월인석보 20권
婢子答言：『罪苦之事，不忍稱說，
婢子ㅣ 對答호ᄃᆡ 罪苦ㅅ 이ᄅᆞᆫ ᄎᆞ마 몯 니ᄅᆞ리로다
百千歲中，卒白難竟。』
百千歲中에 몯 다 니ᄅᆞ리라
光目聞已，啼淚號泣而白空界：
光目이 듣^고 블러 우러 虛空界예 ᄉᆞᆯᄫᅩᄃᆡ
願我之母，永脫地獄，畢十三歲，
願ᄒᆞᆫᄃᆞᆫ 내 어미 地獄ᄋᆞᆯ 기리 버서 열세ᄒᆡ ᄆᆞᆺ고
更無重罪，及歷惡道。
다시 重罪와 ᄯᅩ 惡道애 ᄃᆞᆮ디 아니케 ᄒᆞ쇼셔
十方諸佛慈哀愍我，
十方諸佛이 慈悲로 나ᄅᆞᆯ 어엿비 너기샤
聽我爲母所發廣大誓願。
내ᄋᆡ 어미 爲ᄒᆞ야 發혼 廣大誓願ᄋᆞᆯ 드르쇼셔
若得我母永離三途及斯下賤，乃至女人之身永劫不受者。
ᄒᆞ다^가 내 어미 三塗와 이 ᄂᆞᆯ아ᄫᅳᆷ과 女人 모매 니르리 기리 여희여 긴 劫에 受티 아니ᄒᆞ면
願我自今日後，對淸淨蓮華目如來像前，
願ᄒᆞᆫᄃᆞᆫ 내 오ᄂᆞᆯ브터 後로 淸淨蓮華目如來ㅅ 像前에 對ᄒᆞᅀᆞᄫᅡ
卻後百千萬億劫中，應有世界，所有地獄及三惡道諸罪苦衆生，誓願救拔，
이 後ㅅ 百千萬億劫 中에 世界예 잇ᄂᆞᆫ 地獄과 58a>三惡道앳 罪苦衆生ᄃᆞᆯᄒᆞᆯ 誓願ᄒᆞ야 救ᄒᆞ야 ᄲᅡᅘᅧ
令離地獄惡趣，畜生餓鬼等，
地獄惡趣畜生餓鬼 等을 여희에 ᄒᆞ야
如是罪報等人，盡成佛竟，我然後方成正等正覺。
이 ᄀᆞᆮᄒᆞᆫ 罪報앳 사ᄅᆞᆷᄃᆞᆯ히 다 부텨를 일운 後예ᅀᅡ 내 正覺ᄋᆞᆯ 일워지ᅌᅵ다 ᄒᆞ야
發誓願已，具聞淸淨蓮華目如來而告之曰：
誓願ᄋᆞᆯ 發ᄒᆞ니 淸淨蓮華^目如來ㅅ 마ᄅᆞᆯ 듣ᄌᆞᄫᅩ니 니ᄅᆞ샤ᄃᆡ
光目，汝大慈愍，善能爲母發如是大願。
光目아 네 大慈愍ᄒᆞ야 能히 어미 爲ᄒᆞ야 이런 大願ᄋᆞᆯ 發ᄒᆞᄂᆞ니
吾觀汝母十三歲畢，捨此報已，生爲梵志，壽年百歲。
내 보ᄃᆡ 네 어미 열세ᄒᆡ ᄆᆞᄎᆞ면 이 報 ᄇᆞ리고 梵志 ᄃᆞ외야 나 목수미 百歲리니
過是報後，當生無憂國土，壽命不可計劫。
이 報 디난 後에 無憂 國土애 나 ^ 목수미 몯 혜ᇙ 劫이리라
後成佛果，廣度人天，數如恆河沙。
그 後에 成佛ᄒᆞ야 人天을 너비 濟度ᄒᆞ야 數ㅣ 恒河沙 ᄀᆞᆮᄒᆞ리라
佛告定自在王：
부톄 定自在王ᄃᆞ려 니ᄅᆞ샤ᄃᆡ
爾時羅漢福度光目者，卽無盡意菩薩是。
그ᄢᅴᆺ 羅漢이 光目일 福度ᄒᆞ더닌 無盡意菩薩이 긔오
光目母者，卽解脫菩薩是，
光目ᄋᆡ 어미ᄂᆞᆫ 解脫^菩薩이 긔오
光目女者卽地藏菩薩是。
光目女ᄂᆞᆫ 地藏菩薩이 긔라
過去久遠劫中，如是慈愍，發恆河沙願，廣度衆生。
디나건 오란 劫 中에 이 ᄀᆞ티 慈愍ᄒᆞ야 恒河沙願ᄋᆞᆯ 發ᄒᆞ야 衆生ᄋᆞᆯ 너비 濟度ᄒᆞᄂᆞ니
未來世中，若有男子女人，不行善者行惡者，乃至不信因果者，邪婬妄語者，兩舌惡口者，毀謗大乘者，如是諸業衆生，必墮惡趣。
未來世 中에 ᄒᆞ다가 男子 女人이 善 아니 行ᄒᆞᄂᆞ니와 모딘 ^ 일 行ᄒᆞᄂᆞ니와 因果 信티 아니호매 니를며 邪淫妄語ᄒᆞᄂᆞ니와 [邪淫은 제 겨집 아니면 다 邪淫이라 妄語는 거즛마리라] 兩舌惡口 ᄒᆞᄂᆞ니와 [兩舌ᄋᆞᆫ 두 가짓 혜니 ᄂᆞᄆᆡ ᄉᆞᅀᅵ예 싸호게 ᄒᆞᆯ씨라 惡口ᄂᆞᆫ 모딘 이비라] 大乘 허러 비웃ᄂᆞ니와 이 ᄀᆞᆮᄒᆞᆫ 여러 가짓 業엣 衆生이 반ᄃᆞ기 惡^趣예 ᄠᅥ러디리니
若遇善知識，勸令一彈指間，歸依地藏菩薩，
ᄒᆞ다가 善知識ᄋᆞᆯ 맛나 勸ᄒᆞ야 ᄒᆞᆫ 彈指 ᄊᆞᅀᅵ나 地藏菩薩ᄋᆞᆯ 歸依케 ᄒᆞ면
是諸衆生，卽得解脫三惡道報。
이 衆生ᄃᆞᆯ히 곧 三惡道報 버수믈 得ᄒᆞ리니
若能志心歸敬及瞻禮讚歎，
ᄒᆞ다가 能히 至極ᄒᆞᆫ ᄆᆞᅀᆞᄆᆞ로 歸敬ᄒᆞ며 울워러 절ᄒᆞ며 讚歎ᄒᆞ^며
香華衣服，種種珍寶，或復飲食，如是奉事者。未來百千萬億劫中，常在諸天受勝妙樂。
香華 衣服 種種 珍寶와 시혹 ᄯᅩ 飮食ᄋᆞ로 이 ᄀᆞ티 위와 다 셤기ᇙ 사ᄅᆞᄆᆞᆫ 未來百千萬億 劫 中에 샤ᇰ녜 諸天에 이셔 勝妙樂ᄋᆞᆯ 受ᄒᆞ리니
若天福盡，下生人間，
天福이 다아 人間애 ᄂᆞ려 나도
猶百千劫常爲帝王，能憶宿命因果本末。
오히려 百千 劫을 샤ᇰ녜 帝^王이 외야 能히 宿命 因果 本末ᄋᆞᆯ ᄉᆡᆼ각ᄒᆞ리라
定自在王！如是地藏菩薩有如此不可思議大威神力，廣利衆生
定自在王아 이 ᄀᆞ티 地藏菩薩이 이 ᄀᆞᆮᄒᆞᆫ 不可思議大威神力이 이셔 衆生ᄋᆞᆯ 너비 利ᄒᆞᄂᆞ니
汝等諸菩薩當記是經廣宣流布。
너희 諸菩薩이 이 經을 ᄆᆞᅀᆞ매 가져 너비 펴 流^布ᄒᆞ라
定自在王白佛言：
定自在王이 부텻긔 ᄉᆞᆯᄫᆞ샤ᄃᆡ
世尊，願不有慮。
世尊하 願ᄒᆞᆫᄃᆞᆫ 分別 마ᄅᆞ쇼셔
我等千萬億菩薩摩訶薩，必能承佛威神
우리 千萬億 菩薩摩訶薩ᄃᆞᆯ히 반ᄃᆞ기 能히 부텻 威神ᄋᆞᆯ 받ᄌᆞᄫᅡ
廣演是經，於閻浮提利益衆生。
이 經을 너비 불어 閻浮提예 衆生ᄋᆞᆯ 利益호리ᅌᅵ다
定自在王菩薩白世尊已，合掌恭敬作禮而退。
定自^在王菩薩이 世尊ᄭᅴ ᄉᆞᆯᄫᆞ시고 合掌 恭敬ᄒᆞᅀᆞᄫᅡ 禮數ᄒᆞᅀᆞᆸ고 므르시니라
爾時四方天王俱從座起，合掌恭敬白佛言：
그ᄢᅴ 四方天王이 다 座로셔 니러 合掌 恭敬ᄒᆞ야 부텻긔 ᄉᆞᆯᄫᆞ샤ᄃᆡ
世尊，地藏菩薩於久遠劫來，發如是大願，
世尊하 地藏菩薩이 久遠劫브터 오매 이 ᄀᆞᆮᄒᆞᆫ 大^願을 發ᄒᆞ샤ᄃᆡ
云何至今猶度未絕，更發廣大誓言。
엇뎨 이제ᄃᆞ록 ᄉᆞᆫᄌᆡ 度脫호ᄆᆞᆯ 몯 그쳐 다시 넙고 큰 盟誓ᄅᆞᆯ 發ᄒᆞ시ᄂᆞ니ᅌᅵᆺ고
唯願世尊爲我等說。
願ᄒᆞᆫᄃᆞᆫ 世尊이 우리 爲ᄒᆞ야 니ᄅᆞ쇼셔
佛告四天王：
부톄 四天王ᄃᆞ려 니ᄅᆞ샤ᄃᆡ
善哉善哉！
됴타 됴타
吾今爲汝及未來現在天人衆等，
내 이제 너와 未來 現在 天人衆ᄃᆞᆯ 爲ᄒᆞ야
廣利益故，說地藏菩薩於娑婆世界，閻浮提內生死道中，慈哀救拔，
너비 利益ᄒᆞ논 젼ᄎᆞ로 地藏菩薩이 娑婆世界 閻浮提 內예 生死 긼 가온ᄃᆡ 慈悲로 救ᄒᆞ야
度脫一切罪苦衆生方便之事。
一切 罪苦衆生ᄋᆞᆯ 度脫ᄒᆞ논 方便ㅅ 이ᄅᆞᆯ 닐오리라
四天王言：唯然世尊，願樂欲聞。
四天王이 ᄉᆞᆯᄫᅩᄃᆡ 唯然世尊하 願^ᄒᆞᆫᄃᆞᆫ 듣ᄌᆞᆸ고져 ᄒᆞ노ᅌᅵ다
佛告四天王：
부테 四天王ᄃᆞ려 니ᄅᆞ샤ᄃᆡ
地藏菩薩久遠劫來，迄至於今，度脫衆生，
地藏菩薩이 오란 劫브터 오매 이제 니르리 衆生ᄋᆞᆯ 度脫호ᄃᆡ
猶未畢願，慈愍此世罪苦衆生。
ᄉᆞᆫᄌᆡ 願ᄋᆞᆯ ᄆᆞᆺ디 몯ᄒᆞ야 이 世옛 罪苦衆生ᄋᆞᆯ 어엿비 너기며
復觀未來無量劫中，因蔓不斷，以是之故，又發重願。
未來 無量劫 中에 너추러 긋디 아^니호ᄆᆞᆯ 만히 볼ᄊᆡ ᄯᅩ 重願을 發ᄒᆞ야
如是菩薩於娑婆世界，閻浮提中，百千萬億方便，而爲教化。
娑婆世界 閻浮提 中에 百千萬億 方便으로 敎化ᄒᆞᄂᆞ니라
四天王，地藏菩薩若遇殺生者，說宿殃短命報。
四天王아 地藏菩薩이 殺生ᄒᆞ릴 맛나ᄃᆞᆫ 아ᄅᆡᆺ 殃으로 短命報ᄅᆞᆯ 니ᄅᆞ고
若遇竊盜者，說貧窮苦楚報。
도ᄌᆞᆨᄒᆞ릴 맛나ᄃᆞᆫ 艱^難ᄒᆞ며 受苦ᄒᆞᇙ 報ᄅᆞᆯ 니ᄅᆞ고
若遇邪婬者，說雀鴿鴛鴦報。
邪淫ᄒᆞ릴 맛나ᄃᆞᆫ 새 비두리 鴛荒報ᄅᆞᆯ 니ᄅᆞ고
若遇惡口者，說眷屬鬥諍報。
惡口ᄒᆞ릴 맛나ᄃᆞᆫ 眷屬이 싸호ᇙ 報ᄅᆞᆯ 니ᄅᆞ고
若遇毀謗者，說無舌瘡口報。
허러 비우ᅀᅳ릴 맛나ᄃᆞᆫ 혀 업고 입 허ᇙ 報ᄅᆞᆯ 니ᄅᆞ고
若遇瞋恚者，說醜陋癃殘報。
瞋恚ᄒᆞ릴 맛나ᄃᆞᆫ 골 업스며 더럽고 隆殘報ᄅᆞᆯ 니^ᄅᆞ고
若遇慳吝者，說所求違願報。
앗기릴 맛나ᄃᆞᆫ 求ᄒᆞ논 이리 願에 어긔ᇙ 報ᄅᆞᆯ 니ᄅᆞ고
若遇飲食無度者，說飢渴咽病報。
飮食法 업시 머그릴 맛나ᄃᆞᆫ 주으리며 목ᄆᆞᄅᆞ며 모ᄀᆡ 病ᄒᆞᇙ 報ᄅᆞᆯ 니ᄅᆞ고
若遇畋獵恣情者，說驚狂喪命報。
ᄆᆞᄉᆞᆷㅅ ᄀᆞ자ᇰ 山行ᄒᆞ릴 맛나ᄃᆞᆫ 놀라 미쳐 命 배ᇙ 報ᄅᆞᆯ 니ᄅᆞ고
若遇悖逆父母者，說天地災殺報。
父母ᄭᅴ 悖逆ᄒᆞ릴 맛나ᄃᆞᆫ 天地災殺^報ᄅᆞᆯ 니ᄅᆞ고
若遇燒山林木者，說狂迷取死報。
山林木 ᄉᆞᆯ릴 맛나ᄃᆞᆫ 미쳐 迷惑ᄒᆞ야 주그ᇙ 報ᄅᆞᆯ 니ᄅᆞ고
若遇前後父母惡毒者，說返生鞭撻現受報。
前後 父母의게 惡毒ᄒᆞ릴 맛나ᄃᆞᆫ 매마졸 이ᄅᆞᆯ 내야 現生애 受ᄒᆞᇙ 報ᄅᆞᆯ 니ᄅᆞ고 그
若遇網捕生雛者，說骨肉分離報。
믈로 삿기 자ᄇᆞ릴 맛나ᄃᆞᆫ 骨肉이 여희ᇙ 報ᄅᆞᆯ 니ᄅᆞ고
없음
骨肉은 ᄲᅧ와 ᄉᆞᆯ쾌니 어버ᅀᅵ 子^息 兄弟 夫妻ᄃᆞᆯᄒᆞᆯ 니ᄅᆞ니라
若遇毀謗三寶者，說盲聾瘖啞報。
三寶 허러 비우ᅀᅳ릴 맛나ᄃᆞᆫ 눈 멀며 귀머그며 입버우ᇙ 報ᄅᆞᆯ 니ᄅᆞ고
若遇輕法慢教者，說永處惡道報。
法 므더니 너기며 ᄀᆞᄅᆞ춈 업시우릴 맛나ᄃᆞᆫ 惡道애 오래 이슈ᇙ 報ᄅᆞᆯ 니ᄅᆞ고
若遇破用常住者，說億劫輪迴地獄報。
常住 허러 ᄡᅳ릴 맛나ᄃᆞᆫ 億劫에 地獄애 輪廻ᄒᆞᇙ 報ᄅᆞᆯ 니ᄅᆞ고
若遇污梵誣僧者，說永在畜生報。
조ᄒᆞᆫ ^ ᄒᆡᇰ뎍 더러ᄫᅵ며 즁 소기릴 맛나ᄃᆞᆫ 畜生애 오래 이시ᇙ 報ᄅᆞᆯ 니ᄅᆞ고
若遇湯火斬斫傷生者，說輪迴遞償報。
湯火ㅣ며 버히며 산 것 傷ᄒᆞ릴 맛나ᄃᆞᆫ 輪廻ᄒᆞ야 서르 가ᄑᆞᇙ 報ᄅᆞᆯ 니ᄅᆞ고
若遇破戒犯齋者，說禽獸飢餓報。
戒ᄅᆞᆯ 헐며 齋ᄅᆞᆯ 犯ᄒᆞ릴 맛나ᄃᆞᆫ 禽獸 ᄃᆞ외야 주으리ᇙ 報ᄅᆞᆯ 니ᄅᆞ고
若遇非理毀用者，說所求闕絕報。
理 아닌 ᄃᆡ 허러 ᄡᅳ릴 맛나ᄃᆞᆫ ^ 求ᄒᆞ논 거시 그처디ᇙ 報ᄅᆞᆯ 니ᄅᆞ고
若遇吾我貢高者，說卑使下賤報。
내 노포라 ᄒᆞ릴 맛나ᄃᆞᆫ ᄂᆞᆺ가ᄫᅵ 브리이ᇙ 報ᄅᆞᆯ 니ᄅᆞ고
若遇兩舌鬥亂者，說無舌百舌報。
兩舌로 싸호릴 맛나ᄃᆞᆫ 혀 업스며 온 혀 가지ᇙ 報ᄅᆞᆯ 니ᄅᆞ고
若遇邪見者，說邊地受生報。
邪見ᄒᆞ릴 맛나ᄃᆞᆫ ᄀᆞᆺ ᄯᅡ해 受生報ᄅᆞᆯ 닐어
如是等閻浮提衆生，身口意業，惡習結果，百千報應，今粗略說。
이트렛 閻浮提衆生이 身口意業 모^딘 ᄇᆡᄒᆞ스로 果ᄅᆞᆯ ᄆᆡ자 千報應을 이제 멀톄로 니ᄅᆞ노니
如是等閻浮提衆生業感差別，地藏菩薩百千方便而教化之。
이트렛 閻浮提衆生ᄋᆡ 業感ᄒᆞᄂᆞᆫ 差別을 地藏菩薩이 百千 方便으로 敎化ᄒᆞᄂᆞ니
是諸衆生，先受如是等報，
이 衆生ᄃᆞᆯ히 몬져 이트렛 報ᄅᆞᆯ 受코
後墮地獄，動經劫數，無有出期。
後에 地獄애 ^ ᄠᅥ러디여 든 다마다 劫數를 디내야 나ᇙ 그지 업스니
是故汝等護人護國，
이럴ᄊᆡ 너희 사ᄅᆞᆷ 護持ᄒᆞ며 나라 護持ᄒᆞ야
無令是諸衆業迷惑衆生。
이 여러 가짓 業으로 衆生ᄋᆞᆯ 迷惑게 말라
四天王聞已，涕淚悲歎合掌而退。
四天王이 듣ᄌᆞᆸ고 누ᇇ믈 흘려 슬허 讚歎ᄒᆞᅀᆞᆸ고 合掌ᄒᆞ야 믈러나니라
없음
具足水^火 吉祥光明 大記明呪 惣持章句ㅣ라
없음
내 過去殑伽沙 等 佛 世尊ᄭᅴ 이 陀羅尼ᄅᆞᆯ 親히 받ᄌᆞᄫᅡ 受持호니
없음
能히 一切 白法을 增長케 ᄒᆞ며
없음
一切 種子 根 披 芽 莖 枝 ^ 葉 華果 藥穀 精氣 滋味ᄅᆞᆯ 增長ᄒᆞ며
없음
雨澤ᄋᆞᆯ 增長ᄒᆞ며
없음
有益ᄒᆞᆫ 地水火風ᄋᆞᆯ 增長ᄒᆞ며
없음
喜樂ᄋᆞᆯ 增長ᄒᆞ며
없음
財寶ᄅᆞᆯ 增長ᄒᆞ며
없음
勝力ᄋᆞᆯ 增長ᄒᆞ며
없음
一切 受用ᄒᆞᇙ 資具ᄅᆞᆯ 增^長ᄒᆞ며
없음
資具ᄂᆞᆫ 資生ᄒᆞᇙ 거시라
없음
이 陀羅尼ᄂᆞᆫ 能히 一切 智慧ᄅᆞᆯ 猛利케 ᄒᆞ야 煩惱賊ᄋᆞᆯ ᄒᆞ야ᄇᆞ리ᄂᆞ니ᅌᅵ다 ᄒᆞ시고
없음
즉재 呪를 니ᄅᆞ샤ᄃᆡ
없음
讖蒱 츰츰뿌[一] 讖蒱 츰뿌[二] 讖讖蒱 츰츰뿌[三] 阿迦舍讖蒱 ᅙᅡ갸셔츰뿌[四] 縛羯@[口+洛]讖蒱 ᄬᅡᇦ겨ᇹ라ᇦ츰뿌[五] 菴^跋@[口+洛]讖蒱 ᅙᅡᆷ붜ᇹ라ᇦ츰뿌[六] 茷羅讖蒱 ᄫᅵ러츰뿌[七] 伐折@[口+洛]讖蒱 ᄬᅡᇹ져ᇹ라ᇦ츰뿌[八] 阿路迦讖蒱 ᅙᅡ루갸츰뿌[九] 萏摩讖蒱 땀붜츰뿌[十] 薩帝[丁簸反]摩讖蒱 샤ᇹ더뭐츰뿌[十一] 薩帝[丁簸反]昵[泥吉反]訶摩讖蒱 샤ᇹ너니ᇹ허뭐츰뿌[十二] 毗婆[縛迦反]路迦揷婆讖蒱 삐ᄬᅡ루갸차ᇹ뿨츰뿌[十三] 鄔波睒摩^讖蒱 ᅙᅮ붜셤뭐츰뿌[十四] 奈野娜析讖蒱 내여나츰뿌[十五] 鉢刺惹三牟底[都異反]刺拏讖蒱 붜ᇹ라ᇹᅀᅧ삼므ᇢ디라ᇹ나츰뿌[十六] 刹拏讖蒱 차ᇹ나츰뿌[十七] 毗濕婆[縛迦反]讖蒱 삐씨ᇹᄬᅡ리여츰뿌 [十八] 舍薩多臘婆[縛迦反]讖蒱 셔사ᇹ더라ᇹᄬᅡ츰뿌[十九] 毗掗[汪賀反]茶素[上聲]吒 삐ᅙᅥ짜수재[知戒反 二十] 莫醯隷 ^ 마ᇦ히리[二十一] 萏謎 땀미[二十二] 睒謎 셤미[二十三] 斫羯@[口+洛]細 쟈ᇦ겨ᇹ라ᇦ시[二十四] 斫羯洛沬四隷 쟈ᇦ겨ᇹ라ᇦ믜스ᇫ리[二十五] 厠[初几反]隷 치리[二十六] 諀[四里反]隷 시리[二十七] 揭刺婆跋羅伐刺帝 껴ᇹ라ᇹ뿨붜ᇹ러ᄬᅡᇹ라ᇹ다[二十八] @[户+欠][許矣反]隷 히리[二十九] 鉢臘薜 붜ᇹ라ᇹ삐[三十] 鉢刺遮囉@[食+尼]怛泥 붜ᇹ라ᇹ져러니다ᇹ니[去聲 ^ 三十一] 曷刺怛泥 ᅘᅥᇹ라ᇹ다ᇹ니[去聲 三十二] 播囉 붜러[三十三] 遮遮遮遮 져져져져[三十四] @[户+欠]隷 히리[三十五] 弭隷 미리[三十六] 黳羯他 ᅙᅵ겨ᇹ타[三十七] 託契 타ᇦ키[三十八] 託齲盧 타ᇦ뀨루[三十九] 闥隷 타ᇹ리 [四十] 闥隷 타ᇹ리[四十一] 弭@[口+隷] 미리[四十二] 磨綻 뭐때[徒界反 四十三] 癉綻 더때[徒界反 四十四] 矩隷[四十五] 弭隷 미리^[四十六] 盎矩之多毗 ᅙᅡᇰ규즈ᇫ더삐[四十七] 遏@[口+梨] ᅙᅥᇹ리[四十八] 祁[上聲]@[口+梨] 끼리[四十九] 波羅祁[上聲]@[口+梨] 붜러끼리 [五十] 矩吒苫沬隷 규차셤믜리[五十一] 敦祗 찌ᇰ끼[上宅耕反 五十二] 敦祗 둔끼[下癸計反 五十三] 敦具隷 둔뀨리[五十四] 滸盧 후루[五十五] 滸盧 후루[五十六] 滸盧 후루[五十七] 矩盧窣都弭隷 규루수ᇹ두미리[五十八] ^ 彌@[口+李]第 미리띠[五十九] 彌@[口+李]綻 미리때[徒界反 六十] 叛茶陀 뿬짜띠[六十一] 喝[訶葛反]羅 히ᇹ러[六十二] @[户+欠][許矣反]梨 梨 히리[六十三] 滸盧 후루[六十四] 滸魯盧 후루루[六十五]
爾時普賢菩薩摩訶薩白地藏菩薩言：
그ᄢᅴ 普賢菩薩訶薩이 地藏菩薩ᄭᅴ ᄉᆞᆯᄫᆞ샤ᄃᆡ
仁者，願爲天龍四衆，及未來現在一切衆生，