월인석보 18권
我滅度後。後五百歲中。廣宣流布於閻浮提。無令斷絕。
나 滅度 後에 後五百 歲 中에 閻浮提예 너비 펴 流布ᄒᆞ야 그처디디 아니케 ᄒᆞ야
惡魔魔民。諸天龍。夜叉。鳩槃茶等。得其便也。
惡魔 魔^民과 諸天 龍 夜叉 鳩槃茶 等이 便을 得디 몯게 ᄒᆞ라
宿王華。汝當以神通之力。守護是經。
宿王華야 네 반ᄃᆞ기 神通力으로 이 經을 守護ᄒᆞ라
所以者何。此經則為閻浮提人病之良藥。
엇뎨어뇨 ᄒᆞ란ᄃᆡ 이 經은 閻浮提ㅅ 사ᄅᆞᄆᆡ 病엣 良藥이니
若人有病。得聞是經。病即消滅。不老不死。
ᄒᆞ다가 사ᄅᆞ미 病이 이셔 이 經^을 드르면 病이 즉재 消滅ᄒᆞ야 늙디 아니ᄒᆞ며 죽디 아니ᄒᆞ리라
真知見力却癡愛病。是為良藥也。
眞知見力이 癡愛病을 앗ᄂᆞ니 이 니ᄅᆞ샨 良藥이라
癡愛病除則生死緣斷頓證真常。何復老死。
癡愛病이 덜면 生死緣이 그처 眞常ᄋᆞᆯ 頓證ᄒᆞ면 어딋던 ᄯᅩ 늘거 주그리오
如般若智照能空五蘊度苦厄無老死。是也。
般若智로 비취여 能히 五蘊을 뷔워 苦厄ᄋᆞᆯ 버서 老死 업다 ᄒᆞ샤미 이라
宿王華。汝若見有受持是經者。應以青蓮華。盛滿抹香。供散其上。散已作是念言。
宿王華야 네 ᄒᆞ다가 이 經 受持ᄒᆞ리ᄅᆞᆯ 보아^ᄃᆞᆫ 靑蓮華애 抹香ᄋᆞᆯ ᄀᆞᄃᆞ기 다마 우희 비코 너교ᄃᆡ
此人不久。必當取草。坐於道場。破諸魔軍。當吹法螺。
이 사ᄅᆞ미 아니 오라 반ᄃᆞ기 플 가져 道場애 안자 魔軍ᄃᆞᆯ 헐오 法螺 불며
擊大法皷。度脫一切眾生老病死海。
큰 法鼓 텨 一切 衆生ᄋᆞᆯ 生老病死 海예 度脫ᄒᆞ리라 ᄒᆞ라
是故求佛道者。見有受持是經典人。應當如是生恭敬心。
이럴ᄊᆡ 佛道 求ᄒᆞᇙ 사^ᄅᆞ미 이 經典 受持ᄒᆞ리 보아ᄃᆞᆫ 이ᄀᆞ티 恭敬 ᄆᆞᅀᆞᆷ 내야ᅀᅡ ᄒᆞ리라
佛成道時取吉祥草為座。
부톄 成道ᄒᆞ시ᇙ 제 吉祥草ᄅᆞᆯ 가져 座 ᄆᆡᇰᄀᆞᄅᆞ시니라
說是藥王菩薩本事品時。八萬四千菩薩。得解一切眾生語言陀羅尼。
이 藥王菩薩本事品 니르시ᇙ 제 八萬 四千 菩薩이 解一切衆生語言陀羅尼ᄅᆞᆯ 得ᄒᆞ니라
喜見聞經即得現身三昧。
喜見이 經^ 드르시고 즉재 現身三昧ᄅᆞᆯ 得ᄒᆞ시고
及然身之後即得語言總持。
몸 ᄉᆞᄅᆞ신 後에 즉재 語言揔持ᄅᆞᆯ 得ᄒᆞ시니
為證得法身離諸相見。而洞契妙圓故也。
法身을 證得ᄒᆞ야 여러 가짓 相見을 여희여 妙圓에 ᄉᆞᄆᆞᆺ 마ᄌᆞ실ᄊᆡ니라
及其然臂則聲聞得住現身三昧。
ᄇᆞᆯ ᄉᆞᄅᆞ샤매 미처 聲聞이 現身三昧예 住호ᄆᆞᆯ 得ᄒᆞ고
今說本事則菩薩得解語言總持者。葢由悟其然身然臂之事。
이제 本事 니르샤매 菩薩이 解語言捴持ᄅᆞᆯ 得호ᄆᆞᆫ 몸 ᄉᆞᆯ며 ᄇᆞᆯ ᄉᆞᄅᆞ신 일 아로ᄆᆞ로
亦能離諸見執洞契妙圓。
ᄯᅩ 能히 여러 가짓 見執을 여희여 妙圓에 ᄉᆞᄆᆞᆺ 마ᄌᆞ니
此所謂以苦行成圓通之德也。
이 닐온 苦行ᄋᆞ로 圓通德 일우샤미라
然皆得三昧又得總持者。現身三昧隨類分形。語言總持隨類說法。
그러나 다 三昧ᄅᆞᆯ 得ᄒᆞ고 ^ ᄯᅩ 捴持ᄅᆞᆯ 得호ᄆᆞᆫ 現身三昧ᄂᆞᆫ 類ᄅᆞᆯ 조차 얼구를 [□□□]고 語言捴持ᄂᆞᆫ 類를 조차 法을 니르시니
二者葢常相需而皆由妙法所證。故說妙音品時。諸菩薩眾亦得是三昧及陀羅尼。
둘히 時常 서르 기드리ᄂᆞ니 다 妙法을 브터 證ᄒᆞᆯᄊᆡ 妙音品 니ᄅᆞ시ᇙ 저긔 諸菩薩衆이 ᄯᅩ 이 三昧와 陀羅尼ᄅᆞᆯ 得ᄒᆞ니라
多寶如來於寶塔中。讚宿王華菩薩言。
多寶如來 寶塔 中에 宿王華菩薩ᄋᆞᆯ 讚歎ᄒᆞ야 니ᄅᆞ샤ᄃᆡ
善哉善哉。宿王華。汝成就不可思議功德。乃能問釋迦牟尼佛如此之事。利益無量一切眾生。
됴타 됴타 宿王華야 ^ 네 不可思議 功德을 일워 能히 釋迦牟尼佛ᄭᅴ 이 ᄀᆞᆮᄒᆞᆫ 이ᄅᆞᆯ 묻ᄌᆞᄫᅡ 無量 一切 衆生ᄋᆞᆯ 利益ᄒᆞᄂᆞ다
非宿曾成就聞持自在之德。不能發起是利。
드러 디녀 自在德을 아래 일우니옷 아니면 能히 이 利ᄅᆞᆯ 나ᄅᆞ왇디 몯ᄒᆞ리라
없음
잇ᄀᆞ자ᇰ 藥王菩薩事品 ᄆᆞᆺ고 아래ᄂᆞᆫ 妙音[菩]薩品이라
妙音者深體妙法。能以妙音隨應演說。而流通是道者也。
妙音은 妙法을 기피 體ᄒᆞ샤 能히 妙音^으로 조차 應ᄒᆞ샤 불어 니ᄅᆞ샤 이 道ᄅᆞᆯ 流通ᄒᆞ실씨라
名雖妙音實彰妙行。
일후미 비록 妙音이나 實엔 妙行ᄋᆞᆯ 나토시니
觀其往昔植因。於雲雷音王佛所獻樂奉鉢。蘄在妙音說法妙行隨應。
녜 因 시므샤 雲雷音王佛ㅅ게 風流 받ᄌᆞᄫᆞ며 바리 받ᄌᆞ오샤ᄆᆞᆯ 보ᅀᆞᆸ건댄 妙音으로 說法ᄒᆞ며 妙行으로 조차 應코져 ᄒᆞ실ᄊᆡ
故報生宿智佛國。果能有是神力。
報애 宿智佛國에 나샤 果애 能히 이 神力이 겨시니
今使學者體其妙行。而隨應說法闡揚斯道。
이제 ᄇᆡ호ᇙ 사ᄅᆞ미 그 妙行을 體ᄒᆞ야 조차 應ᄒᆞ야 說法ᄒᆞ[야] 이 道ᄅᆞᆯ ᄇᆞᆯ겨 펴게 ᄒᆞ실ᄊᆡ
故說妙音品為妙行流通。夫體妙音則不滯言詮。
妙音品을 니ᄅᆞ샤 妙行流通ᄋᆞᆯ 사ᄆᆞ시니 妙音[]^을 體ᄒᆞ면 말ᄊᆞ매 걸이디 아니ᄒᆞ고
能隨應則不局心迹。不滯不局所以為妙行也。
能히 조차 應ᄒᆞ면 ᄆᆞᅀᆞᇝ 자최예 븓ᄃᆞᇰᄀᆡ디 아니ᄒᆞ리니 거디 아니ᄒᆞ며 븓디 아니호미 妙行이라
繼此復有圓行常行。而次前苦行說者。
이 니ᅀᅥ ᄯᅩ 圓行常行이 잇ᄂᆞ니 알ᄑᆡᆺ 菩行애 버거 니ᄅᆞ샤ᄆᆞᆫ
將欲以行成德必精心苦志然後造妙。造妙然後能圓。
쟈ᇰᄎᆞ 行ᄋᆞ로 德을 일우ᇙ딘댄 모로매 精心苦志ᄒᆞᆫ 後에ᅀᅡ 妙애 나ᅀᅡ가고 妙애 나ᅀᅡ간 後에ᅀᅡ 能히 圓ᄒᆞ고
能圓然後真契普賢常行。已如前解。
能히 圓ᄒᆞᆫ 後에ᅀᅡ 普賢常行애 眞實로 마ᄌᆞ리니 알ᄑᆡᆺ 사교미 ᄀᆞᆮᄒᆞ니라
其三百二十二
肉髻 白毫 光明이 東方 世界예 비취샤 淨光莊嚴이 ᄇᆞᆯᄀᆞ니ᅌᅵ다
淨華宿王智如來 妙音菩薩ᄋᆞᆯ 보내샤 娑婆 國土애 오시니ᅌᅵ다
其三百二十三
妙音이 ᄀᆞ마니 겨샤 千萬 고ᄌᆞᆯ 내샤 法座ㅅ 겨틔 도다 뵈ᅀᆞᄫᆞ시니
多寶ㅣ 오라 커시ᄂᆞᆯ 千萬 菩薩 ᄃᆞ리샤 世尊 알ᄑᆡ 安否ᄒᆞᅀᆞᄫᆞ시니
其三百二十四
數 업슨 祥瑞로 오샤 兩分ㅅ긔 供養ᄒᆞ시니 文殊菩薩이 보ᅀᆞᄫᆞ시니
ᄀᆞᇫ 업슨 功德 이ᄅᆞ샤 衆生 救ᄒᆞ시ᄂᆞᆫ ᄃᆞᆯ 華德菩薩이 듣ᄌᆞᄫᆞ시니
爾時釋迦牟尼佛。放大人相肉髻光明。及放眉間白毫相光。
그ᄢᅴ 釋迦牟尼佛이 大^人相 肉髻光明을 펴시며 ᄯᅩ 眉間 白毫相光ᄋᆞᆯ 펴샤
徧照東方百八萬億那由他恒河沙等諸佛世界。
東方 百八萬億 那由他 恒河沙等 諸佛世界ᄅᆞᆯ 다 비취시니
開會及召分身。但放眉間毫相。今召妙音乃兼放肉髻光者。肉髻為無見頂相。
會 여르샴과 分身 브르샤매 오직 眉間 毫相ᄋᆞᆯ 펴시고 이제 妙音 브르샤매 肉髻光ᄋᆞᆯ 조쳐 펴샤ᄆᆞᆫ 肉髻ᄂᆞᆫ 無見頂相이라
없음
부톄 十相이 겨시니 無見頂上相 頂上肉髻相 髮紺瑠璃相 眉間白毫相 眉細垂楊相 眼目淸淨相 耳聞諸聲相 鼻高圓直相 舌大法螺相 身眞金色相이라
為最上果光。葢將宣示妙圓之行乃極果行相。故以極果之光召現也。
最上果光이시니 쟈ᇰᄎᆞ 妙圓行ᄋᆞᆯ 펴 뵈샤ᇙ딘댄 極果行相이실ᄊᆡ 極果光ᄋᆞ로 블러 나토시니라
佛有九十七種大人相。肉髻頂其一。
부톄 九十七種 大人相이 겨샤ᄃᆡ 肉髻 그ᅌᅥ긧 ᄒᆞ나히시니라
過是數已。有世界。名淨光莊嚴。其國有佛。
이 數 ^ 디내야 世界 이쇼ᄃᆡ 일후미 淨光莊嚴이오 그 나라해 부톄 겨샤ᄃᆡ
號淨華宿王智。如來。應供。正徧知。明行足。善逝。世間解。無上士。調御丈夫。天人師。佛 世尊。
일후미 淨華宿王智如來 應供 正遍知 明行足 善逝 世間解 無上士 調御丈夫 天人師 佛 世尊이러시니
為無量無邊菩薩大眾恭敬圍繞。而為說法。
無量無邊 菩薩大衆이 恭敬 圍繞ᄒᆞᅀᆞᄫᅢᆺ거늘 爲ᄒᆞ야 說法ᄒᆞ시더니
釋迦牟尼佛。白毫光明。徧照其國。
釋迦牟尼佛ㅅ 白毫光明이 그 나라해 차 비취여시ᄂᆞᆯ
華嚴與菩薩所從來國表所行之行。
華嚴에 菩薩 從ᄒᆞ야 오신 나라ᄒᆞᆯ 드르샤[□] 行ᄒᆞ샨 行ᄋᆞᆯ 表ᄒᆞ시고
本所事佛表所證之果。淨光莊嚴即依智之行也。
本來 셤기시논 부텨는 證ᄒᆞ샨 果ᄅᆞᆯ 表ᄒᆞ시니 淨光莊嚴은 ^ 智ᄅᆞᆯ 브튼 行이오
淨華宿智即依行之智也。
淨華宿智ᄂᆞᆫ 行ᄋᆞᆯ 브튼 智라
智行互嚴因果合體。妙音妙行依此示現。
智行이 서르 莊嚴ᄒᆞ며 因果ㅣ 體예 마ᄌᆞ니 妙音 妙行이 이ᄅᆞᆯ 브터 뵈야 나토시니라
爾時一切淨光莊嚴國中。有一菩薩。名曰妙音。
그ᄢᅴ 一切 淨光莊嚴國 中에 ᄒᆞᆫ 菩薩이 겨샤ᄃᆡ 일후미 妙音이러시니
久已植眾德本。供養親近無量百千萬億諸佛。而悉成就甚深智慧。
오래 ᄒᆞ마 한 德根源을 심거 無量 百千萬億 諸佛을 ^ 供養 親近ᄒᆞᅀᆞᄫᅡ 甚深智慧ᄅᆞᆯ 다 일우샤
植德供佛成就深智。言福慧兩足。
德 심거 부텨 供養ᄒᆞᅀᆞᄫᆞ며 기픈 智慧 일우샤ᄆᆞᆫ 福慧兩足ᄋᆞᆯ ᄉᆞᆯᄫᆞ니라
得妙幢相三昧。法華三昧。淨德三昧。宿王戲三昧。無緣三昧。智印三昧。解一切眾生語言三昧。集一切功德三昧。清淨三昧。神通遊戲三昧。慧炬三昧。莊嚴王三昧。淨光明三昧。淨藏三昧。不共三昧。日旋三昧。
妙幢相三昧 法華三昧 淨德三昧 宿王戱三昧 無緣三昧 智印三昧 解一切衆生^語言三昧 集一切功德三昧 淸淨三昧 神通遊戱三昧 慧磲三昧 莊嚴王三昧 淨光明三昧 淨藏三昧 不共三昧 日旋三昧ᄅᆞᆯ 得ᄒᆞ샤
없음
旋은 횟돌씨라
得如是等百千萬億恒河沙等諸大三昧。
이 ᄀᆞᆮ^ᄒᆞᆫ 百千萬億 恒河沙等 諸大三昧ᄅᆞᆯ 得ᄒᆞ얫더시니
三昧此云正定｡ 圓覺云｡ 三昧正受者｡ 謂正定中受用之法簡異邪受｡ 非謂梵語三昧此云正受也｡
三昧ᄂᆞᆫ 이ᅌᅦᆺ 말론 正定이니 圓覺애 닐오ᄃᆡ 三昧正受ㅣ라 호ᄆᆞᆫ 正定 中에 受用ᄒᆞ논 法을 닐어 邪受에 ᄀᆞᆯᄒᆡ디ᄫᅵ 梵語 三昧 이ᅌᅦᆺ 마래 正受ㅣ라 호미 아니라
故寶積云三昧及正受｡
그럴ᄊᆡ 寶積에 닐오ᄃᆡ 三昧와 正受ㅣ라 ᄒᆞ니라
妙幢相者｡ 摧邪表正而不住相也｡
妙幢相ᄋᆞᆫ 邪ᄅᆞᆯ 것거 正을 表ᄒᆞ야 相애 住티 아니호미오
法華三昧深入一乘證諸實相｡
法^華三昧ᄂᆞᆫ 一乘에 기피 드러 實相 證호미오
淨德三昧衆德眞淨物莫能染｡
淨德三昧ᄂᆞᆫ 한 德이 眞實로 조ᄒᆞ야 物이 能히 더러ᄫᅵ디 몯호미오
宿王戲者本智自在無所滯著｡
宿王戱ᄂᆞᆫ 本智 自在ᄒᆞ야 著 업수미오
無緣則照而常寂｡
無緣은 照호ᄃᆡ 샤ᇰ녜 寂호미오
智印參合萬法｡
智印ᄋᆞᆫ 萬法을 어울우미오
解一切語言謂了皆眞說｡
解一切語言은 다 眞實ㅅ 마ᄅᆞᆯ ᄉᆞᄆᆞᆺ 아로미오
集一切功德謂萬德圓備｡
集一切 功德은 萬德이 圓히 ᄀᆞ조미오
清淨三昧纖塵不立｡
淸淨三昧ᄂᆞᆫ 죠고맛 드틀도 셔디 아니호미오
神通遊戲變現自在｡
神通遊戱ᄂᆞᆫ 變[現]이 自在호미오
慧炬以能破癡暗｡
慧炬는 ^ 能히 癡暗ᄋᆞᆯ ᄒᆞ야ᄇᆞ료미오
없음
炬는 홰라
莊嚴王以總攝妙行｡
莊嚴王ᄋᆞᆫ 妙行ᄋᆞᆯ 모도자보미오
淨光明者得妙智明｡
淨光明은 妙智明을 得호미오
淨藏者得法眼藏｡
淨藏ᄋᆞᆫ 法眼藏ᄋᆞᆯ 得호미오
不共謂二乘不及｡
不共ᄋᆞᆫ 二乘이 몯 미추미오
日旋則大千圓照｡
日旋은 大千을 圓히 비취유미라
得如是等河沙三昧｡ 謂交徹融攝重重無盡｡ 皆妙音所具也｡
이 트렛 河沙三昧 得호ᄆᆞᆫ 서르 ᄉᆞᄆᆞᄎᆞ며 노가 攝ᄒᆞ야 重重無盡ᄒᆞ니 다 妙音의 ᄀᆞᄌᆞ샤미라
由具此故能成妙行流通妙法｡
이 ᄀᆞᄌᆞ신 젼ᄎᆞ로 能히 妙行^ᄋᆞᆯ 일워 妙法을 流通ᄒᆞ시니라
釋迦牟尼佛。光照其身。即白淨華宿王智佛言。
釋迦牟尼佛ㅅ 光이 모매 비취여시ᄂᆞᆯ 즉재 淨華宿王智佛ᄭᅴ ᄉᆞᆯᄫᆞ샤ᄃᆡ
世尊我當往詣娑婆世界。禮拜親近。供養釋迦牟尼佛。
世尊하 내 娑婆世界예 가 釋迦牟尼佛을 저ᅀᆞᄫᅡ 親近供養ᄒᆞᅀᆞᆸ고
及見文殊師利法王子菩薩。藥王菩薩。勇施菩薩。宿王華菩薩。上行意菩薩。莊嚴王菩薩。藥上菩薩。
ᄯᅩ 文殊師利法王子菩^薩 藥王菩薩 勇施菩薩 宿王華菩薩 上行意菩薩 莊嚴王菩薩 藥上菩薩ᄋᆞᆯ 보아지ᅌᅵ다
此皆靈山法眾。
이 다 靈山 法衆이라
爾時淨華宿王智佛。告妙音菩薩。汝莫輕彼國。生下劣想。
그ᄢᅴ 淨華宿王智佛이 妙音菩薩ᄭᅴ 니ᄅᆞ샤ᄃᆡ 네 뎌 나라ᄒᆞᆯ 업시워 ^ 下劣想ᄋᆞᆯ 내디 말라
善男子。彼娑婆世界。高下不平。土石諸山。穢惡充滿。
善男子아 뎌 娑婆世界ᄂᆞᆫ 노ᄑᆞ며 ᄂᆞᆺ가ᄫᅡ 平티 아니ᄒᆞ며 ᄒᆞᆯ기며 돌히며 山ᄃᆞᆯ히며 더러ᄫᅳᆫ 거시 ᄀᆞᄃᆞᆨᄒᆞ고
佛身卑小。諸菩薩眾。其形亦小。
부텻 보미 져그시고 菩薩衆도 야ᇰᄌᆡ ᄯᅩ 젹거든
而汝身四萬二千由旬。我身六百八十萬由旬。汝身第一端正。百千萬福。光明殊妙。
네 모ᄆᆞᆫ 四萬 二千 由旬이오 내 모ᄆᆞᆫ 六百^ 八十萬 由旬이오 네 모미 第一 端正ᄒᆞ야 百千萬 福光明이 ᄠᆞ로 妙ᄒᆞ니
是故汝往。莫輕彼國。若佛菩薩。及國土生下劣想。
이럴ᄊᆡ 네 가 뎌 나라ᄒᆞᆯ 업시워 佛菩薩이어나 國土애 下劣想ᄋᆞᆯ 내디 말라
"妙音菩薩白其佛言。世尊。我今詣娑婆世界。皆是如來之力。如來神通遊戲。如來功德智慧莊嚴。
妙音菩薩이 부텻긔 ᄉᆞᆯᄫᆞ샤ᄃᆡ 世尊하 내 이^제 娑婆世界예 가미 다 이 如來ㅅ 히미시며 如來ㅅ 神通遊戱시며 如來ㅅ 功德智慧莊嚴이시니ᅌᅵ다
娑婆佛身乃隱勝現劣。
娑婆佛身은 勝을 숨기시고 劣을 나토시니
比光嚴勝身。在分別心遂生劣想。
光嚴勝身에 가ᄌᆞᆯ비건댄 分別心에 이션 劣想ᄋᆞᆯ 내리어니와
如來正見本絕異同。故宿王以彼此異迹為告。
如來ㅅ 正見은 本來 다ᄅᆞ며 ᄀᆞᆮ호미 그츨ᄊᆡ 宿王이 뎌와 이와 자[최] ^ 달오ᄆᆞᆯ 닐어시ᄂᆞᆯ
而妙音以如來三德而答。示無劣想也。
妙音은 如來ㅅ 三德으로 對答ᄒᆞ샤 劣想 업수믈 뵈시니라