월인석보 8권
없음
闍陀^伽ᄂᆞᆫ 本來ㅅ 生이라 혼 마리니 如來 菩薩ᄋᆡ 本來ㅅ 修行이 서르 마ᄌᆞᆫ 일ᄃᆞᆯ 니ᄅᆞ샤미라
없음
毗佛略ᄋᆞᆫ 方廣이라 혼 마리니 正ᄒᆞᆫ 理方이오 ᄢᅳ려 가ᅀᆞ며로미 廣이라
없음
阿浮達摩ᄂᆞᆫ 아ᄅᆡ 잇디 아니타 혼 마리니 如來 種種 神力을 뵈야시ᄃᆞᆫ 衆生이 아ᄅᆡ 잇디 아니타 ᄒᆞᆯ씨라
없음
優波提舍ᄂᆞᆫ 論義라 혼 마리니 義ᄂᆞᆫ ᄠᅳ디라
若出定時憶持不失。見此事已。名見無量壽佛極樂世界。
出定ᄒᆞ야도 디녀 일티 아니ᄒᆞ면 일후미 無量壽佛 ^ 極樂世界ᄅᆞᆯ 보미니
是爲普觀想。名第十二觀。
이 普觀想이니 [普觀ᄋᆞᆫ 너비 볼씨라] 일후미 第十二觀이니
無量壽佛化身無數。與觀世音及大勢至。常來至此行人之所。
無量壽佛ㅅ 無數 化身이 觀世音 大勢至와 샤ᇰ녜 行人의게 오시리라
佛告阿難及韋提希。若欲至心生西方者。先當觀於一丈六像在池水上。如先所說。
부톄 阿難이와 韋提希ᄃᆞ려 니ᄅᆞ샤ᄃᆡ 至^極ᄒᆞᆫ ᄆᆞᅀᆞᄆᆞ로 西方애 나고져 ᄒᆞᇙ 사ᄅᆞᄆᆞᆫ 몬져 丈六像이 못 우희 겨샤ᄆᆞᆯ 보ᅀᆞᄫᅩᇙ디니
無量壽佛 身量無邊。非是凡夫心力所及。
無量壽佛ㅅ 모미 ᄀᆞᆺ 업스샤 凡夫의 心力이 몯 미츠련마ᄅᆞᆫ
然彼如來宿願力故。有憶想者 必得成就。
뎌 如來ㅅ 本來ㅅ 願力으로 憶想ᄒᆞ리 이시면 모ᄃᆡ 일우ᄂᆞ니
但想佛像 得無量福。況復觀佛具足身相。
다ᄆᆡᆫ 부^텻 像ᄋᆞᆯ 想ᄒᆞᆯ 만 ᄒᆞ야도 無量福ᄋᆞᆯ 어드리어니 ᄒᆞᄆᆞᆯ며 부텻 ᄀᆞᄌᆞ신 身相ᄋᆞᆯ 보ᅀᆞᄫᅩ미ᄯᆞ녀
없음
身相ᄋᆞᆫ 모ᇝ 야ᇰᄌᆡ라
阿彌陀佛神通如意。於十方國變現自在。
阿彌陀佛이 神通이 如意ᄒᆞ샤 十方 나라해 變化 뵈샤미 自在ᄒᆞ야
或現大身滿虛空中。或現小身丈六八尺。
시혹 큰 모ᄆᆞᆯ 뵈시면 虛空애 ᄀᆞᄃᆞᆨᄒᆞ시고 ^ 져근 모ᄆᆞᆯ 뵈시면 丈六八尺이샤
所現之形皆真金色。
뵈시논 形體 다 眞金色이시고
圓光化佛及寶蓮花。
圓光이며 化佛이며 寶蓮花ᄂᆞᆫ 우희 니르ᄃᆞᆺ ᄒᆞ니라
如上所說。觀世音菩薩及大勢至。於一切處身同衆生。
觀世音菩薩와 大勢至왜 一切 고대 모미 衆生 ᄀᆞᆮᄒᆞ니
但觀首相。知是觀世音。知是大勢至。
오직 首相ᄋᆞᆯ 보면[首相^ᄋᆞᆫ 마릿 야ᇰᄌᆡ라] 觀世音인 ᄃᆞᆯ 알며 大勢至ㄴ ᄃᆞᆯ 알리니
此二菩薩助阿彌陀佛。普化一切。
이 두 菩薩이 阿彌陀佛을 돕ᄉᆞᄫᅡ 一切ᄅᆞᆯ 너비 敎化ᄒᆞᄂᆞ니
是爲雜想觀。名第十三觀。
이 雜想觀이니 일후미 第十三觀이라
佛告阿難。及韋提希。凡生西方有九品人。上品上生者。若有衆生願生彼國者。發三種心卽便往生。
부톄 阿難이와 韋提希ᄃᆞ려 니ᄅᆞ샤ᄃᆡ 上品 上^生ᄋᆞᆫ 衆生이 뎌 나라해 나고져 願ᄒᆞᇙ 사ᄅᆞᄆᆞᆫ 세가짓 ᄆᆞᅀᆞᄆᆞᆯ 發ᄒᆞ면 곧 가아 나리니
何等爲三。一者至誠心。二者深心。三者迴向發願心。
ᄒᆞ나ᄒᆞᆫ 至極ᄒᆞᆫ 精誠엣 ᄆᆞᅀᆞ미오 둘ᄒᆞᆫ 기픈 ᄆᆞᅀᆞ미오 세ᄒᆞᆫ 廻向發願 ᄆᆞᅀᆞ미라
具三心者必生彼國。
이 세 ᄆᆞᅀᆞ미 ᄀᆞᄌᆞ면 一定히 뎌 나라해 나리라
復有三種衆生。當得往生。
ᄯᅩ 세가짓 衆生이^ᅀᅡ 다ᇰ다ᅌᅵ 가아 나리니
何等爲三。一者慈心不殺具諸戒行。
ᄒᆞ나ᄒᆞᆫ 慈心ᄋᆞ로 殺生 아니ᄒᆞ야 여러 가짓 戒行 ᄀᆞᄌᆞ니오
二者讀誦大乘方等經典。
둘ᄒᆞᆫ 大乘方等經典을 讀誦ᄒᆞᄂᆞ니오
없음
典은 法이라
없음
讀ᄋᆞᆫ 닐그ᇙ시오 誦ᄋᆞᆫ 외오ᇙ시라
三者修行六念
세ᄒᆞᆫ 여슷가짓 念을 修行ᄒᆞ야
없음
여슷가짓 念은 부텨 念ᄒᆞᅀᆞᄫᆞ며 法 念ᄒᆞ며 쥬ᇰ 念ᄒᆞ며 布施 念ᄒᆞ며 持^戒 念ᄒᆞ며 하ᄂᆞᆯ 念호미라
迴向發願生彼佛國。
廻向發願ᄒᆞ야 뎌 나라해 나고져 願ᄒᆞᄂᆞᆫ 사ᄅᆞ미니
具此功德。一日乃至七日。卽得往生。
이 功德이 ᄀᆞ조ᄆᆞᆯ ᄒᆞᆯ리어나 닐웨예 니를어나 ᄒᆞ면 즉자히 가아 나리니
生彼國時。此人精進勇猛故。阿彌陀如來與觀世音及大勢至
뎌 나라해 나ᇙ 時節에 이 사ᄅᆞᄆᆡ 精進이 勇猛혼 다ᄉᆞ로 阿彌陀如來 觀世音 ^ 大勢至와
無數化佛百千比丘聲聞大衆無量諸天。七寶宮殿。觀世音菩薩執金剛臺。與大勢至菩薩至行者前。
無數 化佛와 百千 比丘 聲聞 大衆 無量 諸天 七寶宮殿과 觀世音菩薩ᄋᆞᆫ 金剛臺 잡고 大勢至菩薩와 行者ㅅ 알ᄑᆡ 오샤
阿彌陀佛放大光明照行者身。
阿彌陀佛이 큰 光明을 펴샤 ^ 行者ᄋᆡ 모ᄆᆞᆯ 비취시고
與諸菩薩授手迎接。
諸菩薩ᄃᆞᆯ콰로 소ᄂᆞᆯ 심겨 迎接ᄒᆞ시거든
없음
迎은 마ᄌᆞᆯ씨라
觀世音大勢至與無數菩薩。讚歎行者勸進其心。
觀世音 大勢至 無數 菩薩와로 行者ᄅᆞᆯ 讚嘆ᄒᆞ야 ᄆᆞᅀᆞᄆᆞᆯ 勸ᄒᆞ야 나ᅀᅩ리니
行者見已歡喜踊躍。
行者ㅣ 보고 歡喜踊躍ᄒᆞ야
없음
歡喜踊躍ᄋᆞᆫ 깃거 ᄂᆞ소ᄉᆞᆯ씨라
自見其身乘金剛臺。隨從佛後。
제 모ᄆᆞᆯ 보ᄃᆡ 金剛臺 타 부텻 뒤헤 미졷ᄌᆞᄫᅡ
如彈指頃
彈指ᄒᆞᇙ ᄉᆞᅀᅵ예
없음
彈指ᄂᆞᆫ 소ᇇ가락 ᄩᆞᆯ씨니 아니한 ᄉᆞᅀᅵ라
往生彼國。生彼國已。見佛色身衆相具足。見諸菩薩色相具足。
뎌 나라해 가 나아 부텻 色身과 諸菩薩ㅅ 色相ᄋᆞᆯ 보며
光明寶林演說妙法。聞已卽悟無生法忍。
光明과 보ᄇᆡ옛 수플왜 妙法을 너펴 니르거든 듣고 즉자히 無生法忍ᄋᆞᆯ 알오
經須臾間歷事諸佛。遍十方界。於諸佛前次第受記。
아니^한 ᄉᆞᅀᅵ예 諸佛을 다 셤기ᅀᆞᄫᅡ 十方 界예 다 가 諸佛ㅅ 알ᄑᆡ 次第로 受記ᄒᆞᅀᆞᆸ고
還至本國。得無量百千陀羅尼門。
도로 믿나라해 와 無量百千陀羅尼門ᄋᆞᆯ 得ᄒᆞ리니
없음
陀羅尼ᄂᆞᆫ 모도잡다 혼 ᄠᅳ디니 圓覺體예 만ᄒᆞᆫ 德用이 잇ᄂᆞ니 本來 브터 자바 일티 아니ᄒᆞᆯᄊᆡ 모도잡다 ᄒᆞ니라
없음
體로셔 用애 나고 用애셔 體^예 드러가미 門ᄋᆡ 나드ᄃᆞᆺ ᄒᆞᆯᄊᆡ 門이라 ᄒᆞ니라
是名上品上生者
이 일후미 上品 上生이라
上品中生者。不必受持讀誦方等經典。善解義趣。
上品 中生ᄋᆞᆫ 方等經典을 구틔여 受持 讀誦 아니ᄒᆞ야도 ᄠᅳ들 이대 아라
於第一義心不驚動。
第一義예 ᄆᆞᅀᆞᄆᆞᆯ 놀라 뮈우디 아니ᄒᆞ야
深信因果不謗大乘。
因果ᄅᆞᆯ 기피 信ᄒᆞ며 大乘ᄋᆞᆯ 비웃디 아니ᄒᆞ^야
以此功德。迴向願求生極樂國。行此行者命欲終時。
이 功德으로 廻向ᄒᆞ야 極樂國에 나고져 ᄒᆞᇙ 사ᄅᆞᄆᆞᆫ 命終ᄒᆞᆯ 쩌긔
阿彌陀佛與觀世音及大勢至。無量大衆眷屬圍繞。
阿彌陀佛이 觀世音 大勢至와 無量 大衆 眷屬이 圍繞ᄒᆞᅀᆞᄫᅡ
持紫金臺至行者前讚言。
紫金臺 가져 行者 알ᄑᆡ 오샤 讚歎ᄒᆞ야 니ᄅᆞ샤ᄃᆡ
法子。汝行大乘解第一義。是故我今來迎接汝。
法^子아 네 大乘을 行ᄒᆞ야 第一義ᄅᆞᆯ 알ᄊᆡ 내 와 迎接ᄒᆞ노라 ᄒᆞ시고
與千化佛一時授手。
즈믄 化佛와로 ᄒᆞᆫᄢᅴ 소ᄂᆞᆯ 심기시리니
行者自見坐紫金臺。合掌叉手
行者ㅣ 제 보ᄃᆡ 紫金臺예 안자 合掌叉手ᄒᆞ야
없음
叉手ᄂᆞᆫ 두 소ᇇ가라ᄀᆞᆯ 섯겨를씨라
讚歎諸佛。如一念頃。卽生彼國七寶池中。
諸佛을 讚嘆ᄒᆞᅀᆞᄫᅡ 一念 ᄊᆞᅀᅵ예 ^ 뎌 나라해 七寶못 가온ᄃᆡ 가 나리니
此紫金臺如大寶花。經宿卽開。行者身作紫磨金色。
이 紫金臺 큰 보ᄇᆡ옛 고지 ᄀᆞᆮᄒᆞ야 ᄒᆞᄅᆞᆺ밤 자고 프거든 行者ᄋᆡ 모미 紫磨金色이 ᄃᆞ외오
足下亦有七寶蓮華。佛及菩薩俱放光明。照行者身目卽開明。
발 아래 ᄯᅩ 七寶蓮花ㅣ 잇거든 부텨와 菩薩와 ᄒᆞᆫᄢᅴ 放光ᄒᆞ샤 行者ᄋᆡ 모ᄆᆞᆯ 비취시면 누니 즉^자히 여러 ᄇᆞᆯᄀᆞ리니
因前宿習普聞衆聲。純說甚深第一義諦。
아ᄅᆡᆺ ᄇᆡᄒᆞᄉᆞᆯ 因ᄒᆞ야 한 소리ᄅᆞᆯ 너비 드로ᄃᆡ 甚히 기픈 第一義諦ᄅᆞᆯ 젼혀 니ᄅᆞ리니
卽下金臺禮佛合掌讚歎世尊。
즉자히 金臺예 ᄂᆞ려 부텨ᄭᅴ 禮數ᄒᆞᅀᆞᆸ고 合掌ᄒᆞ야 世尊ᄋᆞᆯ 讚嘆ᄒᆞᅀᆞᄫᆞ리니
經於七日。應時卽於阿耨多羅三藐三菩提。得不退轉。
닐웨 디내면 즉자히 阿耨多羅三藐^三菩提예 므르디 아니호ᄆᆞᆯ 得ᄒᆞ고
應時卽能飛至十方。歷事諸佛。於諸佛所修諸三昧。
즉자히 ᄂᆞ라ᄃᆞᆮ녀 十方애 다 가 諸佛을 다 셤기ᅀᆞᄫᅡ 諸佛ᄭᅴ 三昧ᄃᆞᆯᄒᆞᆯ 닷가
經一小劫得無生法忍現前受記。
ᄒᆞᆫ 小劫 디내면 無生忍ᄋᆞᆯ 得ᄒᆞ야 現ᄒᆞᆫ 알ᄑᆡ 授記ᄒᆞ시리니
是名上品中生者。
이 일후미 上品 中生이라
上品下生者。亦信因果不謗大乘。
上品 ^ 下生ᄋᆞᆫ ᄯᅩ 因果ᄅᆞᆯ 信ᄒᆞ며 大乘ᄋᆞᆯ 비웃디 아니ᄒᆞ고
但發無上道心。以此功德。迴向願求生極樂國。彼行者命欲終時。
오직 우 업슨 道理ㅅ ᄆᆞᅀᆞᄆᆞᆯ 發ᄒᆞ야 이 功德으로 廻向ᄒᆞ야 極樂國에 나고져 ᄒᆞᇙ 사ᄅᆞᄆᆞᆫ 命終ᄒᆞᇙ 저긔
阿彌陀佛及觀世音并大勢至。與諸眷屬持金蓮華。化作五百化佛來迎此人。
阿彌陀佛와 觀世音 大勢至 眷屬ᄃᆞᆯ^콰로 金蓮華 가지시고 五百 부텨를 지ᅀᅥ 와 마ᄌᆞ샤
五百化佛一時授手。讚言。
五百 化佛이 ᄒᆞᆫᄢᅴ 소ᄂᆞᆯ 심기시고 讚嘆ᄒᆞ야 니ᄅᆞ샤ᄃᆡ
法子。汝今淸淨發無上道心。我來迎汝。
法子아 네 淸淨ᄒᆞ야 우 업슨 道理ㅅ ᄆᆞᅀᆞᄆᆞᆯ 發ᄒᆞᆯᄊᆡ 내 와 너를 맛노라 ᄒᆞ시리니
見此事時。卽自見身坐金蓮花。坐已華合。
이 일 보ᇙ 저긔 제 모ᄆᆞᆯ 보ᄃᆡ 金蓮華^애 안자 고지 어우러
隨世尊後卽得往生七寶池中。
世尊ㅅ 뒤흘 좃ᄌᆞᄫᅡ 즉자히 七寶못 가온ᄃᆡ 가 나아
一日一夜蓮花乃開。七日之中乃得見佛。
ᄒᆞᆫ 날 ᄒᆞᆫ 바ᄆᆡ 蓮華ㅣ 프거든 닐웻 內예 부텨를 보ᅀᆞᄫᅩᄃᆡ
雖見佛身於衆相好心不明了。於三七日後乃了了見。
한 相好ᄅᆞᆯ 明白히 몰랫다가 세 닐웨 後에ᅀᅡ 다 보ᅀᆞᄫᆞ며
聞衆音聲皆演妙法。遊歷十方供養諸佛。
한 소리 다 妙法 너피거든 듣고 十方애 노^녀 諸佛 供養ᄒᆞᅀᆞᆸ고
於諸佛前聞甚深法。
諸佛ㅅ 알ᄑᆡ 甚히 기픈 法을 듣ᄌᆞᄫᅡ
經三小劫得百法明門。住歡喜地。
세 小劫 디내오 百法明門ᄋᆞᆯ 得ᄒᆞ야 歡喜地예 住ᄒᆞ리니
없음
歡喜地ᄂᆞᆫ 十地옛 처ᅀᅥ미니 法을 깃글씨라
是名上品下生者。是名上輩生想。名第十四觀。
이 일후미 上品 下生이니 이 일후미 上輩生想이니 일후^미 第十四觀이라
없음
上輩ᄂᆞᆫ 웃 무리라
佛告阿難及韋提希。中品上生者。若有衆生受持五戒。持八戒齋。
부톄 阿難이와 韋提希ᄃᆞ려 니ᄅᆞ샤ᄃᆡ 中品 上生ᄋᆞᆫ 衆生이 五戒ᄅᆞᆯ 디니며 八戒齋ᄅᆞᆯ 디녀
修行諸戒。不造五逆。無衆過惡。
여러 戒ᄅᆞᆯ 修行ᄒᆞ고 五逆을 짓디 아니ᄒᆞ며 여러 가짓 허므리 업서
以此善根。迴向願求生於西方極樂世界。行者臨命終時。
이 善根ᄋᆞ로 ^ 廻向ᄒᆞ야 極樂世界예 나고져 ᄒᆞᇙ 사ᄅᆞᄆᆞᆫ 命終ᄒᆞᇙ 저긔
阿彌陀佛與諸比丘眷屬圍繞。放金色光至其人所。
阿彌陀佛이 比丘ᄃᆞᆯ콰 眷屬이 圍繞ᄒᆞᅀᆞᄫᅡ 金色光ᄋᆞᆯ 펴샤 그 사ᄅᆞᄆᆡ손ᄃᆡ 오샤
演說苦空無常無我。讚歎出家得離衆苦。
苦空 無常 無我ᄅᆞᆯ 너펴 니르시고 出家ᄒᆞ야 受苦 여희논 ^ 주를 讚嘆ᄒᆞ시리니
行者見已心大歡喜。自見己身坐蓮花臺。
行者ㅣ ᄀᆞ자ᇰ 歡喜ᄒᆞ야 제 모ᄆᆞᆯ 보ᄃᆡ 蓮華臺예 안자
長跪合掌爲佛作禮。未舉頭頃卽得往生極樂世界。蓮花尋開。