월인석보 19권
像ᄋᆞᆯ 내야 보ᅀᆞᄫᆞ니 모ᄀᆡ 세 갌 ᄀᆞᄆᆞ치 겨시더라
卽脫諸苦惱之驗也。
곧 여러 가짓 苦惱 벗논 效驗이라
若有持是觀世音菩薩名者，設入大火，火不能燒，
ᄒᆞ다가 이 觀世音菩薩ㅅ 일훔 디니ᇙ 사ᄅᆞᄆᆞᆫ 비록 큰 브레 드러도 브리 能히 ᄉᆞ디 몯ᄒᆞ리니
由是菩薩威神力故。
이 菩薩ᄋᆡ 威神力 젼ᄎᆡ라
若爲大水所漂，稱其名號，卽得淺處。
ᄒᆞ다가 큰 므릐 ᄠᅴᅇᅲ미 ᄃᆞ외야도 일후믈 일ᄏᆞᄅᆞ면 즉재 녀튼 ᄯᅡᄒᆞᆯ 어드리며
若有百千萬億衆生，爲求金、銀、琉璃、車璩、馬瑙、珊瑚、虎珀、眞珠等寶，入於大海，
ᄒᆞ다가 百千萬億 ^ 衆生이 金銀 琉璃 硨磲 瑪瑙 珊瑚 琥珀 眞珠 等 보ᄇᆡ 求호ᄆᆞᆯ 爲ᄒᆞ야 大海예 드렛거든
假使黑風吹其船舫，飄墮羅剎鬼國，
비록 거믄 ᄇᆞᄅᆞ미 ᄇᆡᄅᆞᆯ 부러 羅刹鬼國에 ᄠᅥ러디여도
其中若有，乃至一人，稱觀世音菩薩名者，
그 中에 ᄒᆞ다가 ᄒᆞᆫ 사ᄅᆞ미나 觀世音菩薩ㅅ 일훔 ^ 일ᄏᆞᄅᆞ리 이시면
是諸人等皆得解脫羅剎之難。
이 사ᄅᆞᆷᄃᆞᆯ히 다 羅刹難ᄋᆞᆯ 버서나리라
以是因緣，名觀世音。
이 因緣으로 일후미 觀世音이라
楞嚴明十四無畏功德。
楞嚴에 열네 無畏功德을 ᄇᆞᆯ기시니
一者由我不自觀音以觀觀者。
ᄒᆞ나ᄒᆞᆫ 내 제 소리ᄅᆞᆯ 觀티 아니ᄒᆞ고 觀ᄋᆞᆯ 觀ᄒᆞᆯᄊᆡ
令苦衆生觀其音聲卽得解脫。
苦惱衆生ᄋᆞᆯ 音聲을 보아 즉재 버서나ᄆᆞᆯ 得게 ᄒᆞ노라 ᄒᆞ시니
夫不自觀音以觀觀者。卽離塵復性之眞觀也。
ᄌᆞ걔 소리ᄅᆞᆯ 觀티 아니ᄒᆞ시고 觀ᄋᆞᆯ 觀ᄒᆞ샤ᄆᆞᆫ 곧 드트를 여희여 性에 도라가신 眞觀이시니라
離塵復性則諸妄自脫。
드트를 여희여 性^에 도라가시면 諸妄이 절로 버슬ᄊᆡ
故能令苦衆生蒙我眞觀卽得解脫。
能히 苦惱衆生이 내 眞觀ᄋᆞᆯ 니버 즉재 버서나ᄆᆞᆯ 得게 ᄒᆞ시ᄂᆞ니라
二者知見旋復則火不能燒。
둘흔 知見을 旋復ᄒᆞ면 브리 能히 ᄉᆞ디 몯ᄒᆞᄂᆞ다 ᄒᆞ시고
三者觀聽旋復則水不能溺。
세ᄒᆞᆫ 觀聽을 旋復ᄒᆞ면 므리 能히 ᄌᆞᆷ디 몯ᄒᆞᄂᆞ다 ᄒᆞ시니
蓋見覺屬火聞聽屬水。
見覺ᄋᆞᆫ 브레 屬고 聞聽은 므레 屬ᄒᆞ니
知見旋則離火塵。聞聽旋則離水塵。
知見을 도ᄅᆞᅘᅧ면 火塵ᄋᆞᆯ 여희오 聞聽을 도ᄅᆞᅘᅧ면 水塵을 여희리니
幻塵既離眞性斯復。
幻塵ᄋᆞᆯ ᄒᆞ마 여희샤 眞性에 이제 도라가실ᄊᆡ
所以無能燒溺也。
能히 ᄉᆞᆯ며 ᄌᆞ모미 업스시니라
能旋見聽則煩惱之火貪愛之水皆無能燒溺矣。
能히 見聽을 도ᄅᆞᅘᅧ면 煩惱ㅅ 블와 ^ 貪愛ㅅ 므리 다 能히 ᄉᆞᆯ며 ᄌᆞᆷ디 몯ᄒᆞ리라
四者滅妄斷殺則鬼不能害。
네ᄒᆞᆫ 妄ᄋᆞᆯ 滅ᄒᆞ야 殺ᄋᆞᆯ 그츠면 鬼 能히 害티 몯ᄒᆞ리라 ᄒᆞ시니
皆由離塵復性之觀力加被也。
다 塵ᄋᆞᆯ 여희여 性에 도라가신 觀力이 加被ᄒᆞ샤미라
昔于相國問黑風漂墮之義於紫玉。
녜 于相國이 黑風이 부러 ᄠᅥ러딘 ᄠᅳ들 紫玉ᄃᆞ려 무러늘
玉呼名諷之。公悖然變色。
玉이 일훔 블러 알왼대 公이 믄득 ᄂᆞᄎᆞᆯ 고텨 가져늘
玉曰。便是黑風漂墮。
玉이 닐오ᄃᆡ 곧 이 黑風이 부러 ᄠᅥ러듀미라 ᄒᆞ니
則凡不能離塵循聲流轉。
믈읫 塵ᄋᆞᆯ 여희디 몯ᄒᆞ야 소리ᄅᆞᆯ 조차 흘러 올ᄆᆞ면
一念漂墮皆如是也。
ᄒᆞᆫ 念에 불여 ᄠᅥ러듀미 다 이 ᄀᆞᆮᄒᆞ니라
若復有人臨當被害，
ᄒᆞ다가 ᄯᅩ 사ᄅᆞ미 被害^ᄅᆞᆯ 當ᄒᆞ야셔
稱觀世音菩薩名者，
觀世音菩薩ㅅ 일후믈 일ᄏᆞᄅᆞ면
彼所執刀杖尋段段壞，而得解脫。
뎌 자본 갈콰 막다히 미조차 귿그티 ᄒᆞ야디여 버서나ᄆᆞᆯ 得ᄒᆞ리라
此由菩薩以六根消復。同於聲聽之力。
이ᄂᆞᆫ 菩薩이 六根이 消復ᄒᆞ야 聲聽과 ᄀᆞᆮᄒᆞ신 히믈 더으시니
加之以同聲聽無復形礙。
聲聽과 ᄀᆞᆮᄒᆞ샤 ᄂᆞ외야 얼굴 마고미 업슬ᄊᆡ
故使刀兵猶割水吹光。
갈잠개 믈 버히며 光明 부ᄃᆞᆺ ᄒᆞ야
性無損動。
性이 損動이 업스리라
損은 덜씨라
若三千大千國土，滿中夜叉、羅剎，欲來惱人，
ᄒᆞ다가 三千 大千 國^土애 그 中에 ᄀᆞᄃᆞᆨᄒᆞᆫ 夜叉 羅刹이 와 사ᄅᆞᆷ 보차고져 ᄒᆞ다가
聞其稱觀世音菩薩名者，
觀世音菩薩ㅅ 일훔 일ᄏᆞᆮ거든 드르면
是諸惡鬼，尚不能以惡眼視之，
이 惡鬼ᄃᆞᆯ히 오히려 能히 모딘 누느로 보디 몯ᄒᆞ리어니
況復加害。
ᄒᆞᄆᆞᆯ며 害호미ᄯᆞ녀
此假聞熏精明之力。
이ᄂᆞᆫ 聞熏이 精明ᄒᆞᆫ 히믈 빌이샤
爍諸癡暗故鬼不能視。
여러 가짓 癡暗ᄋᆞᆯ 비췰ᄊᆡ 鬼 能히 보디 몯ᄒᆞ며
斷滅妄想心無殺害。故害不能加。
妄想ᄋᆞᆯ ^ 그처 滅ᄒᆞ샤 ᄆᆞᅀᆞ매 殺害 업슬ᄊᆡ 害ᄅᆞᆯ 能히 더으디 몯ᄒᆞ리라
若有罪、若無罪，杻械、枷鎖檢繫其身，
ᄒᆞ다가 ᄯᅩ 사ᄅᆞ미 有罪커나 無罪커나 杻械枷鎖ㅣ 모매 ᄆᆡᅇᅨᆺ거든
없음
杻械ᄂᆞᆫ 두드레라
稱觀世音菩薩名者，
觀世音菩薩ㅅ 일후믈 일ᄏᆞᄅᆞ면
皆悉斷壞，卽得解脫。
다 그처 ᄒᆞ야디여 즉재 버서나ᄆᆞᆯ 得ᄒᆞ리라
此由音性圓消離諸塵妄之力加之。
이ᄂᆞᆫ 音性이 圓消ᄒᆞ야 여러 가짓 塵妄 여희신 히믈 더으^시니
塵妄既離則身相不有。故枷鎖自脫。
塵妄ᄋᆞᆯ ᄒᆞ마 여희면 身相이 잇디 아니ᄒᆞᆯᄊᆡ 枷鎖ㅣ 절로 버서디리라
若三千大千國土，滿中怨賊，有一商主，將諸商人，
ᄒᆞ다가 三千 大千 國土애 ᄀᆞᄃᆞᆨᄒᆞᆫ 怨賊에 ᄒᆞᆫ 商主ㅣ[商主는 흐ᇰ져ᇰ바지예 爲頭ᄒᆞᆫ 사ᄅᆞ미라] 商人ᄃᆞᆯ ᄃᆞ려
齎持重寶、經過嶮路，其中一人作是唱言：
重ᄒᆞᆫ 보ᄇᆡ 가져 嶮ᄒᆞᆫ 길ᄒᆞᆯ 디나ᇙ 제 그 中에 ᄒᆞᆫ 사ᄅᆞ미 나 닐오ᄃᆡ
『諸善男子！勿得恐怖，
善男子ᄃᆞᆯ하 두리디 말라
汝等應當一心稱觀世音菩薩名號。
너희 一心으로 觀世音菩薩ㅅ 일후믈 일ᄏᆞᆮᄌᆞᄫᅡᅀᅡ ᄒᆞ리라
是菩薩能以無畏施於衆生，
이 菩薩이 能히 無畏로 衆生ᄋᆡ게 施ᄒᆞ시ᄂᆞ니
汝等若稱名者，於此怨賊當得解脫。』
너희ᄃᆞᆯ히 일후믈 일ᄏᆞᆮᄌᆞᄫᆞ면 이 怨賊에 반ᄃᆞ기 버서나리라
衆商人聞，俱發聲言：『南無觀世音菩薩。』
한 商人이 듣고 ᄒᆞᆫᄢᅴ 소리 내야 南無觀世音^菩薩 ᄒᆞ면
稱其名故，卽得解脫。
그 일훔 일ᄏᆞ론 젼ᄎᆞ로 즉재 버서나ᄆᆞᆯ 得ᄒᆞ리라
此由滅音圓聞遍生慈力加之。
이ᄂᆞᆫ 音을 滅ᄒᆞ야 圓히 드러 慈力 ᄀᆞᄃᆞ기 내샤ᄆᆞᆯ 더으시니
蓋因聞兩立則物我成敵。
소리와 드롬괘 둘히 셔면 物와 나왜 ᄀᆞᆯᄫᆞ니 ᄃᆞ욀ᄊᆡ
滅音圓聞則內外無待。
音을 滅ᄒᆞ야 圓히 드르면 內外 기드류미 업슬ᄊᆡ
故能遍慈而却敵也。
能히 慈ㅣ ᄀᆞᄃᆞᆨᄒᆞ야 도ᄌᆞᄀᆞᆯ 믈리리라
「無盡意！觀世音菩薩摩訶薩，威神之力巍巍如是。
無盡意여 觀世音菩薩摩訶薩ㅅ 威神力이 巍巍^호미 이 ᄀᆞᆮᄒᆞ니라
若有衆生多於婬欲，常念恭敬觀世音菩薩，便得離欲。
ᄒᆞ다가 衆生이 婬慾이 만ᄒᆞ야도 샤ᇰ녜 觀世音菩薩ᄋᆞᆯ 念ᄒᆞ야 恭敬ᄒᆞ면 곧 婬慾ᄋᆞᆯ 여희리라
此由熏聞離塵色所不劫之力加之。蓋衆生以欲習合塵故爲色劫。一蒙妙力則欲愛乾枯根境而不偶。雖有妖色不能劫動。故便得離慾。若多瞋恚，常念恭敬觀世音菩薩，便得離瞋。若多嗔恚。常念恭敬觀世音菩薩。便得離嗔。
이ᄂᆞᆫ 熏聞■■■■■■■■■비치 劫 디
■■■■■■■■■■■生ᄋᆞᆫ 欲
■■■■■■■■■■■色ᄋᆡ 劫
■■■■■■■■■■■力을 닙
■■■■■■■■■■■■根과
■■■■■■■■■■■■■色
■■■■■■■■■■■■우디 몯
■■■■■■■■■■■ᄒᆞ리라
■■■■■■■■■■■샹녜 觀
■■■■■■■■■■■ᄒᆞ야
恭敬■■ 곧 嗔心을 여희리라
此由根境圓融無能所對之力加之。
이ᄂᆞᆫ 根境이 두려ᄫᅵ 노가 能所對 업슨 히믈 더으시니
蓋嗔由違情而起對境而生。
嗔ᄋᆞᆫ 情에 어긔요ᄆᆞ로 닐며 境을 對ᄒᆞ야 나ᄂᆞ니
圓融則無違無對。則不嗔矣。
두려ᄫᅵ 노ᄀᆞ면 어긔요미 업고 對 업스면 嗔心 아니ᄒᆞ리라
若多愚癡，常念恭敬觀世音菩薩，便得離癡。
ᄒᆞ다가 愚癡 만^ᄒᆞ야도 샤ᇰ녜 觀世音菩薩ᄋᆞᆯ 念ᄒᆞ야 恭敬ᄒᆞ면 곧 癡ᄅᆞᆯ 여희리라
此由消塵旋明朗徹無礙之力加之。
이ᄂᆞᆫ 塵ᄋᆞᆯ 消ᄒᆞ야 明에 도라가 ᄆᆞᆯ기 ᄉᆞᄆᆞ차 마ᄀᆞᆫ ᄃᆡ 업슨 히믈 더으시니
以癡由妄塵所蔽無明所覆。消塵則無蔽朗徹則無覆。故能旋復眞明永離癡暗也。內業有十。而壞滅法身唯婬怒癡爲甚。故舉三以兼餘。上皆依楞嚴漸說。自頓言之。三毒水泡元無自性。知觀觀者豈不便離。
癡ᄂᆞᆫ 거츤 드트레■■■■■■■■ 둡논 다시니
■■■■■■■■■■업고 ᄆᆞᆯ기 ᄉᆞ
■■■■■■■■■■■히 眞實
■■■■■■■■■■■■暗ᄋᆞᆯ
■■■■■■■■■■■로ᄃᆡ 法
■■■■■■■■■■■癡甚
■■■■■■■■■■■■니ᄅᆞᆯ 兼■…■
無盡意！觀世音菩薩、有如是等大威神力，多所饒益，是故衆生常應心念。
■…■世音
■■■■■■■■■■■威神
■■■■■■■■■■■만ᄒᆞ니 이
럴■■■■■■■■■■■ ᄆᆞᅀᆞ매 念ᄒᆞ야ᅀᅡ ᄒᆞ리라
若有女人，設欲求男，禮拜供養觀世音菩薩，便生福德智慧之男，
ᄒᆞ다가 겨지비 아ᄃᆞᆯ 求ᄒᆞ야 供養ᄒᆞ면 곧 福德知慧^옛 아ᄃᆞᄅᆞᆯ 나ᄒᆞ리며
設欲求女，便生端正有相之女，宿殖德本，衆人愛敬。
ᄯᆞᄅᆞᆯ 求ᄒᆞ야도 端正ᄒᆞ고 相 잇ᄂᆞᆫ ᄯᆞ리 아래브터 德本을 심거 한 사ᄅᆞ미 ᄃᆞᅀᆞ며
「無盡意！觀世音菩薩有如是力，
恭敬■■■■■ᄒᆞ리니 無
■■■■■觀世音菩薩■■■■■■■■■
融形涉世遍事諸佛。爲法王子之力加之。卽生男。圓通合界承順如來。受領法門之力加之。卽生女。
■■를 노겨 世
間애 버므
■■■■■■■■■■■■王子
■■■■■■■■■■■■ᄅᆞᆯ 나코
■■■■■■■■■■■■구므시
■■■■■■■■■■■法門
■■■■■■■■■■■
若有衆生，恭敬禮拜觀世音菩薩，福不唐捐，
ᄒᆞ다가 衆
■■■觀世音菩薩ᄋᆞᆯ 恭
敬■■■■■■■■ᄋᆞᆯ 虛히 ᄇᆞ리디 ■■■■■■■ᄊᆡ
是故衆生皆應受持觀世音菩薩名號。
衆生이 다 觀世音菩薩ㅅ 일후믈 受持ᄒᆞ야ᅀᅡ ᄒᆞ리라
「無盡意！若有人受持六十二億恒河沙菩薩名字，
無盡意^여 ᄒᆞ다가 사ᄅᆞ미 六十二億 恒河沙 菩薩ㅅ 일후믈 受持ᄒᆞ고
復盡形供養飲食、衣服、臥具、醫藥。
ᄯᅩ 죽ᄃᆞ록 飮食 衣服 臥具 醫藥ᄋᆞ로 供養ᄒᆞ면
於汝意云何？
네 ᄠᅳ데 엇더뇨