得ᄒᆞ며
復有四四天下微塵數菩薩摩訶薩，四生當得阿耨多羅三藐三菩提；
ᄯᅩ 四四天下 微塵數 菩薩摩訶薩이 四生애 반ᄃᆞ기 阿耨多羅三藐三菩提ᄅᆞᆯ 得^ᄒᆞ며
復有三四天下微塵數菩薩摩訶薩，三生當得阿耨多羅三藐三菩提；
ᄯᅩ 三四天下 微塵數 菩薩摩訶薩이 三生애 반ᄃᆞ기 阿耨多羅三藐三菩提ᄅᆞᆯ 得ᄒᆞ며
復有二四天下微塵數菩薩摩訶薩，二生當得阿耨多羅三藐三菩提；
ᄯᅩ 二四天下 微塵數 菩薩摩訶薩이 二生애 반ᄃᆞ기 阿耨多羅三藐^三菩提ᄅᆞᆯ 得ᄒᆞ며
復有一四天下微塵數菩薩摩訶薩，一生當得阿耨多羅三藐三菩提；
ᄯᅩ 一四天下 微塵數 菩薩摩訶薩이 一生애 반ᄃᆞ기 阿耨多羅三藐三菩提ᄅᆞᆯ 得ᄒᆞ며
此約隨根得果遠近也。
이ᄂᆞᆫ 根ᄋᆞᆯ 조차 果得호ᄆᆡ 멀며 갓가ᄫᅩᄆᆞᆯ 자바 니ᄅᆞ시니라
八生等者。以超入聖位。如初生佛家之生。非出沒生死之生也。
八生ᄃᆞᆯᄒᆞᆫ 聖位예 걷내ᄠᅱ여 드로ᄆᆞ로 니ᄅᆞ시니 처ᅀᅥᆷ 佛家애 나다 혼 生이디ᄫᅵ 生死애 나며 드ᄂᆞ다 ^ 혼 生이 아니라
初言八生謂超入四地。取妙覺之位有八。
처ᅀᅥᆷ 니ᄅᆞ샨 八生ᄋᆞᆫ 四地예 걷내ᄠᅱ여 드르샤 妙覺位 가지샤미 여들비 이실ᄊᆡ
故曰餘各八生在當得成佛道。
니ᄅᆞ샤ᄃᆡ 나ᄆᆞ니 各各 八生이 이셔 반ᄃᆞ기 佛道ᄅᆞᆯ 일우리라 ᄒᆞ시니라
次言四生謂超入八地。取妙覺之位有四。
버거 四生 니ᄅᆞ샤ᄆᆞᆫ 八地예 걷내ᄠᅱ여 드르샤 妙覺位 가지샤미 네히 잇고
三生二生謂九地十地。
三生 二生ᄋᆞᆫ 九地 十地ᄅᆞᆯ 니ᄅᆞ시고
一生即超入等覺。取妙覺一間耳。
一生ᄋᆞᆫ 곧 等覺애 걷내ᄠᅱ여 드르샤 妙覺 가지샤미 ᄒᆞᆫ 낫 ᄉᆞᅀᅵ니
故曰餘有一生在當成一切智也。
그럴ᄊᆡ 니ᄅᆞ샤ᄃᆡ 나ᄆᆞ니 一生이 이셔 반ᄃᆞ기 一切智ᄅᆞᆯ 일우리라 ᄒᆞ□□라
如來壽量即本覺不壞之實相。悟是實相則無不了達。
如來ㅅ 壽^量ᄋᆞᆫ 곧 本覺ᄋᆡ 허디 아니ᄒᆞᄂᆞᆫ 實相이시니 이 實相ᄋᆞᆯ 알면 ᄉᆞᄆᆞᆺ 몯 아ᇙ ᄃᆡ 업스니
故會眾聞說隨根各證。
그럴ᄊᆡ 모ᄃᆞᆫ 衆이 니ᄅᆞ샤ᄆᆞᆯ 듣ᄌᆞᆸ고 根ᄋᆞᆯ 조차 各各 證ᄒᆞ시니라
復有八世界微塵數眾生，皆發阿耨多羅三藐三菩提心。」
ᄯᅩ 八世界 微塵數 衆生이 다 阿耨多羅三藐三菩提心을 發ᄒᆞ니라
聞實報理發正因心也。
實報理ᄅᆞᆯ 듣ᄌᆞᆸ고 正因心을 發ᄒᆞ니라
佛說是諸菩薩摩訶薩得大法利時，
부톄 이 菩薩摩訶薩ᄃᆞᆯ^ᄒᆡ 큰 法利 得호ᄆᆞᆯ 니ᄅᆞ시ᇙ 저긔
於虛空中，雨曼陀羅華、摩訶曼陀羅華，以散無量百千萬億眾寶樹下、師子座上諸佛，
虛空 中에 曼陀羅華 摩訶曼陀羅華ᄅᆞᆯ 비허 無量 百千萬億 寶樹 아래 師子座 우흿 諸佛ᄭᅴ 비ᄊᆞᄫᆞ며
并散七寶塔中師子座上釋迦牟尼佛及久滅度多寶如來，
七寶塔 中 師子座 上앳 釋迦牟尼^佛와 久滅度多寶如來ᄭᅴ 조쳐 비ᄊᆞᄫᆞ며
亦散一切諸大菩薩及四部眾。
ᄯᅩ 一切 諸大菩薩와 四部衆의게 비흐며
又雨細末栴檀、沈水香等。於虛空中，天鼓自鳴，妙聲深遠。
ᄯᅩ ᄀᆞᄂᆞ리 ᄇᆞᆺ온 旃檀 沈水香ᄃᆞᆯᄒᆞᆯ 비흐며 虛空 中에 하ᄂᆞᆳ 부피 절로 우니 微妙ᄒᆞᆫ 소리 깁고 멀며
又雨千種天衣，垂諸瓔珞、真珠瓔珞、摩尼珠瓔珞、如意珠瓔珞，遍於九方。
ᄯᅩ 즈믄 가짓 天衣^ᄅᆞᆯ 비흐며 여러 가짓 瓔珞 眞珠瓔珞 摩尼珠瓔珞 如意珠瓔珞ᄋᆞᆯ 드리워 九方애 ᄀᆞᄃᆞᆨᄒᆞ며
眾寶香爐燒無價香，自然周至，供養大會。
한 보ᄇᆡ 香鑪애 값 업슨 香ᄋᆞᆯ 퓌우니 自然히 두루 가 大會ᄅᆞᆯ 供養ᄒᆞ며
一一佛上，有諸菩薩，執持幡蓋，次第而上，至于梵天。
一一 佛上애 菩薩ᄃᆞᆯ히 幡^蓋 자ᄇᆞ샤 次第로 올아 梵天에 니르르샤
是諸菩薩，以妙音聲，歌無量頌，讚歎諸佛。
이 菩薩ᄃᆞᆯ히 妙音聲으로 그지업슨 頌ᄋᆞᆯ 브르샤 諸佛을 讚歎ᄒᆞ시더니.
諸瑞皆從空雨徧於九方。乃助顯壽量法利。如空無邊不可得而思議也。
여러 祥瑞 다 虛空ᄋᆞ로셔 비허 九方애 ᄀᆞᄃᆞᆨ호ᄆᆞᆫ 壽量法利 虛空ᄋᆡ ᄀᆞᆺ 업수미 ᄀᆞᆮᄒᆞ야 思議 몯호ᄆᆞᆯ 도ᄫᅡ 나토니라
故彌勒讚曰世尊說壽量不可思議法。多有所饒益如虗空無邊。
그럴ᄊᆡ 彌勒이 讚ᄒᆞ야 니ᄅᆞ샤ᄃᆡ 世尊이 壽量 不可思議^ 法을 니ᄅᆞ샤 만히 饒益ᄒᆞ샤미 虛空ᄋᆡ ᄀᆞᆺ 업수미 ᄀᆞᆮᄒᆞ시다 ᄒᆞ시니라
言九方者除下方非法會所。
九方 닐오ᄆᆞᆫ 下方ᄋᆞᆯ 더니 法會호ᇙ ᄃᆡ 아니라
菩薩執幡上至梵天。言其滿空供養讚歎也。
菩薩이 幡 자바 梵天에 니르르샤ᄆᆞᆫ 虛空애 ᄀᆞᄃᆞᆨᄒᆞ샤 供養 讚歎ᄒᆞ샤ᄆᆞᆯ 니ᄅᆞ니라
爾時彌勒菩薩從座而起，偏袒右肩，合掌向佛，而說偈言：
그ᄢᅴ 彌勒菩薩이 座로셔 니르샤 올ᄒᆞᆫ 엇게 메ᄫᅡᄉᆞ시고 合掌ᄒᆞ야 부텨 向ᄒᆞᅀᆞᄫᅡ 偈ᄅᆞᆯ ᄉᆞᆯᄫᆞ샤ᄃᆡ
初頌敘讚法利。
이 偈ᄂᆞᆫ 웃 일ᄃᆞᆯᄒᆞᆯ 頌ᄒᆞ시니라
爾時佛告彌勒菩薩摩訶薩：
그^ᄢᅴ 부톄 彌勒菩薩訶薩ᄃᆞ려 니ᄅᆞ샤ᄃᆡ
「阿逸多！其有眾生，聞佛壽命長遠如是，乃至能生一念信解，所得功德，無有限量。
阿逸多야 衆生이 부텻 壽命長遠이 이 ᄀᆞᆮᄒᆞᆫ ᄃᆞᆯ 듣고 能히 一念이나 信解 내요매 니르러도 得혼 功德이 그지업스리라
解壽量說。即得不壞體證真常用。故功無限量。
壽量ㅅ 마ᄅᆞᆯ 알면 곧 허디 아니ᄒᆞᇙ 體ᄅᆞᆯ 得ᄒᆞ야 眞常ᄒᆞᆫ 用ᄋᆞᆯ 證ᄒᆞ릴ᄊᆡ 功이 ^ 그지업스리라
若有善男子、善女人，為阿耨多羅三藐三菩提故，於八十萬億那由他劫，行五波羅蜜——檀波羅蜜、尸羅波羅蜜、羼提波羅蜜、毘梨耶波羅蜜、禪波羅蜜——除般若波羅蜜，
善男子 善女人이 阿耨多羅三藐三菩提 爲ᄒᆞ야 八十萬億 那由他 劫에 五波羅蜜 檀波羅蜜 尸羅波羅蜜 羼提波羅蜜 毗梨耶波羅蜜 禪^波羅蜜ᄋᆞᆯ 行ᄒᆞ야도
以是功德比前功德，百分、千分、百千萬億分、不及其一，乃至算數譬喻所不能知。
이 功德으로 알ᄑᆡᆺ 功德에 가ᄌᆞᆯ비건댄 百分 千分 百千萬億分에 ᄒᆞ나토 몯 미츠리니 算數譬喩로 能히 아디 몯호매 니를리라
如來壽量乃智力慧光久修所得。
如來ㅅ 壽量ᄋᆞᆫ 智力慧光ᄋᆡ 오래 닷가 得ᄒᆞ샨 거시니
能一念信則為已具般若智因。故五度深功莫比。
能히 ᄒᆞᆫ 念을 信ᄒᆞ면 ᄒᆞ마 般若智因이 ^ ᄀᆞᄌᆞᆯᄊᆡ 五度 기픈 功이 가ᄌᆞᆯ비디 몯ᄒᆞ리라
若善男子、善女人，有如是功德，於阿耨多羅三藐三菩提退者，無有是處。」
ᄒᆞ다가 善男子 善女人이 이 ᄀᆞᆮᄒᆞᆫ 功德 잇고 阿耨多羅三藐三菩提예 므르ᇙ 사ᄅᆞ미 업스리라
已具正因故。有進無退。
ᄒᆞ마 正因이 ᄀᆞᄌᆞᆯᄊᆡ 나ᅀᅡ가미 잇고 믈로미 업스리라
「又，阿逸多！若有聞佛壽命長遠，解其言趣，
ᄯᅩ 阿逸多야 ᄒᆞ다가 부텻 壽命長遠을 듣고 말ᄊᆞᆷ ᄠᅳ들 알 리 ^ 이시면
是人所得功德無有限量，能起如來無上之慧。
사ᄅᆞᄆᆡ 得혼 功德이 그지업서 能히 如來ㅅ 우 업슨 慧ᄅᆞᆯ 니ᄅᆞ와ᄃᆞ리니
壽量之說趣在斷生滅見顯真常體。
壽量 마ᇙ ᄠᅳ디 生滅見을 긋고 眞常體ᄅᆞᆯ 나토시니
苟能明解。則起無上慧等同如來。故功無限量。
眞實로 能히 ᄇᆞᆯ기 알면 無上慧ᄅᆞᆯ 니ᄅᆞ와다 如來와 ᄀᆞᆮᄒᆞ릴ᄊᆡ 功이 그지업스니라
何況廣聞是經、若教人聞，若自持、若教人持，若自書、若教人書，若以華、香、瓔珞、幢幡、繒蓋、香油、酥燈，供養經卷，
ᄒᆞᄆᆞᆯ며 이 經을 너비 드러 ᄂᆞᆷ ᄀᆞᄅᆞ쳐 듣게 커나 제 디니거나 ᄂᆞᆷ ᄀᆞᄅᆞ쳐 디니거나 ^ 제 쓰거나 ᄂᆞᆷ ᄀᆞᄅᆞ쳐 쓰거나 華香 瓔珞 幢幡 繒蓋 香油 蘇燈으로 經卷을 供養ᄒᆞ면
是人功德無量無邊，能生一切種智。
이 사ᄅᆞᄆᆡ 功德이 無量無邊ᄒᆞ야 能히 一切 種智ᄅᆞᆯ 내리라
聞佛壽命則斷生滅見顯真常體。能起上慧而已。
부텻 壽命을 듣ᄌᆞᄫᆞ면 生滅見을 긋고 眞常體ᄅᆞᆯ 나토아 能히 上慧ᄅᆞᆯ 니ᄅᆞ와ᄃᆞᆯ ᄯᆞᄅᆞ미어^니와
廣聞是經則具四知見盡一乘道。故能生種智也。
이 經을 너비 드르면 四知見이 ᄀᆞ자 一乘道ᄅᆞᆯ 다 ᄒᆞᆯᄊᆡ 能히 種智ᄅᆞᆯ 내리라
然世之聞持不計。而果能起上慧生種智者誰耶。
그러나 世間애 드르며 디니리 혜디 몯ᄒᆞ리로ᄃᆡ 果然 能히 上慧 니ᄅᆞ와ᄃᆞ며 種智 낸 사ᄅᆞ미 누고
是亦遇王饍而不飡。得衣珠而醉臥耳。惜哉。
이ᄂᆞᆫ 王饍을 맛나ᄃᆡ 먹디 아니ᄒᆞ며 오샛 구스를 得호ᄃᆡ 醉ᄒᆞ야 누ᄫᅳᆯ ᄯᆞᄅᆞ미니 앗가ᄫᆞᆯ쎠
「阿逸多！若善男子、善女人，聞我說壽命長遠，深心信解，
阿逸多야 ᄒᆞ다가 善男子 善女人이 내 壽命 長遠 닐오ᄆᆞᆯ 듣고 기픈 ᄆᆞᅀᆞ^ᄆᆞ로 信解ᄒᆞ면
則為見佛常在耆闍崛山，共大菩薩、諸聲聞眾圍繞說法。
부톄 샤ᇰ녜 耆闍崛山애 이셔 大菩薩와 諸聲聞衆이 圍繞ᄒᆞ얫거든 說法호ᄆᆞᆯ 보논 디며
生滅見盡。則真常之相觸目宛然。
生滅見이 다ᄋᆞ면 眞常相이 눈 간 ᄃᆡ 번득ᄒᆞ리라
又見此娑婆世界，其地琉璃，坦然平正，閻浮檀金以界八道，寶樹行列，諸臺樓觀皆悉寶成，其菩薩眾咸處其中。
ᄯᅩ 이 娑娑世界 ᄯᅡ히 琉璃오 훤히 平正ᄒᆞ고 閻浮檀金으로 ^ 여듧 길ᄒᆞᆯ ᄂᆞᆫ호고 寶樹ㅣ 느러니 셔고 諸臺樓觀이 다 보ᄇᆡ로 일오 菩薩衆이 다 그 中에 잇거든 보리라
穢淨情忘。則勝妙之境舉步皆是。
더러ᄫᅳ며 조ᄒᆞᆫ 情을 니ᄌᆞ면 勝妙ᄒᆞᆫ 境이 거름마다 다 긔리라
若有能如是觀者，當知是為深信解相。
ᄒᆞ다가 能히 이ᄀᆞ티 보리 이시면 반ᄃᆞ기 알라 이 기피 信解ᄒᆞᆫ 相이라
身土實相本自一如。生滅穢淨皆出情見。
身과 土왓 實相이 本來 제 一如^커늘 生滅穢淨이 다 情見에셔 나ᄂᆞ니
故見盡情忘。則真常之相勝妙之境觸處現前。
그럴ᄊᆡ 見이 다ᄋᆞ며 情을 니즈면 眞常相과 勝妙境이 다ᄃᆞᄅᆞᆫ ᄯᅡ해 알ᄑᆡ 現ᄒᆞ리니
非深信解壽量祕說。莫預於此。
壽量秘說을 기피 信解ᄒᆞ니 아니면 이ᅌᅦ 븓디 몯ᄒᆞ리라
「又復如來滅後，若聞是經而不毀呰，起隨喜心，當知已為深信解相，
ᄯᅩ 如來 滅後에 ᄒᆞ다가 이 經 듣고 허디 아니ᄒᆞ야 隨喜心 니ᄅᆞ와ᄃᆞ면 반ᄃᆞ기 알라 ᄒᆞ마 기피 信解ᄒᆞᆫ 相이니
何況讀誦、受持之者，
ᄒᆞᄆᆞᆯ며 讀誦 受^持ᄒᆞ리ᄯᆞ녀
斯人則為頂戴如來。
이 사ᄅᆞᄆᆞᆫ 如來ᄅᆞᆯ 頂戴ᄒᆞ간 디라
上明一品之利。此明一經之利。
우흔 ᄒᆞᆫ 品의 利ᄅᆞᆯ ᄇᆞᆯ기시고 이ᅌᅦᆫ ᄒᆞᆫ 經의 利ᄅᆞᆯ ᄇᆞᆯ기실ᄊᆡ
故但能隨喜而功已侔上。故曰已為深信解相。
오직 能히 隨喜ᄒᆞ야도 功이 ᄒᆞ마 우콰 ᄀᆞᆮᄒᆞ니 그럴ᄊᆡ 니ᄅᆞ샤ᄃᆡ ᄒᆞ마 기피 信解相이라 ᄒᆞ시니라
若正心讀持功又過上。故曰則為頂戴如來。
ᄒᆞ다가 正心ᄋᆞ로 닐거 디니면 功이 ᄯᅩ 우희셔 더을ᄊᆡ 니ᄅᆞ샤ᄃᆡ 如來ᄅᆞᆯ 頂戴ᄒᆞ간 디라 ᄒᆞ시니라
云頂戴者。謂得此中全身。而無以上之也。
頂戴라 니ᄅᆞ샤ᄆᆞᆫ 이 中엣 全身ᄋᆞᆯ 得ᄒᆞ야 더우ᇙ 줄 업슬씨라
「阿逸多！是善男子、善女人，不須為我復起塔寺，及作僧坊、以四事供養眾僧。
阿逸多야 이 ^ 善男子 善女人이 구틔여 날 爲ᄒᆞ야 ᄯᅩ 塔寺 셰며 僧坊 지ᅀᅥ 四事로 衆僧 供養 아니ᄒᆞ야도 ᄒᆞ리니
所以者何？是善男子、善女人，受持讀誦是經典者，為已起塔、造立僧坊、供養眾僧。
엇뎨어뇨 ᄒᆞ란ᄃᆡ 이 善男子 善女人이 이 經典 受持 讀誦ᄒᆞᄂᆞ닌 ᄒᆞ마 塔 셰며 僧坊 짓고 衆^僧 供養혼 디며
則為以佛舍利起七寶塔，高廣漸小至于梵天，
부텻 舍利로 七寶塔 셰요ᄃᆡ 노ᄑᆡ와 너븨왜 漸漸 져거 梵天에 니르거든
懸諸幡蓋及眾寶鈴，華、香、瓔珞，末香、塗香、燒香，眾鼓、伎樂，簫、笛、箜篌，種種舞戲，
여러 가짓 幡蓋와 한 보ᄇᆡ옛 바ᇰ올 ᄃᆞᆯ오 華香 瓔珞 抹香 塗香 燒香과 衆鼓伎樂과 簫笛 箜篌 種種 ^ 舞戱와
없음
舞는 추미라
以妙音聲歌唄讚頌，則為於無量千萬億劫作是供養已。
妙音聲으로 歌唄讚頌ᄒᆞ야 無量 千萬億 劫에 이 供養혼 디라
諸供養中法供養勝故也。
供養ㅅ 中에 法供養이 爲頭ᄒᆞᆯᄊᆡ니라
上顯隨喜功。次顯書持功。
우흰 隨喜功을 나토시고 버거 書持功을 나토시니라
「阿逸多！若我滅後，聞是經典，有能受持，若自書、若教人書，
阿逸多야 ᄒᆞ다가 나 滅後에 이 經典 듣고 能히 受持ᄒᆞ야 ^ 제 쓰거나 ᄂᆞᆷ ᄀᆞᄅᆞ쳐 쓰거나 ᄒᆞ면
則為起立僧坊，以赤栴檀作諸殿堂三十有二，高八多羅樹，高廣嚴好，百千比丘於其中止，
僧坊 지ᅀᅩᄃᆡ 赤旃檀ᄋᆞ로 여러 殿堂 셜흔둘흘 지ᅀᅩᄃᆡ 노ᄑᆡ 여듧 多羅樹ㅣ오 놉고 넙고 싁싀기 됴커든 百千 比丘ㅣ 그ᅌᅥ긔 이시며