월인석보 20권
從西方來，照此大衆，其有遇斯光者，心意泰然。
西方ᄋᆞ로셔 와 이 大衆을 비취니 이 光明 맛나니 ᄆᆞᅀᆞ미 便安ᄒᆞ니ᅌᅵᆺ고
惟願世尊 斷我疑網
願ᄒᆞᆫᄃᆞᆫ 世尊이 우리 疑^心을 그츠쇼셔
佛言：「諸善男子！諦聽！諦聽！善思念之。
부톄 니ᄅᆞ샤ᄃᆡ 善男子ᄃᆞᆯ하 仔細히 드러 이대 ᄉᆞ라ᇰᄒᆞ라
吾當爲汝分別解說。
내 너 爲ᄒᆞ야 ᄀᆞᆯᄒᆞ야 닐오리라
西方去此無量百千諸佛世界，有世界名娑婆，
西方ᄋᆞ로 이ᅌᅦ셔 버ᅌᅳ로미 無量百千 諸佛世界예 世界 이쇼ᄃᆡ 일후미 娑婆ㅣ니
其中有佛，號曰釋迦牟尼如來．應供．正遍知．明行足．善逝．世間解．無上士．調御丈夫．天人師．佛．世尊，
그ᅌᅦ 부톄 겨샤ᄃᆡ 일후미 釋^迦牟尼如來 應供 正編知 明行足 善逝世間解 無上士 調御丈夫 天人師 佛 世尊이시니
大衆圍遶，今欲爲諸大衆說《大方便大報恩經》，
오ᄂᆞᆯ 大衆 爲ᄒᆞ야 大方便大報恩經을 닐오려 ᄒᆞ시ᄂᆞ니
없음
報恩은 恩惠 가ᄑᆞᆯ씨라
爲欲饒益一切諸衆生故；
一切 衆生ᄋᆞᆯ 饒益게 코져 ᄒᆞ시논 젼ᄎᆡ며
爲欲拔出一切衆生邪疑毒箭故；
一切 衆生ᄋᆡ 邪曲ᄒᆞᆫ 疑心 毒사ᄅᆞᆯ ᄲᅡᅘᅧ고져 ᄒᆞ시논 젼ᄎᆡ며
爲欲令初發意菩薩堅固菩提不退轉故；
처ᅀᅥᆷ 發意ᄒᆞᆫ 菩薩ᄋᆞᆯ 菩提예 구더 므르디 아니케 코져 ᄒᆞ시논 젼ᄎᆡ며
爲令一切聲聞、辟支佛究竟一乘道故；
一切 聲聞 辟支佛이 一乘^道애 究竟케 ᄒᆞ시논 젼ᄎᆡ며
爲諸大菩薩速成菩提，報佛恩故；
大菩薩ᄃᆞᆯ히 菩提ᄅᆞᆯ ᄲᆞᆯ리 일워 佛恩을 갑게 ᄒᆞ시논 젼ᄎᆡ며
欲令一切衆生念重恩故；
一切 衆生이 重ᄒᆞᆫ 恩惠ᄅᆞᆯ 念케 코져 ᄒᆞ시논 젼ᄎᆡ며
欲令衆生越於苦海故；
衆生이 受苦 바ᄅᆞ래 건나게 코져 ᄒᆞ시논 젼ᄎᆡ며
欲令衆生孝養父母故。
衆生이 父母^ᄅᆞᆯ 孝養케 코져 ᄒᆞ시논 젼ᄎᆡ니
以是因緣故，放斯光明。」
이 因緣ᄋᆞ로 이 光明을 펴시니라
爾時，大衆中有十千菩薩，一一菩薩皆是大衆唱導之師，
그ᄢᅴ 大衆 中에 十千菩薩이 菩薩마다 다 大衆에 唱導ᄒᆞ시ᄂᆞᆫ 스숭이러시니
卽從座起，偏袒右肩，右膝著地，叉手合掌，而白佛言：
즉재 座로셔 니르샤 올ᄒᆞᆫ 엇게 메ᄫᅡᆺ고 올ᄒᆞᆫ 무룹 ᄭᅮ러 合掌ᄒᆞ야 부텨ᄭᅴ ^ ᄉᆞᆯᄫᆞ샤ᄃᆡ
「惟願世尊加威神力，
願ᄒᆞᆫᄃᆞᆫ 世尊이 威神力을 니피샤
令我等輩得往娑婆世界，親近供養釋迦牟尼如來，并欲聽大方便佛報恩微妙經典。」
우리ᄅᆞᆯ 娑婆世界예 가 釋迦牟呢 如來ᄭᅴ 親近 供養ᄒᆞᅀᆞᄫᆞ며 大方便佛報恩 微妙 經典을 듣ᄌᆞᆸ게 ᄒᆞ쇼셔
爾時，彼佛告諸菩薩言：
그ᄢᅴ 뎌 부톄 니ᄅᆞ샤ᄃᆡ
「善男子！汝往娑婆世界，若見彼佛，
善男子아 네 ^ 娑婆世界예 가 뎌 부텨 보ᅀᆞᄫᅡ
應生供養、恭敬、難遭之想。
供養 恭敬ᄒᆞᅀᆞᄫᆞ며 難히 맛나ᅀᆞᄫᆞᆯ ᄆᆞᅀᆞᄆᆞᆯ 내라
何以故？釋迦如來於無量百千萬億阿僧祇劫，難行苦行，發大悲願：
엇뎨어뇨 ᄒᆞ란ᄃᆡ 釋迦如來 無量百千萬億 阿僧祇劫에 難行苦行ᄒᆞ샤 大悲願을 發ᄒᆞ샤ᄃᆡ
『若我得成佛時，當於穢惡國土，山陵、堆阜、瓦礫、荊棘，其中衆生具足煩惱，五逆十惡，
내 成佛ᄒᆞᆯ 時^節에 반ᄃᆞ기 穢惡國土애 [穢惡ᄋᆞᆫ 더럽고 구즐씨라] 뫼히며 두들기며 瓦礫이며 [瓦ᄂᆞᆫ 디새라] 가ᄉᆡ남기며 그 中엣 衆生이 煩惱ㅣ ᄀᆞ자 五逆 十惡거든
於中成佛而利益之，使斷一切苦，獲一切樂，
그 中에 成佛ᄒᆞ야 利益게 ᄒᆞ야 一切 苦ᄅᆞᆯ 긋고 一切 樂ᄋᆞᆯ 어더
成就法身，永盡無餘。』
法^身을 일워 기리 다아 나ᄆᆞᆫ 것 업게 호리라
其佛本願如是。汝等今往，當如佛往，住如佛住。」
뎌 부텻 本願이 이러ᄒᆞ시니 너희 오ᄂᆞᆯ 가ᄃᆡ 부텻 감ᄀᆞ티 ᄒᆞ며 부텻 住홈ᄀᆞ티 ᄒᆞ라
諸菩薩衆俱發聲言：「如世尊敕。」
菩薩ᄃᆞᆯ히 ᄒᆞᆫᄢᅴ ᄉᆞᆯᄫᆞ샤ᄃᆡ 世尊 勅 다히 ᄒᆞᅀᆞᄫᅩ리ᅌᅵ다 ᄒᆞ시고
一一菩薩各將無量百千萬億諸菩薩衆，以爲眷屬，前後圍遶，往詣娑婆世界。
菩薩마다 各各 無量百千萬億 諸^菩薩衆 ᄃᆞ리샤 眷屬 사마 앏뒤헤 圍繞ᄒᆞ야 娑婆世界예 가시니
所經國土，六種震動，大光普照；
디나시ᄂᆞᆫ 國土ㅣ 六種震動ᄒᆞ고 큰 光明이 너비 비취시고
虛空神天，雨曼陀羅花、摩訶曼陀羅花，放大光明；
虛空 神天이 曼陁羅花 摩訶曼陁羅花ᄅᆞᆯ 비ᄒᆞ며 큰 光明^ᄋᆞᆯ 펴샤
神足感動恒沙世界；
神足ᄋᆞ로 恒沙 世界ᄅᆞᆯ 感動ᄒᆞ시며
復有無量百千萬種諸天伎樂，於虛空中不鼓自鳴。
ᄯᅩ 無量百千萬 가짓 諸天 伎樂이 虛空 中에 절로 ᄒᆞ더니
是諸菩薩等往詣耆闍崛山，到如來所，頭面禮足，
이 菩薩ᄃᆞᆯ히 耆闍堀山애 가샤 如來ᄭᅴ 머리 조ᄊᆞᄫᅡ 禮數ᄒᆞ시고
遶佛三匝，却住一面。
부텨ᄭᅴ 세 ᄇᆞᆯ 가ᇝ도ᅀᆞᆸ고 ᄒᆞ^녁 面에 믈러 住ᄒᆞ시니라
爾時，如來復放一光直照南方，
그ᄢᅴ 如來 ᄯᅩ ᄒᆞᆫ 光을 펴샤 바ᄅᆞ 南方ᄋᆞᆯ 비취시며
乃至四維上下十方
四維 上下 十方애 니르리 다 이 야ᇰᄋᆞ로 비취시니
없음
南方ㅅ 부텨ᄂᆞᆫ 思維相如來시고 西方ㅅ 부텨ᄂᆞᆫ 日月 燈光如來시고 北方ㅅ 부텨ᄂᆞᆫ 紅蓮花光如來시니라
諸來大菩薩摩訶薩衆，各與若干百千眷屬俱至如來所，
오신 大菩薩摩訶^薩衆이 各各 若干 百千 眷屬 ᄃᆞ리샤 如來ᄭᅴ 오샤
供養恭敬，尊重讚歎，異口同音各說百千偈頌讚歎於佛。
供養 恭敬 尊重 讚嘆ᄒᆞᅀᆞᄫᅡ ᄒᆞᆫ 소리로 各各 百千 偈頌ᄋᆞᆯ 니ᄅᆞ샤
讚歎佛已，却住一面。
부텨 讚嘆ᄒᆞᅀᆞᆸ고 ᄒᆞ녁 面에 믈러 住ᄒᆞ시니라
時，娑婆世界卽變淸淨，
그제 娑婆世界 즉재 ^ 變ᄒᆞ야 淸淨ᄒᆞ야
無諸山藪、大小諸山、江河池湖、溪澗溝壑。
뫼히며 수피며 江이며 모시며 굴허ᅌᅵ 업고
其中衆生尋光見佛，歡喜合掌，頭頂禮敬，
그 中엣 衆生이 光明을 推尋ᄒᆞ야 부텨 보ᅀᆞᆸ고 깃ᄉᆞᄫᅡ 合掌ᄒᆞ야 머리 조ᄊᆞᄫᅡ 恭敬ᄒᆞᅀᆞᄫᅡ
心生戀慕，目不暫捨。
ᄆᆞᅀᆞ매 ᄉᆞ라ᇰᄒᆞᅀᆞᄫᅡ 누니 다ᄅᆞᆫ ᄃᆡ 아니 가더니
爾時世尊卽攝光明，遶身七匝，還從頂入。
그ᄢᅴ 世尊이 光明을 가^ᄃᆞ샤 모매 닐굽 ᄇᆞᆯ 가ᇝ도ᄅᆞ시고 도로 뎌ᇰ바기로 드리시니라
尊者阿難觀察衆心，亦咸皆有疑。
尊者 阿難이 모ᄃᆞᆫ ᄆᆞᅀᆞᄆᆞᆯ ᄉᆞᆯ펴 보니 다 疑心ᄒᆞᆯᄊᆡ
欲顯發如來方便密行故，
如來ㅅ 方便密行ᄋᆞᆯ 나토고져 ᄒᆞ며
并欲爲未來一切衆生開其慧眼故；
未來 一切 衆生ᄋᆞᆯ 爲ᄒᆞ야 慧眼ᄋᆞᆯ 열오져 ᄒᆞ며
欲令一切衆生渡渴愛海，得至彼岸，永得安樂故；
一切 衆生이 渴^愛 바다ᄒᆞᆯ 건너 뎌녁 ᄀᆞᅀᅢ 다ᄃᆞ라 기리 安樂ᄋᆞᆯ 得게 코져 ᄒᆞ며
欲令衆生念識父母師長重恩故，
衆生이 父母와 師長ᄋᆡ [長ᄋᆞᆫ 얼우니라] 重ᄒᆞᆫ 恩惠ᄅᆞᆯ 알에 코져 ᄒᆞ야
卽從座起，整衣服，偏袒右肩，胡跪合掌，而白佛言：
즉재 座로셔 니러 옷 고티고 올ᄒᆞᆫ 엇게 메ᄫᅡᆺ고 ᄭᅮ러 合掌ᄒᆞ야 부텨ᄭᅴ ᄉᆞᆯᄫᅩᄃᆡ
「世尊！阿難事佛已來，未曾見佛笑。
世尊하 내 부텨 셤기^ᅀᆞᄫᆞᆫ 後에 웃거시ᄂᆞᆯ 몯 보ᅀᆞᄫᅢᆺ다니
笑必有意。」
우ᅀᅳ샤미 다ᇰ다ᅌᅵ ᄠᅳ디 겨시니
願佛示之，願佛說之，斷除如是大衆疑網。
願ᄒᆞᆫᄃᆞᆫ 부톄 니ᄅᆞ샤 大衆의 疑心을 더르쇼셔
爾時，大衆之中，有七寶蓮華從地化生，
그ᄢᅴ 大衆 中에 七寶 蓮花ㅣ ᄯᅡᄒᆞ로셔 ᄃᆞ외야 나니
白銀爲莖，黃金爲葉，甄叔迦寶以爲其臺，
白銀이 줄기 ᄃᆞ외오 黃金이 니피 ᄃᆞ외오 甄叔迦寶^ㅣ 臺 ᄃᆞ외오
眞珠羅網次第莊嚴。
眞珠 그므리 次第로 莊嚴ᄒᆞ얫더니
爾時釋迦如來卽從座起，昇花臺上，結加趺坐，卽現淨身。
釋迦如來 座로셔 니르샤 花臺 우희 오ᄅᆞ샤 結加趺座ᄒᆞ샤 즉재 조ᄒᆞᆫ 모ᄆᆞᆯ 뵈시니
於其身中現五趣身，
그 모ᇝ 가온ᄃᆡ 五趣身ᄋᆞᆯ 뵈시고
없음
五趣는 六趣예 修羅 말면 五趣ㅣ라 六趣에 仙道 조ᄎᆞ면 七趣ㅣ라
一一趣身有萬八千種形類，一一形類現百千種身，
趣^身마다 一萬八千 가짓 야ᇰᄌᆡ시고 야ᇰᄌᆞ마다 百千 가짓 모ᄆᆞᆯ 뵈시고
一一身中復有無量恒河沙等身；
모ᇝ 가온ᄃᆡ마다 ᄯᅩ 無量 恒河沙 等 모미 겨시고
於四恒河沙等一一身中，復現四天下大地微塵等身；
모ᇝ 가온ᄃᆡ마다 ᄯᅩ 四天下 大地 微塵 等 모ᄆᆞᆯ 뵈시고
없음
微塵ᄋᆞᆫ ᄀᆞᄂᆞᆫ 드트리니 四天下 大地 微塵ᄋᆞᆫ 四天下 큰 ᄯᅡᄒᆞᆯ ᄇᆞᆺ아 ᄀᆞ^ᄂᆞᆫ 드트리 ᄃᆞ외의 ᄒᆞ욘 數ㅣ라
於一微塵身中，復現三千大千世界微塵等身；
微塵 모ᇝ 가온ᄃᆡ마다 ᄯᅩ 三千大千世界 微塵 等 모ᄆᆞᆯ 뵈시고
於一塵身中，復現於十方，
드틀 모ᇝ 가온ᄃᆡ마다 ᄯᅩ 十方ᄋᆞᆯ 뵈샤ᄃᆡ
一一方面各百千億諸佛世界微塵等數身，乃至虛空法界不思議衆生等身。
方面마다 各各 百千億 諸佛 世界 薇塵 等數엣 모미시며 虛空 法界 不^思議 衆生 等 몸 니르리 뵈시니
爾時，如來現如是等身已，告阿難言，及十方諸來大菩薩摩訶薩，及一切大衆諸善男子等：
그ᄢᅴ 如來 이런 몸 뵈시고 阿難이와 十方ᄋᆞ로셔 오신 大菩薩摩訶薩와 一切 大衆ᄃᆞ려 니ᄅᆞ샤ᄃᆡ
「如來今者以正遍知，宣說眞實之言。
善男子ᄃᆞᆯ하 如來 오ᄂᆞᆯ 正遍知로 眞實ᄒᆞᆫ 마ᄅᆞᆯ 니ᄅᆞ노니
法無言說，如來以妙方便，能以無名相法作名相說。
法^은 마리 업거ᄂᆞᆯ 如來 微妙方便ᄋᆞ로 能히 名相 업슨 法에 名相ᄋᆞᆯ 지ᅀᅥ 니ᄅᆞᄂᆞ니라
如來本於生死中時，於如是等微塵數不思議形類一切衆生中，具足受身。以受身故，一切衆生亦曾爲如來父母，如來亦曾爲一切衆生而作父母。
如來 本來 죽사리 ᄒᆞᇙ 時節에 이런 微塵數 不思義 야ᇰᄌᆞ앳 一切 衆生ᄋᆡ그ᅌᅦ 모ᄆᆞᆯ ᄀᆞ초 타난 젼ᄎᆞ로 一切 衆生^이 如來ㅅ 父母ㅣ며 如來도 一切 衆生ᄋᆡ 父母ㅣ니
爲一切父母故，常修難行苦行，難捨能捨，
一切 父母 爲ᄒᆞ야 샤ᇰ녜 難行苦行 닷가 ᄇᆞ리디 어려ᄫᅳᆫ 거슬 잘 ᄇᆞ려
頭目、髓腦、國城、妻子、象馬、七珍、輦輿、車乘、衣服、飲食、臥具、醫藥，一切給與。
頭目 髓腦와 國城 妻子와 象馬 七珍과 輦輿 車乘과 衣^服 飮食과 臥具 醫藥과 一切ᄅᆞᆯ 주어
其三百四十七
如來 涅槃ᄒᆞ시ᇙ ᄃᆞᆯ 舍利弗이 아ᅀᆞᆸ고 虛空 中에 ᄉᆞ라 주그니
舍利弗의 滅度ᄅᆞᆯ 大^衆이 슬커늘 慈悲力에 일워 뵈시니
其三百四十八
過劫에 大光明王이 오ᄂᆞᆳ 如來시니 臣下 ᄇᆞ리샤 布施ᄒᆞ더시니
그ᄢᅴ ᄒᆞᆫ 大臣이 오ᄂᆞᆳ 舍利^弗이니 님금 슬ᄊᆞᄫᅡ 몬져 주그니
爾時世尊告舍利弗，大弟子等諸大智慧：
世尊이 涅槃ᄒᆞ시ᇙ ᄢᅵ 거ᅀᅴ어시ᄂᆞᆯ 舍利弗 大第子 等ᄃᆞ려 니ᄅᆞ샤ᄃᆡ
「汝等當知，如來不久當取涅槃。」
너희 아라ᄉᆞ라 如來 아니 오라아 涅槃ᄒᆞ리라 ᄒᆞ야시ᄂᆞᆯ
時舍利弗聞是語已，身諸肢節，痛如針刺，憂愁懊惱，悶絕躄地，以冷水灑面，良久乃穌。
舍利弗이 이 말 듣ᄌᆞᆸ고 셜ᄫᅥ 것ᄆᆞᄅᆞ 주거 ᄯᅡ해 디옛다가 ᄎᆞᆫ 믈 ᄲᅳ려ᅀᅡ ᄭᆡ야
爾時舍利弗說如是等百千偈，讚歎如來已，
百千揭 지ᅀᅥ 如來 讚嘆ᄒᆞᅀᆞᆸ고
頭面禮足，遶百千匝，
머리 조ᄊᆞᆸ고 百千 디위 가ᇝ도ᅀᆞᆸ고
告諸大衆、諸天龍、鬼神、人及非人：
諸天 龍 鬼神 人과 非人과 ᄃᆞ려 닐오ᄃᆡ
「諸善男子！世間虛空，怪哉！怪哉！
善南子ᄃᆞᆯ하 世間이 뷔리며 世間 누니 업스리니 셜ᄫᅳᇙ^셔 셜ᄫᅳᇙ셔
無上佛日，沒大涅槃山。」
無上佛日이 大涅槃山애 디시리로다 ᄒᆞ야ᄂᆞᆯ
一切大衆聞是語已，心驚毛豎，卽大恐怖。
一切 大衆이 이 말 듣고 ᄀᆞ자ᇰ 두리여 ᄒᆞ며 ᄒᆡ 光明 업스며 山ᄃᆞᆯ히 므르드르며 ᄯᅡ히 ᄀᆞ장 뮈더니
時舍利弗於大衆中，而說偈言：
舍利弗이 大衆 中에 偈로 닐오ᄃᆡ
「我見佛身相，喻如紫金山；
내 부텻 相ᄋᆞᆯ 보ᅀᆞᄫᅳᆫᄃᆡᆫ 紫金山이 ᄀᆞᄐᆞ시니
相好衆德滅，唯有名獨存。
相 됴ᄒᆞ신 한 德이 滅ᄒᆞ시고 오직 일후ᇝ분 겨시리로소니
應當勤精進，得出於三界；
모로매 精進ᄋᆞᆯ 브즈러니 ᄒᆞ야 三界예 나ᅀᅡ ᄒᆞ리라
選擇衆善業，涅槃最安樂。」
한 됴ᄒᆞᆫ 業을 ᄀᆞᆯᄒᆡ야 보니 涅槃이 ᄆᆞᆺ 便安ᄒᆞ니라 ᄒᆞ고
時舍利弗說是偈慰喻諸大衆已，現大神力，身昇虛空，化作千頭寶象。
큰 神力을 내야 모미 虛空애 올아 變化^로 즈믄 寶象ᄋᆞᆯ 지ᅀᅳ니
一一象身共相蟠結，千頭外向；