월인석보 20권
그ᄢᅴ 堅牢地神이 부텨ᄭᅴ ᄉᆞᆯᄫᅩᄃᆡ
世尊，我從昔來瞻視頂禮無量菩薩摩訶薩，
世尊하 내 녜브터 無量菩薩摩訶薩ᄋᆞᆯ 보ᅀᆞᄫᅡ 頂禮ᄒᆞᅀᆞᄫᅩ니
皆是大不可思議神通智慧，廣度衆生。
다 大不可思議 神通智彗로 衆生^ᄋᆞᆯ 너비 濟度커신마ᄅᆞᆫ
是地藏菩薩摩訶薩，於諸菩薩誓願深重，
이 地藏菩薩摩訶薩ᄋᆞᆫ 諸菩薩ㅅ게 誓願이 深重ᄒᆞ시니
世尊，是地藏菩薩於閻浮提有大因緣。
世尊하 이 地藏菩薩이 閻浮提예 큰 因緣이 겨시니
如文殊、普賢、觀音、彌勒，亦化百千身形，
文殊普賢 觀音彌勒도 百千 身形을 化^ᄒᆞ샤
度於六道，
六道ᄅᆞᆯ 濟度ᄒᆞ샤ᄃᆡ
其願尚有畢竟。
그 願이 오히려 ᄆᆞ초미 겨시거시니와
是地藏菩薩教化六道一切衆生，
이 地藏菩薩ᄋᆞᆫ 六道 一切 衆生ᄋᆞᆯ 敎化ᄒᆞ샤
所發誓願劫數，如千百億恆河沙。
發ᄒᆞ샨 誓願劫數ㅣ 千百億 恒河沙 ᄀᆞᆮᄒᆞ시니
世尊，我觀未來及現在衆生，於所住處，於南方淸潔之地，以土石竹木作其龕室，
世尊하 내 보ᄃᆡ 未來와 現在 ^ 衆生이 住ᄒᆞᆫ 고대 南方 조ᄒᆞᆫ ᄯᅡ해 土石竹木ᄋᆞ로 龕室 ᄆᆡᇰᄀᆞᆯ오
是中能塑畫，乃至金銀銅鐵，作地藏形像，燒香供養，瞻禮讚歎。
그 가온ᄃᆡ 塑畵커나 金銀銅鐵로 地藏ㅅ 像ᄋᆞᆯ ᄆᆡᇰᄀᆞᅀᆞᆸ고 香ㄱ 퓌우고 供養ᄒᆞ야 보ᅀᆞᄫᅡ 禮數ᄒᆞ고 讚歎ᄒᆞ면
是人居處，卽得十種利益。
이 사ᄅᆞᆷ 사ᄂᆞᆫ ᄯᅡ해 즉재 열 가^짓 利益ᄋᆞᆯ 得ᄒᆞ리니
一者、土地豐壤；
ᄒᆞ나ᄒᆞᆫ ᄯᅡ히 가ᅀᆞ멸오
二者、家宅永安；
둘흔 지비 기리 便安ᄒᆞ고
三者、先亡生天；
세ᄒᆞᆫ 몬져 업스니 하ᄂᆞᆯ해 나고
四者、現存益壽；
네ᄒᆞᆫ 사랫ᄂᆞ니 목수미 더으고
五者、所求遂意；
다ᄉᆞᄉᆞᆫ 求ᄒᆞ논 이ᄅᆞᆯ ᄠᅳᆮ다ᄫᅵ 일우고
六者、無水火災；
여스슨 水火災 업고
七者、虛耗辟除；
닐구븐 虛耗ㅣ 업고
八者、杜絕惡夢；
여들븐 모딘 ᄭᅮ미 긋고
九者、出入神護；
아호ᄇᆞᆫ 나^며 드로매 神이 擁護ᄒᆞ고
十者、多遇聖因。
열ᄒᆞᆫ 聖因을 만히 맛나리니
世尊，未來世中，及現在衆生，若能於所住處方面，作如是供養，得如是利益。
世尊하 未來世 中과 現在 衆生이 能히 住ᄒᆞᆫ 곧 方面에 이 ᄀᆞᆮᄒᆞᆫ 供養ᄋᆞᆯ ᄒᆞ면 이 ᄀᆞᆮᄒᆞᆫ 利翼을 得ᄒᆞ리ᅌᅵ다
復白佛言：
ᄯᅩ 부텨ᄭᅴ ᄉᆞᆯᄫᅩᄃᆡ
世尊，未來世中，若有善男子善女人，於所住處，有此經典及菩薩像，
世尊하 未來世 中^에 善男子 善女人이 住ᄒᆞᆫ 고대 이 經典과 菩薩像ᄋᆞᆯ 두고
是人更能轉讀經典，供養菩薩。
이 사ᄅᆞ미 ᄯᅩ 能히 經典ᄋᆞᆯ 닐그며 菩薩ᄋᆞᆯ 供養ᄒᆞ면
我常日夜以本神力，衛護是人，
샤ᇰ녜 日夜애 本神力으로 이 사ᄅᆞᄆᆞᆯ 衛護ᄒᆞ야
乃至水火盜賊，大橫小橫，一切惡事，悉皆消滅。
水火盜賊이며 大橫小橫^이며 一切 모딘 이ᄅᆞᆯ 다 消滅케 호리ᅌᅵ다
佛告堅牢地神：汝大神力，諸神少及。
부톄 地神ᄃᆞ려 니ᄅᆞ샤ᄃᆡ 堅牢야 네 큰 神力을 諸神이 미츠리 져그니
何以故？
엇뎨어뇨 ᄒᆞ란ᄃᆡ
閻浮土地，悉蒙汝護，
閻浮土地 다 네 擁護ᄅᆞᆯ 니브며
乃至草木沙石，稻麻竹葦，穀米寶貝，從地而有，皆因汝力。
草木이며 沙石이며 稻麻竹葦며 穀米 ^ 寶貝예 니르리 ᄯᅡᄒᆞᆯ 從ᄒᆞ야 잇ᄂᆞᆫ 거시 다 네 히믈 브텟거늘
又常稱揚地藏菩薩利益之事。
ᄯᅩ 地藏菩薩ᄋᆡ 利益이ᄅᆞᆯ 稱揚ᄒᆞᄂᆞ니
汝之功德，及以神通，百千倍於常分地神。
네 功德과 神通괘 常分地神에셔 百千 ᄇᆞ리 倍ᄒᆞ니라
若未來世中，有善男子善女人，供養菩薩，及轉讀是經，
ᄒᆞ다가 未來世 中에 善男子 善女人^이 菩薩ᄋᆞᆯ 供養ᄒᆞ며 이 經을 닐구ᄃᆡ
但依地藏本願經一事修行者。
오직 地藏本願經 ᄒᆞᆫ 이ᄅᆞᆯ 브터 修行ᄒᆞᇙ 사ᄅᆞ미라도
汝以本神力而擁護之，勿令一切災害及不如意事，輒聞於耳，
네 本神力으로 擁護ᄒᆞ야 一切 災害와 如意티 몯ᄒᆞᆫ 이리 귀예 들이디 아니케 ᄒᆞ라
何況令受。非但汝獨護是人故，
ᄒᆞᄆᆞᆯ며 受케 호미ᄯᆞ녀 오직 네 ᄒᆞ오ᅀᅡ ^ 이 사ᄅᆞᄆᆞᆯ 擁護ᄒᆞᆯ ᄯᆞᄅᆞ미 아니라
亦有釋梵眷屬，諸天眷屬，擁護是人。
ᄯᅩ 釋梵 眷屬과 諸天 眷屬이 이 사ᄅᆞᄆᆞᆯ 擁護ᄒᆞ리니
何故得如是聖賢擁護，
엇던 젼ᄎᆞ로 이 ᄀᆞᄐᆞᆫ 聖賢이 擁護호ᄆᆞᆯ 得ᄒᆞᄂᆞ뇨
皆由瞻禮地藏形像，及轉讀是本願經故，自然畢竟出離苦海，證涅槃樂。
다 地藏像ᄋᆞᆯ ᄇᆞ라 절ᄒᆞ며 이 本願經 닐곤 젼ᄎᆞ로 自然히 乃終애 苦^海ᄅᆞᆯ 여희여 涅槃樂ᄋᆞᆯ 證ᄒᆞ리니
以是之故，得大擁護。
이런 젼ᄎᆞ로 큰 擁護ᄅᆞᆯ 得ᄒᆞᄂᆞ니라
爾時世尊，從頂門上，放百千萬億大毫相光，
그ᄢᅴ 世尊이 頂門上ᄋᆞ로셔 百千萬億 大毫相光ᄋᆞᆯ 펴시니
所謂：白毫相光、大白毫相光、瑞毫相光、大瑞毫相光、玉毫相光、大玉毫相光、紫毫相光、大紫毫相光、靑毫相光、大靑毫相光、碧毫相光、大碧毫相光、紅毫相光、大紅毫相光、綠毫相光、大綠毫相光、金毫相光、大金毫相光、慶雲毫相光、大慶雲毫相光、千輪毫光、大千輪毫光、寶輪毫光、大寶輪毫光、日輪毫光、大日輪毫光、月輪毫光、大月輪毫光、宮殿毫光、大宮殿毫光、海雲毫光、大海雲毫光。
白毫相光 大白毫相光 瑞毫相光 大瑞毫相光 154a>玉毫相光 大玉毫相光 紫毫相光 大紫毫相光 靑毫相光 大靑毫相光 碧毫相光 大碧毫相光 紅毫相光 大紅毫相光 綠毫相光 大綠毫相光 154b>金毫相光 大金毫相光 慶雲毫相光 大慶雲毫相光 千輪毫光 大千輪毫光 寶輪毫光 大寶輪毫光 日輪毫光 大日輪毫光 月輪毫光 155a>大月輪毫光 宮殿毫光 大宮殿毫光 海雲毫光 大海雲毫光
放如是等毫相光已，
頂門上애 이트렛 毫相光을 펴시고
出微妙音，告諸大衆、天龍八部、人、非人等：
微妙音을 내샤 大衆 天 龍 八部 人 非人 等의게 니ᄅᆞ샤ᄃᆡ
「聽吾今日 於忉利天宮 稱揚讚歎 地藏菩薩 於人天中 利益等事、不思議事、超聖因事、證十地事、畢竟不退阿耨多羅三藐三菩提事。」
내 ^ 오ᄂᆞᆳ날 忉利天宮에셔 地藏菩薩이 人天 中에 利益ᄒᆞᄂᆞᆫ 일ᄃᆞᆯ콰 不思議옛 일와 聖因에 건내ᄠᅱᆫ 일와 十地 證혼 일와 乃終내 阿耨多羅三藐三菩提예 므르디 아니ᄒᆞᄂᆞᆫ 이ᄅᆞᆯ 稱揚讚^歎커든
說是語時，會中有一菩薩摩訶薩，名觀世音，
드르라 이 말 니ᄅᆞ실 쩨 會中에 ᄒᆞᆫ 菩薩摩訶薩이 일후미 觀世音이러시니
從座而起，胡跪合掌白佛言：
座애셔 니르샤 ᄭᅮ러 合掌ᄒᆞ샤 부텻긔 ᄉᆞᆯᄫᆞ샤ᄃᆡ
世尊，是地藏菩薩摩訶薩具大慈悲，憐愍罪苦衆生，
世尊하 이 地藏菩薩摩訶薩이 큰 慈悲 ᄀᆞ자 罪苦衆生ᄋᆞᆯ 어엿비 ^ 너기샤
於千萬億世界，化千萬億身。
千萬億 世界예 千萬億 모ᄆᆞᆯ 化ᄒᆞ샤
所有功德及不思議威神之力。我聞世尊，與十方無量諸佛，異口同音，讚歎地藏菩薩云：
두겨신 功德과 不思議 威神力을 내 ᄒᆞ마 世尊이 十方無量 諸佛와로 다ᄅᆞᆫ 이비샤ᄃᆡ ᄒᆞᆫ 소리로 地藏菩薩ᄋᆞᆯ 讚歎커시ᄂᆞᆯ 듣ᄌᆞᄫᅩ니
正使過去現在未來諸佛，說其功德，猶不能盡。
엇뎨 過去 ^ 現在 未來 諸佛이 功德을 니ᄅᆞ샤도 오히려 다 몯ᄒᆞ시리ᅌᅵᆺ고
向者，又蒙世尊，普告大衆：
아ᄅᆡ ᄯᅩ 世尊이 大衆의게 너비 니ᄅᆞ샤ᄃᆡ
欲稱揚地藏利益等事。
地藏利益 等事ᄅᆞᆯ 稱揚코져 ᄒᆞ노라 ᄒᆞ시니
唯願世尊，爲現在未來一切衆生，稱揚地藏不思議事，
願ᄒᆞᆫᄃᆞᆫ 世尊이 現在 未來 一切 衆生 爲ᄒᆞ^샤 地藏不思議事ᄅᆞᆯ 稱揚ᄒᆞ샤
令天龍八部，瞻禮獲福。
天 龍 八部ㅣ 저ᅀᆞᄫᅡ 福 얻게 ᄒᆞ쇼셔
佛告觀世音菩薩：
부톄 觀世音菩薩ᄃᆞ려 니ᄅᆞ샤ᄃᆡ
汝於娑婆世界有大因緣。
네 娑婆世界예 큰 因緣이 이셔
若天若龍、若男若女、若神若鬼、乃至六道罪苦衆生，聞汝名者、見汝形者、戀慕汝者、讚歎汝者。是諸衆生，於無上道，必不退轉。
天이어나 龍이어나 男이어나 女ㅣ어나 神이어나 鬼어나 六^道 罪苦衆生애 니르리 네 일훔 드르니와 네 야ᇰᄌᆞ 보니와 너 그 그리ᄂᆞ니와 너 讚歎ᄒᆞᄂᆞ니와 이 衆生ᄃᆞᆯ히 다 無上道애 반ᄃᆞ기 退轉티 아니ᄒᆞ야
常生人天，具受妙樂。
샤ᇰ녜 人天에 나 妙樂ᄋᆞᆯ ᄀᆞ초 受ᄒᆞ야
因果將熟，遇佛受記。
因果ㅣ 쟈ᇰᄎᆞ 니그면 부텻 授記^ᄅᆞᆯ 맛나리니
汝今具大慈悲，
네 이제 큰 慈悲 ᄀᆞ자
憐愍衆生，及天龍八部，
衆生과 天 龍 八部ᄅᆞᆯ 어엿비 너겨
聽吾宣說地藏菩薩不思議利益之事。
내ᄋᆡ 地藏菩薩ㅅ 不思議 利益 이ᄅᆞᆯ 펴 니ᄅᆞ거든 듣고져 ᄒᆞᄂᆞ니
汝當諦聽，吾今說之。
네 ᄉᆞᆯ펴 드르라 내 이제 닐오리라
觀世音言：
觀世音이 ᄉᆞᆯᄫᆞ샤ᄃᆡ
唯然，世尊，願樂欲聞！
唯然 世尊하 願ᄒᆞᆫᄃᆞᆫ ^ 듣ᄌᆞᆸ고져 ᄒᆞ노ᅌᅵ다
佛告觀世音菩薩：
부톄 觀世音菩薩ᄃᆞ려 니ᄅᆞ샤ᄃᆡ
「未來現在諸世界中，有天人受天福盡，有五衰相現，或有墮於惡道之者。
未來 現在 諸世界 中에 天人이 天福이 다아 五衰相이 現커나 시혹 惡道애 ᄠᅥ러디리 이셔
如是天人，若男若女，當現相時，或見地藏菩薩形像，或聞地藏菩薩名，一瞻一禮，
이 ᄀᆞᆮᄒᆞᆫ 天人이 男이어나 女ㅣ어나 相現ᄒᆞᇙ 저긔 시^혹 地藏菩薩ㅅ 形像ᄋᆞᆯ 보거나 시혹 地藏菩薩ㅅ 일후믈 듣거나 一瞻禮ᄒᆞ면
없음
瞻은 볼씨라
是諸天人，轉增天福，受大快樂，
이 天人이 天福이 더어 큰 快樂ᄋᆞᆯ 受ᄒᆞ야
永不墮三惡道報。
기리 三惡道報애 디나디 아니ᄒᆞ리니
何況見聞菩薩，
ᄒᆞᄆᆞᆯ며 菩薩ᄋᆞᆯ 보며 듣고
以諸香、華、衣服、飲食、寶貝、瓔珞，布施供養，
여러가^짓 香花 衣服 飮食 寶貝 瓔珞ᄋᆞ로 布施 供養호미ᄯᆞ녀
所獲功德福利，無量無邊。
어둔 功德 福利 無量 無邊ᄒᆞ리라
「復次，觀世音！若未來現在諸世界中，六道衆生，臨命終時，得聞地藏菩薩名，
ᄯᅩ 觀世音아 ᄒᆞ다가 未來 現在 諸世界 中에 六道 衆生이 ᄒᆞ마 命終ᄒᆞᆯ 쩨 地藏^菩薩ㅅ일후믈 드러
一聲歷耳根者，是諸衆生，永不歷三惡道苦。
ᄒᆞᆫ 소리 耳根에 디나면 이 衆生ᄃᆞᆯ히 기리 三惡道苦애 디나디 아니ᄒᆞ리니
何況臨命終時，父母眷屬，將是命終人舍宅、財物、寶貝、衣服，塑畫地藏形像。
ᄒᆞᄆᆞᆯ며 ᄒᆞ마 命終ᄒᆞᇙ 제 父母 眷屬이 이 命終ᄒᆞᇙ 사ᄅᆞᄆᆡ 지비며 財物이며 寶貝며 衣服ᄋᆞ로 地藏像ᄋᆞᆯ 塑^畵커나
或使病人未終之時，眼耳見聞，知道眷屬將舍宅寶貝等，爲其自身，塑畫地藏菩薩形像。
시혹 病人이 죽디 아니ᄒᆞᆫ 제 眷屬이 지비며 寶貝ᄃᆞᆯᄒᆞ로 제 몸 爲ᄒᆞ야 地藏菩薩ㅅ 像ᄋᆞᆯ 塑畵호ᄆᆞᆯ 시혹 눈 귀예 보며 드러 알면
是人若是業報合受重病者，
이 사ᄅᆞ미 ᄒᆞ다가 業報ㅣ 重ᄒᆞᆫ 病을 ᄒᆞᇙ 사ᄅᆞ미라도
承斯功德，尋卽除愈，壽命增益。
이 功德으로 즉재 됴하 목수미 ^ 더으리며
是人若是業報命盡，
이 사ᄅᆞ미 ᄒᆞ다가 業報로 命이 다아
應有一切罪障業障，合墮惡趣者，
一切 罪障 業障ᄋᆞ로 惡趣에 ᄠᅥ러디ᇙ 사ᄅᆞ미라도
承斯功德，命終之後，卽生人天，受勝妙樂，
이 功德으로 命終ᄒᆞᆫ 後에 즉재 人天에 나 勝妙樂ᄋᆞᆯ 受ᄒᆞ야
一切罪障，悉皆銷滅。
一切 罪障이 다 消滅ᄒᆞ리라
復次觀世音菩薩：若未來世，有男子女人，或乳哺時、
ᄯᅩ 觀世^音菩薩아 ᄒᆞ다가 未來世예 男子 女人이 시혹 졋 머그ᇙ 제어나
或三歲、五歲、十歲以下，亡失父母，乃及亡失兄弟姐妹，
시혹 三歲 五歲 十歲 아래 父母ᄅᆞᆯ 일커나 兄弟 姉妹ᄅᆞᆯ 일커나
없음
姉ᄂᆞᆫ ᄆᆞᆮ누의오 妹ᄂᆞᆫ 아ᅀᆞ누의라
是人年既長大，思憶父母及諸眷屬，
이 사ᄅᆞ미 나히 ᄌᆞ라 父母와 眷屬ᄃᆞᆯᄒᆞᆯ 思憶ᄒᆞ야
不知落在何趣、生何世界、生何天中？
아모 ^ 趣에 ᄠᅥ러디며 아모 世界예 나며 아모 天 中에 냇ᄂᆞᆫ ᄃᆞᆯ 몰라
是人若能塑畫地藏菩薩形像，
이 사ᄅᆞ미 ᄒᆞ다가 能히 地藏菩薩ㅅ 像ᄋᆞᆯ 塑畵커나
乃至聞名，一瞻一禮，
일훔 듣고 一瞻 一禮호매 니를어나
一日至七日，莫退初心，
一日로 七日 至히 첫 ᄆᆞᅀᆞᄆᆞᆯ 므르디 아니ᄒᆞ야
聞名見形，瞻禮供養。
일훔 드르며 야ᇰᄌᆞ 보^아 瞻禮ᄒᆞ야 供養ᄒᆞ면
是人眷屬，假因業故，墮惡趣者，計當劫數，
이 사ᄅᆞᄆᆡ 眷屬이 비록 業 다ᄉᆞ로 惡趣에 ᄠᅥ러디ᇙ 사ᄅᆞ미 劫數ᄅᆞᆯ 혜리라도