월인석보 18권
月印千江之曲第十八
釋譜詳節第十八
其三百十八
微塵 菩薩 말 드르샤 廣長舌 내신대 八方 分身이 ᄯᅩ 내시니
百千 年이 ᄎᆞ거ᅀᅡ 廣長^舌 가ᄃᆞ신대 八方 分身이 ᄯᅩ 가ᄃᆞ시니
其三百十九
八方 如來와 ᄒᆞᆫᄢᅴ 내신 소리 듣ᄌᆞᆸ고 十方 諸國이 震動ᄒᆞᅀᆞᄫᆞ니
多寶如來와 ᄒᆞᆫ ᄃᆡ 안ᄌᆞ신 ^ 相 보ᅀᆞᆸ고 十方 諸國이 歡喜ᄒᆞᅀᆞᄫᆞ니
其三百二十
十方 諸天이 이 긔별 닐어늘 현맛 供養이 모다 오나뇨
이ᅌᅦᆺ 大衆이 十方 世界ᄅᆞᆯ 보니 현맛 나라히 ᄒᆞᆫ ᄃᆡ 어울어^뇨
爾時千世界微塵等菩薩摩訶薩。從地涌出者。皆於佛前。一心合掌。瞻仰尊顏而白佛言。
그ᄢᅴ 千 世界 微塵等 菩薩摩訶薩 ᄯᅡ해셔 소사나시니 ᄃᆞᆯ히 다 부텻 알ᄑᆡ 一心ᄋᆞ로 合掌ᄒᆞ야 尊顔ᄋᆞᆯ 울워러 보ᅀᆞᄫᅡ 부텻긔 ᄉᆞᆯᄫᆞ샤ᄃᆡ
世尊。我等於佛滅後。世尊分身所在國土。滅度之處。當廣說此經。
世尊하 우리ᄃᆞᆯ히 부텨 滅後에 世尊ㅅ ^ 分身 겨신 國土마다 滅度ᄒᆞ신 ᄯᅡ해 반ᄃᆞ기 이 經을 너비 닐오리니
所以者何。我等亦自欲得是真淨大法。受持讀誦。解說書寫。而供養之。
엇뎨어뇨 ᄒᆞ란ᄃᆡ 우리ᄃᆞᆯ토 이 眞淨大法을 제 得고져 ᄒᆞ야 受持 讀誦ᄒᆞ며 解說 書寫ᄒᆞ야 供養호리ᅌᅵ다
即涌出品佛所化眾。於前顯迹勸持於。此伸請流通也
涌出品엣 부텨 敎化ᄒᆞ샨 衆이니 알ᄑᆡ 자최ᄅᆞᆯ 나토아 디뉴믈 勸^ᄒᆞ시고 이ᅌᅦ 流通호ᄆᆞᆯ 請ᄒᆞ시니라
廣說即利他。受持即自利。
너비 니ᄅᆞ샤ᄆᆞᆫ 利他ㅣ오 受持ᄒᆞ샤ᄆᆞᆫ 自利라
爾時世尊。於文殊師利等無量百千萬億舊住娑婆世界菩薩摩訶薩。及諸比丘。比丘尼。優婆塞。優婆夷。天龍夜叉。乾闥婆。阿修羅。迦樓羅。緊那羅。摩睺羅伽。人非人等。一切眾前。現大神力。
그ᄢᅴ 世尊이 文殊師利 等 無量 百千萬億 娑婆世界예 오래 住ᄒᆞ신 菩薩摩訶薩와 比丘 比丘尼 優婆塞 優婆夷 天 龍 夜叉^ 乾闥婆 阿脩羅 迦樓羅 緊那羅 摩睺羅伽 人 非人 等 一切 모ᄃᆞᆫ 알ᄑᆡ 큰 神力 나토샤
出廣長舌。上至梵世。一切毛孔放於無量無數色光。皆悉徧照十方世界。
廣長舌을 내샤 우흐로 梵世예 니르르시고 一切 터럭 굼긔 無量無數 色光ᄋᆞᆯ 펴샤 十方^ 世界ᄅᆞᆯ 다 차 비취시니
出廣長舌上至梵世者。現辨說之神力也。
廣長舌 내샤 우흐로 梵世예 니르샤ᄆᆞᆫ 辯說ᄒᆞ시ᄂᆞᆫ 神力을 나토시니라
放無量光徧照十方者。現智照之神力也。
無量光ᄋᆞᆯ 펴샤 十方ᄋᆞᆯ 차 비취샤ᄆᆞᆫ 智照ᄒᆞ시ᄂᆞᆫ 神力을 나토시니라
將讚經德先現神力。始自出舌放光。以至震動諸天通達佛土。
쟈ᇰᄎᆞ 經ㅅ 德을 讚歎호리라 ᄒᆞ샤 몬져 神力 나토샤 혀 내시며 放光ᄒᆞ샤ᄆᆞᆯ 브터 諸天을 震動ᄒᆞ시며 佛土ᄅᆞᆯ 通達호매 니르르시고
終乃結云。若以如是神力。於億萬劫說此經德。猶不能盡者。極顯斯經勝妙也。
乃終에 結ᄒᆞ야 니ᄅᆞ샤ᄃᆡ 이 ᄀᆞᆮᄒᆞᆫ 神力으로 億萬 劫에 이 經ㅅ 德 닐어도 오히려 몯 다 ᄒᆞ리라 ^ ᄒᆞ시니 이 經에 勝妙ᄅᆞᆯ 至極 나토시니라
如來神力乃法界體中無作妙用。
如來ㅅ 神力은 法界體 中에 無作妙用이시니
華嚴云。幻師之幻法能現種種事。
華嚴에 닐오ᄃᆡ 幻師ㅣ 幻法을 아라 能히 種種ㅅ 이ᄅᆞᆯ 나토며
修羅變作身齊等須彌山。龍王瞬息雨悅澤徧天下。
脩羅ㅣ 變ᄒᆞ야 모ᄆᆞᆯ 지ᅀᅥ 須彌山이 ᄀᆞᆯᄫᆞ며 龍王이 눈 ᄀᆞᆷᄌᆞᆨᄒᆞᆯ ᄊᆞᅀᅵᆺ 비 悅澤이 天下애 ᄀᆞᄃᆞᆨᄒᆞᄂᆞ니
없음
悅澤ᄋᆞᆫ 깃븐 雨澤이라
彼具貪嗔癡神力尚如是。何況法界慧具足自在力。
뎨 貪 瞋 癡 ᄀᆞ조ᄃᆡ 神力이 오히려 이 ᄀᆞᆮᄒᆞ곤 ᄒᆞᄆᆞᆯ며 法界慧^自在力이 ᄀᆞᄌᆞ니ᄯᆞ녀 ᄒᆞ시니
然則舌至梵世光徧十方。特法界慧中一微用耳。
그러면 혜 梵世예 가며 光明이 十方애 ᄀᆞᄃᆞᆨ호미 오직 法界慧中에 ᄒᆞᆫ 죠고맛 用ᄯᆞᄅᆞ미라
舊住菩薩即在此娑婆下方住者。梵世即初禪天。
오래 住ᄒᆞ신 菩薩ᄋᆞᆫ 곧 이 娑婆下方애 住ᄒᆞ시니라 梵世ᄂᆞᆫ 初禪天이라
眾寶樹下師子座上諸佛。亦復如是出廣長舌。放無量光。
한 寶樹 下 師子座 上 諸佛도 ᄯᅩ 이ᄀᆞ티 廣長舌을 내시며 無量光ᄋᆞᆯ 펴시니
釋迦牟尼佛。及寶樹下諸佛現神力時。滿百千歲。然後還攝舌相。一時謦欬。
釋迦牟尼佛^와 寶樹下 諸佛이 神力 나토시ᇙ 저기 百千 歲 ᄎᆞᆫ 後에ᅀᅡ 도로 舌相ᄋᆞᆯ 가ᄃᆞ샤 一時예 謦欬ᄒᆞ시고
없음
謦欬ᄂᆞᆫ 기추미라
俱共彈指。是二音聲。徧至十方諸佛世界。地皆六種震動。
다 ᄒᆞᆫᄢᅴ 彈指ᄒᆞ시니 이 두 音聲이 十方 諸佛世界예 다 가니 ᄯᅡ히 다 六種 震動ᄒᆞ^더니
於數寸之舌現至梵世。一會之頃現百千歲。
두ᅀᅥ 칫 혜 梵世예 니르로ᄆᆞᆯ 나토시며 ᄒᆞᆫ 會ㅅ ᄉᆞᅀᅵ예 百千 歲ᄅᆞᆯ 나토시며
又一謦欬彈指而其聲能徧十方震大地。皆顯神力勝妙也。
ᄯᅩ ᄒᆞᆫ 謦欬 彈指 그 소리 十方애 다 가 大地 震動호ᄆᆞᆫ 다 神力勝妙ᄅᆞᆯ 나토시니라
其中眾生。天龍夜叉。乾闥婆。阿修羅。迦樓羅。緊那羅。摩睺羅伽。人非人等。以佛神力故。皆見此娑婆世界。無量無邊。百千萬億。眾寶樹下師子座上諸佛。
그 中 衆生 天 龍 夜叉 乾闥婆 阿脩羅 迦樓羅 緊那羅 摩睺羅伽 人 非人 等이 부텻 神力으^로 이 娑婆世界 無量無邊 百千萬億 衆寶樹 下 師子座 上 諸佛을 다 보ᅀᆞᄫᆞ며
及見釋迦牟尼佛。共多寶如來。在寶塔中坐師子座。
ᄯᅩ 釋迦牟尼佛이 多寶如來와 寶塔 中 師子座애 안잿거시ᄂᆞᆯ 보ᅀᆞᄫᆞ며
又見無量無邊。百千萬億。菩薩摩訶薩。及諸四眾。恭敬圍繞釋迦牟尼佛。既見是已。皆大歡喜。得未曾有。
ᄯᅩ 無量無邊 百^千萬億 菩薩摩訶薩와 諸四衆이 釋迦牟尼佛을 恭敬 圍繞ᄒᆞᅀᆞᄫᅢᆺ거늘 보ᅀᆞᆸ고 다 ᄀᆞ자ᇰ 歡喜ᄒᆞ야 녜 업던 이ᄅᆞᆯ 得과라 ᄒᆞ야
十方異界眾生礙心。而能見此娑婆佛事。乃因佛神力假彼通力。葢顯勝妙也。
十方ᄋᆞᆫ 다ᄅᆞᆫ 界오 衆生ᄋᆞᆫ 마ᄀᆞᆫ ᄆᆞᅀᆞ미로ᄃᆡ 能히 이 娑婆 佛事ᄅᆞᆯ 보ᅀᆞᄫᅩᄆᆞᆫ 佛神力의 뎌ᅌᅦ 通力 빌이샤ᄆᆞᆯ 因ᄒᆞ니 더욱 勝妙^ᄅᆞᆯ 나토시니라-08a
即時諸天。於虗空中。高聲唱言。
卽時예 諸天이 虛空 中에 된 소리로 닐오ᄃᆡ
過此無量無邊百千萬億阿僧祇世界。有國名娑婆。是中有佛。名釋迦牟尼。
이ᅌᅦ셔 無量無邊 百千萬億 阿僧衹 世界 디나 나라히 이쇼ᄃᆡ 일후미 娑婆ㅣ니 이 中에 부톄 겨샤ᄃᆡ 일후미 釋迦牟尼시니
今為諸菩薩摩訶薩。說大乘經。名妙法蓮華。教菩薩法。佛所護念。
이제 諸菩薩摩^訶薩 爲ᄒᆞ샤 大乘經을 니ᄅᆞ시ᄂᆞ니 일후미 妙法蓮華ㅣ니 菩薩 ᄀᆞᄅᆞ치시논 法 부텨 護念ᄒᆞ시논 배라
汝等當深心隨喜。亦當禮拜供養釋迦牟尼佛。
너희ᄃᆞᆯ히 기픈 ᄆᆞᅀᆞᄆᆞ로 隨喜ᄒᆞ며 ᄯᅩ 釋迦牟尼佛을 저ᅀᆞᄫᅡ 供養ᄒᆞᅀᆞᄫᅡᅀᅡ ᄒᆞ리라
彼諸眾生。聞虗空中聲已。合掌向娑婆世界。作如是言。
뎌 衆生ᄃᆞᆯ히 虛^空 中엣 소리ᄅᆞᆯ 듣고 合掌ᄒᆞ야 娑婆世界ᄅᆞᆯ 向ᄒᆞ야 닐오ᄃᆡ
南無釋迦牟尼佛。南無釋迦牟尼佛。以種種華香。瓔珞幡葢。及諸嚴身之具。珍寶妙物。皆共遙散娑婆世界。
南無釋迦牟尼佛 南無釋迦牟尼佛 ᄒᆞ고 種種 華香 瓔珞 幡蓋와 여러 가짓 모매 莊嚴ᄒᆞᇙ 것 珍寶 妙物로 다 娑婆^世界예 머리셔 비ᄒᆞ니
此皆神力或使。
이 다 神力으로 그리 케 ᄒᆞ시니라
所散諸佛。從十方來。譬如雲集。變成寶帳。徧覆此間諸佛之上。
비혼 것ᄃᆞᆯ히 十方ᄋᆞ로셔 오니 구룸 지픠ᄃᆞᆺ ᄒᆞ야 變ᄒᆞ야 寶帳이 ᄃᆞ외야 이 ᄉᆞᅀᅵᆺ 諸佛ㅅ 우희 차 두프니
於時十方世界。通達無礙。如一佛土。
그제 十方 世界 通達ᄒᆞ야 마ᄀᆞᆫ ᄃᆡ 업서 ᄒᆞᆫ 佛土ㅣ ᄀᆞᆮ더니
此又神力變現
이 ᄯᅩ 神力으로 變ᄒᆞ야 나토시^니라
爾時佛告上行等菩薩大眾。
그ᄢᅴ 부톄 上行 等 菩薩大衆ᄃᆞ려 니ᄅᆞ샤ᄃᆡ
諸佛神力。如是無量無邊不可思議。
諸佛 神力이 이ᄀᆞ티 無量無邊 不可思議니
若我以是神力。於無量無邊百千萬億阿僧祇劫。為囑累故。說此經功德。猶不能盡。
ᄒᆞ다가 내 이 神力으로 無量無邊 百千萬億 阿僧衹 劫에 囑累호ᄆᆞᆯ 爲ᄒᆞ야 이 經 功^德을 닐어도 오히려 能히 다 몯ᄒᆞ리라
上行即涌出眾首也。
上行ᄋᆞᆫ 곧 涌出衆엣 爲頭ᄒᆞ시니라
舌相之廣身光之遠。一謦欬一彈指。而能動六震感諸天。以至合異達礙。
舌相 너붐과 身光 머룸과 ᄒᆞᆫ 謦欬 ᄒᆞᆫ 彈指예 能히 六震을 뮈워 諸天을 感ᄒᆞ며 다ᄅᆞᆫ 거슬 어울워 마ᄀᆞᆫ ᄃᆡ ᄉᆞᄆᆞ초매 니르르시니
則神力可謂至大。而不能說盡經德者。
神力이 至極 크시다 닐오ᇙ 디어늘 能히 經ㅅ 德을 다 몯 니ᄅᆞ샤ᄆᆞᆫ
如來一切深妙功德盡萃此經。不可勝窮故也。
如來ㅅ 一切 深妙ᄒᆞ신 功德이 이 經에 다 모다 어루 다 몯 니ᄅᆞ릴ᄊᆡ니라
以要言之。如來所有一切之法。如來一切自在神力。如來一切秘要之藏。如來一切甚深之事。皆於此經。宣示顯說。
조ᅀᆞᄅᆞᄫᆡᆫ 고ᄃᆞ로 니ᄅᆞ건댄 ^ 如來 一切 뒷논 法과 如來 一切 自在 神力과 如來 一切 秘要ᄒᆞᆫ 藏과 如來 一切 甚히 기픈 이리 다 이 經에 펴 뵈야 나토아 닐어실ᄊᆡ니라
所有之法即道場所得者。
두겨신 法은 곧 道場애 得ᄒᆞ샨 거시오
自在神力即稱性示現者。
自在神力은 곧 性에 마초 뵈야 現ᄒᆞ샤미오
祕要之藏即法之不可示者。
秘要ᄒᆞᆫ 藏ᄋᆞᆫ 곧 法의 ^ 몯 뵈ᇙ 거시오
甚深之事即心之不可傳者。
甚히 기픈 이ᄅᆞᆫ 곧 ᄆᆞᅀᆞᄆᆡ 몯 傳호ᇙ 거시니
皆於此經盡之。所以功莫盡說也。
다 이 經에 다 이실ᄊᆡ 功德을 몯 다 니ᄅᆞᄂᆞᆫ 고디라
是故汝等。於如來滅後。應一切受持讀誦解說書寫。如說修行。所在國土。
이럴ᄊᆡ 너희 如來 滅後에 一心ᄋᆞ로 受持 讀誦ᄒᆞ며 解說 書寫ᄒᆞ야 말다ᄫᅵ 修行ᄒᆞ야 잇논 國土애
若有受持讀誦解說書寫。如說修行。
ᄒᆞ다가 受持 讀誦ᄒᆞ며 解說 書寫ᄒᆞ며 말다ᄫᅵ ^ 修行ᄒᆞ리 잇거나
若經卷所住之處。若於園中。若於林中。若於樹下。若於僧坊。若白衣舍。若在殿堂。若山谷曠野。是中皆應起塔供養。
ᄒᆞ다가 經卷 住ᄒᆞᆫ ᄯᅡ히 園中이어나 林中이어나 樹下ㅣ어나 僧坊이어나 白衣舍ㅣ어나 殿堂애 잇거나 山谷 曠野ㅣ어나 이 中에 다 塔 일어 供養호ᇙ 디니
없음
曠野ᄂᆞᆫ [:□뷘] 드르히라
所以者何。當知是處即是道場。
엇뎨어뇨 ᄒᆞ란ᄃᆡ ^ 반ᄃᆞ기 알라 이 고ᄃᆞᆫ 곧 道場이니
諸佛於此得阿耨多羅三藐三菩提。諸佛於此轉於法輪。諸佛於此而般涅槃。
諸佛이 이ᅌᅦ 阿耨多羅三藐三菩提ᄅᆞᆯ 得ᄒᆞ시며 諸佛이 이ᅌᅦ 法輪을 轉ᄒᆞ시며 諸佛이 이ᅌᅦ 般涅槃ᄒᆞ시ᄂᆞ니라
明諸佛修證。始終不離此法。
諸佛 닷가 證ᄒᆞ시논 처ᅀᅥᆷ 乃終이 이 法에 여희디 아니ᄒᆞ샤ᄆᆞᆯ ᄇᆞᆯ기시니라
없음
잇ᄀᆞ자ᇰ 如來神力品 ^ ᄆᆞᆺ고 아래ᄂᆞᆫ 囑累品이라
以言托之曰囑。以法系之曰累。
말ᄊᆞᄆᆞ로 브틸 씨 囑이오 法으로 ᄆᆡᆯ 씨 累라
欲使傳續妙法利達無窮。故曰囑累而為付授流通也。
妙法을 傳持ᄒᆞ야 니ᅀᅥ 利히 ᄉᆞᄆᆞ초미 그지업게 코져 ᄒᆞ실ᄊᆡ 囑累라 ᄒᆞ야 付授流通이 ᄃᆞ외니라
然法會未終遽說囑累者。此經以智立體以行成德。
그러나 法會ᄅᆞᆯ 몯 ᄆᆞ차셔 믄득 囑累 니ᄅᆞ샤ᄆᆞᆫ 이 經이 智로 體ᄅᆞᆯ 셰오 行ᄋᆞ로 德을 일우시니
前之開佛知見明一大事。立體之法既備。
알ᄑᆡ 부텻 知見을 여르샤 一大事ᄅᆞᆯ ᄇᆞᆯ기샤 體 셰샨 法이 ᄒᆞ마 ᄀᆞᄌᆞᆯᄊᆡ 囑累 니ᄅᆞ샤
故說囑累以明佛佛授手之要止此而已。
佛佛이 손 심기시논 조ᅀᆞᄅᆞᄫᆡᆫ 거시 이ᄯᆞᄅᆞ민 ᄃᆞᆯ ᄇᆞᆯ기시고
後之以行成德者。唯體前法推而行之。更無別法。
後에 行ᄋᆞ로 德 일우샤ᄆᆞᆫ 오직 ^ 알ᄑᆡᆺ 法을 體ᄒᆞ야 미러 行ᄒᆞᆯ ᄲᅮ니언뎌ᇰ 다시 各別ᄒᆞᆫ 法이 업스니
既無別法則於此囑累宜矣。
ᄒᆞ마 各別ᄒᆞᆫ 法곳 업스면 이ᅌᅦ 囑累ᄒᆞ샤미 올ᄒᆞ시니라
華嚴有三十九品。敷列修進至等覺位終。如來出現品纔三十七。遂即囑累流通。
華嚴에 三十九品이 이쇼ᄃᆡ 닷가 나ᅀᅡ가ᄆᆞᆯ 버리샤 等覺位 終에 니르러 如來出現品이 ᄇᆞᄅᆞᆮ 三十七에 곧 囑累 流通ᄒᆞ시고
而後說普賢常行及善財南遊二品。
後에 普賢常行과 善財南遊 두 品을 니ᄅᆞ시니
亦以前法既備。後唯躡前以成行德。更無別法故也。
ᄯᅩ 알ᄑᆡᆺ 法이 ᄒᆞ마 ᄀᆞᄌᆞᆯᄊᆡ 後엔 오직 알ᄑᆞᆯ ᄇᆞᆯᄫᅡ 行德을 일우시고 各別ᄒᆞᆫ 法이 업슬ᄊᆡ니라
又前彰智境。所以簡情顯解。
ᄯᅩ 알ᄑᆡ 智境 나토샤ᄆᆞᆫ 情^을 ᄇᆞ려 解 나토샤미오
後示行境。欲其解終趨行故於此辨焉。
後에 行境 뵈샤ᄆᆞᆫ 解 ᄆᆞ차 行애 가과뎌 ᄒᆞ시니 그럴ᄊᆡ 이ᅌᅦ ᄀᆞᆯᄒᆡ시니라
所謂行境者。無復簡顯無復情解。唯全體運用之而已。
닐온 行境은 ᄂᆞ외야 ᄇᆞ리며 나토미 업스며 ᄂᆞ외야 情과 解왜 업서 오직 오로 體ᄒᆞ야 뮈워 ᄡᅳᆯ ᄯᆞᄅᆞ미라
觀曰若不洞明前解。無以躡成後行。
觀애 닐오ᄃᆡ 알ᄑᆡᆺ 解ᄅᆞᆯ ᄉᆞᄆᆞᆺ ᄇᆞᆯ기디 몯ᄒᆞ면 後ㅅ 行ᄋᆞᆯ ᄇᆞᆯᄫᅡ 일우디 몯ᄒᆞ리니
又須忘絕前解然後能入行境。
ᄯᅩ 모로매 알ᄑᆡᆺ 解ᄅᆞᆯ 니저 ᄇᆞ린 後에ᅀᅡ 能히 行境에 들리라 ᄒᆞ니
是故行由解成行起解絕。
이럴ᄊᆡ 行이 解ᄅᆞᆯ 브터 일오 行이 니러 解 그츠면
則後之行境非言所及非解所到。
後ㅅ 行境은 말ᄊᆞᄆᆡ 미추ᇙ 디 아니며 解ᄋᆡ 다ᄃᆞ로ᇙ 디 아니며
亦非囑累所能相授矣。學者當進乎此。
ᄯᅩ 囑累의 能히 서^르 심교ᇙ 디 아니니 ᄇᆡ호ᇙ 사ᄅᆞ미 이ᅌᅦ 나ᅀᅡ가ᇙ 디니라
其三百二十一
如來 손ᄋᆞᆯ 내샤 菩薩ᄃᆞᆯ ᄆᆞ니시고 八方 如來ᄅᆞᆯ 가쇼셔 ᄒᆞ시니
菩薩ᄃᆞᆯ히 몸 구펴 如來ㅅ긔 말 ᄉᆞᆯᄫᅡ시ᄂᆞᆯ 寶塔如來^ᄅᆞᆯ 겨쇼셔 ᄒᆞ시니
爾時釋迦牟尼佛。從法座起。現大神力。以右手摩無量菩薩摩訶薩頂。而作是言。
그ᄢᅴ 釋迦牟尼佛이 法座로셔 니르샤 큰 神力 나토샤 올ᄒᆞᆫ소ᄂᆞ로 無量菩薩摩訶薩ㅅ 頂을 ᄆᆞ니시며 니ᄅᆞ샤ᄃᆡ
我於無量百千萬億阿僧祇劫。修習是難得阿耨多羅三藐三菩提法。今以付囑汝等。
無量 百千萬億 阿僧衹 劫에 이 得호미 어려^ᄫᅳᆫ 阿耨多羅三藐三菩提法을 닷가 니겨 이제 너희게 付囑ᄒᆞ노니
汝等應當一心流布此法。廣令增益。
너희 一心ᄋᆞ로 이 法을 流布ᄒᆞ야 너비 더으게 ᄒᆞ라
如是三摩諸菩薩摩訶薩頂。而作是言。
잇 야ᇰᄋᆞ로 세 번 諸菩薩摩訶薩ㅅ 頂을 ᄆᆞ니시며 니ᄅᆞ샤ᄃᆡ
我於無量百千萬億阿僧祇劫。修習是難得阿耨多羅三藐三菩提法。今以付囑汝等汝等。
내 無量 百千萬億^ 阿僧衹 劫에 이 得호미 어려ᄫᅳᆫ 阿耨多羅三藐三菩提法을 닷가 니겨 이제 너희게 付囑ᄒᆞ노니
當受持讀誦廣宣此法令一切眾生。普得聞知。
너희 受持 讀誦ᄒᆞ야 이 法을 너비 펴 一切 衆生이 너비 드러 알에 ᄒᆞ라
再三摩頂示諄勤也。
두ᅀᅥ번 頂 ᄆᆞ니샤ᄆᆞᆫ 브즈런호ᄆᆞᆯ 뵈시니라
諸佛授記付囑皆摩其頂。表授無上法也。
諸佛이 授記ᄒᆞ시며 ^ 付囑ᄒᆞ샤매 다 뎌ᇰ바기 ᄆᆞ니샤ᄆᆞᆫ 無上法 심교ᄆᆞᆯ 表ᄒᆞ시니라
無量菩薩。即從地涌出者。
無量菩薩ᄋᆞᆫ 곧 ᄯᅡᄒᆞ로셔 소사나시니라
所以者何。如來有大慈悲。無諸慳吝。亦無所畏。能與眾生佛之智慧。
엇뎨어뇨 ᄒᆞ란ᄃᆡ 如來 큰 慈悲 잇고 앗굠 업스며 ᄯᅩ 저훔 업서 能히 衆生ᄋᆡ게 부텻 智慧 如來ㅅ 智慧 自然智慧ᄅᆞᆯ 주ᄂᆞ니
如來智慧。自然智慧。如來是一切眾生之大施主。汝等亦應隨學如來之法。勿生慳吝。
如來ᄂᆞᆫ 一切 衆生ᄋᆡ 大^施主ㅣ니 너희ᄃᆞᆯ히 如來ㅅ 法을 조차 ᄇᆡ화 앗교ᇙ ᄠᅳᆮ 내디 말라
所以令其廣宣此法者。使學如來三行與諸眾生施大法利也。
이 法을 너비 펴게 ᄒᆞ샤ᄆᆞᆫ 如來ㅅ 세 行ᄋᆞᆯ ᄇᆡ화 衆生ᄋᆡ게 큰 法利ᄅᆞᆯ 施케 ᄒᆞ시니
一大慈悲行平等滋濟。