釋譜詳節 23권
「若佛在世，若涅槃後，有信心檀越
^間애 겨시거나 涅槃ᄒᆞ신 後ㅣ어나 信心檀越이
檀ᄋᆞᆫ 布施오 越은 걷낼씨니 貧窮海ᄅᆞᆯ 걷낼씨라
以金、銀、七寶、一切樂具，奉施如來，云何舉置？」
金 銀 七寶 一切 됴ᄒᆞᆫ 거스로 如來ᄭᅴ 布施ᄒᆞᅀᆞᄫᅡᄃᆞᆫ 어듸 두리ᅌᅵᆺ고
佛告阿難：「若佛現在，所施佛物，僧衆應知；
부톄 니ᄅᆞ샤ᄃᆡ 부텨 이시ᇙ 저긔 施혼 부텻 거슨 쥬ᇰᄃᆞᆯ히 알려니와
若佛滅後，一切信心所施佛物，
부텨 滅度ᄒᆞᆫ 後에 一切 信心의 施^혼 부텻 거스란
應用造佛形像，及造佛衣、
글로 부텻 像과 부텻 옷과ᄅᆞᆯ ᄆᆡᇰᄀᆞᆯ오
七寶幡蓋、買諸香油、寶花以供養佛。
七寶幡蓋란 香과 기름과 보ᄇᆡ옛 고ᄌᆞᆯ 사아 부텻긔 供養호ᇙ 디니
除供養佛，餘不得用，用者卽犯盜佛物罪。」
부텨 供養ᄒᆞ기 外예 년 듸 몯 ᄡᅳ리니 ᄡᅳ면 부텻 것 도ᄌᆞᆨ혼 罪 ᄃᆞ외리라
阿難復白佛言：
阿難이 ᄯᅩ ᄉᆞᆯᄫᅩᄃᆡ
「若佛現在，若復有人以金、銀、七寶、房舍、殿堂、妻子、奴婢、衣服、飲食、一切樂具，深心恭敬，禮拜供養如來；
부텨 겨실 쩌긔 아뫼어나 金 銀 七寶와 집과 妻子^와 죠ᇰ과 옷과 음담과 一切 됴ᄒᆞᆫ 거스로 ᄀᆞ자ᇰ 恭敬ᄒᆞ야 供養ᄒᆞᅀᆞᆸᄂᆞᆫ 사ᄅᆞᆷ과
佛涅槃後，若復有人，以金、銀、七寶、妻妾、奴婢、衣服、飲食、一切樂具，供養如來形像，深心恭敬，禮拜供養。
涅槃ᄒᆞ신 後에 如來ㅅ 像ᄋᆞᆯ 잇 야ᇰᄌᆞ로 供養ᄒᆞᅀᆞᆸᄂᆞ니와
世尊！如是二人深心供養，所得福德何者爲多？」
이 두 사ᄅᆞᄆᆡ 福德이 어늬ᅀᅡ 하리ᅌᅵᆺ고
佛告阿難：
부톄 니ᄅᆞ샤ᄃᆡ
「如是二人，皆以深心供養，所得福德其福無異。
두 사ᄅᆞᄆᆡ 福德 어두미 ᄒᆞᆫ가지니
何以故？雖佛滅後，法身常存，是以深心供養，其福正等。」
엇데어뇨 ᄒᆞ란ᄃᆡ 부톄 비록 滅度ᄒᆞ^고도 法身ᄋᆞᆫ 샤ᇰ녜 잇논 젼ᄎᆡ라
阿難復白佛言：
阿難이 ᄯᅩ ᄉᆞᆯᄫᅩᄃᆡ
「若佛現在，若復有人，還以深心，如上供養、恭敬如來；佛涅槃後，若復有人，還以深心，如上供養、恭敬全身舍利。
부텨 겨시ᇙ 저긔 웃 야ᇰᄌᆞ로 供養ᄒᆞᅀᆞᆸᄂᆞ니와 涅槃ᄒᆞ신 後에 全身舍利ᄅᆞᆯ 웃 야ᇰᄌᆞ로 供養ᄒᆞᅀᆞᆸᄂᆞ니와
世尊！如是二人，所得福德何者爲多？」
두 사ᄅᆞᄆᆡ 福德이 어늬ᅀᅡ 하리ᅌᅵᆺ고
佛告阿難：
부톄 니ᄅᆞ샤ᄃᆡ
「如是二人，得福正等，功德廣大，無量無邊，乃至畢苦，其福不盡。」
ᄒᆞᆫ가지로 그지 업스며 ᄀᆞᆺ 업스리라
阿難復白佛言：
阿難이 ᄯᅩ ᄉᆞᆯᄫᅩᄃᆡ
「若佛現在，若復有人，如上深心，一切供養、恭敬如來；佛涅槃後，若復有人，如上深心，供養、恭敬半身舍利。
부텨 ^ 겨시ᇙ져긔 웃 야ᇰᄌᆞ로 供養ᄒᆞᅀᆞᆸᄂᆞ니와 涅槃ᄒᆞ신 後에 半身舍利ᄅᆞᆯ 웃 야ᇰᄌᆞ로 供養ᄒᆞᅀᆞᆸᄂᆞ니와
世尊！如是二人，所得福德何者爲多？」
두 사ᄅᆞᄆᆡ 福德이 어늬ᅀᅡ 하리ᅌᅵᆺ고
佛告阿難：
부톄 니ᄅᆞ샤ᄃᆡ
「如是二人，深心供養，得福無異，所得福德無量無邊。
ᄒᆞᆫ가지로 그지 업스며 ᄀᆞᆺ 업스리라
阿難！若佛滅後，若復有人，深心供養如來舍利
阿難아 부텨 滅度ᄒᆞᆫ 後에 如來ㅅ 舍利ᄅᆞᆯ 供養호ᄃᆡ
四分之一、八分之一、十六分之一、
四分에 ^ ᄒᆞ나히어나 八分에 ᄒᆞ나히어나 十六分에 ᄒᆞ나히어나
百分之一、千分之一、萬分之一、恒河沙分之一，
百分에 ᄒᆞ나히어나 千分에 ᄒᆞ나히어나 萬分에 ᄒᆞ나히어나 恒河沙分에 ᄒᆞ나히어나
乃至如芥子許，皆以深心供養、恭敬、尊重、讚歎；
계ᄌᆞᄧᅡᆨ맛 가미라도 다 기픈 ᄆᆞᅀᆞᄆᆞ로 供養 恭敬 尊重 讚歎ᄒᆞᄂᆞ니와
若佛現在，若復有人，深心供養、恭敬如來。如是二人，所得福德皆悉無異，
부텨 이시ᇙ 저긔 기픈 ᄆᆞᅀᆞᄆᆞ로 供^養 恭敬ᄒᆞᄂᆞ니와 이 두 사ᄅᆞᄆᆡ 福德 어두미 ᄒᆞᆫ가지라
其福無量不可稱計。
그 福이 그지 업서 몯 니ᄅᆞ혜리라
佛告阿難及諸大衆：
부톄 阿難이와 大衆ᄃᆞᆯᄃᆞ려 니ᄅᆞ샤ᄃᆡ
「我涅槃後，天上、人間一切衆生，
나 涅槃ᄒᆞᆫ 後에 天上이며 人間이며 一切 衆生이
得我舍利，悲喜交流，哀感欣慶，恭敬、禮拜、深心供養，
내 舍利ᄅᆞᆯ 어더 슬흐며 깃거 恭敬ᄒᆞ야 절ᄒᆞ야 기픈 ᄆᆞᅀᆞᄆᆞ로 供養^ᄒᆞ면
得無量無邊功德。
그지 업스며 ᄀᆞᆺ 업슨 功德을 得ᄒᆞ리라
阿難！若見如來舍利卽是見佛、見佛卽是見法、見法卽是見僧、見僧卽見涅槃
阿難아 如來ㅅ 舍利ᄅᆞᆯ 보면 부텨를 보논 디니
阿難！當知以是因緣，三寶常住，無有變易，能爲衆生作歸依處。」
이런 젼ᄎᆞ로 三寶ㅣ 샤ᇰ녜 이셔 衆生ᄋᆡ 歸依호ᇙ ᄯᅡ히 ᄃᆞ외야 잇ᄂᆞ니라
阿難復白佛言：
阿難이 ᄯᅩ 부텻ᄭᅴ ᄉᆞᆯᄫᅩᄃᆡ
「佛涅槃後，一切大衆 依何法則，茶毘如來，而得舍利，深心供養？」
부텨 涅槃ᄒᆞ신 後에 므슴 法을 브터 如來ᄅᆞᆯ ᄉᆞᅀᆞᄫᆞ리ᅌᅵᆺ고
佛告阿難：
부^톄 니ᄅᆞ샤ᄃᆡ
「我般涅槃，汝等大衆當依轉輪聖王茶毘方法。」茶毘已訖，天人四衆收取舍利，盛七寶瓶，於都城內四衢道中，起七寶塔供養舍利，
轉輪聖王 ᄊᆞ논 法을 브터 ᄒᆞ고 ᄉᆞᆫ 後에 天人四衆이 舍利로 七寶塔 셰여 供養ᄒᆞ라
能令衆生得大功德，離三有苦至涅槃樂。
衆生이 큰 功德을 어더 三界ㅅ 受苦ᄅᆞᆯ 여희에 ᄒᆞ리라
爾時，釋提桓因白佛：
그저긔 釋提桓因이 부텨ᄭᅴ ᄉᆞᆯᄫᅩᄃᆡ
「我今從佛，敬請如來半身舍利，而我深心願供養故。」
내 이제 부텨ᄭᅴ 半身舍利ᄅᆞᆯ 請ᄒᆞᅀᆞᆸ^노ᅌᅵ다
佛告天帝：
부톄 니ᄅᆞ샤ᄃᆡ
「如來等視衆生如羅睺羅，
如來 衆生ᄋᆞᆯ 다 ᄒᆞᆫ가지로 羅睺羅ᄀᆞ티 보ᄂᆞ니
汝不應請半身舍利。何以故？平等利祐諸衆生故。」
네 半身舍利ᄅᆞᆯ 請호미 몯ᄒᆞ리니
「我今與汝右邊上頷一牙舍利，
이제 너를 올ᄒᆞᆫ 녁 웃니ᄅᆞᆯ 주노니
可於天上起塔供養，
天上애 가져다가 塔 일어 供養ᄒᆞ라
能令汝得福德無盡。」
네 福德이 그지 업스리라
爾時，天人、一切大衆 悲哀流淚，不能自裁。
그저긔 天 人 一切 大衆이 슬허 울어늘
爾時，世尊普告四衆：
世尊^이 니ᄅᆞ샤ᄃᆡ
汝等天人莫大愁惱。
너희 天人ᄃᆞᆯ히 하 슬허 말라
佛雖涅槃，而有舍利常存供養。
부톄 비록 涅槃ᄒᆞ야도 舍利 長常ᄋᆡ셔 供養ᄒᆞ리며
復有無上法寶——修多羅藏、毘那耶藏、阿毘達磨藏——
ᄯᅩ 우 업슨 法寶 修多羅藏과 毗那耶藏과 阿毗達磨藏이 잇ᄂᆞ니
以是因緣，三寶、四諦常住於世，
이런 因緣으로 三寶四諦 샤ᇰ녜 世間애 이셔
能令衆生深心歸依。
衆生이 歸依^킈 ᄒᆞᄂᆞ니라
修多羅ᄂᆞᆫ 經이오 毗那耶ᄂᆞᆫ 律이오 阿毗達磨ᄂᆞᆫ 論이라
爾時，世尊於師子座
그저긔 世尊이 師子床ᄋᆡ 겨샤
以眞金手 却身所著僧伽梨衣，
眞金 소ᄂᆞ로 니버 겨신 僧伽梨衣ᄅᆞᆯ 아ᅀᆞ시고
顯出紫磨黃金師子胸臆，普示大衆，告言：
紫磨黃金ㅅ 비쳇 가ᄉᆞᄆᆞᆯ 내샤 大衆 뵈시며 니ᄅᆞ샤ᄃᆡ
「汝等一切天人大衆，應當深心看我紫磨黃金色身。」爾時，
너희 一切 天人大衆이 내 紫磨黃金色앳 모^ᄆᆞᆯ 보라 ᄒᆞ시니
四衆一切瞻仰大覺世尊眞金色身
一切 大衆ᄃᆞᆯ히 울워러 과ᄒᆞᅀᆞᄫᅢᆺ거늘
卽放無量無邊百千萬億大涅槃光，普照十方一切世界，
世尊이 즉자히 無量無邊 百千萬億 大涅槃光明을 펴샤 十方 一切 世界ᄅᆞᆯ 다 비취시고
復告大衆：
ᄯᅩ 大衆ᄃᆞ려 니ᄅᆞ샤ᄃᆡ
「當知如來爲汝等故，累劫勤苦，截身手足，盡修一切難行、苦行，
如來 너희ᄃᆞᆯ 위ᄒᆞ야 오란 劫에 難行 苦行ᄒᆞ야
大悲本願於此五濁成阿耨多羅三藐三菩提，
大慈^悲ㅅ 本願으로 이 五濁애 阿耨多羅三藐三菩提ᄅᆞᆯ 일워
得此金剛不壞紫磨色身，
金剛ᄀᆞ티 허디 아니ᄒᆞᇙ 紫磨色身ᄋᆞᆯ 得ᄒᆞ야
具足三十二相、八十種好，
三十二相 八十種好ㅣ ᄀᆞ자
無量光明，普照一切，見形遇光，
無量光明으로 一切ᄅᆞᆯ 다 비취여 얼굴 뒷ᄂᆞᆫ 거시 光明 맛나아
無不解脫。」
解脫 아니ᄒᆞ리 업^스니라
佛復告諸大衆：
부톄 ᄯᅩ 니ᄅᆞ샤ᄃᆡ
我以本誓願力，生此穢土，化緣周畢，
내 本來ㅅ 誓願力으로 이 더러ᄫᅳᆫ ᄯᅡ해 나아 敎化ㅅ 因緣을 ᄆᆞᄎᆞᆯᄊᆡ
今欲涅槃。汝等以至誠心看我紫磨黃金色身，
이제 涅槃호려 ᄒᆞ노니 너희ᄃᆞᆯ히 至極ᄒᆞᆫ 誠心ᄋᆞ로 내 紫磨黃金 色身ᄋᆞᆯ 보아
汝當修習如是淸淨之業，
이런 淸淨ᄒᆞᆫ 業을 모로매 닷ᄀᆞ라
於未來世得此果報。」
오ᄂᆞᆫ 뉘예 이런 果報ᄅᆞᆯ 得ᄒᆞ리라
爾時，世尊如是三反，慇懃三告，以眞金身示諸大衆。
그 ^ ᄢᅴ 世尊이 이 야ᇰᄋᆞ로 세 번 니ᄅᆞ샤 眞金身ᄋᆞᆯ 大衆 뵈시고
卽從七寶師子大床，上昇虛空高一多羅樹，一反告言：
즉자히 七寶師子大床ᄋᆞ로 겨샤 虛空애 ᄒᆞᆫ 多羅樹ㅅ 노ᄑᆡᄅᆞᆯ 오ᄅᆞ샤 니ᄅᆞ샤ᄃᆡ
汝等深心看我紫磨黃金色身。
너희 大衆이 내 紫磨黃金 色身ᄋᆞᆯ 보라 ᄒᆞ시고
如是展轉，高七多羅樹，
이 야ᇰᄋᆞ로 漸漸 닐굽 多羅樹ㅅ 노ᄑᆡᄅᆞᆯ 오ᄅᆞ샤
七反告言：從空中下坐師子床，復告大衆：
닐굽 번 니ᄅᆞ시고 도로 師子床애 ᄂᆞ려 안ᄌᆞ샤 ᄯᅩ 니ᄅᆞ시니
三反從空中下，坐師子床；如是慇懃二十四反，告諸大衆：
이 야ᇰᄋᆞ로 세 번 오ᄅᆞᄂᆞ리샤 두루 모다 스믈네 디위를 大衆ᄃᆞ려 니ᄅᆞ샤ᄃᆡ
「我欲涅槃，汝等深心看我金剛堅固不壞、紫磨黃金無畏色身，
내 涅槃호려 ᄒᆞ노니 너희ᄃᆞᆯ히 기픈 ᄆᆞᅀᆞᄆᆞ로 내 金剛堅固 不壞紫磨 黃金無畏 色身ᄋᆞᆯ 보라
堅固ᄂᆞᆫ 구들씨오 不壞ᄂᆞᆫ 아니 헐씨라
如優曇花難可值遇。
優^曇花 ᄀᆞᆮᄒᆞ야 맛나미 어려ᄫᅳ니
汝等應當以至誠心，看我紫磨黃金色身，
너희ᄃᆞᆯ히 至極ᄒᆞᆫ 誠心ᄋᆞ로 내 紫磨黃金色身ᄋᆞᆯ 보라
無復再睹。汝等大衆，瞻仰令足，無復後悔。」
ᄂᆞ외야 몯 보리니 너희 大衆이 ᄀᆞ자ᇰ 보아 後에 뉘읏붐 업게 ᄒᆞ라
나ᄅᆞᆯ 滅度타 ᄒᆞ면 내 弟子ㅣ 아니며
나ᄅᆞᆯ 滅度 아니타 ᄒᆞ야도 내 弟子ㅣ 아니라 ᄒᆞ야시ᄂᆞᆯ
百萬^億衆이 다 아라 듣ᄌᆞᄫᆞ니라
佛復告諸大衆：
부톄 ᄯᅩ 大衆ᄃᆞ려 니ᄅᆞ샤ᄃᆡ
「我涅槃後，汝等大衆，應廣修行，
나 涅槃ᄒᆞᆫ 後에 너희ᄃᆞᆯ히 三界예 어셔 날 이ᄅᆞᆯ 너비 修行ᄒᆞ야
勿復懈怠、
ᄂᆞ외야 ᄆᆞᅀᆞᆷ 게을이 먹디 마라ᄉᆞ라
爾時，一切世界天人四衆遇涅槃光，
그저긔 一切 世界 天 人 四衆이 涅槃光 맛나ᅀᆞᄫᅡ
瞻仰佛者，一切三塗、八難、
부텨 울워러 보ᅀᆞᄫᆞᆫ 사ᄅᆞ미 一切 三塗 ^ 八難이며
三塗ᄂᆞᆫ 三惡道ㅣ라
世間人天所有煩惱、四重、五逆、極惡罪咎，永滅無餘，皆得解脫。
ᄀᆞ자ᇰ 모딘 罪 다 업서 버서나니라
그저긔 世尊이 도로 僧伽梨ᄅᆞᆯ 니브시고
바리와 錫杖과ᄅᆞᆯ 손ᅀᅩ 阿難이 주시고 니ᄅᆞ샤ᄃᆡ
네 ᄒᆞ마 부텻 正化ᄅᆞᆯ 즐기란ᄃᆡ 貪欲과 憍慢ᄋᆞᆯ ᄇᆞ리고
부텻 말ᄊᆞᄆᆞᆯ 바다 精進ᄋᆞ로 道行ᄋᆞᆯ ᄉᆞ라ᇰᄒᆞ^라
이 ᄆᆞᆺ 後ㅅ 부텻 기티논 긔걸이니 모로매 모다 삼가라
比丘ᄃᆞᆯ하 부텻 야ᇰᄌᆞᄅᆞᆯ 보아라
보미 쉽디 몯ᄒᆞ니라
이 後 一億四千 나ᄆᆞᆫ ᄒᆡ예ᅀᅡ ᄯᅩ 彌勒佛이 이시리라
내 聖師ㅣ ᄃᆞ외야 닐흔 아홉 ᄒᆡ예 ᄒᆞ욜 이ᄅᆞᆯ ᄒᆞ마 ᄆᆞ초니 너희ᄃᆞᆯ히 힘 ᄡᅥ ᄉᆞ라
바미 ᄒᆞ마 半이어다 게으른 ᄠᅳᆮ 먹디 ^ 마아라
내 게으르디 아니호ᄆᆞ로 正覺ᄋᆞᆯ 일우오라