월인석보 10권
아니옷 머그면 네 머^리ᄅᆞᆯ 버효리라 ᄒᆞᆯᄊᆡ
爾時其婦以恐怖故，卽還食之。既還食已，瞋恚便息。
두리여 머구니 怒ᄅᆞᆯ 잔치니라
「其夫於後，續復劫盜，爲王所得，卽治其罪。
그 도ᄌᆞ기 後에 닛위여 도ᄌᆞᆨᄒᆞ다가 王ᄭᅴ 자피니
治賊之法，要斷其命，合婦生埋。
도ᄌᆞᆨ 罪 주ᄂᆞᆫ 法은 주겨 제 겨집 조쳐 사ᄅᆞ묻더니
我時身體著妙瓔珞。
내 그저긔 됴ᄒᆞᆫ 瓔珞을 가졧다니
爾時有人貪利瓔珞，於後夜時，卽便開塚，
ᄒᆞᆫ 사ᄅᆞ미 바ᇝ中 後에 파내야
取我瓔珞，并將我去。
내 瓔珞 가지고 날 조쳐 더브러 니거ᄂᆞᆯ
復經少時，王家伺官卽伺捉得，
아니 오라아 그위예셔 자바
卽斷其命，合婦生埋。
그 사ᄅᆞᆷ 주겨 날 조쳐 사ᄅᆞ무더ᄂᆞᆯ
於後夜時，多諸虎狼，把發塚開，食噉死尸。
바ᇝ中 後에 범과 일히ᄃᆞᆯ히 무덤 여러 주거믈 먹거늘
我因此故，尋時得出。既得出已，荒錯迷悶，不知東西，卽便馳走。
내 ᄉᆞᅀᅵ예 나 ᄎᆞ림 몯ᄒᆞ야 간대로 ᄃᆞᆮ다니
路見多人，卽便問言：
길 녈 한 사ᄅᆞᄆᆞᆯ 보고 무로ᄃᆡ
『諸人當知我今苦惱。何處能有忘憂除患？』
내 셜ᄫᅥᄒᆞ노니 어듸ᅀᅡ 시름 업슨 ᄃᆡ 잇ᄂᆞ뇨
時有長老婆羅門等，以憐愍心，卽語我言：
그제 얼우넷 늘근 婆羅門^ᄃᆞᆯ히 어엿비 너겨 닐오ᄃᆡ
『曾聞釋迦牟尼佛法之中，多諸安隱，
釋迦牟尼佛ㅅ 法 中에 便安ᄒᆞᆫ 이리 만ᄒᆞ시고
無諸衰惱。』
衰ᄒᆞ며 셜ᄫᅳᆫ 일ᄃᆞᆯ히 업스시다 듣ᄌᆞᆸ노라 ᄒᆞ야ᄂᆞᆯ
我聞是已，心生歡喜，詣大愛道憍曇彌比丘尼所出家。
내 기ᄊᆞᄫᅡ 大愛道 憍曇彌比丘尼ㅅ긔 가 出家ᄒᆞ야
次第修習，卽得道果，
次第로 닷가 즉자히 道果ᄅᆞᆯ 得ᄒᆞ야
三明六通，具八解脫。
三明과 六通과 八解脫이 ᄀᆞ조니
汝等當知
너희ᄃᆞᆯ히 아라ᄉᆞ라
我在家時勤苦如是。
내 지븨 이실 쩌긔 受苦호미 이러호니
以是因緣自致得道。」
이런 因緣으로 道理ᄅᆞᆯ 得호라
時諸釋女聞是語已，心大歡喜，得法眼淨。
그제 釋女ᄃᆞᆯ히 ᄀᆞ자ᇰ 깃거 法眼淨을 得ᄒᆞ며
諸會聽衆各發所願，歡喜而去。
모다 듣ᄂᆞᆫ 大衆이 各各 願을 發^ᄒᆞ야 깃거 가니라
其二百六十八
化人 方便力이 單騎로 기피 드르샤
五百 群賊이 ᄒᆞᆫ 사래 다 디니
單ᄋᆞᆫ ᄒᆞ오ᅀᅢ오
騎ᄂᆞᆫ ᄆᆞᆯ ᄐᆞᆯ씨라
世尊 大光明이 十方^ᄋᆞᆯ ᄉᆞᄆᆞᆺ 비취샤
一切 衆生이 ᄒᆞᆫ 病도 다 업스니
復次，如來慈悲方便神力不可思議。
如來ㅅ 慈悲方便神力이 不可思議시니
不可思議ᄂᆞᆫ 어루 ᄉᆞ라ᇰᄒᆞ며 議論 몯ᄒᆞᆯ씨라
佛在舍衛國，
부톄 舍衛國에 겨시거늘
爾時崛山中，有五百人止住其中，
崛山 中에 五百 도ᄌᆞ기 이셔
斷道劫人，作諸非法。
길헤 나 사ᄅᆞᆷ 티^고 도ᄌᆞᆨᄒᆞ더니
如來爾時以方便力化作一人，
如來 方便力으로 ᄒᆞᆫ 사ᄅᆞᄆᆞᆯ ᄆᆡᇰᄀᆞᄅᆞ샤
乘大名象，身著鎧仗，帶持弓箭，手執鉾鋋。
큰 일훔난 象 ᄐᆞ시고 甲 니브시고 활살 ᄎᆞ시고 槍 자ᄇᆞ시고
所乘大象皆以七寶而莊校之，
ᄐᆞ신 象ᄋᆞᆯ 다 七寶로 ᄭᅮ미시고
其人亦以七寶而自莊嚴，
ᄯᅩ 七寶로 ᄌᆞ걔 莊嚴ᄒᆞ샤
珠環嚴具皆出光明，
구스리며 莊嚴엣 거시 다 光明을 내더니
單獨一己而入嶮路，往至崛山。
ᄒᆞ오ᅀᅡ 嶮^ᄒᆞᆫ 길헤 드르샤 崛山ᄋᆞ로 가시더니
爾時山中五百群賊遙見是人，而相謂言：
五百 群賊이 [群은 무리라] ᄇᆞ라ᅀᆞᆸ고 서르 닐오ᄃᆡ
「我等積年作賊，未見此也。」
우리ᄃᆞᆯ히 여러 ᄒᆡᄅᆞᆯ 도ᄌᆞᆨ호ᄃᆡ 이 ᄀᆞᆮᄒᆞ니 본 적 업다 ᄒᆞ고
爾時賊主問諸人言：「汝何所見？」
爲頭 도ᄌᆞ기 무로ᄃᆡ 너희ᄃᆞᆯ히 므스글 보ᄂᆞᄉᆞᆫ다
其人答言：「見有一人乘大名象，
對答호ᄃᆡ ᄒᆞᆫ 노미 큰 象 ᄐᆞ고 오시며
被服瓔珞，并象乘具，純是七寶。放大光明，照動天地。
瓔珞이며 象^ᄋᆡ 연자ᅌᅵ 純ᄒᆞᆫ 七寶ㅣ라 큰 光明 펴 天地ᄅᆞᆯ 비취오
隨路而來，兼復單獨一己。
길ᄒᆞᆯ 조차 오ᄃᆡ ᄯᅩ ᄒᆞ나히로소니
我等若當擒獲此人，資生衣食，七世無乏。」
우리ᄃᆞᆯ히 이 노ᄆᆞᆯ 자ᄇᆞ면 사로ᇙ 옷바비ᅀᅡ 닐굽 뉘라도 긋디 아니ᄒᆞ리로소ᅌᅵ다
爾時賊主聞是語已，心生歡喜，密共唱令，而作是言：
爲頭 도ᄌᆞ기 기ᄭᅥ ᄀᆞ마니 出令호ᄃᆡ
「慎莫斫射，
쳔만 버히며 쏘디 마오
徐徐捉取。」
ᄌᆞᄂᆞᆨᄌᆞᄂᆞ기 자^ᄇᆞ라 ᄒᆞ고
卽前後圍繞，一時而發。時五百人同聲唱喚。
ᄒᆞᆫᄢᅴ 고함코 나거늘
爾時化人以慈悲力愍而哀傷，尋時張弓布箭射之。
그제 化人이 慈悲力으로 어엿비 너기샤 쏘시니
時五百人，人被一箭，而瘡苦痛難可堪忍，卽皆躄地，
五百 도ᄌᆞ기 저마다 ᄒᆞᆫ 살옴 마자 즉자히 다 ᄯᅡ해 디여
宛轉大哭，起共拔箭。其箭堅固，非力所堪。
하 셜ᄫᅥ 그우다가 니러 모다 사ᄅᆞᆯ ᄲᅢᅘᅧ다가 몯ᄒᆞ야
爾時五百人卽懷恐怖：
五百 도ᄌᆞ기 두리여
「我等今者，必死不疑。
우리ᄃᆞᆯ히 疑心 업시 오ᄂᆞᆯ 다 주그리^로다
而此一人，難爲抗對，由來未有。」
이 사ᄅᆞᆷᄀᆞ티 거스디 어려ᄫᅮ미 녜로브터 업스니라 ᄒᆞ고
卽共同聲說偈問曰：「卿是何等人，
모다 偈로 무로ᄃᆡ 그듸 엇던 사ᄅᆞ민다
爲是咒術力，爲是龍鬼神，
呪術 힘가 龍 鬼神가
一箭射五百？苦痛難可陳，
ᄒᆞᆫ 사래 五百ᄋᆞᆯ 쏘니 셜ᄫᅮ믈 몯내 니르리로다
我等身歸依。爲我出毒箭， 隨順不敢違。」
우리ᄃᆞᆯ히 歸依ᄒᆞ노니 毒ᄒᆞᆫ 사ᄅᆞᆯ 내면 조차 順ᄒᆞ야 거스디 아니호리라
爾時化人說偈答曰：
그제 化人이 偈로 對答ᄒᆞ샤ᄃᆡ
「斫瘡無過惡，射箭無過怒。
베텨도 모디로미 업고 쏘아도 怒ㅣ 업소니
是壯莫能拔，
이 壯ᄋᆞᆯ ᄲᅢᅘᅧ리 업스니
壯ᄋᆞᆫ 셀씨라
唯從多聞除。」
오직 해 드로ᄆᆞᆯ 조차ᅀᅡ 덜리라 ᄒᆞ시고
卽復佛身，放大光明，
즉자히 부텻 모미 ᄃᆞ외샤 ᄀᆞ자ᇰ 放光ᄒᆞ샤
遍照十方一切衆生
十方 一切 衆生ᄋᆞᆯ 차 비취시니
遇斯光者，盲者得睹，瘺者得申，
이 光明 맛^나ᅀᆞᄫᆞ니 눈 머니도 보며 구브니도 펴며
拘躄者得手足；若邪迷者得睹眞言。
손발 저니도 ᄡᅳ며 邪曲고 迷惑ᄒᆞ니도 眞言을 보ᅀᆞᄫᆞ며
總要而言：諸不稱意皆得如願。
모도아 니르건댄 ᄠᅳ데 몯 마ᄌᆞᆫ 이리 다 願ᄀᆞ티 ᄃᆞ외더라
爾時如來爲五百人示教利喜，
그제 如來 五百 사ᄅᆞᆷ 爲ᄒᆞ샤 利益ᄒᆞ며 깃븐 이ᄅᆞᆯ ᄀᆞᄅᆞ치샤
說種種法。
種種 法을 닐^어시ᄂᆞᆯ
時五百人聞法歡喜，
五百 사ᄅᆞ미 法 듣ᄌᆞᆸ고 깃거ᄒᆞ니
身瘡平復，血反爲乳，
모미 암ᄀᆞᆯ오 피 져지 ᄃᆞ외어ᄂᆞᆯ
尋時卽發阿耨多羅三藐三菩提心，卽共同聲而說偈言：
즉자히 阿耨多羅三藐三菩提心ᄋᆞᆯ 發ᄒᆞ야 모다 偈로 ᄉᆞᆯᄫᅩᄃᆡ
「我等已發心，廣利諸衆生；
우리ᄃᆞᆯ히 ᄒᆞ마 發心ᄒᆞ야 衆生ᄃᆞᆯᄒᆞᆯ 너비 利케 호리니
應當常恭敬，隨順諸佛學。
샤ᇰ녜 恭敬ᄒᆞᅀᆞᄫᅡ 諸佛^을 좃ᄌᆞᄫᅡ ᄇᆡ호ᅀᆞᄫᅩ리ᅌᅵ다
念佛慈悲力，拔苦身心安；
부톄 慈悲力으로 受苦애 ᄲᅢᅘᅧ 便安케 ᄒᆞ시니
應當念佛恩，菩薩及善友，師長及父母，及諸衆生類，
부텻 恩德과 菩薩와 어딘 벋과 스스ᇰ과 父母와 ᄯᅩ 衆生ᄃᆞᆯᄒᆞᆯ 念ᄒᆞ야
怨親心平等，恩德無有二。」
寃讎와 아ᅀᆞᆷ과애 ᄆᆞᅀᆞ미 平等ᄒᆞ야 恩德이 다ᄅᆞ디 아니토소ᅌᅵ다
爾時虛空中，欲界諸天憍尸迦等
그^제 虛空 中에 欲界 諸天 憍尸迦ᄃᆞᆯ히
昔摩伽陀國中，有婆羅門名摩伽，姓憍尸迦，
녜 婆羅門이 일후믄 摩伽ㅣ오 姓은 憍尸迦ㅣ러니
有福德大智慧，知友三十三人共修福德，
벋 셜흔둘 사ᄅᆞᆷ과 福德을 닷더니
命終皆生須彌山頂第二天上，
命終ᄒᆞ야 다 須彌山 뎌ᇰ바기 둘찻 하ᄂᆞ래 나
摩伽婆羅門為天主，
摩伽婆羅門ᄋᆞᆫ 天主ㅣ ᄃᆞ외오
三十二人為輔臣，
셜흔둘 사ᄅᆞᄆᆞᆫ 도ᄫᆞᇙ 臣下ㅣ ᄃᆞ외니
以此三十三人故，名為三十三天。
이 일후미 三十三天이라
先言「釋」是字，「提婆因」是天主
ᄒᆞᆫ 일후믄 釋提桓因이니 釋은 字ㅣ오 提桓因ᄋᆞᆫ 天主ㅣ라
雨衆天華，
여러 가짓 하ᄂᆞᆳ ^ 곳 비흐며
作天伎樂，供養如來，
하ᄂᆞᆳ 風流 ᄒᆞ야 如來 供養ᄒᆞᅀᆞᆸ고
異口同音而說偈言：
ᄒᆞᆫ 목소리로 偈ᄅᆞᆯ ᄉᆞᆯᄫᅩᄃᆡ
「我等先世福，光明甚嚴飾，
우리ᄃᆞᆯ히 아랫 뉘옛 福ᄋᆞ로 光明이 甚히 싁싀기 ᄭᅮ며
衆妙供養具，利益於一切。
한 微妙ᄒᆞᆫ 供養앳 거스로 一切ᄅᆞᆯ 利益게 ᄒᆞ노니
世尊甚難遇，
世尊이 甚히 맛나ᅀᆞᄫᅩ미 어려ᄫᅳ며
妙法亦難聞，
妙^法이 ᄯᅩ 듣ᄌᆞᄫᅩ미 어렵거늘
宿殖衆德本，今遇釋中神，
아래브터 여러 德根源을 시믈ᄊᆡ 오ᄂᆞᆯ 釋中神을 맛나ᅀᆞᄫᅩ니
釋中神ᄋᆞᆫ 釋氏ㅅ 中에 神奇ᄒᆞ실씨라
我等念佛恩，亦當發道心。
우리ᄃᆞᆯ히 부텻 恩德을 念ᄒᆞᅀᆞᄫᅡ ᄯᅩ 道理ㅅ ᄆᆞᅀᆞᄆᆞᆯ 發ᄒᆞᅀᆞᆸ노니
我今得見佛，所有三業善，